Die Geestelike Dissiplines: Hoe verander God lewens (7)

. –BurkParsons

Die Geestelike Dissiplines: Hoe verander God lewens (7)

Dallas Willard, Professor aan die University of Southern Califonia se School of Philosophy en leraar in die Southern Baptist Church, het ‘n belangrike boek geskryf: The Spirit of the Disciplines. [Hy is onlangs oorlede.] Ek gaan baie op hierdie boek staatmaak in hierdie reeks oor geestelike dissiplines.

Oefen jou liewer om in toewyding aan God te lewe (1 Timoteus 4:7). Hierdie is ‘n fundamentele tema van Paulus se lewe en geloof. Hoe het hy in toewyding aan God gelewe? Was dit net ‘n verhewe konsep sonder werklike betekenis? Of is dit optrede wat in definitiewe terme verstaan kan word? Kom ons kyk van nader na Paulus se lewe.

Paulus was prakties. Hy vertel vir sy seun in die geloof, Timoteus, wat hy moet doen om as leier van God se mense te slaag. Hy gebruik hier ‘n woord waarvan ons gimnasium afgelei is. Maar van onheilige en sinlose verdigsels moet jy wegbly. Oefen jou liewer om in toewyding aan God te lewe (1 Timoteus 4:7). Timoteus moet werk in die geestelike gimnasium. Paulus sê dat om jou liggaam te oefen, het wel ‘n bietjie waarde, maar om in toewyding aan God te lewe, het in alle opsigte groot waarde, want dit bevat ‘n belofte van lewe, vir nou en die toekoms.

Fisiese oefening is iets wat Paulus hulle goed verstaan het. Almal het geweet van die belang van fisiese oefening vir die verbetering van ons fisiese kragte. In sy raad aan Timoteus sê Paulus daar is ‘n parallelle fenomeen in die geestelike sfeer. Net soos met die fisiese is daar spesifieke aktiwiteite wat ons moet doen om ons geestelike krag te vestig, in stand te hou en te versterk. Ons moet oefen en probeer. Praat wen nie ‘n wedloop nie. Maar as ons oefen moet ons wyslik en intens oefen.

Dit was nie nodig vir Paulus om hierop uit te brei nie, want dit is algemeen deur die ontwikkelende Christelike kerk en die omliggende kultuur – Joods, Grieks en Romeins – aanvaar. Mense het geweet dat liggaam en gees gedissiplineer moet word as ons ‘n ordentlike individuele en sosiale bestaan wil hê.

Waar het ons die idee gekry van doen net wat vir ons goed voel? Ons leef in ‘n “voel goed” gemeenskap wat deur die huidige kultuur en baie van die populêre godsdienste van vandag gepaai word. Wat is vandag die standaard van sukses wat op eredienste toegepas word? Mense voel goed na die diens. Daarom kan ons nie aanvaar dit wat Paulus en sy tydgenote as ‘n lewensfeit aanvaar het nie. Dwelms is endemies weens die kultuur imperatief om goed te voel.

Volgende keer gaan ons kyk na die noodsaaklikheid van dissiplinering van ons begeertes en gevoelens.

Die Geestelike Dissiplines: Hoe verander God lewens (6)

. –Charles Haddon Spurgeon

Die Geestelike Dissiplines: Hoe verander God lewens (6)
Dallas Willard, Professor aan die University of Southern Califonia se School of Philosophy en leraar in die Southern Baptist Church, het ‘n belangrike boek geskryf: The Spirit of the Disciplines. [Hy is onlangs oorlede.] Ek gaan baie op hierdie boek staatmaak in hierdie reeks oor geestelike dissiplines.

Ons het geloof van die alledaagse lewe geskei. God se lewe word ingeperk tot spesiale geleenthede, plekke en tye. Om ‘n Christen te wees, word nie as ‘n normale deel van die lewe gesien nie.

Ons glo ons is deur Christus se dood met God versoen, maar Paulus sê dat ons deur die lewe van sy Seun gered word (Romeine 5:10). Hoe kan ons deur sy lewe gered word as ons glo dat ons deur sy dood gered word? Die liggaam, die konkrete lewe waarin ons ons bevind, gaan vandag verlore in die verlossingsproses. Daarom sien ons die dissiplines van die geestelike lewe as geskiedkundige snaaksighede.

Die vroeë Christene het nie geglo dat vergifnis die begin en einde van verlossing is nie. Die kruis verskyn eers later op die toneel as Christelike simbool. Dit was Jesus se lewe wat sy dissipels getrek het – voor sy dood. Die opstandingsgebeure wys dat lewe nie vernietig kan word nie.

Die boodskap van Jesus en sy vroeë dissipels was nie net een van vergifnis van sonde nie, maar ook een van ‘n nuwe lewe (wat natuurlik vergifnis insluit). Om gered te word beteken: Hy het ons uit die mag van die duisternis weggeruk en ons onder die heerskappy gestel van sy Seun wat Hy liefhet (Kolossense 1:13). Diegene wat gered is, het ‘n ander lewenswyse as diegene wat nie gered is nie.

