God is aan die beweeg

You see things as they are and ask ‘Why?’ But I dream things that never were and ask ‘Why not?’ – George Bernard Shaw

God is aan die beweeg

God is aan die beweeg. Daarom gaan geloof dikwels met ‘n mate van rusteloosheid gepaard.  God roep vir Abraham, maar sy bestemming is vir hom onbekend. Al wat hy weet, is dat dit God is wat roep. Maar as God roep is daar ‘n stem bo ons en ‘n visie voor ons.

Ons moet egter versigtig wees.

 

  • Oppas vir vals roeping. As ons ons visie en verbeelding van God se roeping losmaak, flits die rooi ligte. Ons kan ‘n visie maklik misbruik. Dan word dit ‘n verskoning om my eie persoonlike begeertes na te jaag.
  • Visie beteken ook dat ek nie meer so maklik in die bestaande kampe in die samelewing inpas nie. Die moderne lewe fokus op verandering en vooruitgang. Ons dring aan op keuses; ons verwag dat dinge gaan verander; relevansie is baie belangrik. Dit is verbode om te verbied – ons mag nie die vrou se keuse om ‘n aborsie te kry, verbied nie; ek mag nie pornografie verbied nie. In die proses moet alles wat lyk na tradisie verdwyn.
  • Ons moet versigtig wees vir dinge wat soos ‘n visie lyk, maar nie werklik een is nie. Dit is dinge soos selfhelp, positiewe denke, ens. Nou word geloof in God geloof in geloof – vir my en my belange. Ons strewe het nou geen grense meer nie.

 No one can construct for you the bridge upon which precisely you must cross thestream of life, no one but you tourself alone – Nietzsche. ‘n Baie goeie samevatting van baie mense se siening vandag. God se aandeel aan ons lewens word totaal ontken.



Verdeeldheid onder die mense (7:40-44)

Verdeeldheid onder die mense (7:40-44) – Francois Malan

Koning wat hulle van die Romeinse juk sal verlos (vgl. 6:15).

(7:45-52)

Die wagte wat Jesus moes arresteer (7:32) gaan met leë hande terug, en word voor stok gekry deur hulle senders. Ten spyte van moontlike dissiplinêre optrede, verklaar hulle openlik dat Jesus se woorde hulle weerhou het.. Sy woorde kom met ‘n onverklaarbare onweerstaanbare mag. Sy optrede en woorde het swaarder geweeg as die woorde van die hoogste gesag in die Joodse volkslewe: Fariseërs wat God se woord vir die volk uitlê en toepas, en priesters wat by God intree vir die volk met offerandes.

Niemand van húlle groep is toeganklik vir Jesus se verleidende invloed nie (Heel ironies skryf Johannes dit, in die lig van v50).

‘Maar hierdie gespuis (die bevolking van die land), wat nie die wet ken nie, is vervloektes’ (vgl. Deutr 27:26). Vervloek beteken om iemand buite God en sy seën en sorg te stel. Al was die Fariseërs juis die leraars van die volk, het hulle op die gewone mense neergesien (vgl. Lk 18:10-12). In hulle houding tot die gewone bevolking het die Fariseërs en Jesus aan teenoorgestelde kante gestaan.

 

Skrywer: Prof Francois Malan

 



Geloof werk: Hebreërs 11

Preach Christ … He is the whole gospel. His person, offices, and work must be our one great, all-comprehending theme – Charles Spurgeon

Geloof werk: Hebreërs 11

Hierdie is waarskynlik een van die bekendste hoofstukke oor geloof in die Bybel. In hierdie heldesaal van gelowiges moet ons net oplet hoe dikwels hy die woord geloof gebruik. In vers 1 begin hy met ‘n definisie: Om te glo, is om seker te wees van die dinge wat ons hoop, om oortuig te wees van die dinge wat ons nie sien nie. In vers 6 lees ons dat sonder geloof is dit onmoontlik om te doen wat God wil. Wie tot God nader moet glo dat Hy bestaan en dat Hy dié wat Hom soek, beloon.

 

Daarna beweeg die skrywer sistematies deur die annale van die verlossingsgeskiedenis om te wys dat die gelowiges van ouds geglo het. Let daarop dat ons elke keer ‘n naam lees (Abel, Henog, Noag …) gevolg deur geglo het en daarna ‘n werkwoord wat dui op optrede. Geloof wat God tevrede stel, gaan altyd met optrede gepaard. Dit is natuurlik die punt wat Jakobus ook maak. Dade/werke is die noodsaaklik vrug van geloof. Ware geloof lei altyd tot vrugte van liefde en gehoorsaamheid.

Omdat Abel geglo het, het hy ‘n beter offer aan God gebring …

Omdat  Noag geglo het, het … hy die ark gebou.

Omdat Abraham geglo het, het hy gehoor gegee toe God hom geroep het om weg te trek …

So kan ons hulle een vir een nagaan. Die boodskap van Hebreërs 11 is dat geloof elke keer met optrede gepaard gaan. Geloof lei tot werke.



Waaroor het Jesus gepraat?

Envy is sorrow at another’s good – Thomas van Acquino

Waaroor het Jesus gepraat?

Daar is veral vier sake waaroor Jesus gepraat het – meer as enige van die ander sake wat Hy ook hanteer het. Hulle is:

  • Die koninkryk van God – die manifestering van God se teenwoordigheid as heerser vandag en in die toekoms.
  • Lewe – die ewige lewe wat in Homself beliggaam word. Hierdie lewe sal aan sy volgelinge gegee word na sy opstanding.
  • Sy Vader – die aanbod dat ons ‘n persoonlike verhouding met die Vader kan hê net soos Hy ‘n verhouding met sy Vader gehad het.
  • Homself – Jesus was die vervulling van die hele Ou Testament.

Die ander sake waaroor Jesus gepraat het, was gewoonlik aanvullend tot hierdie vier sake.

[Uit; Leonard Sweet en Frank Viola se Jesus A Theography.]