Die leer van die hel (4)
“When God saves you, he doesn’t do it because you gave him permission. He did it because he’s God.” Matt Chandler
Die leer van die hel (4)
J. D. Greear het ‘n blogreeks oor die hel geskryf. Hoekom? Want dit was ‘n onderwerp wat veroorsaak het dat hy amper sy geloof verloor het. Hy sê dat die hel ‘n moeilike werklikheid is, maar dit is iets wat die Bybel ons leer. Ons kan nie vir God en sy wêreld verstaan as ons nie stoei met die leer van die hel nie. Wanneer laas het jy ‘n preek oor die hel gehoor? Daar is soveel verwarring oor hierdie onderwerp dat ek besluit het om na hierdie artikels te kyk.
‘n Algemene vraag is: “As mense net verlos word omdat hulle die evangelie glo, wat word dan van daardie mense wat nooit die evangelie gehoor het nie?” Die idee dat God mense wat nog nooit van Jesus gehoor het nie in die hel gooi, klink onregverdig. Hoe kan jy mense aanspreeklik hou vir iets waarvan hulle nog nooit gehoor het nie?
Meeste mense glo vandag dat aan die einde sal alles uitwerk. Almal kom in die hemel behalwe miskien Sadam Hussein en kindermolesteerders. Maar is dit wat die Bybel – veral Romeine 1 – sê?
- Alle mense het van God gehoor
Wat ‘n mens van God kan weet, was immers binne hulle bereik, want God het dit binne hulle bereik gebring (Romeine 1:19). Hoe is dit moontlik?
Een: Die mooiheid en skoonheid van die skepping leer vir ons dat daar ‘n Skepper is. Daar is ‘n natuurlike, ingebore sin van wonder en eerbied as ons na die skepping kyk. Ons kyk om ons en instinktief weet ons dit kom nie van nêrens nie. Die skepping roep uit dat ‘n almagtige Skepper teenwoordig is.
Twee: Die teenwoordigheid van ‘n gewete in elkeen van ons wat vir ons sê dat daar ‘n Wetgewer is. Ons weet dat daar reg en verkeerd is. As my gewete vir my sê dat daar iets verkeerds is, is dit ‘n aanduiding dat daar Iemand is aan wie ek eendag verantwoording moet doen.
- Alle mense het God verwerp
Die mens is sedert Adam se tyd in opstand. Al verwerp ons God se gebooie en stel ons eie standaarde verbreek ons hulle – ons weerstaan wat reg is en het dit wat verkeerd is lief. Ons soek nie God se heerlikheid bo alles nie; ons soek ons eie eer en plesier. Daarom sê Paulus:God openbaar vanuit die hemel sy toorn oor al die goddeloosheid en ongeregtigheid van die mense wat die waarheid deur hulle ongeregtigheid probeer onderdruk (Romeine 1:18). Die Skrif laat geen twyfel oor hoe universeel hierdie opstand is nie: Daar is nie een wat goed doen nie. Van die hemel af kyk die Here die mense deur om te sien of daar een verstandige is, een wat na die wil van God vra. Almal het afgedwaal, die laaste een het ontaard, daar is niemand wat goed doen nie, selfs nie een nie (Psalm 14:1 – 3). Hierdie verwerping van God kom in verskillende vorme: ateïsme, afgodery, wettisisme, ens. Al hierdie dinge het een ding in gemeen: hulle is uitdrukkings van die mens wat die gesag en goedheid van God verwerp.
- Alle mense is voor God skuldig
Soms onderskat ons die boosheid van ons sonde. Ons doen verkeerde dinge (soos die gebruik van dwelms, buite-huwelikse seks, ens), maar die kern van sonde is dat ons God haat; ons wil ons nie aan Hom onderwerp nie. Dit alles beteken ons is skuldig, nie oor dinge wat ons nooit gehoor het nie, maar oor dit wat ons gehoor het, maar verwerp het. Ons word veroordeel omdat ons die heerskappy van God verwerp het.
