God whispers to us in our pleasures, speaks to us in our conscience, but shouts in our pains: It is His megaphone to rouse a deaf world –C. S. Lewis

Dissipelskap

Die woord dissipel word gebruik om die Twaalf (die apostels), sowel as groter groepe te beskryf.  John H. Armstrong gebruik die volgende definisie: ‘n Dissipel is iemand wat sy vertroue in Jesus Christus stel en voortdurend leer om: God met sy volle lewe te aanbid, deel te neem aan ‘n geloofsgemeenskap en om Christus is woord en daad te verkondig  om sodoende dissipels te maak.

Alles wat ons in die lewe doen, volg ‘n proses – of ons nou ‘n koek bak of ‘n huis bou. Wyk jy af van die proses mag dit lei tot ‘n ramp. As ons dissipels wil maak, gaan ons dit nie sonder ‘n proses regkry nie. Maar hoe kry ons dit reg?

Die eerste ding waaraan mense dink is programme of gebeure. Maar programme en gebeure maak nie dissipels nie. Ons maak nie dissipels deur mense in die gemeente te verwelkom sodat ons hulle by komitees of klasse kan inskakel nie. Ons maak dissipels deur ons geloof met ander in vriendskap en gemeenskap uit te leef. Ons kan nie net stellings teen die muur opplak en dink ons gaan dissipels maak nie – ons moet as modelle optree. Miskien moet ons meer praktiese verhale hoor van mense wat dissipelskap doen en ophou praat daaroor. Miskien moet ons Bybelstudiegroepe met Bybel-doen groepe vervang.

Om dissipels te maak gaan nie oor programme en visiestellings nie. Dit gaan oor leer hoe om te leef en ons verhaal te vertel – dit is eintlik die verhaal van Christus en sy werk vir en dan in ons. Programme leer mense meer van die Christelike geloof, maar dit maak nie dissipels nie. Ons moet eers die geloof “doen” en aan ander wys hoe hulle in hierdie reis van gehoorsaamheid by ons kan aansluit.

God speaks to you that you may make the right decision. But God does not satisfy our curiosity as to what happens about other men who do not decide for Christ. What will be the ultimate fate of other men is not your concern; we may not and are not to know that, except in so far as we must realize that it is our duty not only ourselves to remain loyal to the way of Jesus, but as far as possible to help others to find the way that leads to life. It is not the consequence of our superior merit that we ourselves have found this way. We have not come to it because we are better than other people. It is the grace of God which has set our feet in that way. — Johannes Calvyn

Vuurtorings

Vir meeste mense het vuurtorings ‘n sekere bekoring. In sekere plekke kry ons ‘n interessante rangskikking. Daar is ‘n klein vuurtoring – ses tot tien meter hoog – met ‘n lig aan die bopunt. Hierdie vuurtoring staan naby die kus. Verder terug is daar dan ‘n normale vuurtoring.  Tussen die twee vuurtorings is al die bome en bosse verwyder.

‘n Boot kan dus albei ligte sien. Hoekom doen hulle dit? Die kaptein van ‘n boot sien nie alleen die vuurtorings nie, maar as hy hierdie twee ligte in ‘n reguit lyn kry, weet hy sy presiese posisie en hoe om veilig tussen die rotse deur te vaar.

Die dood en opstanding van Jesus is twee vuurtorings/bakens – die een is onvolledig sonder die ander een. Kry ons hulle egter in lyn,verstaan ons presies wat die doel van Jesus se dood en die krag van sy opstanding was. God is aan die werk aan die kruis en na sy opstanding – tot ons voordeel. Sien ons beide die kruis en die opstanding weet ons presies waar ons is.

A man can no more diminish God’s glory by refusing to worship Him than a lunatic can put out the sun by scribbling the word “darkness” on the walls of his cell – C. S. Lewis

Aanbid met jou sintuie

Watter van jou vyf sintuie is die belangrikste om jou aanbidding en lof teenoor God te bewys?

Miskien is dit jou oor – jy hou van musiek. Psalm 98:4 – 5 nooi ons daartoe uit: Juig tot eer van die Here, , almal op aarde, wees vrolik, juig en sing! Sing tot eer van die Here met begeleiding van die lier, speel op die lier en sing. Let wel dat ons deur ons musiek God moet vereer.

