Do not be all sugar, or the world will suck you down; but do not be all vinegar or the world will spit you out. —C.H. Spurgeon

Hoekom sukkel Christene met genade?

Hoe meer ek Jesus verstaan, hoe belangriker word genade vir geloof en verlossing. Ons kan nie geloof, hoop en verlossing verstaan as ons nie genade verstaan nie. Genade moet die lens wees waardeur ons vir Jesus sien. Hoekom sukkel ons dan so om genade te verstaan?

1. Ons sien genade as ‘n doktrine en nie as ‘n Persoon nie

Meeste Christene sukkel met genade, want hulle probeer om dit in die Bybel te kry. Natuurlik is die Bybel ‘n tapisserie van genade van voor tot agter. Elke woord beklemtoon God se verlossingsplan wat sy hoogtepunt aan die kruis bereik. Daar aan die kruis wys God vir ons wat genade is. Tot dusver was dit woorde en idees – waar maar onvolledig. Aan die kruis word genade volledig. Ons kan nie genade sonder die kruis verstaan nie. Genade is nie ‘n doktrine – woorde wat ‘n kernwaarheid van God weerspieël – nie. Dit is ‘n Persoon – ‘n ware Persoon.

2. Ons sien genade deur ‘n bevoorregte lens

Ons sien genade dikwels in die vorm van lewensondervindings. Dit is ‘n vrou wat saam met jou deur die goeie en die slegte loop. Satan se skemas verwelk in die teenwoordigheid van genade. Genade sê dat jy ‘n skuldigbevinding verdien, want jy is skuldig, maar dit verklaar jou onskuldig. Genade plaas nie voorwaardes op die verhouding nie. Lyding is nie mislukking nie Dit mag ‘n geleentheid wees om God se genade te sien. Lyding neem ons beheer saam met ons talente, goeie werke en planne weg. Hier, met niks oor nie, mag ons net desperaat genoeg wees om God te soek.

3. Die kerk is nie altyd die beste plek om God se genade te kry nie

Die kerk weerspieël God en dien as die hande en voete van Jesus Christus. Die kerk het ook littekens. Natuurlik is daar ook stories van genade, maar so dikwels kies die kerk uitsluiting, ‘n gebrek aan vertroue en verdeeldheid. Die kerk behoort die een plek te wees waar genade oorvloedig is – waar insluiting, deernis en vergifnis heers.  Mense buite die kerk sien die kerk as eng, veroordelend.  Die kerk kan verbeter.

4. Christene verkies om te fouteer aan die kant van te min as te veel genade

Genade is ‘n Persoon. Vermy die kerk genade, omdat hy bang is hy verloor beheer? Die kerk sê dat hy swakker gelowiges beskerm deur genade in matigheid te verkondig. Is dit nie eerder dat hulle bang is om beheer te verloor nie? Die kerk probeer nuwe gelowiges kloon deur hulle te dwing om ons verstaan van geestelike groei te aanvaar. Laat vir hulle die spasie en vryheid om Jesus Christus te ontmoet. God lei altyd sy mense na vryheid, maar ons weerstaan dit. Dieselfde geld vir genade. Ons glo dat genade sonder beperkings gevaarlik is.

5. Dade en ware genade is nie in kompetisie nie

Te veel dade en te min genade lei tot selfgeregtigheid. Te veel genade en te min dade laat ons dink ons kan doen wat ons wil, want God vergewe altyd. Beide is verkeerd. Ons doen goeie dade nie om iets te verdien nie, maar omdat ons Iemand ontmoet het. Sodra ons Jesus Christus ontmoet het, leef ons net vir Hom.

6. Ons wil nie in die skuld by ander wees nie

Gee aan iemand ‘n onverwagse geskenk. Wat doen hy? Hy gaan waarskynlik onmiddellik vir jou een koop. Ons wil nie vir iemand iets skuld nie. Ons is baie beter om iets te gee as om iets te ontvang.  “It may well be … more blessed to give than to receive. But it’s more difficult to receive.” (Oscar Romero). As iemand vir jou iets waardevol gee, voel jy onmiddellik asof hulle mag oor jou het. Jy wil hulle onmiddellik terug betaal. Jesus kom en Hy gee vir ons nuwe lewe – en verwag nie dat jy moet terugbetaal nie, want jy kan nie. Ons moet die kuns om te ontvang aanleer.

Wat sou gebeur as ons die sluise van genade ooptrek? Wat sou gebeur as ons nie allerhande voorwaardes aan genade heg nie? Miskien sal ons Jesus ken en nie net kennis van Hom hê nie.

