“Doubt is not always a sign that a man is wrong; it may be a sign that he is thinking.” – Oswald Chambers

God het van oordeel gepraat (5)

God het sy heerlikheid aan Jesaja geopenbaar.  Hy het op ‘n baie hoë troon gesit, en die onderste van sy kleed het die tempel gevul … Die serafs het mekaar telkens toegeroep: “ Heilig, heilig, heilig is die Here die Almagtige! Die hele aarde is vol van sy magtige teenwoordigheid (6:1, 3). God is heilig ver bo alles wat verkeerd en vals is in hierdie wêreld. Toe Jesaja God se heiligheid sien, roep hy uit: Dit is klaar met my! Ek is verlore! Elke woord oor my lippe is onrein, en ek woon onder ‘n volk van wie elke woord onrein is. En nou het ek die Koning gesien, die Here die Almagtige (6:5). Maar Jesaja het besef dat God hom gered het deur sy oortredinge   te vergewe, jou sonde te versoen (6:7).

Almal van ons bereik nie God se standaard vir heiligheid nie. Daar is nie een wat regverdig is nie, selfs nie een nie (Romeine 3:10). Almal wat die wêreldse dinge bo God liefhet maak hulleself vyande van God. As iemand die wêreld liefhet, is die Vader se liefde nie in hom nie (1 Johannes 2:15).

In Matteus 7:13 – 14 beskryf Jesus twee paaie. Hoe dwaas om te dink dat ons nie saam met baie mense op die breë pad kan loop nie. Hoe dwaas om te dink as ons op die breë pad loop ons dalk gelukkig sal wees om deur die nou poort in te gaan. Nee, ons moet ernstig na God se pad soek. Span al julle kragte in om by die smal deur in te gaan. Baie, verseker Ek julle, sal probeer om in te gaan, maar sal dit nie regkry nie (Lukas 13:24). In Handelinge 17 lees ons van die mense van Berea: Hulle het met groot belangstelling na die woord geluister en elke dag die Skrif ondersoek om te sien of dit is soos Paulus sê (17:11).

Soos die mense van Berea moet ons ernstig God se pad soek. Dit is verskriklik om in die hande van die lewende God te val (Hebreërs 10:31). God is volkome rein, eerlik en heilig. Hy kan nie leuens verdra nie God se geregtigheid kan nie opstand teen Hom ongestraf laat bly nie. God het gewaarsku dat daar ‘n finale en volle oordeel sal wees. Dit is nie ‘n leë dreigement nie – ons moet dit ernstig opneem.

The devil visits idle men with his temptations. God visits industrious men with his favors. —Matthew Henry

Satan jag diegene wat swaar kry

Wees nugter, wees wakker! Julle vyand, die duiwel,  loop rond soos ‘n brullende leeu, op soek na iemand om te verslind (1 Petrus 5:8). Hierdie vyand van die mens, soos die bergleeu,  jag veral dié wat swak is of seer gekry het. Die duiwel spandeer baie tyd by dié wat ly. Petrus weet wat dit is as die duiwel op jou onder moeilike omstandighede toesak. Nie minder as drie maal verloën hy vir Jesus nie (Lukas 22:54 – 62). Petrus wat op ‘n stadium so sterk en vol vertroue was, word die prooi van die duiwel. Voor Jesus aan die kruis gespyker is, het Hy vir Petrus gebid: Maar Ek het vir jou gebid dat jou geloof jou nie begewe nie. As jy weer tot inkeer kom, moet jy jou broers versterk (Lukas 22:32). Hierdie selfde Paulus wat voor ‘n diensmeisie inmekaar gekrimp het, is later vir sy geloof gekruisig. Voordat hy gesterwe het, skryf hy ‘n brief aan Christene wat ly en swaarkry (1 Petrus).

