The devil will let a man prepare a sermon if that will keep him from preparing himself. —Vance Havner

Febe, die briefdraer

Ek beveel ons suster Febe wat dienaar is in die gemeente in Krencheë, by julle aan. Ontvang haar soos dit mense wat in die Here glo, betaam, en staan haar by in enige saak waarin sy julle hulp nodig kry, want sy was vir baie, ook vir my, tot steun (Romeine 16:1 – 2)

Ons weet dat sy Paulus se brief aan die Romeine vir hulle geneem het. As ons aan iemand wat ‘n brief moet aflewer dink, dink ons aan ‘n koerier wat dit vir ons gaan aflewer. So maklik was dit nie. Wat was haar rol?

Ons weet Febe was aan Paulus bekend en dat sy ‘n rol in die leierskap van die kerk beklee het. Die woord wat hier met dienaar vertaal word, kan ook met diaken vertaal word. Paulus vertrou ‘n baie belangrike brief aan haar toe.  Die volgende fase van Paulus se bediening hang van hierdie brief af. Sy vervul ‘n ongewone rol vir ‘n vrou – ‘n briefdraer. Beteken dit sy lewer die brief af en alles is afgehandel? Nee, sy vervul die belangrike rol om te verseker dat die brief reg verstaan word. Sy moes ook vrae beantwoord. Sy was dus ook ‘n “gesagvolle interpreteerder.”

Truth, like gold, is to be obtained not by its growth, but by washing away from it all that is not gold. -Leo Tolstoy

‘n Nuwe Kategismus: Vraag 21.

Vraag:

Watter soort Verlosser het ons nodig om ons na God terug te bring?

Antwoord:

Een wat werklik mens, maar ook werklik God is.

Skrifgedeelte:

Vir ons is ‘n Seun gebore, aan ons is ‘n Seun gegee; Hy sal heers, en Hy sal genoem word: Wonderbare Raadsman, Magtige God, Ewige Vader, Vredevors (Jesaja 9:5).

Kommentaar:

Christus, die enigste Seun van God, die ware Son van Geregtigheid, het op die aarde geskyn, maar nie die hemel verlaat nie. Hy bly daar vir ewig, maar het vir ‘n kort tydjie hierheen gekom; daar bepaal Hy die ewige dag, hier verduur Hy die menslike dag; daar leef Hy voortdurend sonder dat die tyd verbygaan, hier sterf Hy mettertyd … daar leef Hy sonder einde, hier bevry Hy ons lewens van die vernietiging van die dood … Daar is God met God; hier is Hy God en Mens. Daar is Hy Lig van Lig die Lig wat elke mens verlig … Die Here neem die vorm van ‘n dienaar aan sodat die mens na God kan draai … Die Woord van die Vader, deur wie alle tyd geskep is, word mens en word vir ons gebore. Hy, sonder wie se toestemming geen dag sy gang voltooi nie, het een dag vir sy menslike geboorte gehad. In die boesem van sy Vader het Hy reeds voor alle tydsiklusse  bestaan; gebore van ‘n wêreldse moeder … word die Skepper van die mens self mens sodat Hy, die Brood, honger word; sodat Hy, die fontein, dors word; sodat Hy, die Lig, slaap; sodat Hy, die Weg, moeg word van die reis; sodat Hy, die Waarheid, deur vals getuies aangekla kan word; sodat Hy, die Regter, van dié wat lewe en dié wat reeds dood is voor ‘n sterflike regter  moet verskyn; sodat Hy, Geregtigheid, deur die onregverdiges veroordeel word; sodat Hy, Dissipline, met swepe geslaan kan word; sodat Hy, die Fondament, aan ‘n kruis moet hang; Dat Moed verswak, dat Sekerheid gewond word; dat Lewe mag sterwe. Hy doen dit om hierdie en ander ongeregtighede vir ons te verduur, om ons, onwaardige skepsels, vry te maak. Hy wat as die Seun van God van ewig af bestaan het – sonder ‘n begin – word die Seun van God. Hy het dit gedoen alhoewel Hy Hom aan alle booshede onderwerp het, vir ons ontwil. Hy self het geen sonde gedoen nie. Ons, die ontvangers van so baie goed uit sy hande, het niks gedoen om dit te verdien nie.

