Hoe hanteer ek lyding? (11)

Hoe hanteer ek lyding? (11)

Lyding is sekerlik een van die ernstigste probleme waarmee ‘n Christen gekonfronteer word. Hoe kan ‘n liefdevolle God lyding toelaat. Ek gaan ‘n hele aantal blogs hieraan wy. In die proses gaan ek onder andere van Tullian Tchividjian (Billy Graham se kleinseun) se boek Glorious Ruin (2012) gebruik maak.

Die teologie van die kruis nooi ons nie uit om oor die verborge dinge van God na te dink nie – waarom ek? Nee dit bring ons van aangesig tot aangesig met die lydende Dienaar self.

Daarteenoor staan diegene wat elke dag probeer om hulleself te verbeter.

Die teologie van die kruis beteken ons het altyd ‘n Verlosser nodig. Ons kom na God op ons knieë en met swaar harte, maar ons vind, tot ons verbasing, dat ons nie met advies of alledaagshede oor groei gekonfronteer word nie, maar met genade.

Die hoekom-vrae oor lyding is ingewikkeld. Lees ons van Job dink ons dat al wat ons nodig het, is om ons koppe reg te kry – ons lyding is tog klein in vergelyking met dié van Job. Ons soek maniere om pyn te hanteer, medisyne, minimaliseer, moraliseer. Ons ontwikkel teorieë om te verstaan wat met ons aangaan. Al hierdie dinge mag tydelike verligting bring. Die pad deur lyding is vertroue in God … nie verduidelikings van God nie.

Job se hoekom-vraag is nooit beantwoord nie. Hoekom nie? Sodat hy die Wie kon raaksien. Jesus + Niks = Alles. Nie Jesus plus ‘n verduideliking nie. Daar is niks soos lyding om ons te laat besef dat ons God nodig het nie. Lyding bring ons by die einde van onsself; dit bring ons by die plek van eerlikheid, die plek van desperaatheid wat die plek van geloof is wat die plek van vryheid is. Lyding breek ons afgode; ons sien dat God sy Seun gestuur het, nie om vir ons te ly nie, maar saam met ons. Hy mag ons dalk nie van pyn en lyding verlos nie, maar Hy stap saam met ons daardeur.

Die Hoëpriester wat ons het, is nie Een wat geen medelye met ons swakhede kan hé nie; Hy was immers in elke opsig net soos ons aan versoeking onderwerp, maar Hy het nie gesondig nie. Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word (Hebreërs 4:15 – 16)



Hoe hanteer ek lyding? (10)

The worst kind of people are those who confuse kindness for weakness. -Werner Makowski, bankier

Hoe hanteer ek lyding? (10)

Lyding is sekerlik een van die ernstigste probleme waarmee ‘n Christen gekonfronteer word. Hoe kan ‘n liefdevolle God lyding toelaat. Ek gaan ‘n hele aantal blogs hieraan wy. In die proses gaan ek onder andere van Tullian Tchividjian (Billy Graham se kleinseun) se boek Glorious Ruin (2012) gebruik maak.

Hartseer en aanbidding

Job het alles verloor – kinders, besittings. Wat doen hy? Hy skeur sy klere, hy skeer sy hare en hy gaan lê op die grond en aanbid.

Ons glo ons kan net met ‘n glimlag op ons gesigte aanbid Die psalms is vol van klaagliedere en woorde van mislukking, pyn, verraad en gebrokenheid. Hartseer en aanbidding gaan hand aan hand. Hartseer is ‘n uitroep vir wat was en wat eendag weer sal wees – ‘n wêreld sonder pyn, siekte, konflik, gekenmerk deur vrede. God verwag nie van ons om in moeilike tye nie hartseer te wees nie.

Dit kan lank neem om pynlike gebeure te prosesseer – en daar is niks daarmee verkeerd nie. Job se reaksie op sy verlies is een van rou oor sy verlies. Sy rou was ‘n werklikheid. Hoe kon hy soveel pyn absorbeer en steeds aanbid: Onder alles het Job nie gesondig of God iets verwyt nie. Die antwoord lê nie in die hoe nie, maar in die Wie.

Job loop deur onder die morele aannames en aanklagte van sy vriende: “Job, ruk jou reg. As jy dinge regstel, sal God jou seën en dinge weer regstel.” Job weet daar is niks wat hy kan doen om hom voor God reg te stel nie: As jy ‘n saak teen Hom sou wou voer, sou jy Hom nie eers op een vraag uit duisend kon antwoord nie (9:3). Job besef dat al het hy dalk ‘n goeie argument is hy nie teen God opgewasse nie. As sy vriende dink dat hy deur sy prestasies weer guns by God sou kry, ken hulle nie vir God nie.

