Laat sy liefde jou lei: God se beloftes van trou

Laat sy liefde jou lei: God se beloftes van trou – Milanie Vosloo

Hy sal julle oppas soos ’n herder sy skape oppas. Jeremia 31:10c

Onthou jy nog hoe bang ons vir die donker was toe ons klein was? Hoe ons soms na pa of ma toe gehardloop het as die groot nag sy arms om ons vou? En onthou jy hoe gerusstellend dit was wanneer hulle ons styf vasgehou en ons verseker het dat die donker niks aan ons sal doen nie?

Nou’s ons groot en lê ons begrip van die “nag” in dinge soos huwelikskonflik, werksonsekerheid, vrees oor die toekoms, die bedreiging van siekte … die dood. Ja, grootmense is heel dikwels banger as kleuters omdat die konsekwensies van ons tipe “gevare” so helder soos daglig is. Daar is maar een plek waarheen ons as volwassenes met ons vrese kan gaan en dit is in die arms van ons hemelse Vader. Vind vandag rus in sy gerusstellende stem wanneer Hy vir jou uit die boek Jeremia sê:

  • Here, ek is bang. Wees by my asseblief.

     

     

    Bybelkennis gaan gereeld gedeeltes uit Milanie Vosloo se boek: Laat sy Liefde jou Lei, publiseer. Ons dank aan Milanie Vosloo en CUM vir hierdie vergunning. Vir meer inligting oor CUM, besoek gerus hulle webblad by www.cumuitgewers.co.za 

     

    milanie_boeke_advertensie

     

     Skrywer: Milanie Vosloo

     



    • Die krag van gebed

    – Tom Peters

    Die krag van gebed

    Ek is besig om na Deuteronomium in my Bybelstudie te kyk. Ek gebruik die NIV Application Commentary. In Deuteronomium 10 lees ons dat die Here weer die wet op nuwe kliptafels opgeskryf het en van die Leviete wat die ark moet dra. Ons lees egter ook hier van die krag van gebed.

     

    In hierdie gedeelte lees ons van die diepte van God se genade. Net nadat Israel hulle onvoorwaardelike verbintenis met God uitgespreek het, verval hulle in openlike afgodery – die goue kalf. As gevolg van Moses se intersessie neem God sy mense terug en hernuwe die verbond met hulle. Hierdie reaksie beklemtoon die belang van gebed om die mense se behoeftes met God se genade te verbind.

    In Nehemia 9:18 – 19 dink die Leviete terug aan Israel se optrede – die goue kalf – en die Here se deernis om hulle te spaar. Hulle sê egter niks van Moses se rol om die Here met deernis te laat optree nie. In Psalm 106:19 – 23 lees ons ook van die episode met die goue kalf. Die Here wou hulle verdelg, maar Moses, sy uitverkorene,  het by Hom vir hulle in die bres getree om sy gramskap af te keer, sodat Hy hulle nie vernietig het nie. Hier word die krag van gebed beklemtoon. Jakobus verklaar: Die gebed van ‘n gelowige het ‘n kragtige uitwerking (5:16).

    Moses se geregtigheid is duidelik uit verskeie aspekte van sy optrede:

    1. Hy stoei met die Here vir genade vir sy mense ten spyte van hulle opstandigheid.
    2. Sy verwerping van die Here se aanbod om voor te begin met hom.
    3. Die argument van sy gebed wat fokus op die behoud van die Here se reputasie in die oë van die nasies.

    Moses verwys na die Here se integriteit en herinner Hom aan sy verhouding met die aartsvaders. Wat veral opmerklik is, is dat Moses nie aan homself dink nie. Deur die Here se aanbod dat Hy uit Moses se nageslag ‘n groot volk sal maak, te verwerp, dien Moses as model vir alle leiers in die koninkryk van God. Die Bybelse model van leierskap plaas altyd die belange van die mense voor dié van die leier.

    Ons leer hier baie belangrike lesse oor gebed. Diegene wat met volle vertroue op God bid,  is voorbereid op drie moontlike uitkomste van hulle gebed:

    • Soms is gebed die manier waarop eksterne omstandighede verander. Gebed verander dinge. Dit was sekerlik so in die geval van Petrus in die tronk in Handelinge 12:1 – 17. In antwoord op sy gebed loop Petrus uit die tronk as ‘n vry man.
    • Soms verander gebed die wil van die mens om in ooreenstemming met God se wil te kom. God antwoord nie altyd ons gebede op die manier wat ons verwag nie. Dink maar aan Moses se gebed om tog toegelaat te word om deur die Jordaan te gaan om die mooi land te gaan bekyk (Deuteronomium 3:23 – 29).
    • Soms is gebed die manier waarop God sy wil verander om aan te sluit by die wil van die mens wat bid. In Eksodus 32 lees ons dat die Here die hele volk wil vernietig na die episode met die goue kalf. En dan lees ons:Toe het die Here daarvan afgesien om die ramp waarvan Hy gepraat het, oor sy volk te bring (32:14). Dit gebeur nadat Moses ernstig vir die volk gebid het. Dit beteken nie dat gebed ‘n formule is waarmee ons God kan manipuleer en kry wat ons wil hê nie. Ons moet onthou dat Moses bereid was om sy eie selfbelang in belang van sy mense op te offer. Sy primêre belang was die wil en reputasie van God. Hierdie reputasie sou ten beste gedien word as God die mense wat teen Hom in opstand gekom het spaar. As bose mense  wegdraai van hulle sonde in berou (Jona 3) of as ‘n regverdige bidder by God ten behoewe van sondaars pleit, los God sy toorn en reik in genade uit na mense wat dit nie verdien nie.