Hierdie kommentaar is deur Augustinus  (354 – 430), die Biskop van Hippo in Noord-Afrika geskryf.  Hy was ‘n teoloog en filosoof. Beide die Katolieke en Anglikaanse Kerk beskou hom as ‘n heilige. Hy skryf oor sy bekering in sy Confessions, sy bekendste boek. Hy was ‘n produktiewe skrywer en het geskryf in Latyn.  Baie van sy werke het behoue gebly – honderde titels. Dit sluit in apologetiese werke, werke oor Christelike leerstellings en kommentare en meer as 350 preke wat behoue gebly het.

Hierdie gebed kom uit  “Sermon 191” in The Fathers of the Church: St. Augustine, Sermons on the Liturgical Seasons, vertaal deur  Sister Mary Sarah Muldowney (Catholic University of America Press, 1959), 27–29.

Verdere leesstof:

 “The Deity of Christ” in A Faith to Live By, deur Donald Macleod.

Gebed

Here Jesus, ewige Seun van God wat mens geword het, ewige Woord van God wat mens geword het, breek ons hardvogtige harte aan die voet van die kruis, maak ons harte aan die voet van die kruis nederig. Gee dat ons daar kan vertoef vir tyd en ewigheid. In U Naam ontwil. Amen.

Hierdie gebed is deur John Stott (1921 – 2011) ‘n Engelse Anglikaanse prediker  geskryf. Vir baie jare was hy die  rektor van die All Souls Kerk in Londen. Hy was een van die hoofskrywers van die Lausanne Covenant (1974) . Hy het baie boeke geskryf insluitend Why I Am a Christian and The Cross of Christ.

Hierdie gebed kom uit die preek “The Cross and Sin” oor Romeine 5, 24th July 1983. Beskikbaar by www.allsouls.org.

Copyright © 2012 by Redeemer Presbyterian Church

We encourage you to use and share this material freely—but please don’t  charge money for it, change the wording, or remove the copyright information. Ek het slegs die gedeeltes vertaal.

“Our chief want is someone who will inspire us to be what we know we could be.” ~Ralph Waldo Emerson

Wat kan ek doen om jou te dien?

Wees uit eerbied vir Christus aan mekaar onderdanig (Efesiërs 5:21)

As ons onderdanig reg verstaan, sal dit elke verhouding wat ons het, verander. Om dit meer prakties te maak, kan ons dit wat Paulus sê in een vraag vasvat: Wat kan ek doen om jou te dien?  Wat sal gebeur as dit die basis van elke verhouding van my is?  Hoe sou dit die verhouding met my vrou/ kinders/vriende/medewerkers beïnvloed?

J. D. Greear sê dat alles sal verander. Die evangelie sal jou huwelik, jou huis, jou werkplek versadig. As die evangelie ‘n gebied versadig, maak dit alles nuut. Dit herstel en herskep alles wat stukkend was. Maar as dit so eenvoudig is, hoekom doen ons dit nie? Die antwoord is baie eenvoudig: vrees. Ons is bang vir wat die ander persoon mag sê. Sê nou net hulle vra te veel van ons? Sê nou net hulle misbruik my? Wat word van my eie behoeftes as ek ander dien? Dit maak ons bang.

Jy is te bang om te gehoorsaam. Geloof gaan altyd met so ‘n bietjie vrees gepaard. Die troos is dat die meeste van die dinge wat jy vrees nooit sal gebeur nie. Is jy bang dat as jy mense so hanteer hulle nie gaan verander nie? Meestal is die teenoorgestelde waar: om mense terug te betaal vir wat hulle aan jou gedoen het, gaan hulle beslis nie verander nie. Al wat gebeur,  is dat jy ‘n heksekringloop aan die gang sit.

