It is the most important thing in life to understand the Lord Jesus – T. Austin-Sparks

Waar is God? Ons enigste hoop

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Ons het soos Job geen antwoorde nie – net hoop. Die verhaal van Jesus Christus sluit dood en opstanding in. Die optimiste sê dat dinge geleidelik sal verbeter. Christene glo dat die skepping eendag getransformeer gaan word. Tot dan toe gaan God nie in elke bose gebeurtenis ingryp nie. Intussen moet ons in hierdie vyandige en gebroke wêreld as sy agente optree.

By Paulus is daar geen twyfel oor die toestand van ons wêreld nie:Ons weet dat die hele skepping tot nou toe sug in die pyne van verwagting (Romeine 8:22). Totdat dit gebeur sal ons nie ‘n bevredigend antwoord op hierdie hoekom-vraag kry nie. Soos Job sal ons aan ons geloof moet vashou en God met die groter prentjie vertrou.

Hoekom vermy die Bybel hierdie hoekom-vraag? Sodra ek die antwoord kry, skuif my aandag van die persoon wat ly na die omstandighede wat dit veroorsaak het. Ek is dan van min hulp vir die persoon wat ly. In Johannes 9 lees ons van die persoon wat blind gebore is. Wat was die eerste vraag van die dissipels? Deur wie se sonde is dit dat hierdie man blind gebore is: sy eie of sy ouers s’n? As hulle die antwoord geweet het, sou hulle weggeloop het met die oortuiging dat die man gekry het wat hy verdien het. Jesus verwerp die teorie dat lyding die straf vir sonde is – net soos God die antwoorde van Job se vroom vriende verwerp het.

Jesus fokus op die man se probleem – blindheid. Om te fokus op die omstandighede wat tot die lyding gelei het, mag van waarde vir voorkoming in die toekoms wes, maar dit doen baie min vir die slagoffers self. Daarom word in feitlik elke deel van die Nuwe Testament waar oor lyding gepraat word die fokus van die oorsake na die reaksie  verskuif word. God whispers to us in our pleasure, speaks in our conscience, but shouts in our pains. It is His megaphone to reach a deaf world (C. S. Lewis).

Viktor Frankl wat die Duitese konsentrasiekamp oorleef het, sê dat die grootste dryfkrag in die lewe  die mens se soeke na betekenis is. Everything can be taken from a man but one thing: the last of the human freedoms – to choose one’s attitude in a given set op circumstances. Die mens kan kies hoe hy in sy omstandighede gaan reageer.

Gaan ons sukkel om ‘n antwoord op die hoekom vraag te kry of gaan ons inspring en help? Daarna kyk ons volgende keer.

“With” is Emmanuel’s middle name –  Teri Hyrkas

Waar is God? Die hoekom-vraag

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Dit is baie interessant dat God nooit hierdie hoekom vraag antwoord nie. Die Bybel gee geen sistematiese antwoord op die probleem van lyding nie. Die skrywes van die Bybel gee ook nie baie aandag aan die vraag hoekom slegte dinge met goeie mense gebeur nie. God doesn’t explain. He explodes. He asks Job who he thinks he is anyway. He says that to try to explain the kind of things Job wants explained would be like trying to explain Einstein to a littleneck clam … God doesn’t reveal his grand design. God reveals Himself (Frederick Buechner).

As God dan nie vir ons sê hoekom tragedies gebeur nie, hoe moet Christene dan tragedies hanteer? Is daar hoop?

Envy is sorrow at another’s good – Thomas van Acquino

Waar is God as ons swaarkry?

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Daar is vandag baie pyn en lyding in die wêreld. Mense leef met chroniese pyn, siektes, depressie … Ander se pyn is as gevolg van hulle kommer oor ander: ouers met kinders wat aan dwelms verslaaf is; kinders met ouers met Alzheimer se siekte; ander wat swaarkry as gevolg van armoede en ongeregtighede; ens. Dan moet ons dink aan natuurrampe – aardbewings, vloede, tsunami’s – en ander dinge soos oorlog, geweld en terrorisme.  Waar is God as ons seerkry?

