Het ons ons godsdiens afgewater? Gaan ons uit as dienaars of kinders?

Calvary shows how far men will go in sin, and how far God will go for man’s salvation. —H.C. Trumball

Het ons ons godsdiens afgewater? Gaan ons uit as dienaars of kinders?

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

In die hele Ou Testament lees ons net 15 maal van God as Vader; in slegs die vier evangelies word God165 maal as Vader aangespreek.

Jesus gebruik die woord veral waar Hy sy dissipels geleer het. Hy leer hulle selfs bid: Ons Vader … Die volgelinge van Jesus het die wonderlike voorreg om God as ons Vader aan te spreek.

Verander die feit dat ons weet dat God ons Vader is ons lewens? Kyk watter groot liefde die Vader aan ons bewys het: Hy noem ons kinders van God, en ons is dit ook (1 Johannes 3:1). As ons Vader vergeef, onderhou, vertroos, reinig, dissiplineer, roep God ons. As Vader het Hy ons lief en belowe aan ons ‘n wonderlike erfenis. Dit is vir ons baie moeilik om te glo dat God ons liefhet. Hoekom sou Hy nou vir ons liefhê? Omdat ons sy kinders is. Hy het ons kom haal; Hy het ons as sy kinders aangeneem, want Hy wou ons gehad het. Hy maak ons sy kinders sodat ons Hom as Vader kan leer ken.



Het ons ons godsdiens afgewater? Glo eis verkondiging

. —Thomas Watson

Het ons ons godsdiens afgewater? Glo eis verkondiging

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

As ek Jesus Christus volg, glo ek in Hom; as ek in Hom glo, moet ek Hom verkondig.. ‘n Private geloof is tog ondenkbaar, maar tog is dit iets wat ons vandag baie algemeen kry.

Hoe dikwels hoor ons nie: “Ek aanvaar dat Jesus Christus my verlos het en dat sy Woord in my werk, maar wie is ek om vir ander te sê wat hulle moet glo. Ek kan tog nie vir hulle sê my geloof is reg en hulle s’n is verkeerd nie.” Klink nogal bekend.

Jesus Christus was nie net ‘n uitstaande Leermeester nie. Hy is ons Verlosser en Koning; Hy is die opgestane Here. Net Hy het vir die ewigdurende verlossing betaal. Ek moet mos vir ander hiervan vertel. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê (Galasiërs 2:20). Net voor sy hemelvaart verskyn Jesus aan sy dissipels en sê vir hulle: Die Christus moes ly en op die derde dag uit die dood opstaan, en in sy Naam moet bekering en vergewing van sondes aan al die nasies verkondig word (Lukas24:46 – 47). Dit is duidelik dat dit goeie nuus is en nuus moet verkondig word.

Die verbasendste belofte in die Bybel is seker Johannes 15:7: As julle in My bly en my woorde in julle, vra dan net wat julle wil hê, en julle sal dit kry. Maar wat is die konteks hier? Kort vantevore het Jesus met sy dissipels oor sy kruisdood gepraat. Maar Hy belowe hulle dat die Vader vir hulle ‘n ander Voorspraak sal stuur wat vir ewig by hulle sal wees – die Heilige Gees. Hy sê dat die Heilige Gees in en by ons sal wees. Hy sal ons alles leer en ons herinner aan alles wat Jesus vir ons gesê het.

Die Heilige Gees gaan ons bemagtig om uit te gaan en dissipels te maak. Jesus belowe dus hier dat Hy vir ons alles sal gee wat ons nodig het om uit te gaan en sy Woord te verkondig en dissipels te maak. Hierdie belofte sal God waar maak.

Die volgende vraag is of ons as dienaars of as kinders uitgaan. Daarna kyk ons die volgende keer.



Het ons ons godsdiens afgewater? Die hemel?

God soon turns from his wrath, but he never turns from his love. —C.H. Spurgeon

Het ons ons godsdiens afgewater? Die hemel?