Miskien is jy meer ‘n mens vir sien – ‘n sonsondergang, ‘n waterval, ‘n skildery … Is jou oë op God gerig? (Psalm 149:8). Luister na die psalmis: Die hemel getuig van die mag van God, die uitspansel maak die werk van sy hande bekend. Die een dag gee die berig deur aan die ander en die een nag deel die kennis aan die volgende mee. Sonder spraak en sonder woorde, onhoorbaar is hulle stem (19:2 – 4).

‘n Derde sintuig is smaak. God het aan ons die vermoë gegee om klein verskille in smaak te onderskei. So lees ons in Openbaring 7:16 – 17: Hulle sal nie meer honger en nie meer dors kry nie … want die Lam wat in die middel van die troon is, sal hulle herder wees en hulle na die fonteine met die water van die lewe lei.

Die vierde sintuig is tas. Ons lees dat toe Jesus in die landstreek van Gennesaret kom, en die mense Hom herken het, stuur hulle boodskappers uit. Die mense bring almal wat ongesteld was na Hom: Hulle het Hom gevra of die siekes tog maar net aan die soom van sy klere mag raak (Matteus 14:34 – 36) Gebruik jy jou hande om aan te raak of te skep om so vir God te verheerlik.

Die vyfde sintuig is reuk. Die vrou wat Jesus in Betanië gesalf het (Matteus 266 – 13) het kosbare reukolie gebruik. Of jou passie nou tuinmaak of kook of blommerangskikking is, verstaan jy die belang van reuk. Dink maar aan die offers in die OT: Dit is ‘n brandoffer aan die Here; ‘n lieflike geur (Eksodus 29:18 – OAV). In Efesiërs 5:1 – 2 moedig Paulus sy lesers aan om God na te volg en in liefde te lewe. Hy sê dat Christus Hom vir ons oorgegee het as ‘n gawe en offer aan God tot ‘n lieflike geur (OAV).

Aanbid God deur van een van jou sintuie gebruik te maak. Gebruik ook daardie sintuie wat jy selde gebruik om ‘n nuwe perspektief op aanbidding te kry.

“It is more important for a pastor to prod and empower than to pacify. Conflict… is an expected, necessary byproduct of transformative leadership in the name of Jesus. The church begins (Acts 2) in fire and earth trembling; the church dies by files and regulations.” Will Willimon

Psalm 119:34

Gee my insig, dat ek u wet kan gehoorsaam en dit met my hele hart onderhou (NAV)

Gee my verstand, dat ek u wet kan bewaar, ja dit kan onderhou van ganser harte (OAV)

Verander my manier van dink; maak my gedagtes vol met u wet! Dan sal ek heeltyd doen wat U sê (Die Boodskap)

Hoe voel jy as jy iets nie verstaan nie? Gefrustreerd? Verward? Kwaad vir jouself of vir die persoon wat jy blameer omdat jy nie verstaan nie? Bang jy lyk dom of onbekwaam?

Die psalmis verlang insig/verstand, nie om verwarring te vermy nie, ook nie om slim te lyk nie, ook nie om verleentheid te voorkom nie, maar om God te gehoorsaam. Hy wil verstaan, sodat hy God se wet met sy hele hart kan onderhou.

Wat moet ons verstaan? Dat God se wet ‘n vorm van genade is. Die psalmis het verstaan dat God se wet ‘n manier is om die mens te seën. Ons sien dit in elke vers van Psalm 119 – die psalmis is bly in God en God se wet. Daarom vra hy voortdurend hulp om gehoorsaam te wees. Hy besef dat die goeie uit gehoorsaamheid sal voortspruit.

Is Psalm 119 nie ‘n bietjie oorbodig – te veel – nie? Die Skrif is soms vir ons ‘n bietjie oorbodig. Is Rigters nie oorbodig nie? Is vier evangelies nie oorbodig nie? Maar dit is reg so, want dit is goed om belangrike dinge te herhaal. Daarom herhaal die psalmis gereeld dat om God se wet te ken, goed is. Dit maak die punt duidelik.

God, help ons om die geheimenisse van u wêreld te verstaan en gee aan ons die vermoë om in genade op te tree. Amen.