Verbond
'n Leser het die volgende vrae gevra: 1) In Genesis sê die Here die verbond met Abraham is blywend. In die Nuwe Testament word gepraat van die nuwe verbond. Vervang die nuwe verbond die ou verbond wat met Abraham gesluit is? Of is dit 'n bykomende verbond (ooreenkoms)? Indien wel, is gelowiges nog afstammelinge van Abraham? Hoe word kinders (babas) deel van die nuwe verbond? (besnydenis onder ou verbond). Dit word in die volgende twee artikels beantwoord
Die Griekse woord vir verbond kom 33 keer in die Nuwe Testament voor. As Jesus die laaste maaltyd saam met sy dissipels hou, gebeur die volgende: “27Toe neem Hy ‘n beker, en nadat Hy die dankgebed uitgespreek het, gee Hy dit vir hulle en sê: “Drink
almal daaruit, 28want dit is my bloed, die bloed waardeur die verbond beseël word en wat vir baie vergiet word tot vergewing van sondes.” (Matteus 26:27-28.
a) Wat is ‘n verbond? ‘n Verbond, soos ons dit in die Bybel sien, is ‘n ander woord vir ‘n ooreenkoms, maar dan ‘n bindende ooreenkoms met sekere voorwaardes tussen twee partye – elkeen moet iets doen of het ‘n verantwoordelikheid wat vasgelê word.