“The very fact that a holy, eternal, all-knowing, all-powerful, merciful, fair, and just God loves you and me is nothing short of astonishing.” – Francis Chan

Die krag en wysheid van ‘n sagte antwoord

‘n Sagte antwoord laat woede bedaar;

‘n krenkende woord laat woede ontvlam (Spreuke 15:1)

Hoe reageer ons op ‘n kwaai persoon wat iets vals van ons gesê het? Jy staan daar oorbluf oor die woorde wat pas in jou gesig ontplof het. Jy moet nou vinnig besluit; jy dink aan ‘n gepaste reaksie. Wat is dit? ‘n Sagte antwoord.

Wat beteken sag? Teer? Swak? Ons hou nie daarvan om swak te wees nie; ons sal eerder onsself regverdig. Dit moeilik as iemand ‘n onreg aan jou doen; dit is nog moeiliker om nie terug te veg nie, as die persoon wat jou te na gekom het ‘n dwaalleraar is en jou gemeente skade berokken – dan moet jy ferm optree.  As hy egter net onvolwasse is, sal ‘n sagte antwoord hom help om dinge anders te sien. Dit mag help. Toe God Jona se opstandigheid saggies geantwoord het, was Jona nie tevrede nie (Jona 4:1 – 11). Dit is egter nie altyd die geval nie. ‘n Sagte antwoord kan die spanning breek.

Maar om met woede op woede te reageer sal beslis dinge vererger. Ons kan seker daarvan wees dat ‘n krenkende woord woede sal laat ontvlam. Wat sê die Bybel hoe moet ons reageer as mense lelik is teenoor ons? Hier is ‘n paar voorbeelde:

• Jy mag nie haatdraend wees teenoor jou volksgenoot nie. Maak die geskil openlik met hom uit, moenie wat hy verkeerd gedoen het teen hom bly hou nie (Levitikus 19:17)
• Wees inskiklik teenoor alle mense (Filippense 4:4)
• En die vrede wat Christus gee, moet in julle lewens die deurslag gee (Kolossense 3:15).

Die beste voorbeeld is Jesus Christus self: Toe Hy beledig is, het Hy nie terug beledig nie; toe Hy gely het, het Hy nie gedreig nie, maar alles oorgelaat aan Hom wat regverdig oordeel (1 Petrus 2:23). Wonderlik: God sien en God oordeel Mense mag soms onregverdig oordeel,, maar God oordeel altyd regverdig.

‘n Krenkende antwoord is die wêreld se manier van doen. Dit vererger net die konflik. Die Here se manier – ‘n sagte antwoord – slaag.

“When we preach the love of God there is a danger of forgetting that the Bible reveals not first the love of God but the intense, blazing holiness of God, with His love at the center of that holiness.” – Oswald Chambers

Wat is jou storie?

Mense het vir die Oostenrykse filosoof, Ivan Illich, gevra hoe jy ‘n gemeenskap kan verander. Hy antwoord:

Neither revolution nor reformation can ultimately change a society, rather you must tell a new powerful tale, one so persuasive that it sweeps away the old myths and becomes the preferred story, one so inclusive that it gathers all the bits of our past and our present into a coherent whole, one that even shines some light into our future so that we can take the next step … If you want to change a society, then you have to tell an alternative story.

Alle Christene wil graag sien dat die gemeenskap om hulle verander – werklik verander. Dan moet jy fokus op twee dinge: luister na hulle stories en vertel vir hulle dié groot storie.

Luister en vertel die groot storie wat jy glo: Jesus Christus is die plek waar jy rus en vrede en ‘n lewensdoel sal kry. Dit is die enigste storie wat groot genoeg is om sin te maak van die skoonheid en gebrokenheid van ons eie stories. Dit vereis geduldige luister en vertel van hierdie groter storie. God kan enigeen se lewe verander, maar dan moet ons ook ons deel bydra – luister na die storie van ander mense en vertel vir hulle die groot storie van Jesus Christus.

Plaas ons nie te veel druk op onsself nie? Ons glo dat ons uitstaande apologete of magnetiese evangeliste of kragtige sprekers moet wees. Stories is baie eenvoudiger … en hulle werk.