Kinders wat sonder vaders groot word

Would that God would make hell so real to us that we cannot rest; heaven so real to us that we must have men there; Christ so real to us that our supreme motive and aim shall be to make the Man of Sorrows the Man of Joy by the conversion to Him of many” (J. Hudson Taylor).

Kinders wat sonder vaders groot word

Kinders het vaders nodig. Die afwesigheid van vaders tydens die kinderjare mag lei tot gedragsafwykings, ingekorte sosiale vermoëns en breindefekte. Dit is die bevinding van navorsers van die McGill University Health Centre in Montreal.

Vroeëre studies het aangetoon dat kinders wat sonder vaders groot word ‘n aantal risikofaktore, soos die misbruik van dwelms, mag vertoon. Hierdie faktore mag egter ook deur omgewingsfaktore veroorsaak word. Daarom was dit moeilik om te bewys dat dit juis die vaderloosheid is wat die oorsaak was.

 

Hulle het muise vir hulle navorsing gebruik. Hierdie muise is monogaam (een mannetjie en een wyfie) en maak saam hulle kleintjies groot. Hier kan die omgewing beter beheer word as by mense.

Muise wat vaderloos grootgeword het, het abnormale sosiale interaksie getoon – hulle was meer aggressief. Daar was ook veranderinge in die brein – defekte in die prefrontale korteks wat sosiale en kognitiewe (funksie van waarneem, ken, weet) funksies beheer.

Dit is net nog ‘n bewys dat kinders vaders nodig het.



Is ek voorbereid om my geloof te verdedig?

 “People who do not know the Lord ask why in the world we waste our lives as missionaries. They forget they too are expending their lives and when the bubble has burst they will have nothing of eternal significance to show for the years they have wasted” (Nate Saint).

 

Is ek voorbereid om my geloof te verdedig?

Dr William Lane Craig ( is ‘n professor in filosofie en bekende Christelike apologeet (apologeet = verdediger van ‘n geloof). Hy glo dat die kerk dringend sy lidmate moet toerus om moeilike geloofsvrae te hanteer. Dit is veral nou nodig in ons kultuur wat dit maklike vir ateïste maak om die Christelike geloof aan te val – soms baie aggressief. Die Nuwe Ateïste beweging, aangemoedig deur die werk van Christopher Hitchens, Richard Dawkins, Sam Harris en Daniel Dennett, het die stigma van ateïs wees, verwyder.

 

 Hy glo ons moet duidelik kan sê hoekom ons glo dat God bestaan en hoekom ons glo dat Hy Homself in Jesus Christus geopenbaar het. As ons dit kan doen, sal ons baie van hierdie ateïste kan terugwen. Die probleem is dat baie Christene bang is, want hierdie ateïste kan baie aggressief wees. Hulle skroom nie om ander persoonlik aan te val in die naam van rede en intellektuele debat nie. Daarvoor is baie Christene nie voorberei nie.

 Wat doen ons om ons beter voor te berei? Soek ons antwoorde op die vrae wat ons nie kan beantwoord nie?



Sending en evangelisasie = Woorverkondiging?

The really wonderful moments of joy in this world are not moments of self-satisfaction but self-forgetfulness. —John Piper

?

Ons glo dikwels dat sending en evangelisasie die verkondiging van die Woord is – ons moet net die evangelie kommunikeer. In Galasiërs 2 is daar ‘n interessant gedeelte. Na 14 jaar keer Paulus na Jerusalem terug. Daar lê hy die evangelie wat hy verkondig het aan die broers voor – Ek wou sekerheid hê dat ek nie tevergeefs werk of gewerk het nie. Daar is toe ooreengekom dat Paulus die evangelie aan die nie-Jode sou verkondig. Nou rig die broers in Jerusalem ‘n interessante versoek aan Paulus: Al wat hulle gevra het, is dat ons nie die armes onder hulle moet vergeet nie. Ek het my dan ook steeds vir hierdie liefdesdiens beywer (2:10).

 

 



Jy moet jou vyande liefhê

Am I not destroying my enemies when I make friends of them? -Abraham Lincoln, 16de President van die VSA  (1809-1865)

Jy moet jou vyande liefhê

In Matteus 5 kry ons ‘n hele aantal teenstellings. Hulle volg ‘n geykte patroon: Julle het gehoor dat daar gesê is … maar Ek sê vir julle. In Matteus 5:43 – 48 kry ons nog so ‘n teenstelling.

 Kom ons begin voor. Jesus se etiek vloei uit die wet en profete. Hy het nie gekom om die wet en profete ongeldig te maak nie, maar om hulle hulle volle betekenis te laat kry (5:17 – 18). Wat Jesus wel doen is om die wet en profete te verdiep. Maar die middelpunt van sy etiek bly steeds die liefde.

 In 5:43 – 48 kry ons die laaste van Jesus se teenstellings in hierdie hoofstuk. Jesus haal hier ‘n spesifieke Ou Testamentiese teks aan: Jy moet jou naaste liefhê soos jouself (Levitikus 19:18). Maar dan voeg Hy iets by: en jou vyand moet jy haat. Hierdie kom nie uit die Ou Testament nie, maar is ‘n afleiding wat baie mense gemaak het: as jy jou naaste liefhet, beteken dit dat jy jou vyande moet haat.

 

 

Hoe hanteer Jesus hierdie opdrag om jou naaste lief te hê?

  • Hy verdiep dit: Julle moet julle vyande liefhê, en julle moet bid vir dié wat julle vervolg. Jesus sê dat my naaste my vyande en diegene wat my vervolg insluit …sjoe.
  • Maar hoekom moet ons ons naaste liefhê? God se voorbeeld: Hy laat immers sy son opkom oor slegtes en goeies, en Hy laat reën oor dié wat reg doen en dié wat verkeerd doen. God het almal lief – goeie en slegtes, regverdiges en ongehoorsames. As ons kinders van God wil wees, moet ons dieselfde doen.
  • Dan ondervra Jesus sy luisteraars: As julle net dié liefhet wat vir julle liefhet, watter loon kan julle dan nog verwag? Maak die tollenaars nie ook maar net so nie? En as julle net julle broers groet, wat doen julle meer as ander? Maak die heidene nie ook maar so nie? Is dit nie wat ons so dikwels doen nie: ons het lief met voorwaardes. Daar is sekere mense/groepe wat ons uitsluit. Jesus sê dat dit onaanvaarbaar is. Ek moet my naaste liefhê … sonder voorwaardes.
  • Jesus eindig met ‘n stelling wat alles opsom: Wees julle dan volmaak soos julle hemelse Vader volmaak is. Ons kan hierdie stelling net verstaan as ons die logika van 5:44 – 45 verstaan. God het almal onvoorwaardelik lief. Soos God vir almal omgee, moet ons ook liefhê en omgee.

 

Die eerste keer as jy hierdie gedeelte lees, kom dit as ‘n skok. Om jou vyande lief te hê is tog teenstrydig met ons kultuur en aanvoeling. Maar dit is wat God van sy kinders verwag.