As we let our own light shine, we unconsciously give other people permission to do the same – Nelson Mandela

‘n Ateïstiese Kerk?

Nog nooit daarvan gehoor nie? Elke Sondagoggend kom ‘n klompie mense in Cambridge, Massachusetts, bymekaar om na ‘n toespraak te luister. Hierdie toespraak fokus op die belang van deernis en gemeenskap. Hierdie “gemeente” is ‘n vergadering van die Humanist Community at Harvard University.  Greg Epstein, ‘n humanistiese kapelaan, is die leier. Sy idee is om die goeie aspekte van die kerk te neem en dit op sy vergadering toe te pas.

 Hulle gebruik die woord gemeente, want dit is ‘n woord wat ons aan ‘n spesifieke soort gemeenskap herinner – ‘n gemeenskap wat naby aan mekaar leef en verandering in die wêreld kan laat gebeur. Dit vereis egter nie dat spesifieke dinge geglo moet word nie. Kinders het ‘n aparte byeenkoms war hulle dinge oor evolusie, DNS en selbiologie geleer word.

 Deur formele byeenkomste en die opbou van ‘n sterk gemeenskap hoop hulle om ‘n model te wees vir ander ateïstiese gemeenskappe. Epstein sê: “Being an atheist is something we want people to come out and be.”

 Wat nog?

blog13 IN THIS SECTION

Few things make the life of a parent more rewarding and sweet as successful children – Nelson Mandela

‘n Nuwe Kategismus: Vraag 26

Vraag:

Wat nog het Christus se dood ons van verlos?

Antwoord:

Christus se dood is die begin van die verlossing en hernuwing van elke deel van die gevalle skepping. Hy rig alles vir sy heerlikheid en wat die beste vir die skepping sal wees. [Onderstreepte gedeelte is die antwoord vir kinders.]

Skrifgedeelte:

God het besluit om met sy volle wese in Hom te woon en om deur Hom alles met Homself te versoen. Deur die bloed van sy Seun aan die kruis het Hy die vrede herstel, deur Hom het Hy alles op die aarde en in die hemel met Homself versoen (Kolossense 1:19 – 20).

Kommentaar:

Jesus is ‘n Verlosser, dit is sy Naam; Hy kom na die wêreld om te verlos … Hy het sy kosbare bloed gestort … daarom moet ons vertrou op en glo in ons Verlosser en in sy verlossing. Ons moet glo dat die dag van volle verlossing binnekort sal kom, wanneer ons volledig en vir ewig van sonde, Satan, die wêreld, al ons laste, vrese, hartseer, versoekings en lyding verlos sal word.

Of God is ons s’n of Hy is nie; of Christus is ons s’n of Hy is nie. As God en Christus nie ons s’n is nie, het ons genoeg rede vir hartprobleme … Maar as God en Christus ons s’n is … en as ons werklik vir Jesus Christus, die Here, as ons enigste Here en Verlosser ontvang het, en onvoorwaardelike onsself aan Hom oorgegee het; dan kan ons ons geloof op God as ons God  en Jesus Christus as ons s’n uitleef. Dan kan ons aanspraak maak op ons reg in God en Christus en op alles wat God en Christus is en het as ons eie. Dan het ons geen hartprobleme meer nie. As God myne en Christus myne is, is alles ons s’n. God is voldoende. Ons het nie eer en rykdom en gesondheid nodig nie – God is voldoende. Is Jesus in wie alle volheid woon nie voldoende nie – genoeg om in al ons behoeftes te voorsien nie?  Jesus Christus is alles in alles; en as Christus joune is, is alles joune. God is joune, die goeie van twee wêrelde is joune. Jy kan tog niks meer verlang nie.

Hierdie kommentaar  kom van John Bunyan (1628 – 1688).  Hy was bekend as die blikslaer (tinker) van Elstow. Hy kom dramaties tot bekering en word ‘n leidende Puriteinse prediker. Soos sy gewildheid toegeneem het,word hy toenemend die teiken van skinderstories en laster. Uiteindelik word hy in die tronk gegooi. Tydens sy tyd in die tronk begin hy sy bekende werk: The Pilgrim’s Progress. Dit word vir die eerste keer in1678 gedruk.

Hierdie kommentaar kom uit  “Heart’s Ease in Heart Trouble” in Bunyan’s Grace Abounding to the Chief of Sinners; Heart’s Ease in Heart Trouble; The World to Come; and Barren Fig-tree (Philadelphia: JJ Woodward, 1828), 191–211.

Verdere leesstof

“Goodness” in Concise Theology, by J. I. Packer.

Gebed

Hemelse Vader, roep ons om ons harte vollediger na U te buig. Moenie dat ander dinge in die pad kom nie … en dan hemelse Vader, laat ons besef dat alles aan Jesus Christus behoort. Hy het gesterf, nie net om ons siele hemel toe te neem nie – maar ook ons liggame sal eendag uit die dood opgewek word. Daardie dag, soos Petrus net na sy hemelvaart gesê het: “Hy gaan hemel toe totdat Hy terugkom en alles weer sal herstel.” Sy dood aan die kruis by Golgota is vir ons individueel, maar dit is nie egotisties individualisties nie. Ons individuele verlossing sal eendag ‘n deel van die herstel van alle dinge wees. Totdat Hy terugkom is dit ons roeping om alles in ons vermoë te doen – dit sal nie volmaak wees as Hy terugkom nie – om betekenisvolle genesing op elke gebied te sien. Hy sal dit dan volmaak genees.

