Blaas nuwe lewe in jou gemeente

“Expect great things from God. Attempt great things for God.” – William Carey

Blaas nuwe lewe in jou gemeente

Paulus laat vir Titus op Kreta agter met die bedoeling dat jy die dinge wat nog gereël moes word, in orde moet bring. Hy sê vir Titus hoe om gesonde, Bybelse gemeentes in Kreta te vestig. Hy spel duidelike, spesifieke metodes uit – metodes wat God gebruik om sterk, gesonde gemeentes te bou.

Vandag is die neiging pragmatisme – lees maar die boeke en woon die seminare oor hernuwing van gemeentes by. Wat sê Paulus?

• Bevestig gekwalifiseerde Bybelse leierskap (1:5 – 8).Titus moet in elke dorp ouderlinge aanstel. Daarna spel hy die vereistes uit waaraan ouderlinge moet voldoen
• Hou vas aan die woord van God. Hy moet vashou aan die betroubare woord waarin hy onderrig is. Dan sal hy in staat wees om ander met die gesonde leer aan te moedig en die argumente van teenstanders te weerlê (1:9).
• Wys mense wat vals leer in die gemeente inbring streng tereg (1:9 – 16). Paulus gebruik geen onsekere taal nie: Hulle monde moet gesnoer word.
• Vier ‘n gemeente wat uit baie geslagte bestaan – ouer mans en vroue en jonger mans en vroue (2:1 – 8).
• Aanvaar die etniese en sosiale diversiteit in die gemeente (2:9 – 10). Hier verwys Paulus onder andere na slawe en eienaars.

Dit is God se formule om gemeentes te bou en om weer lewe  in hulle te blaas. Is dit wat ons in ons gemeentes kry? Ek twyfel.