    Wat weet jy van die Bybel?

    Elisabeth Kubler-Ross, psigiater en skrywer (1926-2004)

    Wat weet jy van die Bybel?

    Die primêre ding wat ons van die Bybel moet weet, is: Die hele Skrif is deur God geïnspireer en het groot waarde om in die waarheid te onderrig , dwaling te bestry, verkeerdhede reg te stel en ‘n regte lewenswyse te kweek (2 Timoteus 3:16). Dit is egter nie al wat ons van die Bybel moet weet nie. Hier is nog ‘n paar dinge:

    • Die woord Bybel se herkoms is die Griekse ta biblia – die boeke. Die gebruik deur Christene van die woord kan terug gevolg word tot ongeveer die jaar 223.
    • Die woord testament beteken verbond. Die Ou Testament verwys na die Here se verbond met Abraham en die volk van Israel. Die Nuwe Testament verwys dus na die verbond wat God deur Christus met gelowiges in Christus aangegaan het.
    • Stephen Langton, die Aartsbiskop van Kantelberg, het in die vroë 13de eeu die Bybel in hoofstukke verdeel. Robert Estienne, ‘n drukker uit die 16de eeu, was die eerste persoon wat die Bybel verdeel in standaard genommerde verse gedruk het.
    • Die eerste rooi letter Nuwe Testament (die woorde van Christus word in rooi gedruk) word in 1899 gepubliseer. Hierdie idee kom van Lous Klopsch, redakteur van die Christian Herald. Hy kry die idee nadat hy Jesus se woorde in Lukas 22:20 gelees het: Hierdie beker is die nuwe verbond, beseël deur my bloed, wat vir julle vergiet word.
    • Die Bybel is nie alleen die topverkoper van alle tye nie, maar is elke jaar die topverkoper. In die VSA alleen word ongeveer 25 miljoen Bybels – een vir elke 12 van die bevolking – verkoop of versprei.
    • Al die boeke van die Ou Testament met die uitsondering van Hooglied, Prediker en Ester word in die Nuwe Testament aangehaal. Jesus self haal uit Genesis, Eksodus, Levitikus, Deuteronomium, Psalms, Spreuke, 1 Konings, Jesaja, Jeremia, Esegiël, Daniël, Hosea, Amos, Jona, Miga, Sagaria en Maleagi aan.


    Wanneer sonde ernstig en genade oorweldigend is

    When I feed the hungry, they call me a saint. When I ask why people are hungry, they call me a communist. -Helder Camara, aartsbiskop (1909-1999)

    Wanneer sonde ernstig en genade oorweldigend is 

    Baie gemeentes beklemtoon die belang van ‘n heilige lewe, maar lê min klem op God se aanvaarding van ons ten spyte van ons sondes. Ander gemeentes wil wettisisme vermy en is daarom huiwerig om mense tot deeglike selfondersoek en berou op te roep. Die 18de eeuse pastoor, John Newton beskou selfondersoek en genade as beide baie belangrik.

     

    Hy voel dat Christene nie genoeg aandag en tyd gee vir deeglike selfondersoek nie. Beteken hierdie selfondersoek dat ons altyd skuldig en skaam moet voel? Newton gee twee riglyne:

    • Mense vul hulle harte met die gevare van wat hulle doen. Natuurlik is dit goed om jou probleem te erken, maar as dit al is wat jy vir jou hart sê, versag en hervorm dit nie jou hart nie. Die motivering is eintlik selfsugtig. Daarom bring dit slegs korttermyn verandering teweeg. Ons moet dieper ingaan op dit wat ons harte permanent verander – die genade van God in Christus aan die kruis. Ons moet vir ons harte wys die oneindige diepte waartoe Hy gegaan het sodat ons vry van sonde en veroordeling kan wees. Dit sal jou die gevaar en die erns van sonde laat besef.
    • Ons sondig nie net uit ‘n opstandige begeerte om ons eie meesters te wees nie, maar ook omdat ons vir dinge anders as God soek om ons te vervul.

    As ons in genade wil groei, moet ons daarvan bewus wees dat ons sondaars  maar ook God se kinders is en dat Hy lief is vir ons. Ons moet ‘n begrip van ons sonde voor God hê en ‘n diepe begrip van ons eenheid met en aanvaarding deur God in Christus hê.

    Rejoice in the Lord always, and again I say, Rejoice. We have little to rejoice in ourselves, but we have right and reason to rejoice in him. (“Letter XI, to the Rev. Mr. S.,” Works of John Newton, Vol. 6, 185-187)