“Somewhere we know that without silence words lose their meaning, that without listening speaking no longer heals, that without distance closeness cannot cure.” – Henri Nouwen

Satan val die woord van God aan

Die Satan probeer ons mislei. Hy weet dat ons aanbidding van God belangrik is – dit wys dat ons Hom liefhet en eer. Satan val God se woord aan. God het vir Adam en Eva gesê dat hulle nie van die boom in die middel van die tuin mag eet nie, want dan sterf ons … Toe sê die slang vir die vrou: “Julle sal beslis nie sterf nie…”(Genesis 3:4). Hy gebruik ook Eva se natuurlike begeertes: Toe besef die vrou dat die boom se vrugte goed is om te eet en mooi om na te kyk en begeerlik omdat dit kennis kan gee (3:6). Die sonde bring dood na ‘n goeie wêreld. Stof is jy, en jy sal weer stof word (Genesis 3:19). Deur een mens het die sonde in die wêreld gekom en deur die sonde die dood, en so het die dood  tot al die mense deurgedring, omdat almal gesondig het (Romeine 5:12), Satan se leuens het skade aangerig in die lewens van alle mense.

Een van die instrumente wat Satan gebruik, is leiers wat mense mislei. Geliefdes, moenie enigeen glo wat sê dat hy die Gees van God het nie, want daar is nou reeds baie vals profete in die wêreld, maar ondersoek elkeen, ondersoek of sy gees van God afkomstig is (1 Johannes 4:1). God het duidelik gepraat, maar hierdie vals leermeesters lok mense weg van God se woord. Ons moet elke onderrig teen die Bybel toets. In sy eie oë is alles wat ‘n mens doen, reg, maar die Here toets die gesindheid (Spreuke 22:2).

Satan kan ons so verblind dat ons dink ons is reg al is ons verkeerd. Alles wys vir ons hoe erg Satan kan mislei en hoe ernstig die geestelike oorlog is.

Repentance requires greater intimacy with God than with our sin. —Rosaria Butterfield

Bid die Bybel teenoor die Bybel interpreteer

Ons moenie gebedstyd met Bybelstudie verwar nie. As ons die woord van God korrek hanteer, mag  ons nie toelaat dat die teks sê wat ons graag wil hoor nie. Ons moet die God-geïnspireerde betekenisontdek. Die teks van die Bybel beteken wat God dit geïnspireer het om te beteken.

As ons die Bybel bid, is ons primêre aktiwiteit gebed – Bybellees is sekondêr in hierdie proses. Ons fokus is op God deur gebed. Ons bid oor elke gedagte wat by ons opkom soos ons die teks lees. Ons kom meestal na die Bybel om dit te verstaan en toe te pas. Wat doen ons as ons die Bybel bestudeer?

• Ons span ons denke in om te verstaan wat die teks voor ons sê en beteken.
• Ons bid: “Here, wat beteken dit. Hoe moet ek dit toepas?

Wat doen ons as ons die Bybel bid? Kom ons kyk na ‘n voorbeeld. Psalm 23:3 sê: Hy verkwik my siel (OAV). Een van die dinge waaraan jy kan dink is aan iemand aan wie jy die evangelie verkondig. Nou bid jy dat God daardie persoon se siel sal verkwik – dat hy van die duisternis na die lig kan beweeg. Hierdie vers gaan nie oor evangelisasie nie. Ons kan nie sê dat God se woord een ding sê terwyl dit in werklikheid iets ander sê nie. Dan gebruik ons die teks verkeerd.

As ek egter Psalm 23:3 bid en ek dink aan my ongelowige vriend en ek gebruik die taal van die teks – “Here verkwik my vriend se siel – is daar niks mee verkeerd nie. Ek gebruik die taal van die teks om met God te praat.

Op die langtermyn is hierdie gebede dikwels meer Bybels – ons vra nie dieselfde dinge oor en oor nie. die Gees van God sal die woord van God gebruik om mense te help om toenemend volgens die wil van God te bid. Is dit nie die beste manier om die Bybel te leer nie – as ek alleen met die Gees  en die Bybel is en oor die teks bid nie? Dit is die beste manier om die betekenis van die Bybel te ken en om te leer om te bid.

[Hierdie is gebaseer op Donald S. Whitney se boek Praying the Bible.]

“All of God’s people are ordinary people who have been made extraordinary by the purpose he has given them.” – Oswald Chambers

God het van oordeel gepraat (4)

Ons dink dikwels dat afgode tot beelde beperk is. Daar is baie ander soorte “gode” wat Satan vir ons aanbied. Die mens sien dat van alles in die skepping hy die hoogste is. Daarom glo hy dat hy die belangrikste in God se skepping is. Daar kan niks met die mens se verstand vergelyk word nie. Wat kan die mens daarvan weerhou om sy begeertes te vervul? Hulle sal eerder liefde vir genot hê as liefde vir God (2 Timoteus 3:4). Die verderf is hulle einde; die maag is hulle god; hulle skande is hulle trots; hulle is aardsgesind (Filippense 3:19).

Die afgode van vandag is dinge soos plesier, seks, geld, status, sekuriteit, sukses, roem, ens. Hierdie dinge is belangriker as God. [ Die goddelose verlustig hom nou al in wat hy hoop om in die hande te kry. Die een wat hom wil verryk ten koste van ‘n ander, wens homself by voorbaat geluk. Hy verag die Here. Neus in die lug sê hy: “God vra tog geen rekenskap nie!” In al sy planne is daar geen plek vir God nie (Psalm 10:3 – 4)]. Selfsugtige begeertes en trots neem God se plek in ons harte oor.