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

Na Lasarus se dood praat Jesus met Marta en sê vir haar: Ek is die opstanding en die lewe. Wie in My glo, sal lewe, al sterwe Hy ook; en elkeen wat lewe en in My glo, sal in alle ewigheid nooit sterwe nie (Johannes 11:25 – 26).

Die bekende Johannes 3:16 sê dat dié wat in Hom glo nie verlore sal gaan nie, maar die ewige lewe sal hê. In Johannes 14:1 – 6 sê Jesus dat Hy na die Vader gaan en dat Hy gaan om vir ons plek gereed te maak. Hy kom later weer en dan sal Hy sy kinders kom haal sodat hulle ook kan wees waar Hy is. In Openbaring 21 sien Johannes ‘n gesig van die nuwe hemel en ‘n nuwe aarde. Dan sê ‘n stem uit die troon vir hom: Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die belangrikste stelling is sekerlik:Die woonplek van God is nou by die mense. Hy sal by hulle bly. Die hemel is dus die plek waar die mens saam met God woon – vir ewig.

As ons glo dat daar ‘n hemel en hel is, verander dit die manier waarop ons hier op aarde leef, want ons weet dat hierdie wêreld nie al is wat daar is nie – die ewigheid lê nog voor. Die vraag is of ons Jesus se woorde oor die hemel en die hel glo. Glo ons dit kan ons die nuus tog nie vir onsself hou nie. Ons kan mos nie stilbly as ons sien mense loop die pad wat op die hel uitloop nie. Vertel ons dit vir ander? Hierna gaan ons die volgende keer kyk.



Het ons ons godsdiens afgewater? Die hel?

Unholiness in a preacher’s life will either stop his mouth from reproving, or the people’s ears from receiving. —William Gurnall

Het ons ons godsdiens afgewater? Die hel?

Daar het die afgelope aantal jare heelwat boeke verskyn waarin gesê word dat die kerk sy boodskap afgewater het. (Michael Horton se  Christless Christianity en David Platt se Follow Me. A call to die; a call to live is goeie voorbeelde hiervan) Ons aanvaar sekere waarhede en bid die sondaar se gebed en glo alles is reg – ons is nou Christene. Maar dit is nie waar nie.

Hierdie is vandag ‘n baie kontroversiële onderwerp. Oordeel ‘n God van liefde mense wat verkeerd doen?

Dié wat goed gedoen het, sal opstaan en lewe, en dié wat verkeerd gedoen het, sal opstaan en veroordeel word (Johannes 5:29). In Openbaring 20 beskryf Johannes hierdie laaste oordeel. Hy sien ‘n groot wit troon en Iemand sit daarop. Dan word die boeke oopgemaak en die dooies  word geoordeel volgens wat daar in die boeke geskrywe staan oor alles wat hulle gedoen het … elkeen is geoordeel volgens wat hy gedoen het … As daar gevind is dat iemand se naam nie in die boek van die lewe geskrywe staan nie, is hy in die vuurpoel gegooi.

Jesus self verwys na die hel in Markus 9:42 – 48. Dit is die bekende gedeelte waar Hy onder andere sê: Dit is beter dat jy met een oog die koninkryk van God ingaan as dat jy altwee oë het en in die hel gegooi word. Daar gaan die wurm nie dood nie en word die vuur nie geblus nie. Baie mense glo dat die hel nie ‘n werklikheid is nie of slegs ‘n tydelike straf is. Ander glo weer dat ons hier met simboliese taal te doen het. Maar ‘n simbool van wat? Van ‘n verskriklike plek. Jesus in sy profetiese rede praat van die ewige straf (Matteus 25:46).

Baie mense glo nie meer in die werklikheid van die oordeel en hel nie. Wat kan ons sê?

  • Daar is ‘n oordeelsdag waartydens Jesus Christus alle mense sal oordeel.
  • Dié wat verkeerd gedoen het sal veroordeel word.
  • Hierdie oordeel is vir ewig.
  • God is nie by hierdie mense teenwoordig nie.

En die hemel? Volgende keer gaan ons daarna kyk.