Job se woorde herinner ons daaraan  dat daar niks is wat ons kan doen om God se liefde of guns of goedkeuring te wen nie. Job hou vas aan die beloftes van God. Job was nie so bevoorreg soos ons om terug te kyk en Jesus Christus te sien nie. Ons het almal ‘n Verlosser nodig. Lyding stroop ons van ons hulpbronne. Al wat oorbly is die goedkeuring van God gegrond op wat Christus vir ons gedoen het. Midde in ons lyding, moet hierdie wonderlike nuus van die evangelie ons vasgryp. As God na ons kyk, sien Hy die geregtigheid van die Seun.

Verwagting van toekomstige verlossing

In 1 Korintiërs 16:22 skryf Paulus: Marana ta – kom Here.

Paulus aanvaar dat daar gebrokenheid, pyn en lyding sal wees – dit is werklikhede van die lewe. Om hartseer te wees en te rou is nie iets om oor skaam te wees nie. Openbaring 21 beskryf die verlossing van die wêreld in ongelooflike woorde. Daar lees ons dat die woonplek van God by die mense sal wees. Dan: Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die dinge van vroeër het verbygegaan.

Wat doen Johannes hier?  Hy koppel die werklikheid van hartseer aan die werklikheid van verwagting. Hy sien ons trane as ‘n teken dat ons verlang na ‘n plek waar kinders nie meer doodgaan as gevolg van voorkombare siektes nie, waar daar nie meer diefstal en geweld is nie.

 In light of heaven, the worst suffering on earth, a life full of the most atrocious tortures on earth, will be seen to be no more serious than one night in an inconvenient hotel (Moeder Teresa). Ons hoop is nie in hierdie tydelike lewe nie, maar in die lewe wat kom – die ewige lewe. Soms is dit al vertroosting wat daar is. Diegene wat God in hulle lyding vind se lyding is nie sonder betekenis nie.

Miskien is die enigste vertroosting wat ons uit lyding kry die besef dat ons in werklikheid vir ‘n ander wêreld gemaak is. Al die swaarkry van die wêreld kan nie met die heerlikheid van die nuwe wêreld vergelyk word nie.

Die Here is naby die gebrokenes, Hy help die moedeloses (Psalm 34:19)



Hoe hanteer ek lyding? (9)

Hoe hanteer ek lyding? (9)

Lyding is sekerlik een van die ernstigste probleme waarmee ‘n Christen gekonfronteer word. Hoe kan ‘n liefdevolle God lyding toelaat. Ek gaan ‘n hele aantal blogs hieraan wy. In die proses gaan ek onder andere van Tullian Tchividjian (Billy Graham se kleinseun) se boek Glorious Ruin (2012) gebruik maak.

Gebrokenheid kom voor nuttigheid. As ons deur iets pynlik gaan en wanneer God ons breek, word ons meer bruikbaar vir ander en meer gewillig om gebruik te word. Ons kan empatie betoon; ons het meer insig en perspektief om te help. Maar hoe verander die kruis lyding? Ons praat hier nie van vryheid van lyding nie, maar van vryheid in en deur lyding.

Lyding genees ons van beuselagtighede

Lyding verlos ons van die dinge wat ons verslaaf, maar ook van die kleinlike verskille en bekommernisse van ons daaglikse lewe.

Dit wat belangrik word, styg na bo – ons perspektief verbeter. Ons praat nie hier van goedkoop Christelike vroomheid of sentimentaliteit nie.

Pyn en lyding maak ons greep op die tydelike lewe los – dieper lyding kan tot dieper oorgawe lei. Nou word ons persoonlike menings minder belangrik. Die dood is nie die einde nie, maar die drumpel na ‘n nuwe dag toe.

God onttrek

Kyk weer na die boek Job. Ons raak moedeloos, want dieselfde argumente word oor en oor herhaal – geen duidelike antwoorde nie. Maar is dit nie hoe baie van ons lyding in ons lewens ondervind nie? Jy is in goeie geselskap, want Job het ook nie ‘n definitiewe antwoord gekry nie. Al wat ons weet dat in sy lyding was daar by Job ‘n verlange na God – en dit is genoeg. Job roep nie uit: God waarom het jy my lewe vernietig nie. Hy vra: God waarom het jy my verlaat? Hy mis nie sy besittings so baie soos hy die teenwoordigheid van God mis nie. Nooit vra hy of God in beheer is nie. Juis omdat hy weet dat God in beheer is, veroorsaak dit sy pyn. Selfs in sy klaaglied vertrou hy steeds op God: Kon dit nie maar weer met my gaan soos lank gelede, soos in die dae toe God nog sy hand oor my gehou het, toe sy lig beskermend oor my geskyn het en my pad in die donker verlig het. Dit was die beste jare van my lewe toe ek nog ‘n vertroueling van God was. Toe was die Almagtige by my en my kinders rondom my.. Ek het oral voorspoed geniet: volop dikmelk en strome olyfolie (29:2 – 5). Wat hom die meeste gepla het, was God se afwesigheid. Ook die psalmis sê: Ek roep na U om hulp, Here, vroeg in die môre bid ek al tot U. Waarom verstoot U my, Here,  waarom trek U U van my af terug? Psalm 88:14 – 15).