- Net Christus kan ons red
Hoe meer ons van ons eie geregtigheid oortuig word, hoe meer pla God se geregtigheid vir ons. As ek eers besef dat die hel my voorland is, eers dan verstaan ek die grootheid van sy genade. As jy steeds bekommerd is oor die leer van die hel eerder as om verbaas te staan oor God se verlossing, moet ons God vra om ons te help om ons eie toestand te help verstaan … en sy groot genade. Lees die eerste paar hoofstukke van die Romeine-brief en dan besef ons dat ons almal veroordeel is, maar dat ons deur Christus verlos kan word. Sodra ons dit besef het ons drie keuses: Ek kan dit ontken en dit is wat baie Christene doen – hulle pas die Bybel aan om hulle eie voorkeure te pas; ek kan dit ignoreer – jy mag met die leer van die hel saamstem, maar jy leef asof dit nie ‘n werklikheid is nie; ek kan dit glo en aanvaar – dan kan ek soos Jesaja sê: Hier is ek Here, stuur my. Hulle het vir Charles Spurgeon gevra wat sy mening is oor hierdie mense wat nog nooit van Jesus of die evangelie gehoor het nie. Sy antwoord laat ons dink: “How can they be saved without ever hearing about Jesus? We should rather ask, how can we be saved if we do nothing to take the gospel to them?”
“Comfort is the god of our generation, so suffering is seen as a problem to be solved, and not a providence from God.” Matt Chandler Die leer van die hel (3) J. D. Greear het ‘n blogreeks oor die hel geskryf. Hoekom? Want dit was ‘n onderwerp wat veroorsaak het dat hy amper sy geloof verloor het. Hy sê dat die hel ‘n moeilike werklikheid is, maar dit is iets wat die Bybel ons leer. Ons kan nie vir God en sy wêreld verstaan as ons nie stoei met die leer van die hel nie. Wanneer laas het jy ‘n preek oor die hel gehoor? Daar is soveel verwarring oor hierdie onderwerp dat ek besluit het om na hierdie artikels te kyk. Die leer van eksklusiwiteit hou verband met die leer van die hel. As Christene glo ons dat die enigste manier om verlos te word, is deur doelbewuste geloof in Jesus. Hierdie is ‘n baie ongewilde stelling. Baie mense teken beswaar aan hierteen. Hier is ‘n paar besware en moontlike antwoorde daarop. Baie mense glo dat ons godsdienstige besluite is voorkeure – ons kan nie sê dit is reg en dat verkeerd nie. Die Christelike geloof is gebou op die geskiedkundige aanspraak dat Jesus uit die dood opgestaan het. Of dit gebeur het of nie, maak al die verskil in die wêreld. As Jesus uit die dood opgestaan het, is godsdiens nie ‘n saak van persoonlike voorkeur nie. As Jesus uit die dood opgestaan het, lê Hy die aanloopbaan vir verlossing. Die vraag is dus: Glo jy dat Jesus uit die dood uit opgestaan het? As dit so is, moet ons Hom toelaat op die reëls vir verlossing neer te lê.
