We can fashion and process things that exist, but only God creates – Abrahan Kuyper

Hoekom moet ek slaap?

As ek slaap rus my liggaam, maar daar is nog ‘n rede waarom slaap belangrik is: My brein raak ontslae van al die toksiese produkte. Aktiewe selle produseer toksiese produkte. Tydens slaap skakel die reinigingsproses van die brein oor in ‘n hoër rat. Hierdie nagtelike reinigingsproses is deel van die herstellende krag van slaap.

Dit was die bevinding van Maiken Nedergaard, neurochirurg van die Universiteit van Rochester. Hierdie neweprodukte sluit in beta-amiloïed proteïen wat saamklomp in Alzheimer se siekte. As ons nie slaap nie, kan hierdie produkte ophoop, want die brein kan nie doeltreffend van hulle ontslae raak nie.

Wetenskaplikes het slaap nog altyd as ‘n raaisel gesien. Hoekom sou ‘n dier wat dalk aangeval mag word nou slaap? Afgesien van liggaamlike rus is daar nog ‘n rede – om die brein van toksiese stowwe te reinig. Slaap is noodsaaklik vir mense

Drie dae tot opstanding – Francois Malan

Linelle vra:

Met Jesus se dood het die voorhangsel geskeur en sommige grafte oopgegaan met die opstanding van die gelowiges. Wat het in die 3 dae tot Jesus se opstanding gebeur? Waar was hierdie gelowiges voor hulle Jerusalem binne gegaan het?(met verwysing na Matt.27:52)

Antwoord

Prof. Francois Malan antwoord:

Matteus gee nie vir ons die antwoord op vraag waar die opgewekte gelowiges vir die drie was nie. Dit het baie spekulasies deur die eeue ontlok, maar dit bly spekulasies.

Dwarsdeur Matteus word telkens verwys na Ou Testamentiese tekse en beloftes om die Joodse Christene, vir wie Matteus skryf, te oortuig dat Jesus die profesieë van die Ou Testament kom vervul het. Soms word die profesieë aangehaal, soms word op hulle gesinspeel.

Matteus vertel van ‘n aantal wonders wat gebeur het rondom Jesus se dood en opstanding. Sy boodskap daarmee is die belangrike.

Skrywer: Prof Francois Malan

Jesus bid vir sy dissipels – hulle posisie in die wêreld (17:11-15) – Francois Malan

17:11 Op die aarde het Jesus die Vader verheerlik deur sy lewe, werk en dood (17:4). Nou keer Hy terug na die Vader, en gaan Hy sy werk op die aarde voortsit deur sy volgelinge. Daarom bid Hy vir hulle, vir hulle lewenswyse en taak in die wêreld.

17:14 Met sy vertrek bly sy dissipels agter in die vyandige wêreld, wat vir hulle haat omdat (i) hulle Jesus se woord oor die Vader aangeneem het as woord van God, (ii) daardeur wys die dissipels dat hulle, soos Jesus, aan God behoort en nie aan die mense van die wêreld en hulle lewenswyse, wat deur die woord van God veroordeel word nie.

17:15 Jesus herhaal sy gebed van 17:11 dat hulle uit die kloue van die Bose gehou sal word. Maar dit beteken nie dat hulle uit die wêreld weggeneem moet word nie. God gee die wêreld met sy opstand teen God nie prys nie. Die sterwe van sy Seun is juis die begin van sy proses om die wêreld te verlos van hulle sonde. Sy dissipels moet juis in die wêreld getuies wees van God se genade, wat opstandelinge wil vergewe en laat deel in die nuwe soort lewe in Christus.

Skrywer: Prof Francois Malan