“If the good shepherd lays down his life for the sheep, the natural question is, what does it mean to be one of Jesus’s sheep? How can I tell if that’s me? The most prominent thing we see about them is that the sheep hear his voice and follow him.” — Mike McKinley

Moenie jou oor jou omstandighede bekommer nie

Net by God vind ek rus, van Hom kom my redding (Psalm 62:2)

Baie van ons soek ons rus elders. As ons dit toelaat kan ons omstandighede baie maklik ons emosies beheer. Maar God wil nie hê dat ons aan die gevolge van ons omstandighede oorgelaat moet word nie. Dwarsdeur die Bybel lees ons dat ons verby ons omstandighede moet kyk. Ons moet ons lewens op die soliede fondament van God bou. Wat beteken dit?

1. Leun op God se karakter

Ons moet op God se goedheid fokus. Om op God se liefde te fokus, is die deur om Hom te vertrou. As ons besef dat ons kosbaar is vir Hom sal ons besef dat Hy ons sal versorg. Kombineer dit met sy mag – sy vermoë om oneindig meer te doen as wat ons dink Hy kan doen. Die Skrif sê ook vir ons dat God onveranderlik is – Hy is gister, vandag en môre dieselfde. Net Hy is my rots en my redding, my veilige vesting, sodat ek vas en stewig staan (Psalm 62:3). As God ons bron is, moet ons die fokus van ons gedagtes en harte op Hom rig. Ons moet bewus word van sy kragtige teenwoordigheid.

2. Die grootheid van God

God is groter as enigiets wat om ons aan die gang is. Ons omstandighede sal kom en gaan, maar Hy is naby aan ons. John Ortberg verwys na die dissipels se vrees in die bootjie tydens die storm. Hy sê: “Peace doesn’t come from finding a lake with no storms. It comes from having Jesus in the boat.” Net by God vind ek rus, want op Hom vertrou ek (Psalm 62:6).

Ons kan kies of ons God se karakter sal glo en sal vertrou dat Hy ons sal versorg Besef ons dit, sal ons besef dat ons omstandighede net woelighede is op pad na ons bestemming.

3. God se perspektief

Soek God se siening in moeilike tye. God het ‘n perspektief op alles wat in ons lewens gebeur. Hy het ‘n doel met die gebeurtenisse wat Hy in ons lewens toelaat. Ons mag hopelose omstandighede sien – ons sien geen oplossing nie. God sien die potensiaal daarin raak. Ons moet dieper kyk na wat God se doel is.

There are cowards, there are regular people, there are heroes, and then there are parents. Parents are not really on the spectrum from cowardice to courage becuse if your child is in jeopardy, you simply do what it takes to save her (Tim Keller).

Psalm 11 (3)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Hierdie is ‘n lang psalm so ek gaan ‘n hele aantal blogs aan hom spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

In hierdie blog gaan ons na die teologiese implikasies van Psalm 11 kyk. Hierdie psalm is nie ‘n gebed nie, maar ‘n belydenis van vertroue in die Here. Die digter praat met sy vriende en raadgewers. Blykbaar het sy vyande die oorhand gekry. Hulle is besig om die gevestigde strukture af te breek – hulle ondermyn die fondamente. Hulle probeer ook om hom om die lewe te bring. Hy het in die tempel gevlug en nou skuil hy by die Here. Sy vriende is bang dat die goddeloses nie die tempelwet sal eerbiedig nie en hom met geweld daar sal uithaal of net daar by die altaar om die lewe bring. Met hulle pyl en boog sou hulle hom van buite kan skiet daar waar hy by die brandofferaltaar staan. Al is dit nag kan hulle sien, want daar brand altyd ‘n vuur op die altaar. Hulle staan reg om te skiet. Volgens die digter se raadgewers is die situasie hopeloos. Selfs al het hy nie teenstrydig met die wil van God gehandel nie – hy is ‘n regverdige – is daar vir hom geen hoop nie. In hulle oormoed eerbiedig die goddeloses nie die beginsels waarop ‘n goeie staatshuishouding gebou is nie – orde, reg en geregtigheid. Sy vriende en raadgewers se raad aan hom: Vlug na die berge toe soos ‘n voël. Vergeet van vertrou op die Here. Die digter sê egter dat hy by die Here skuil in gevaar. As ‘n voël in gevaar na die berge vlug voor die jagters, kan die opregtes van hart ook voor die aanslag van die goddeloses vlug. ‘n Voël kan vlieg waar hy wil, maar ‘n voël het nie ‘n gewete soos ons nie.

