Bob Buford
Wat is intelligensie?
Hier is nou ‘n onderwerp waaroor almal iets te sê het. In die middel van die vorige eeu het opvoedkundiges en leiers geglo dat jou IK ‘n goeie aanduiding is of jy gaan slaag of nie. Maar daar is baie “intelligente” mense wat nie ‘n sukses van hulle lewens gemaak het nie.
Toe volg die teorie van”veelvuldige intelligensies.” Daar is nie net een vorm van intelligensie nie, maar verskeie vorme. Howard Gardner was ‘n voorstander van hierdie idee. Sy gevolgtrekking was dat intelligensie nie by intellektuele vermoë en die vermoë om te verstaan en kennis te gebruik begin nie. Hy identifiseer dinge soos musikale, logiese, ens intelligensie.
‘n Groot deurbraak was toe Daniel Coleman emosionele intelligensie beskryf het. Hy beskou dit as ‘n goeie voorspeller van sosiale sukses. Coleman identifiseer selfkennis, selfbeheersing, motivering, empatie en sosiale vaardighede as noodsaaklik. Baie van die intelligentste mense het nie die nodige emosionele en empatiese vaardighede om mense te lei nie.
Christene het ‘n addisionele intelligensie – die intelligensie van oortuigings. Hierdie is ‘n intelligensie wat jy moet ontwikkel. Dit is die produk van leer van die Christelike geloof, bestudering van die Bybelse waarhede en om te leer om soos ‘n Christen te dink. Natuurlik is kennis vir Christene belangrik – veral die kennis soos in die Bybel geopenbaar. Geen wonder Christene was op die voorpunt van opvoeding nie. Baie van die vroeë universiteite het hulle oorsprong by die kerk gehad.
Dit is baie belangrik dat Christene weet waarvan hulle oortuig is. Dit moet dien as riglyn vir hulle daaglikse lewe.
Mark Twain.
Kommunikasievaardighede: Luister
(Spreuke 18:13 – Die Boodskap)
In sy beroemde gebed vra Franciskus van Assisi vir God om hom te help: Seek first tot understand, then to be understood. Hierdie beginsel is die sleutel tot doeltreffende interpersoonlike kommunikasie.
Sy gebed stem basies ooreen met Spreuke 18:13. Vroeër in dieselfde hoofstuk van Spreuke lees ons: Die dwaas stel nie belang in insig nie, hy wil net sy eie opinie bekend maak (18:2).
As ‘n leier nie kan kommunikeer nie, kan hy nie doeltreffend lei nie. Ons spandeer baie tyd en geld aan die ontwikkeling van allerhande vaardighede: beplanning, openbare redevoering, ens. Maar wat van luister? As jy ‘n goeie leier wil wees, moet jy jou luistervaardighede verbeter. Jy moet praktyke soos die behoud van oogkontak en die oorvertel van wat jy gehoor het om seker te maak dat jy reg gehoor het, oefen.
Ons moet ook leer hoe om ons goed uit te druk: Praat sonder om te dink kan soos dolksteke wees; wyse mense bring genesing met wat hulle sê (Spreuke 12:18). Wyse mense dink voor hulle praat. In die proses gebruik hulle woorde wat opbou en nie afbreek nie: ‘n Sagte antwoord laat woede bedaar; ‘n krenkende antwoord laat woede ontvlam (Spreuke 15:1). Jou vermoë om te kommunikeer kan vertroue of wantroue tot gevolg hê – vertroue of vrees. Dit bepaal hoe mense na jou luister.
Kommunikasievaardighede is belangrik. Dit verwys nie net na praat en luister nie, maar ook na verstaan. Luister wat sê God vir Jesaja: Gaan sê vir hierdie volk: Julle sal hoor en hoor en tog sal julle niks verstaan nie (6:9).
Luister; luister weer; verstaan wat gesê is; dan kan jy praat.
Spanning is deel van ons lewens
Frank Viola, bekende skrywer, het tien maniere ontdek om spanning te hanteer. Elkeen moet natuurlik uitwerk wat vir hom sal werk. Hier is sy lysie:
- Haal diep asem – ses maal.
- Oefen – van stap tot hardloop – enige soort oefening.
- Luister na musiek wat jou gelukkig maak.
- Gaan fliek.
- Doen dinge wat jou laat lag: Vreugde en geluk is goed vir jou gesondheid. Depressie kan jou knak (Spreuke 17:22).
- Praat met ‘n vriend wat jy vertrou en stort jou hart teenoor hom uit.
- Eet gesond – baie vrugte, groente en neute elke dag.
Wat doen jy om jou spanning te verlig? Werk vir jou ‘n roetine uit wat jou pas.