Is sekularisasie onvermydelik?

Is sekularisasie onvermydelik?

Soos die wetenskap en tegnologie verbeter, is die agteruitgang van godsdiens onvermydelik? Mary Eberstadt (How the West Really Lost God: A New Theory of Secularization) van die Universiteit van Stanford se Hoover Instituut het die bestaande teorieë oor sekularisasie getoets en bevind hulle antwoord nie al die vrae nie.

 

Sy glo dat gesin en geloof die dubbele spiraal (soos ons in die DNA molekule kry) van die samelewing is. As die gesin sterker word, sal geloof ook sterker word. Die huidige probleme en agteruitgang in beide is ‘n ernstige probleem.

Wat is die redes vir die agteruitgang in beide gesin en geloof? Die seksuele revolusie en die welsynstaat. Die insentief om te trou het drasties afgeneem – dit is nie meer nodig om te trou om gemeenskap te hê nie. Meer as die helfte van eerste geboortes in die VSA is buite die huwelik. Al wil jy ‘n moeder word, is dit nie nodig om te trou nie.

 Die moderne welsynstaat  probeer om die plaasvervanger vir die vader te wees en raak betrokke by dinge wat gesinne gewoonlik gedoen het. Die finansiële beperkings op regerings wêreldwyd, mag rede vir hoop wees. Daar is net nie meer genoeg geld vir ‘n volhoubare welsynstaat nie. As mense nie meer op die staat kan vertrou nie, sal hulle na gesinne en die kerk kyk vir hulp.

Sy sien hoop vir beide die gesin en geloof in die toekoms. In moeilike tye gaan mense huis toe. En hierdie huis? Die gesin en die kerk.



Spurgeon: Sonde

 “You never know when a moment and a few sincere words can have an impact on a life.” ~Zig Ziglar

Spurgeon: Sonde

Charles Haddon Spurgeon was sekerlik een van die begaafste predikers van alle tye. Ek wil vyf kort aanhalings uit preke van hom gebruik. Hulle kom uit Morning and Evening. Sermons at the New Park Chapel  en  Sermons at the Metropolitan Tabernacle. Hulle is beskikbaar by Bible Gateway op die internet.

 ‘n Klein doring mag baie lyding veroorsaak. ‘n Klein wolkie mag die son verberg. Klein jakkalsies verrinneweer die wingerd. Klein sondes beskadig die teer hart.

Hierdie klein sondes grawe in die siel en maak dit vol van dinge wat Christus haat. Die gevolg is ons kan nie met Hom in gemeenskap leef nie – ons verhouding met Hom word verbreek. ‘n Groot sonde kan nie ‘n Christen vernietig nie, maar ‘n klein sondetjie maak hom mismoedig.

 Christen, wat het jy nog te doen met sonde? Het jy nie al genoeg betaal nie? ‘n Kind wat brandwonde opgedoen het, speel mos nie met vuur nie. As jy  al reeds in die kake van ‘n leeu was, sal jy mos nie weer in sy hok instap nie. Het jy nie al genoeg van die ou slang – die duiwel – gehad nie?



Bybelverse wat dikwels misbruik word (2)

A Jesus who never wept could never wipe away my tears. —C.H. Spurgeon

Bybelverse wat dikwels misbruik word (2)

In die vorige blog het ons na drie voorbeelde gekyk. Hier volg nog twee.

  • Alles ten goede

Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is (Romeine 8:28).

 

Ons gebruik dit dikwels teenoor ‘n ander gelowige wat deur ‘n moeilike tydperk gaan. Ons herinner hulle daaraan dat uiteindelik sal alles ten goede uitwerk. Moenie bekommerd wees as jy jou werk verloor nie – God het iets beter beplan vir jou. Onthou alle dinge werk uit ten goede – onthou dit.

Hier is twee belangrike sake in hierdie vers:

  1. oHierdie vers hanteer diegene wat Hom liefhet – hierdie vers is nie vir almal nie, maar spesifiek vir gelowiges.
  2. oDie goed is nie ons gemak nie, maar ons gelykvormigheid aan Christus. Die goeie hier lei ons van heiligmaking en uiteindelik heerlikheid – nie ons omstandighede wat van sleg na goed verander nie.
  • Waar daar geen visie is nie

Waar die wil van die Here nie bekend gemaak word nie, verwilder ‘n volk; dit gaan goed met elkeen wat die wet van die Here onderhou (Spreuke 29:18).