Uit sy ondervinding het Petrus geleer dat Satan graag jag maak op mense wat swaarkry. Hy het ook geleer dat God ons in staat stel om terug te veg – selfs in tye van swaarkry. En omdat julle glo, word ook julle deur die krag van God veilig bewaar vir die saligheid wat reeds gereed is om aan die einde van die tyd geopenbaar te word (1 Petrus 1:5).

Watter waarhede kan ons by Petrus leer?

1. Al my lyding sal eendag tot ‘n einde kom

Wees daarom verstandelik wakker en nugter, en vestig julle hoop volkome op die genade wat julle deel sal word by die wederkoms van Jesus Christus (1 Petrus 1:13). Dit is veral tydens die pynvolle oomblikke in ons lewens dat ons God bevraagteken. Satan sê “God gee nie om dat jy pyn verduur nie. God kan in ieder geval niks aan jou pyn doen nie. Hierdie pyn gaan nooit ophou nie.” Maar Petrus sê: Onderwerp julle daarom in nederigheid aan die kragtige hand van God, sodat Hy julle kan verhoog op die tyd wat Hy bestem het (5:6). Hy sê ook dat ons huidige beproewings net ‘n kort tydjie sal duur (1:6). God sal jou uit hierdie moeilike omstandighede trek in sy veilige teenwoordigheid – vir ewig. Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die dinge van vroeër het verbygegaan (Openbaring 21:4).

2. God beskerm nie net vir jou nie – Hy versorg jou

Werp al julle bekommernisse op Hom, want Hy sorg vir julle (5:7). Nederigheid beteken dat ek nie vir God as ‘n onbekwame en onsimpatieke Meester sien nie. Ons kom na Hom selfs as ons ly, want ons weet Hy is ‘n deernisvolle Vader. God wat alles gemaak het, het alles tot sy beskikking. As ek glo dat Hy vir ons soos ‘n Vader versorg, sal ons nie vir Hom of sy wil weerstaan nie – al kry ons swaar.

3. Ons lyding in hierdie lewe herinner ons dat ons in ‘n oorlog betrokke is

Wees nugter, wees wakker! Julle vyand, die duiwel,  loop rond soos ‘n brullende leeu, op soek na iemand om te verslind (1 Petrus 5:8). Alles wat ons in die versoeking mag stel om aan God en sy goedheid te twyfel, is bedoel om ons na Hom te lei. Dit sal ons oortuig dat Hy in ‘n massiewe geestelike oorlog betrokke is vir ons lewens. ‘n Kragtige, kreatiewe vyand wil jou doodmaak. As ons swaarkry is God besig om ons uit ons selftevredenheid te skud en wakker te maak vir die dieper werklikhede van die lewe wat baie belangriker as ons omstandighede is.

4. Al voel jy alleen in jou lyding, jy is nooit alleen nie

Jy is in ‘n oorlog betrokke, maar jy is nooit alleen nie. Werp al julle bekommernisse op Hom, want Hy sorg vir julle (5:7). Ons moet saam met ‘n skare gelowiges teen Satan se aanslae veg. Wat is die strategie van die Christelike gemeenskap wat onder Satan se aanslae deurloop? Dra mekaar se laste, en gee op dié manier uitvoering aan die wet van Christus (Galasiërs 6:2).

5. God gaan nie alleen ons lyding wegvat nie, maar sal elke wond genees en alles weer herstel

Ons band met die Here gee my die vertroue dat julle net so sal dink soos ek. Maar die man wat vir julle in verwarring bring, wie hy ook al mag wees, God sal hom straf (5:10). Die psalmis stel dit so: Daarom is ek bly en juig ek en voel ek veilig. U gee my nie oor aan die dood nie. U laat u troue dienaar nie in die graf kom nie. U leer my hoe om te lewe. By U is daar oorvloedige blydskap. Uit u hand kom net wat mooi is (Psalm 16:9 – 11).

