Boeke oor Jesus se lewe

Boeke oor Jesus se lewe – Kobus Kok

Vraag:
Goeie dag, Ek is die sondagskool hoof vir junior kategese by die NG Wilgespruit. Ons is tans besig met die 40 dae in die woord projek. Ons het ‘n uitdeel stukkie ontvang waarin die kinders moet se watter boeke in die nuwe testament die volgende se: Jesus se lewe, lesins ens. (ek is bewus daarvan dat dit Matteus, Markus, Lukas en Johannes is) Die eerste volgers van Jesus? Die boeke in die NT wat handel oor hoe ons moet lewe? en, Die boek wat die eind tyd wys. (die eind tyd weet ek is Openbaring. As julle my asb kan help deur die ander twee vrae vir my te antwoord sal dit fantasties wees !! baie dankie, Bianca Booysen
 
Prof Kobus Kok antwoord
 
Waar leer ons van die eerste volgers/dissipels van Jesus?
Ons lees op verskeie plekke van die heel eerste volgers van Jesus. Kyk onder andere na Johannes 1:35, wat ook die opskrif dra “Die eerste dissiples van Jesus”. Indien mens een plek in die Bybel het waar so ‘n tema voorkom, kan mens die ander plekke ook maklik opspoor. Die meeste Studie-Bybels gee vir mens parallelle tekste in die kantlyn wat jou met kruisverwysings na ander gedeeltes neem waarin soortgelyke sake aangetref word.
 
Boeke oor hoe’n Christen moet lewe
Eintlik gaan die hele NT oor hoe ‘n Christen moet lewe. Ek se dit omdat daar myns insiens ‘n direkte verband is tussen wie ek is (identiteit) en wat ek doen (etiek). Dus,elke boek van die Bybel vertel ons iets van ons identiteit en rig daarom ‘n appel op ons lewenswyse. In die evangelies is Matteus 5-7 ‘n goeie beginplek. Dit handel oor die bergrede waarJesus self vir ons se hoe ‘n Christen moet lewe.
 
Paulus is by uitstek die teoloog van die Bybel wat skryf aan gemeentes wie hy geken het en vir wie hy van raad bedien het. Mens kan al Paulus se briewe lees vir rilglyne. Pauliniese briewe wat baie sulke riglyne gee is Tessalonisense, Galasiers, Korintiers, Romeine,  Philemon, Kolossense, Efesiers, ens. Net so gee Petrus se twee en Johannes se drie briewe ook goeie raad oor hoe ‘n Christen moet lewe.
 
Skrywer:Prof Kobus Kok
 
 


Christene moet lesers wees!

The knowledge of faith consists in assurance rather than in comprehension – Calvyn

Christene moet lesers wees!

Hoekom is dit belangrik dat Christene gereeld moet lees? Tim Gombis gee vier redes:

  • Om te weet

Die beste rede om boeke te lees, is om God te leer ken.

Ons glo dat elkeen van ons vir God in sy woord kan en sal ontmoet. Dit beteken nie dat Hy Hom in dieselfde mate aan almal openbaar nie. Ons kan en moet voordeel trek uit wat ander geleer het deur hulle boeke te lees. Baie mense word deur teologiese boeke geïntimideer. Dit maak nie saak wie jy is nie, daar is ‘n boek op jou vlak beskikbaar. As ons nie toelaat dat moeilike boeke ons intimideer nie, glo ons dat ons God uitgewerk het. Lees dan Calvyn en jy besef hoe min jy werklik van God weet. Om te lees beteken dat jy leer, maar ook dat jy nederig bly. As jy nie lees nie, ontneem jy jou die geleentheid om te leer wie God is en hoe Hy optree in hierdie wêreld.

  • Om te groei

Deur te lees inisieer en behou jy persoonlike groei. Ons lees om God te ken en ons lees om te groei in ons vermoë om Hom te eer op al ons lewensterreine. Daar is drie gebiede waarop ons kan lees om te groei:

  1. oIdentifiseer jou swakpunte en lees boeke om jouself daar te versterk. As jy nie weet waar jou swakpunte is nie, lees ‘n boek oor nederigheid.
  2. oIdentifiseer jou sterkpunte en lees om nog meer te groei. Nou beweeg jy van beginsels na meer gevorderde werke.
  3. oIdentifiseer jou verantwoordelikhede en lees om jou daar te versterk. Verbeter so jou vaardighede en jou verstaan van Bybelse beginsels.