Die King James Version vertaal hierdie vers soos volg:

Jou gemeente sal nie sterf as julle nie ‘n visiestelling het nie. Visiestellings is goed, maar hierdie vers sê nie vir kerkleiers dat hulle ‘n beter handelsmerk moet opbou nie. Hierdie vers beteken nie dat as kerkleiers nie ‘n duidelike visie het nie, die lidmate verlore sal gaan nie.

Daar is natuurlike ander verse ook wat ons by hierdie lys kan voeg. Die les is dat ons nie sommer ‘n vers moet gryp en toepas sonder dat ons die konteks bestudeer het nie.



Bybelverse wat dikwels misbruik word (1)

. —C.S. Lewis

Bybelverse wat dikwels misbruik word (1)

Die Bybel is skerp soos ‘n swaard en kan die hart deurboor. As dele egter in die verkeerde konteks gebruik word, veg ons met die hef en nie die lem van die swaard nie. Dit is ondoeltreffend. Ons moet altyd probeer teruggaan na die oorspronklike betekenis. Hier is vyf voorbeelde:

  • Ek kan alles doen

Ek is tot alles in staat deur Hom wat my krag gee (Filippense 4:13)

 

Ons kry hierdie vers op plakkers; dit word dikwels deur sportmanne – soos maratonhardlopers en bergklimmers  – aangehaal. Hierdie vers kry ons in die konteks van tevredenheid. Paulus skryf aan die gemeente in Filippi om aan hulle te sê dat God hom geleer het om onder alle omstandighede tevrede te wees – in tye van oorvloed en in tye van swaarkry. (Onthou hy skryf hierdie brief uit die tronk uit.) Hierdie is dus ‘n eerbetoon aan iemand wat geleer het om God onder alle omstandighede te volg. Wat hom ook al oorgekom het, het Paulus in geloof hanteer. Hierdie vers is nie ‘n oproep om uit te gaan en kragtige dade te doen nie, maar ‘n herinnering dat ons geloof en vertroue in God moet hê te midde van die lewe se goeie en slegte dae. As jy ‘n sleg dag beleef, wees tevrede, want jy het vir Jesus Christus.

  • Planne om voorspoedig te wees

Ek weet wat Ek vir julle beplan, sê die Here: voorspoed en nie teenspoed nie; Ek wil vir julle ‘n toekoms gee, ‘n verwagting (Jeremia 29:11).

Hierdie vers word dikwels in tye van swaarkry gebruik om mense aan te moedig: “God belowe dat Hy spesifieke planne het om vir ons voorspoed te verseker. Hou op om jou te bekommer.” Hierdie vers hanteer ‘n spesifieke belofte wat God vir Israel gegee het; die belofte van die einde van hulle ballingskap in Babilon na 70 jaar. Die woord voorspoed hier verwys nie na geld of materiële seëninge nie, maar na fisiese en geestelike verlossing. Maar God beplan tog voorspoed vir ons? Ja, in terme van verlossing Dit vertel ons van die vrylating en verlossing van al God se mense in die toekoms. Hierdie vers herinner ons aan die kollektiewe verlossing van God se mense in die geskiedenis, maar ook in die toekoms wat nog voorlê.

  • Waar twee of drie vergader is

Waar twee of drie in my Naam saam is, daar is Ek by hulle (Matteus 18:20).

Hierdie vers word dikwels gebruik om ons onder moeilike omstandighede aan te moedig – God is met ons. Al wat ons nodig het is twee of drie in ‘n gebedsgroep en alles is reg.

Die konteks van hierdie vers is die bou van ‘n getuienis in die konteks van kerkdissipline. ‘n Betroubare getuienis was krities in die Joodse konteks. Hierdie vers is ‘n aanmoediging vir kerkleiers tydens moeilike tye van konfrontasie en kerkdissipline – God sal teenwoordig by die getuies wees as hulle dinge probeer regstel en ‘n afvallige persoon herstel. Is God nog met ons waar twee of drie vergader? Natuurlik. Hy is ook by ons as ons net een of ‘n duisend is.

Volgende keer kyk ons na nog voorbeelde van Bybelverse wat verkeerd gebruik word.