Die geheim van die evangelie is dat genade die kragtigste veranderingsagent op aarde is. Dit is hoe God ons verander het – nie deur dreigemente nie, maar deur my sonde in genade te vergewe. Dit is hoe my vrou en my vriende my verander het – nie deur my terug te betaal nie, maar deur genade te bewys toe ek dit nie verdien het nie.

Is jy bang dat so ‘n lewe van diens gaan verhoed dat jy blydskap ondervind? Jesus het blydskap ondervind en Hy het ander se voete gewas en vir sondaars gesterf. Daar is blydskap daarin om soos Jesus te wees, maar jy sal dit nooit ondervind as jy gedurig jou klein selfgesentreerde koninkrykie verdedig nie.

Die groot vraag: Waar kry ek die krag vandaan om dit te doen? Dit is natuurlike ‘n wonderlike idee om ander te dien, maar ons het nie die krag om dit te doen in onsself nie. Dit is ‘n krag wat die Heilige Gees vir ons moet gee. Paulus sê ons moet onderdanig aan mekaar wees uit eerbied vir Christus. As ons mekaar dien, reageer ons op Jesus se genade vir ons.  Mense mag dit dalk nie verdien nie, maar Jesus verdien dit.

I see it all perfectly; there are two possible situations—one can either do this or that. My honest opinion and my friendly advice is this: do it or do not do it—you will regret both.  – Soren Kierkegaard

Geloof is net die begin

Die president van World Vision, Richard Stearns, se nuwe boek Unfinished is pas gepubliseer. Daarin sê hy dat kerkleiers mense uitdaag, maar dit is nie genoeg nie. In sy boek verwys hy na die “verloor-sindroom.” Wat is dit? Dit is wanneer mense sê dat hulle nie slim of geestelik of vaardig genoeg is om ‘n verskil in die wêreld te maak nie.

“Daarom gaan ek net ‘n goeie lewe leef, elke dag werk toe gaan, aftree en gholf speel. Ek is verlos en sal eendag as ek doodgaan hemel toe gaan”. Daar is ‘n neiging by vandag se Christene  dat hulle die werk vir die professionele mense– die leraars en betaalde amptenare – moet los.

Hy glo daarom dat ons die mense wat in die kerkbanke sit, moet leer om te verstaan dat om te glo slegs die begin is. As mense nie hulle hele lewe op hierdie fondament van Christelike geloof bou nie, kompartementaliseer hulle altyd hulle lewens. Dan is hulle nie doeltreffend as Christene nie.

God wil nie mense wat nie toegewyd is, gebruik nie. God nooi ons uit, maar ons moet antwoord. Ons moet vir Jesus Christus sê: “Hier is al die dinge in my lewe: my geld, huis, beroep, vaardighede. Gebruik dit.” Baie mense sê dat hulle ‘n verskil vir God wil maak. Maar hoekom sal God jou gebruik as jy nie eers die eenvoudige dinge doen nie – dinge soos gehoorsaamheid, Bybelstudie en gebed. As jy hierdie klein dinge doen, sal God jou groter geleenthede om te dien, gee.

In die kerk praat ons graag oor die korrekte leer. Hoeveel aandag gee ons aan hoe hierdie leer ons gedrag moet beïnvloed. Ons is baie goed om die Skrif deeglik te verduidelik, maar die oproep-gedeelte laat ons uit. Ons moet die Skrif so toepas dat die lewens verander. Ons moet hoër verwagtings aan volgelinge van Jesus stel.

Hoekom gebeur dit? Kerkleiers is so behep om ‘n instelling te bou in plaas daarvan  dat hulle ‘n revolusie lei. God het ons geroep om ‘n revolusie te lei. Instellings kan gebruik word om die revolusie te steun, maar dit is nie die primêre doel nie. Ons doel is nie om ‘n groter kerk wat meer gemaklik vir mense is, te bou nie.

Hy glo dat een ding wat die kerk moet besef, is dat ons nie genoeg doen nie. God het ons geroep om die wêreld te verander. En wat doen ons? Ons sit in ons groot kerkgeboue en kyk na PowerPoint skyfies. (Dit is goed gestel.)