Hoekom laat God toe dat boosheid sy gang gaan? Watter goed, indien enige, kan daar uit sulke gebeure kom?

Ons wil weet hoekom sulke dinge gebeur? Ons wil iemand blameer en as ons nie weet wie nie, sê ons dit is optrede deur God – acts of God. Na die tsunami van 2004 in Asië skryf Heather MacDonald:  It’s time to boycot God. Hoe kan God passief sit en toekyk hoe mense hulle lewens verloor. Sy gaan dan verder: He gets credit for the good things and no blame for the bad. Ek is seker daar is baie mense wat net soos sy dink.

Een fout wat ons maak, is om tragedies te probeer kwantifiseer. Die feit dat meer mense in die tsunami in Asië gesterf het, maak die gebeurtenis nie meer tragies as dit wat by Marikana gebeur het nie. Daar is net individue wat lei en wonder waarom God dit toegelaat het. Dit is interessant dat hierdie vraag nooit aan ander godsdienste gevra word nie: Waarom laat Allah/Boeddha dit toe?

Ons moet respek hê vir ‘n God wat aan die mens die vryheid gee om Hom te verwerp, om sy Seun te kruisig en wat woorde van verwerping in sy Woord insluit:

• Gideon praat met die engel en wil weet as God dan met ons is hoekom gebeur al hierdie vreeslike dinge met ons.
• In die psalms kry ons ‘n oproep dat God tog wakker moet word: Here, hoekom slaap U?
• Die Prediker sê dat alles tevergeefs is.
• Jesaja sê dat God ‘n God is wat Homself versteek het.
• Selfs Jesus wil weet waarom God Hom verlaat het.

Volgende keer gaan ons na die hoekom vraag kyk: Hoekom gebeur tragedies in die wêreld?

Smallness and bigness have nothing to do with numbers or size – Leonard Sweet en Frank Viola

Waar is God? Drie antwoorde

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Waar is God as ek swaar kry?  Dit is ‘n vraag wat net nooit weggaan nie. Die vraag wat ons wel kan beantwoord is: Waar is God? Die Bybel gee vir ons voldoende antwoorde op hierdie vraag.

Yancey sluit sy boek af met drie vrae en antwoorde:

• God staan langs die een wat ly. God kan ons lyding met ons deel – Hy self het sy Seun verloor. Hy moet vir ons as model dien. Wat sou die dissipels gedink het oor Jesus se kruisiging? God is magteloos? God gee nie om nie? Maar God verander hierdie oënskynlike nederlaag in ‘n oorwinning – Jesus Christus staan op. God het nie verhoed dat goddelose dinge plaasvind nie. Nee, Hy verander iets wat goddeloos is – sy Seun se kruisdood – in ‘n oorwinning – Jesus Christus se opstanding.
• Waar is God vandag as tragedies ons tref? In die kerk. Die kerk is sy gedelegeerde teenwoordigheid op aarde. Die eintlik vraag om te vra, is: Waar is die kerk as mense swaarkry? Die kerk moet inspring en help. Almal van ons het die gawe van liefde ontvang. Lyding isoleer ons, breek ons selfbeeld af, ens. Die liefdevolle teenwoordigheid van ‘n gelowiges kan dit oorwin. In tragedies moet die kerk sigbaar word deur mense wat sy roeping uitleef.
• God se belofte van toekomstige herstel – ‘n nuwe hemel en aarde – is ons hoop. God berei vir ons ons ware tuiste voor. Vertrou ons Hom daarvoor? Sy opstanding bevestig hierdie hoop van ons. Eendag sal alles verander. I believe that God can and will generate good out of everything, even out of the worst evil. For that he needs people who allow that everything that happens fits the pattern for good (Dietrich Bonhoeffer)

Waar is God as ons seerkry? Hier langs ons in die vorm van die kerk.