“Nuwe Hervorming” • Jesusseminaar
Daar is ‘n groep teoloë in ons land wat hulleself die “Nuwe Hervormers” noem. Hulle wil daarmee aandui hoe belangrik hulle werk is, so belangrik soos dié van die Kerkhervormers in die sestiende eeu. Dink maar net aan Luther en Calvyn. Watter geweldige werk het hulle nie gedoen om sekere aspekte van die evangelie weer na vore te bring nie. (*Hervorming)
Nuwe aarde
(*Hemel, *Wederkoms)
Die verwagting van ‘n nuwe aarde kom ‘n paar keer in die Bybel voor (Jes 66:22 ev; 2 Pet 3:13; Op 21:1 ev). Daarmee saam kry ons die belofte van ‘n nuwe Jerusalem (Op 21:2 ev), wat ook al in Jesaja 65:18 ev veronderstel word.
Nagmaal
In die nagmaal word die dood van die Here Jesus herdenk en verkondig totdat Hy weer kom (1 Kor 11:26). Volgens die *Sinoptiese Evangelies (*Sinoptiese probleem) het die Here Jesus self die nagmaal ingestel tydens die Paasfees die aand voor Hy gekruisig is. Tydens die instelling het Hy eenvoudige maar heel ongewone woorde gebruik waaroor in die loop van die geskiedenis baie nagedink is.
Onderdanigheid van die vrou
Die vrou se onderdanigheid het gedurende die laaste eeu ‘n al groter diskussiepunt geword. Vroeër is dit byna sonder uitsondering as vanselfsprekend aanvaar. Die vroeë kerkvaders het selfs ‘n baie negatiewe siening van die vrou gehad wat veral verbind is aan die feit dat die Bybelverhaal die eerste sonde aan Eva toeskryf. Daar is selfs gesê dat die vrou “die poort na die hel is” omdat sy die mensdom in sonde laat val het.