Bibliografieë kan baie nuttig wees op al hierdie terreine.

  • Om te lei

Almal van ons word geroep om iewers te lei. Soms is dit by die huis, soms in die kerk of elders. Goeie leiers is goeie lesers. Min groot leiers is deur die televisie gevorm!  “When you find a leader, you have found a reader. The reason for this is simple—there is no substitute for effective reading when it comes to developing and maintaining the intelligence necessary to lead.” (Al Mohler). As leier is jy dit aan die mense wat jy lei verskuldig om te groei – lees.

  • Om lief te hê

Hoe kan ek ander liefhê deur te lees?

  1. oLees om te verstaan. Jou leeswerk is nie net vir jou voordelig nie, maar vir almal om jou. Jy leer om ander mense beter te verstaan.
  2. oLees om aan te beveel. Beveel boeke wat ander sal help aan. Daarom moet jy wyd lees.
  3. oOm dissipels te maak. Hier lees jy saam met mense – saam bespreek julle die boek.

Vir sommige mense is lees ‘n plesier – hulle lees of hulle nou verplig word om te groei, te weet, te lei of lief te hê of nie. Ander mense hou niks van lees nie. Jy kan leer om plesier uit lees te put.



Sola

Justification is an understandably strange doctrine to those who have substituted self-realization for salvation – C. Fitzsimons Allison

Sola

[Sola = solus Latyn = alleen, slegs]

As ons aan die Hervorming dink, dink ons dikwels aan die sola’s.  Ons sien dit as ‘n opsomming van die sleuteltemas van die hervorming.

Die Skrif alleen (sola Scriptura) is die bron en norm van die Christelike geloof en praktyk. Hierdie woord verkondig verlossing deur God se genade alleen (sola gratia), in Christus alleen (sola Christo) en deur geloof alleen (sola fide). Daarom gaan al die eer en heerlikheid aan God alleen (soli Deo gloria).

Elke ondersteunende eienskap van ons teologie moet daarop gerig wees om hierdie kern van die Christelike geloof  te ondersteun. Die doel moet wees om sondaars met God in Christus te versoen vir ware aanbidding van die Drie-enige God.



Die Bybel en ons basiese lewensvrae

It therefore behooves us to be very certain about the distinction between God’s power and our own, God’s work and our own if we want to live a godly life –  Martin Luther

 Die Bybel en ons basiese lewensvrae

Elkeen van ons het sekere basiese lewensvrae. Dit is interessant dat ons geen antwoord op hierdie vrae in die wetenskap kry nie. Die Bybel help ons:

 

  • In watter soort wêreld leef ons? Ons leef in ‘n wêreld wat deur God gemaak is en deur Hom onderhou word. In hierdie wêreld gaan dit oor meer as wetenskap of tegnologie of vooruitgang.
  • Wie is ons? Wat beteken dit as ons sê dat ons mense is? In die Bybel lees ons dat God die mense gemaak het, maar nog belangriker – na sy beeld en as sy verteenwoordiger. Die mens is dus bedoel om in ‘n betekenisvolle verhouding met God en ander mense te leef. Ons is nie outonome mense wat ons eie bestemming bepaal nie.
  • Wat is die kernprobleem van die aarde? Anders gestel: Wat is die onderliggende rede vir al die probleme in die wêreld? Sonde. Die mens het besluit dat hy teen sy Skepper in opstand sou kom. Dit is sonde wat ons verhoudings – met God en ander mense – vertroebel … nie ons omstandighede nie.
  • Kan ons hierdie probleem regmaak?  Nee, ons kan dit nie regmaak nie, maar God kan. Die mense het verlossing nodig, iets wat hy nie self kan doen nie. God het egter tot ons redding gekom toe Hy Jesus Christus as ons Verlosser gestuur het.  Jesus Christus se lewe, dood en opstanding het ons verhoudings herstel.

Hierdie is die kernvrae in elke mense se lewe. Soek ons op die regte plek na antwoorde?