Selfsugtige mense soek altyd meer. Hulle gee nie om as ander in die proses seerkry nie. Hulle glo daar is geen Regter wat hulle sal straf nie. Ons is soos die Babiloniërs: Dan jaag hulle verder, hulle trek verby soos die wind. Vir hierdie sondige nasie is sy eie mag sy god (Habakuk 1:11).

As ons onsself aanbid, maak ons God na ons eie beeld. Ons wil ‘n God wat net so swak soos ons is, hê. God het nou nie die krag om ons te help en ons lewens te verbeter nie. Ons soek ‘n God wat nooit sal straf nie – sag en teer. Ons glo dat God, soos ons, nooit sy beloftes sal nakom nie.

Dit is nie waar nie. Maar dié wat bang en ontrou geword het, die losbandiges, moordenaars en onsedelikes, bedrieërs en afgodsdienaars, en al die leuenaars, hulle lot is die poel wat met vuur en swael brand, dit is die tweede dood (Openbaring 21:8). Mense probeer hierdie straf vermy deur weg te kruip en omkoopgeskenke aan te bied. [Moet Ek stil bly as jy sulke dinge doen? Nee, Ek eis rekenskap van jou, Ek kla jou aan – Psalm 50:21; Die Here jou God, Hy alleen is God, die Here: die groot God, die magtige, wat wonderdade doen, wat vir niemand partydig is nie en ook nie omkoopgeld aanneem nie – Deuteronomium 10:17]

As ons God soos ons laat lyk, open ons die weg vir vals aanbidding. Die God wat ons sê ons aanbid verskil van die ware God wat Homself aan ons in die Bybel geopenbaar het.

Ons het nou baie gepraat oor God se toorn en oordeel. Wat moet ons doen as ons die ware God wil aanbid. Daarna kyk ons volgende keer.

“When people show you their boundaries (“I can’t do this for you”) you feel rejected…part of your struggle is to set boundaries to your own love. Only when you are able to set your own boundaries will you be able to acknowledge, respect and even be grateful for the boundaries of others.” – Henri Nouwen

 ‘n Stryd wat keuses vereis

Die mens is nie ‘n hulpelose slagoffer wat tussen twee groot leërmagte vasgevang is nie. Die mens is immers na die beeld van God gemaak (Genesis 1:27). Elkeen van ons het ‘n liggaam wat sal sterf en ‘n siel wat nie sterf nie. Moenie bang wees vir dié wat die liggaam doodmaak, maar nie die siel kan doodmaak nie. Nee, vrees Hom eerder wat sowel die liggaam en die siel in die hel kan laat vergaan (Matteus10:28).

Die mens kan ‘n keuse maak oor wie hy wil aanbid en dien – ons moet tussen die ware God en die vals gode kies. Kies dan vandag wie julle wil dien: die gode wat julle voorvaders gedien het anderkant die Eufraat, of die gode van die Amoriete in wie se land julle woon. Wat my en my familie betref, ons sal die Here dien (Josua 24:15). Toe Jesus by Marta en Maria kuier, sit Maria aan sy voete. Maria het die beste deel gekies (Lukas 10:42).

Versoekings is deel van ons lewens. Hoe jammer tog vir die wêreld dat daar dinge is wat die mens afvallig maak! Sulke dinge kom noodwendig (Matteus 18:7). Daarom moet die mens ‘n keuse maak tussen die goeie en die bose, tussen God en die Satan. Wat God van ons verwag is duidelik: Luister, Israel, die Here is ons God, Hy is die enigste Here, Daarom moet jy die Here jou God liefhê met hart en siel, en met al jou krag (Deuteronomium 6:4 – 5). Maar dit gebeur nie sommer outomaties nie – ons moet kies: Kies die lewe, sodat jy en jou nageslag kan lewe (Deuteronomium 30:19).

God stel nie belang in liefde wat afgedwing word nie. Hy maak mense wat kan kies om Hom lief te hê: Maar daar kom ‘n tyd, en dit is nou, wanneer die ware aanbidders die Vader deur die Gees en in waarheid sal aanbid,  want die Vader wil juis hê dat die mense wat Hom aanbid dit so moet doen (Johannes 4:23-24).

God, omdat Hy die ware God is, soek ware aanbidders. Satan probeer om hierdie aanbidders van God weg te rokkel, sodat hulle hom sal aanbid. Die Ou Testamentiese verhaal van Job gaan oor aanbidding en dien. Job het God aanbid en gedien. Satan wou egter nie aanvaar dat Job ‘n ware aanbidder van God is nie. Die duiwel (= aanklaer) beskuldig Job dat hy God weens selfsugtige en vals redes aanbid. Die duiwel beskuldig vir God dat Hy vir Job teen swaarkry beskerm. God laat die duiwel toe om vir Job te toets: Alles wat hy het, gee Ek in jou mag oor. Net aan hom self mag jy nie raak nie (1:12); Goed hy is jou mag. Net sy lewe mag jy nie neem nie (2:6). Let op dat God in beheer bly en die duiwel se mag beperk – die duiwel kan nie doen net wat hy wil nie.

Job verloor sy rykdom en famile en ontwikkel pynlike swere. Hoe reageer Job? Die Here het gegee en die Here het geneem. Prys die Naam van die Here (1:21). Niks kon verhoed dat Job die Here aanbid nie. Hy staan by sy keuse. Het ek al die keuse gemaak en staan ek vas by daardie keuse?