Almal van ons het al tye ondervind waar dit lyk asof God weg is – Hy is stil. In sy afwesigheid vermeerder ons waardering, afhanklikheid en liefde van Hom. Job sou eerder wou sterf as om in die wêreld sonder God te leef. God wil nie ons probleme wegneem nie, maar Hy wil vir ons wys dat Hy voldoende is in ons probleme.

As jy alleen en eensaam voel, is daar hoop. Jy is nie alleen nie. Dit vereis niks van jou nie – Jesus het reeds alles wat nodig is, gedoen. Ek sal jou nooit verlaat nie, jou nooit in die steek laat nie (Hebreërs 13:5).



Hoe hanteer ek lyding? (8)

Hoe hanteer ek lyding? (8)

Lyding is sekerlik een van die ernstigste probleme waarmee ‘n Christen gekonfronteer word. Hoe kan ‘n liefdevolle God lyding toelaat. Ek gaan ‘n hele aantal blogs hieraan wy. In die proses gaan ek onder andere van Tullian Tchividjian (Billy Graham se kleinseun) se boek Glorious Ruin (2012) gebruik maak.

Jy weet tog

As daar iemand is wat baie verloor het, was dit Job. Maar Job plaas ook ons deugde in perspektief. Job het ‘n goeie lewe gelei. Luister na God se getuigskrif: Sy gelyke kry jy nie op aarde nie: hy is vroom en opreg, hy dien My en vermy die kwaad (1:8).

Ons vra nie waar is God as die son skyn nie – ons sê Hy is teenwoordig wanneer goeie dinge met ons gebeur. Dit is reg. Sodra dinge begin skeefloop, is ons nie meer so seker dat God oppermagtig of goed is nie. Tydens die 30 hoofstuk klaaglied lyk dit asof God terugsit en luister as Job en sy vriende ‘n antwoord soek. Hoekom? As God werklik daar is, hoekom sê Hy nie iets nie? Job verstaan nie wat aan die gang is nie en hy soek ‘n antwoord by God. As hy maar net kan verstaan wat God besig is om te doen. Ons moet egter besef dat verduidelikings ‘n plaasvervanger vir vertroue is. Ons kan nie die kruis verstaan voordat ons op ons knieë is nie.

Sê nou maar net dat God vir Job die verduideliking gegee het wat hy gesoek het. Waar sou Job sy geloof en vertroue geplaas het? Dit is die sleutel tot God se stilswye: Hy wou gehad het dat Job Hom, ten spyte van alles, moes vertrou het. God besef dat dit die enigste manier was waarop Job sy donker ure sou oorleef. God stel in iets belang wat kragtiger is as enige verduideliking. Hy stel belang in geloof. Dit is dus geen verrassing dat toe God uiteindelik sy stilte verbreek het Hy nie sy optrede verduidelik het nie. Presies die teenoorgestelde gebeur: Toe het die Here Job aangespreek uit ‘n stormwind uit: “Wie is dit wat besig is om my bedoelings te dwarsboom met woorde wat getuig dat hy geen insig het nie? Maak jou reg vir die stryd: Ek sal vra, antwoord jy My. Waar was jy toe Ek die aarde se fondamente gelê het?  Praat as jy die antwoord het. Wie het die aarde afgemeet? Weet jy dit? (38:1 – 5). God vra vir Job ‘n aantal vrae, want Hy wou vir Job wys hoe klein en magteloos hy eintlik is. God stel Job vry van die tronk van hoekom. Hy stel Job van homself vry. Eers as ons aan die einde van onsself kom, kom ons by die begin van God. Ons lees dikwels in die Bybel dat eers as ons desperaat is, kom verlossing – hartseer voor heerlikheid; die kruis voor die kroon. Magteloosheid is die begin van vryheid.

Die boodskap van die kruis van Christus is wel onsin vir dié wat verlore gaan, maar vir ons wat gered word, is dit die krag van God (1 Korintiërs 1:18).