I am glad you feel you are ‘standing still’ in your spiritual life. I should be still better pleased if you felt you were losing ground! Whatever makes for humility is so much to the good.” John Chapman

Bekering

Bekering is ‘n belangrike komponent van die evangelie en die Christelike lewe. Johannes die Doper se boodskap was: Bekeer julle en laat julle doop en God sal julle sondes vergewe (Markus 1:4). Jesus begin sy openbare bediening met hierdie woorde: Bekeer julle en glo die evangelie (Markus 1:15).

Thomas Watson (1620 – 1686) sê: Repentance is a grace of God’s Spirit whereby a sinner is inwardly humbled and visibly reformed. Hy identifiseer ses bestandele wat noodsaaklik vir ware bekering is.

1. Besef van sonde. Die mens sien duidelik dat sy leefwyse sondig is: Toe kom hy (die verlore seun) tot inkeer (Lukas 15:17). As ‘n mens nie sy sonde raaksien nie, is hy baie selde gemotiveerd om hom te bekeer.
2. Ware berou oor sonde. Ek bely my ongeregtigheid, my sonde kwel my (Psalm 38:19). Ons moet die spykers van die kruis in ons siel voel as ons sondig. Droefheid volgens die wil van God bring bekering wat tot redding lei (2 Korintiërs 7:10). Hierdie is nie ‘n wêreldse hartseer nie. Ons sal dit duidelik sien uit die optrede wat dit tot gevolg het.
3. Belydenis van sonde. Die nederige sondaar spreek vrywillig ‘n oordeel oor homself uit. Hulle erken opreg hulle spesifieke sondes. In die Skrif kry ons ten minste sewe voordele van sondebelydenis:

• Belydenis van sonde vereer God. Josua sê vir Akan: My seun, gee tog aan die Here die God van Israel die eer wat Hom toekom en doen belydenis voor Hom (Josua 7:19)
• Belydenis van sonde is ‘n manier om die siel nederig te hou. Asarja probeer keer dat die koning, Ussia, wierookoffers bring – iets wat net die priester mag doen. Ussia word briesend. Met die wierookpan is sy hand, gereed om die offer te bring: Maar terwyl hy teen die priesters uitvaar, breek daar melaatsheid op sy voorkop uit (2 Kronieke 26:19)
• Belydenis van sonde gee verligting aan ‘n hart wat bekommerd is. Skep vir my ‘n rein hart, o God, vernuwe my gees en maak my standvastig. Moet my tog nie van U af wegdryf en u Heilige Gees van my af wegneem nie (Psalm 51:12 – 13)
• Belydenis van sonde suiwer ons van sonde.
• Belydenis van sonde maak Christus vir die siel wat versoening nodig het, bemind.
• Belydenis van sonde maak plek vir vergifnis. Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid (1 Johannes 1:9)
• Belydenis van sonde maak plek vir genade. Wie sy sonde wegsteek, moet niks goed te wagte wees nie; wie sy sonde bely en daarvan afsien, sal genade ontvang (Spreuke 28:13).

1. Skaam vir sonde is ‘n bestandeel van ware bekering. Esra bid: My God, ek is te skaam, ek het nie die vrymoedigheid om my kop voor U op te tel nie. Ons sonde is hoog opgestapel, ons misdade staan hemelhoog (Esra 9:6). Die verlore seun was so skaam vir sy sonde dat hy gevoel het dat hy nie verdien om nog seun te wees nie (Lukas 15:21). Sonde maak ons nakend voor God – misvormd in sy oë.
2. Haat vir die sonde. Hoe meer ons vir Jesus liefhet, hoe meer haat ons die sonde. Bekering begin met die liefde vir God en eindig met die haat vir sonde. Om sonde te verdra, is die begin van sonde doen.
3. Draai jou rug op sonde en keer terug na die Here. Kom met julle hele hart terug na My toe, vas, huil en treur! (Joël 2:12). Dit impliseer ‘n verandering. Dit moet hulle bewys met dade wat by die bekering pas (Handelinge 26:20). Esegiël skryf hierdie  woorde van God aan Israel: Bekeer julle! Laat staan julle afgode! Hou op met julle afskuwelike dade! (14:6).