Vandag word verdraagsaamheid gebruik om te voorkom dat enigeen absolute aansprake van enigiets maak. Elke siening is inherent waardevol en die een is nie beter as die ander een nie. Mense het die reg om van my te verskil en dit is ‘n reg wat ons ten alle koste moet beskerm. Mense moenie gedwing word om te glo wat ek glo nie. Dit beteken verdraagsaamheid vir almal. Ek het die reg om die boodskap wat ek glo God vir my gegee het, te kommunikeer. Die probleem met godsdiens is dat niemand die volle prentjie sien nie. As ons ‘n ander mening hoor, moet ons nie so arrogant wees om sommer te sê dat dit verkeerd is nie. Elkeen sien net ‘n deel van die volle beeld. Christene erken dat hulle nie die volle beeld self kon uitwerk nie. Christene sê egter dat Een wat mens geword het, na ons toe gekom het en die hele beeld aan ons geopenbaar het. Al wat ons kan doen, is om dit te glo. Ons kan tog nie spog met iets wat vir ons geopenbaar is omdat ons nie skerp genoeg was om dit self uit te werk nie. Mense wat glo dat Jesus is wie Hy gesê het Hy is, is nie arrogant nie. In werklikheid doen ons afstand van ons voorkeure vir ‘n waarheid wat aan ons geopenbaar is. Natuurlik is daar baie mense wat sê dat hulle Christene is wat baie arrogant is. Maar mense wat verlos is, kan nie dit glo nie. Hulle het so ‘n diep gevoel van dankbaarheid vir wat God hulle van verlos het – die hel – dat hulle nederig moet wees. Jesus het meer as enigiemand anders in die Bybel oor die hel gepraat. Hoekom? Liefde – Hy weet wat die werklikheid is en Hy wou ons daarvan red. As hel dan ‘n werklikheid is en ons weet van ‘n manier om dit te ontsnap is dit mos wreed om net stil te bly. Hierdie is ‘n ernstige saak. Ons gaan dit later volledig in ‘n hele blog hanteer.
Die leer van die hel (3)
Die leer van die hel (2)
And then she understood the devilish cunning of the enemies’ plan. By mixing a little truth with it they had made their lie far stronger – C. S. Lewis
Die leer van die hel (2)
J. D. Greear het ‘n blogreeks oor die hel geskryf. Hoekom? Want dit was ‘n onderwerp wat veroorsaak het dat hy amper sy geloof verloor het. Hy sê dat die hel ‘n moeilike werklikheid is, maar dit is iets wat die Bybel ons leer. Ons kan nie vir God en sy wêreld verstaan as ons nie stoei met die leer van die hel nie. Wanneer laas het jy ‘n preek oor die hel gehoor? Daar is soveel verwarring oor hierdie onderwerp dat ek besluit het om na hierdie artikels te kyk.
Die leer van die hel is ‘n apologetiese probleem vir baie Christene. Skeptici sê dat om in hierdie leer te glo, is “moreel verwerplik.” Hulle glo dit maak van God ‘n barbaarse, morele monster. Die besware is ernstig en word luidkeels deur baie mense verkondig. Hier is ‘n paar algemene besware:
- God is te liefdevol om iemand hel toe te stuur
Om die hel uit te skakel is eintlik ‘n baie eng siening van God se liefde. As ‘n kindermolesteerder by die kerk instap en jy sê vir hom: “Broer, ons het jou lief en aanvaar jou. Sal jy asseblief in ons kinderbediening werk.” Dit is nie liefde nie. Soos ons oor kindermolesteerders voel, so voel God oor ons sonde. Goeie werke in ‘n gesindheid van opstand teen Hom, verag Hy. God kan nie willens en wetens ons aanvaar in ons sondige toestand nie. Hy het ons te lief om toe te laat dat dinge wat ons sal vernietig welig groei.
- Hel is te ekstreem as straf vir die oortreding
“Die hel is onregverdig. ‘n Oneindige straf kan tog nie reg wees nie.” Wat ons vergeet is dat ons sonde teen ‘n oneindige God was. Die hel is vir ons ‘n baie duidelike stelling oor die grootheid en majesteit van God. As ons die hel verminder, doen ons nie vir God ‘n guns nie – ons verminder sy grootheid. Ons dink die hel is verskriklik, want ons dink nie dat om God se heerlikheid te vertrap so belangrik is nie. Ons glo die middelpunt van die heelal is ons. Dit is nie so nie. Die heelal is die ware God s’n. Alles werk mee vir sy heiligheid.
- Basies is ek ‘n goeie persoon.
