Jona

G. K. Chesteron

Jona

As gevolg van sy prediking glo die mense van Nineve – ook die koning – en toon in alle nederigheid berou oor wat hulle gedoen het. Jona word die instrument waardeur God een van die grootste herlewings in die geskiedenis teweeg gebring het.

Ons sou verwag het dat die verhaal hier met Jona se triomf eindig. Nee, Jona was baie ontevrede met wat gebeur het: Hieroor was Jona baie ontevrede en hy het baie kwaad geword (4:1). In ‘n gebed wat ons verstom laat, sê Jona hoekom hy van God se opdrag weggevlug het. Hy het weggevlug, nie omdat hy bang was dat die mense van Nineve hom sou verwerp nie, maar omdat hy bang was hulle sy boodskap sou hoor en hulle bekeer. Jona was kwaad omdat God die mense van Nineve vergewe het!

Let op die teenstelling tussen die God vol deernis (4:2) en ‘n ontevrede profeet (4:1). Hier sien ons iets van die menslike neiging om selfgesentreerd te wees en op selfbehoud te fokus – ons is ook maar stamgebonde.

In sy gebed beskryf Jona, heeltemal tereg, God as ‘n genadige en barmhartige God, lankmoedig en vol liefde. U sien maklik af van die straf wat U aangekondig het. Jona aanvaar dat God die goddeloses gaan straf, maar wat vir hom onaanvaarbaar was, was God se genade. Genade triomfeer oor oordeel en dit is wat Jona kwaad maak.

Die beeld van God staan teenoor Jona se bitterheid. God breek mure af en lei sy mense uit in die wêreld met goeie nuus: vergifnis is moontlik deur berou en geloof.




Woorde

G. K. Chesterton

Woorde

Ek is ‘n groot aanhanger van Henri Nouwen. Luister wat sê hy oor woorde:

Woorde is belangrik. Sonder woorde verloor ons optrede hulle betekenis en sonder betekenis kan ons nie leef nie.

Woorde bied perspektief, insig, verstaan en visie. Woorde kan troos, bemoedig en hoop bring. Woorde kan vrees, isolasie, skande en skuldgevoelens wegneem. Woorde kan vrede bring, verenig, vergewe en genees. Woorde kan vreugde bring – innerlike vryheid en dankbaarheid. Woorde dra liefde op hulle vleuels. ‘n Woord van liefde kan die grootste liefdesdaad wees, omdat ons woorde mens word in ons eie lewens en in dié van ander. Ons kan die wêreld verander.

(Johannes 1:14). Jesus is die Woord wat vlees (OAV) gemaak is. In Hom was praat en optrede een.



Bonhoeffer (16)

Bonhoeffer (16)

Ek wil enkele gedeeltes uit 40-Day Journey with Dietrich Bonhoeffer (Augsburg Books) hanteer.

Mense moet bely dat goedkoop genade gemaak het dat hulle Jesus Christus nie meer volg nie. Toe hulle opgehou het om Christus te volg, het hulle die kennis van duur genade verloor. Ons staan nie langer meer as ware dissipels van Christus nie. As ons lidmate is van ‘n kerk met ‘n suiwer leer van genade dan sal ons nie langer goedkoop genade aanvaar nie. Ons moet leer om weer die korrekte verhouding tussen genade en dissipelskap te verstaan.

Bonhoeffer gee weer twee Bybelgedeeltes om ons te help:

  • (Romeine 6:1 – 4).
  • (Psalm 80:20).

Ons moet bid dat die kerk en alle Christene nie toegee aan die aantrekkingskrag van goedkoop genade nie.

Here, ek sal U volg, maar nie saak wat die koste is nie. Lei my op die pad van ware dissipelskap. Amen.



Leef uit jou Doop: 4.2 Die hoë betekenis van die doop en kinderdoop?

Leef uit jou Doop: 4.2 Die hoë betekenis van die doop en kinderdoop? – Adrio König

4.2 Die hoë betekenis van die doop en kinderdoop?

Dit is goed moontlik dat die groepe wat die kinderdoop verwerp, ook die groot saak waaroor dit gaan in hierdie boek wat jy in jou hand het, téén die kinderdoop sal gebruik, en hierdie boek sal beskou as ’n groot en sterk argument téén die kinderdoop.

Immers hoe onder die son kan die kinderdoop by hierdie hoë betekenis van die doop inpas? Dit gaan in die doop om vergifnis en reiniging van sonde, om vereniging met Christus, om ’n nuwe lewe. Dit pas mos nie by babas nie. Hoe kan hulle sonde vergewe word? Hoe kan hulle met Christus verenig word? Hoe kan hulle saam met Christus sterf, begrawe word en opstaan? Hoe kan hulle ’n nuwe lewe kry?

Is dit nie eenvoudig waar dat die hele betekenisrykdom van die doop asof uit een mond teen die kinderdoop getuig nie? Gaan dit nie klaarblyklik in die betekenis van die doop om mense wat self kan glo, om mense wat self besluite kan neem, om mense wat ’n eie bewuste lewe lei nie? En is dit dan nie byna vanselfsprekend dat daar geen verwysing na kinderdoop in die Nuwe Testament is nie?

 

leefuitjoudoopMens wonder dikwels oor verskeie aspekte van die Christelike doop. Leef uit jou Doop (2011) deur prof Adrio König is ʼn baie nuttige naslaanwerk wat ʼn betrokke en uitdagende verduideliking bied van die doop.

Bybelkennis gaan gereeld gedeeltes uit hierdie bron publiseer. Ons dank aan prof König en CUM vir hierdie vergunning.

 

Vir meer inligting oor CUM, besoek gerus hulle webblad by www.cumuitgewers.co.za


 

Prof Adrio König