Karen vra:
Ek verstaan van die vers oor die nagmaal dat ‘n mens ‘n oordeel oor jouself kan drink die volgende. Mens drink ‘n oordeel oor jouself wanneer jy nagmaal gebruik en nie besef waarom en hoekom jy dit gebruik nie. Dat jy nie besef wat Jesus kom doen het nie.
Michell vra:
As God Alomteenwoordig is, is Hy in die hel?
Karen vra:
Is dit so dat God nie kan of sal teen ‘n mens se wil gaan nie? Indien wel, maak dit nie sin om dan bv jou hele lewe lank vir jou kind te bid as hy as volwassene in elk geval dalk verkeerde keuses maak en God dan nie teen sy wil sal gaan nie. Dan maak die teks van ‘n kragtige gebed van ‘n regverdige wat groot krag het nie sin nie. As God dan nie ‘n invloed kan uitoefen op so ’n kind se wil nie, wie kan.?
Jan vra:
‘n Groot deel van die eerste boek van die Kronieke bevat deurlopend ‘n klomp name. Vir die rede is dit seker ‘n kroniek. Omdat die boek in die Bybel opgeneem is, sê dat dit aan die vereistes van die kanon voldoen het. Sommige gelowiges staan daarop dat ELKE WOORD in die Bybel deur God geïnspireer is en ek wonder tog hoe ‘n naam hiertoe bydra. En by implikasie hoe die boek die vereistes van die kanon tevrede gestel het?