Hier, saam met hulle in die tempel, is die Here. Hy sit as Koning – op sy troon – wat ‘n regverdige uitspraak sal lewer. Hy het Sion uitgekies as die plek waar sy troon – die ark – moet staan. Dit is ook die plek waar die tempel gebou moet word – menslik gesproke woon Hy op Sion. Maar die aarde is te klein vir Hom. Hy regeer oor die hele aarde – sy skepping – vanuit die hemel waar mense nie sy troon omver kan werp nie. Dit is sy paleis, en hier behartig Hy, ongehinderd deur mense, die regsake van regverdiges en goddeloses. Omdat Hy deur die mense kan sien – sy oë keur die mensekinders – en geweld haat, kan die gelowige, selfs in sy vervolging, voor die mense getuig dat God se oordeel die goddeloses sal tref. Vuur en swael, sal oor hulle kom soos oor Sodom. Hulle oordeelsbeker sal vir hulle wees soos die dor, warm woestynwind. Die wind was dikwels ‘n teken van God se ingryping in die geskiedenis. Haat vir hierdie mense en die oordeel wat hulle sal tref, staan lynreg teenoor God se liefde vir die mense wat regverdig en opreg handel. God is by die regverdiges om hulle te help en te verlos. By Hom is die mens veilig en geborge; die mens hoef nie soos ‘n voël berge toe te vlug nie. Alle mag in die hemel en op aarde behoort aan Hom (Matt 28:18).

As die fondamente ineenstort, kan jy na die berge vlug (soos Elia voor Isebel gedoen het); jy kan die fondamente  probeer herbou; jy kan preek (soos Amos gedoen het)en verhale vertel om geloof op te bou (soos in Genesis); jy kan ‘n beter toekoms belowe (soos Jesaja) of jy voel totaal oorweldig (soos die Prediker). Daar is nog ‘n alternatief: wag vir God om op te tree. Die psalmis weet dat God tans by ons lewens betrokke is. As God se optrede net tot die toekoms beperk was, sou die digter se reaksie op sy raadgewers nie geregverdig gewees het nie. God se betrokkenheid is nie beperk tot die verre verlede nie of tot die eindtyd nie: God is tans betrokke by gewone mense.

As ons angstig soek na ‘n veilige plek waar ons die aanslae van mense kan ontkom, kan ons weet: daar is so ‘n plek – by die Here. Al lyk dit soms of onreg ons bestaan bedreig, kan ons seker wees dat die Here alles raaksien. Hy laat nie toe dat onreg die goeie oorheers nie – Hy straf onreg. Slegs in die Here se teenwoordigheid kan elkeen wat Hom liefhet, in veiligheid skuil.

Legalistic remorse says, “I broke God’s rules,” while real repentance says, “I broke God’s heart.” —Tim Keller

‘n Handelaar in hoop

A leader is a dealer in hope –  Napoleon

Jy en die mense om jou kan nie floreer sonder hoop nie. Suksesvolle leiers inspireer ander met hoop. Leierskap gaan oor die toekoms. Hoop is ‘n manier om die toekoms te sien. Hoop gee krag.

• Dit gee energie in tye van teleurstelling.
• Die gee passie as jy tekortskiet.
• Dryf jou om deur te druk ten spyte van hindernisse.
• Laat jou vasstaan ten spyte van weerstand
• Gee moed in tye van onsekerheid
• Volharding as jy die handdoek wil ingooi.
• Dit gee stabiliteit as dinge onstabiel voel.

Hoop is ‘n manier van dink en nie ‘n vae gevoel van welstand nie. Ons sien die krag van hoop veral as ons teleurgestel word. As leiers dan handelaars in hoop is, hoe doen ons dit?

• Gee aan mense iets om in te glo. Verbind pogings en opoffering aan die groter prentjie. Soldate veg vir groot dinge soos God, land, medesoldate, ens. Hoop volg op geloof.
• Deel die uitdagings en swakpunte waardeur jy moes werk.
• Wys mense hoe hulle ‘n betekenisvolle bydrae maak – wees spesifiek.
• Vernou die fokus. Te veel doelwitte oorweldig en ontmoedig mense.
• Glo in jou spanmaat se potensiaal en vermoë. Laat mense werk waar hulle die beste kans het om te slaag.
• Deel inligting. Hoop is ‘n denkwyse wat inligting oor uitdagings, geleenthede en resultate benodig. Leiers kommunikeer altyd te min.
• Skep en vier klein oorwinnings. Elke uitdaging word kleiner gemaak deur ‘n reeks klein oorwinnings.

Lewenskragtigheid volg op hoop. Leiers kan nie slaag as hulle nie handelaars in hoop is nie.