Verlossing beteken lewe: Ek het gekom sodat hulle die lewe kon hê, en dit in oorvloed (Johannes 10:10); Deur sy groot liefde het Hy ons wat dood was as gevolg van ons oortredings, saam met Christus lewend gemaak (Efesiërs 2:5); Wie die Seun het, het die lewe; wie nie die Seun van God het nie, het ook nie die lewe nie (1 Johannes 5:12). As ons verlossing net as vergifnis sien, sien ons nie wat ons lewens met verlossing te doen het nie.

Die idee van verlossing as die verleen van lewe skep ‘n totaal ander raamwerk. God se verlossingsdaad teenoor ons word nou ‘n nuwe soort lewe – soos saad wat nuwe lewe in dit dra. Die natuurlike eerste uitdrukking van hierdie nuwe lewe is om weg te draai van ons ou weë. Hierdie nuwe lewe van ons is bestem om ‘n lewe van dieselfde gehalte as dié van Jesus Christus te word. Hy leef voort in ons. Gehoorsaamheid en dade word ‘n natuurlike deel van hierdie soort lewe. Hulle is God se genadegawes vir ons interaktiewe verhouding met Hom.

Volgende keer gaan ons na Paulus se lewe van dissipline kyk.

‘n Nuwe Kategismus: Vraag 36

“Good character is not formed in a week or a month. It is created little by little, day by day. Protracted and patient effort is needed to develop good character.” –Heraclitus

‘n Nuwe Kategismus: Vraag 36

Vraag:

Wat glo ons aangaande die Heilige Gees?

Antwoord:

Dat Hy saam met die Vader en Seun vir ewig God is, en dat God Hom onvoorwaardelike gee aan almal wat glo. [Onderstreepte gedeelte is die antwoord vir kinders.]

Teksgedeelte:

Ek sal die Vader vra, en Hy sal vir julle ‘n ander Voorspraak stuur om vir ewig by julle te wees, naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees (Johannes 14:16 – 17).

Kommentaar:

Daarom, toe ons Here oor die dissipels geblaas het en gesê het, “Ontvang julle die Heilige Gees,” wou Hy gehad het dat ons moet verstaan dat die Heilige Gees nie net die Gees van die Vader was nie, maar ook van sy enigste Seun. Dieselfde Gees is inderdaad die Gees van die Vader en die Seun. Saam met hulle vorm Hy die Drie-eenheid van Vader, Seun en Gees, nie ‘n skepsel nie, maar die Skepper.

Uit The City of God, vertaal deur Marcus Dods (Digireads, 2009), 329–330.

Verdere Leesstof:

“Be Filled with the Spirit” in A Faith to Live By, deur Donald Macleod.

Gebed:

Ons wil U, hemelse Vader, dank vir al die wonderlike hulpbronne wat U aan ons deur die Heilige Gees gegee het. Ons dank U dat ons wat ons vertroue in Jesus Christus gestel het die voorreg het dat die Heilige Gees in ons woon. Ons bid dat Hy ons so sal vul dat ons Christus kan sien en dat Hy elke dag Christus in ons vorm. Ons vra hierdie dinge vir onsself en vir mekaar vir die heerlikheid van u grote Naam.

Hierdie gebed is deur John Stott (1921 – 2011) ‘n Engelse Anglikaanse prediker geskryf. Hy was vir baie jare die rektor van All Souls Church in Londen. Hy was een van die hoofopstellers van die Lausanne Covenant (1974). Sy bekendste boeke was Why I am a Christian en The Cross of Christ.

Hierdie gebed kom uit sy preek “ The Work of the Spirit” oor Johannes 16:5–15, opgeneem op 18 Augustus 2002.

Copyright © 2012 by Redeemer Presbyterian Church

We encourage you to use and share this material freely—but please don’t charge money for it, change the wording, or remove the copyright information. Ek het slegs die gedeeltes vertaal.

Laat sy liefde jou lei: Om sommer net te bid

Laat sy liefde jou lei: Om sommer net te bid – Milanie Vosloo

Maar julle, geliefdes, moet aanhou om julleself op te bou op die fondament van julle allerheiligste geloof. Hou aan om te bid terwyl julle heg verbind bly aan die Heilige Gees. Judas vers 20

Dis so maklik om gebed as ‘n versoekskrif by die hemel in te dien en dan te verwag dat God onmiddellik daarop moet reageer. Dit terwyl gebed soveel meer as net ‘n vraag- en antwoordsessie is. Gebed is om God se teenwoordigheid in jou hart te hóór. En jy hoor Hom wanneer jy:

Wanneer jy in jou daaglikse lewenswandel so saam met God dink en doen, sal jy Hom op eienaardige en verrassende wyses hoor en sien. Meer as dit sal jy beleef dat jou hart, siel en denke verander. Ja, dat liefde permanent in jou hart gegraveer word!

Bybelkennis gaan gereeld gedeeltes uit Milanie Vosloo se boek: Laat sy Liefde jou Lei, publiseer. Ons dank aan Milanie Vosloo en CUM vir hierdie vergunning. Vir meer inligting oor CUM, besoek gerus hulle webblad by www.cumuitgewers.co.za

Skrywer: Milanie Vosloo