Ons glo dat ons nie werklik hel verdien nie. Ons is oortuig van ons eie geregtigheid en daarom pla God se regverdigheid ons. Die kruis is God se oordeel oor die sondigheid van die wêreld. Eers as ek besef dat die hel my voorland behoort te wees, besef en die omvang van God se genade. Eers as ek besef hoe onwaardig ek is, sien ek die heerlikheid van die kruis raak. Jy kan nie werklik die kruis waardeer voordat jy die hel aanvaar het nie.
Wat is ons gevolgtrekking? God se wysheid is ver bo ons wysheid. As God ‘n werklikheid is, is sy mag en wysheid oneindig. Hy het die heelal gemaak deur woorde. In een vesel van ons DNA is daar genoeg inligting om 500 stelle van die Encyclopedia Britannica te vul. As God se wysheid so oneindig is, is dit tog logies dat baie daarvan nie vir ons sin sal maak nie. Ons sukkel om in God te glo, want ons praat sonder sin en wonder vir sy majesteit.
Charles Minster, een van Einstein se studente, skryf oor Einstein se gebrek aan belangstelling in godsdiens:
Die eksklusiwiteit van die Christelike godsdiens is ‘n probleem vir baie. Daarna kyk ons volgende keer.
Die leer van die hel (1)
The law never came to save men. It never was its intention at all. It came on purpose to make the evidence complete that salvation by works is impossible – Spurgeon.
Die leer van die hel (1)
J. D. Greear het ‘n blogreeks oor die hel geskryf. Hoekom? Want dit was ‘n onderwerp wat veroorsaak het dat hy amper sy geloof verloor het. Hy sê dat die hel ‘n moeilike werklikheid is, maar dit is iets wat die Bybel ons leer. Ons kan nie vir God en sy wêreld verstaan as ons nie stoei met die leer van die hel nie. Wanneer laas het jy ‘n preek oor die hel gehoor? Daar is soveel verwarring oor hierdie onderwerp dat ek besluit het om na hierdie artikels te kyk.
C. S. Lewis skryf oor die hel: “There is no doctrine which I would more willingly remove from Christianity than this, if it lay in my power.” Ek dink meeste van ons sou met hom saamstem. Die hel is ‘n moeilike werklikheid, maar die Bybel praat daarvan – ons kan dit nie sommer uitvee nie. Kom ons begin met ‘n paar stellings:
- Hel is wat die hel is omdat God is wie God is
Die Bybel sê vir ons dat God se heiligheid en volmaaktheid so volledig is dat ons dit nie sou oorleef as ons Hom sou sien nie (Eksodus 33:20). Toe Jesaja vir God op sy troon sien, roep hy verskrik uit: Dit is klaar met my! Ek is verlore! (Jesaja 6:5). God vertel vir ons van die hel om die grootheid van sy heiligheid te wys. Die hel moet ons monde laat oophang as gevolg van God se geregtigheid en heiligheid. Ons moet bewe voor sy majesteit.
- Jesus praat meer oor die hel as enigeen anders in die Bybel
Hel is nie iets wat net in die Ou Testament voorkom nie. Ons het ‘n beeld van Jesus gebou – sag, vol deernis en liefde – wat korrek is, maar onvolledig is. As ons die versies tel, het Jesus meer oor die hel as oor die hemel gepraat! Ons kan nie die idee van die hel vermy deur net op ‘n “sagte, deernisvolle” Jesus te fokus nie.
- Die werklikheid van die hel wys vir my die omvang van God se liefde om my te red.
Hoekom praat Jesus so baie van die hel? Hy wou hê ons moet sien wat Hy aan die kruis sou verduur. Sy dood was nie maklik nie. Die ergste was egter die skeiding van sy Vader: My God, my God, waarom het U My verlaat (Matteus 27:46). Die hel wys vir ons hoe ver God sou gaan om ons te red.
- Mense is ewig
C. S. Lewis sê dat die hel ‘n noodwendige afsluiting vir die Christelike geloof dat mense gemaak is om vir ewig te leef, is.