Bekering beteken ook dat ek my volledig op God rig en in Jesus glo. Bekering se basis is dat ek die sonde haat en dat ek met blydskap bewus word van God se liefde en goedheid wat tot blydskap lei. Besef jy nie dat God jou deur sy goedheid tot  bekering wil lei nie (Romeine 2:4). Ons verheug ons daarin dat Christus alles wat ons nodig het vir ons verlossing vir ons gedoen het.

“There are no experts in the company of Jesus. We are all beginners.” – Eugene Peterson

Hoe lees ek die Bybel? Nuuskierigheid

Ons gaan voort met Mel Lawrenz se reeks oor hoe om die Bybel te lees.

Howard Carter en ‘n paar werkmense het vir maande in die sand in Egipte gesoek na verskuilde kelders. Eendag ontdek hulle ‘n deur. Hulle sny ‘n klein gaatjie daarin en ontdek die wonderlikste dinge daarbinne. Dit was die grafkelder van die bekende koning Toetankamen.

Howard Carter het in Engeland grootgeword – ‘n swak en sieklike seun, maar hy was baie nuuskierig. Dit dryf hom later na die sand van Egipte. Skatte word nie deur terloopse soekers ontdek nie, maar deur toegewydes ontdekkers – mense wat gedryf word deurdat hulle glo dat daar verborge skatte is en dat dit die moeite werd in om baie tyd en energie te spandeer aan die soeke daarna..

So is dit ook met Bybelstudie. Die mense wat die skatte van God ontdek, is diegene wat deur geloof en nuuskierigheid gedryf word – en wat toegewy is om die werk te doen. Om sommer sou lukraak deur die Bybel te blaai, sal nie sy diepste skatte blootlê nie. Ons verlang nie na God as ons net toevallig na Hom loer nie. God nooi ons uit om na sy woord te luister, die dieptes te ontdek en sy skatte te vind. Hierdie sluit in ‘n diep en persoonlike gesprek.

Goeie joernaliste word deur nuuskierigheid gedryf en nie oor wat die publiek sal dink nie. Goeie wetenskaplikes met integriteit ondersoek die bewyse – maak nie saak wat die uiteinde is nie. Sommige mense is van nature nuuskierig. Hulle verbind maklik met mense, want hulle stel belang in mense en respekteer hulle. Hulle open die Bybel soos ‘n argeoloog wat vir ‘n skat grawe.  Meeste mense moet egter kies om nuuskierig te wees. In Bybelstudie gaan dit oor geloof – die keuse om te glo dat daar goud daar is. Dit beteken jy respekteer vir God en dus ook sy woord. Ons moet sy woord diep in ons denke, gedagtes en hart ontvang.

Hoe doen ons dit? Hier is ‘n paar praktiese stappe.

1. Moenie haastig wees as jy die Bybel lees en bestudeer nie. Ons moet ook die kleiner gedeeltes lees en nie net die groot opvallende punte nie.
2. Maak asof jy dit nog nooit vantevore gelees het nie. Die verstaan van die Bybel is kumulatief oor ‘n leeftyd. Elke keer as jy ‘n gedeelte lees, lees dit vars, anders fokus jy net op dit wat jy vantevore onderstreep het.
3. Verstaan jou vlak van kundigheid. Ons moet staatmaak op kennis wat ons van mense om ons kry. Daarom is Bybelwoordeboeke, ensiklopedië en kommentare van groot belang. Ons moet egter nie net daardie kundiges met wie se siening ons saamstem, lees nie
4. Maar jou studie van die Bybel, gedrewe deur respek en nuuskierigheid, is en bly die kern van jou verstaan van die Bybel. Ja ons het kundiges nodig om besonderhede oor die geskiedenis, taal en kultuur in te vul, maar die grootste voordeel is wat ons kry deur studie en denke. Almal van ons kan dit doen.

Soos Carter kan ons almal na binne loer en wonderlike dinge sien.