As daar ware verkondiging van die evangelie is, dra dit optrede in die sosiale lewe in die wêreld om ons uit. Die kerk moet die evangelie verkondig, maar moet ook die goeie nuus leef. Help ons! Vergewe ons! Gebruik ons! Ons vra dat U ons sal help en ons vra dit in die Naam van die Here, Jesus Christus, ons Lam en ons God. Amen.

Hierdie gebed is deur Francis Schaeffer (1912–1984) geskryf. Hy was ‘n Amerikaanse Presbiteriaandse pastor en filosoof. Hy was veral bekend vir sy skrywes en  die vestiging van die L’Abri (“The Shelter”) gemeenskap in Switserland. Hy het 22 boeke geskryf. Die bekendstes is sy trilogie: The God Who Is There, Escape from Reason, en He Is There and He Is Not Silent sowel as sy A Christian Manifesto.

Hierdie gebed kom uit ‘n toespraak “A Christian Manifesto” by die Coral Ridge Presbyterian Church, Fort Lauderdale, Florida, 1982. Dit is beskikbaar by www.intothyword.org/apps/articles/default.asp?articleid=36268

Copyright © 2012 by Redeemer Presbyterian Church

We encourage you to use and share this material freely—but please don’t  charge money for it, change the wording, or remove the copyright information. Ek het slegs die gedeeltes vertaal.

Jesus is God spelling himself out in a language that man can understand. —S.D. Gordon

Het Christene alle boeke van die kanon eenparig aanvaar?

Die samestelling van die kanon was nie ‘n probleemvrye proses nie; almal het nie oor alles saamgestem nie. Sekere boeke is aanvanklik aanvaar en later as apokrief beskou. Maar daar was ook meningsverskille oor sekere boeke wat vandag deel van ons kanon was.

 So sê Origenes dat boeke soos 2 Petrus, 2 en 3 Johannes en Jakobus deur sommige mense bevraagteken was. Ander het geglo dat Openbaring nie deur die apostel Johannes geskryf is nie en daarom verwerp moes word.

 Die kanon is nie op goue tablette deur ‘n engel uit die hemel aan ons gegee nie (soos die Boek van Mormon beweer nie). God het besluit dat Hy die kanon deur normale geskiedkundige omstandighede vir ons sal gee … en geskiedkundige omstandighede gee soms probleme.

 Wat egter ongelukkig is, is dat hierdie verskille tussen Christene soms gebruik word om die geldigheid van die kanon te bevraagteken. Sommige vra: Maar hoe kan ons die eindresultaat aanvaar as sommige Christene verskil het? Hoe reageer ons hierop?

• Ons moet altyd onthou dat hierdie dispute slegs enkele boeke geraak het. Die meeste boeke was reeds aan die einde van die 2de eeu in plek.
• Origenes sê dat sommige boeke bevraagteken word, maar dat hy hulle wel as deel van die kanon aanvaar. Daar is geen rede om te glo dat ‘n betekenisvolle aantal Christene hierdie boeke nie aanvaar het nie. Mense soos Origenes erken net dat daar ‘n minderheidsiening was.
• Die kerk het uiteindelik ‘n breë en langstaande konsensus bereik.

Ons kan maar die Bybel soos ons dit vandag het aanvaar.

God would never permit evil, if He could not bring good out of evil. —Augustine

Wie is welkom aan jou tafel?

Jesus het sekerlik besef dat die tollenaars hulle mense verraai het deur die Romeinse  besetters van sy tuisland te help, maar Hy het hulle aan sy tafel verwelkom. Jesus het sekerlik besef dat die vals godsdienstiges die hart van God vir sy mense  verdraai het en ‘n swaar las op die mense geplaas het,  maar Hy het saam met hulle geëet en hulle uitgenooi om deel te neem aan die koninkryk van sy Vader.

Jesus was sekerlik bewus van Petrus se humeur, van Johannes en Jakobus se oordrewe nasionalisme en van Judas se verdeelde motivering, maar Hy het saam met hulle brood gebreek.

 Jesus verwelkom elkeen aan sy tafel – uitgeworpenes, vyande, want Hy verander hulle in familie. Hy eet en drink met hulle. Niemand word weggewys van sy tafel nie. Maar hierdie sondelose, volmaakte verteenwoordiger van God se hart het nooit sy standaarde laat sak nie; Hy het nie ongeregtigheid verswyg nie. Maar, aan sy tafel was almal welkom.

 Hy stel ‘n voorbeeld vir ons om na te volg. Op sy pad van Galilea na die kruis stop Hy elke dag om te eet en te drink en elke dag verwelkom Hy sy vyande aan sy tafel. Aan die kruis het Hy gedoen wat net Hy kon doen; aan die tafel wys Hy vir ons wat ons kan doen. Hy weier dat verskille Hom van ander skei. Wie is aan ons tafel welkom?