Spreuke: Wat is wysheid (2)

Die spreuke is bedoel om mense wysheid te leer en hulle te onderrig sodat hulle sal weet wanneer iemand verstandig praat (Spreuke 1:2).

Ons het gister gesien dat wysheid moraliteit insluit, maar dat dit meer as dit is. Vandag kyk ons na ‘n tweede aspek van wysheid, naamlik dissipline. Die Hebreeuse woord wat hier met onderrig vertaal word, beteken onderrig met sterk aanspreeklikheid. Dit beteken jy word gedril deur ‘n instrukteur. Wysheid kom dikwels deur die pyn van persoonlike konfrontasie deur vriende [ ‘n Openlike bestraffing is beter as liefde wat onsigbaar bly – 27:5] of deur uit jou foute te leer (26:11) of deur die lyding wat God in jou lewe toelaat [ My seun, aanvaar die straf wat van die Here kom en moet jou nie teen sy teregwysing verset nie, want die Here straf die mens wat HY liefhet net soos ‘n vader doen met sy seun – 3:11 – 12].

Om wys te word, beteken jy word ‘n gedissiplineerde persoon. – nie impulsief nie, maar bereid tot selfondersoek,, tot omsigtigheid en tot helder denke. Dit is om ‘n geharde persoon te word wat deur die slae van die lewe ‘n kalm n vindingryke persoon geword the.

Kyk na jou eie lewe. Sien jy waar God probleme gebruik het om jou wys te maak?

Spreuke: Wat is wysheid? (1)

Die spreuke is bedoel om mense wysheid te leer en hulle te onderrig sodat hulle sal weet wanneer iemand verstandig praat (1:2)

Ons kyk nou verder na Tim en Kathy Keller se boek: God’s Wisdom for Navigating Life  (2017). Vandag en die volgende aantal dae kyk ons na die vraag: Wat is wysheid.

Die Hebreeuse woord hokma (= wysheid) sluit in moreel of sedelik, maar dit gaan verder. Wysheid beteken om die regte keuses te maak al is daar geen duidelike morele lesse  wat vir jou presies sê wat om te doen nie. Sommige besluite vereis slegs kennis (watter medisyne om te kies) en ander slegs dat ek sekere reëls moet nakom. Geen Bybelvers vertel vir jou met wie jy moet trou nie, watter werk jy moet doen nie of waar jy moet bly nie. Tog kan ‘n verkeerde besluit rampspoedig wees. Daar is ook geen morele wette teen karakterfoute soos impulsiwiteit, emosionele broosheid en wanorde nie, al kan hulle baie skade aan ons lewens berokken.

As God vir ons ‘n boek van ‘n honderd volumes gegee het met reëls vir elke situasie, sou ons op die boek en ons ywer staatgemaak het. As ons egter wil weet wat wysheid werklik is, word ons gedryf om n Jesus te kyk. Na hom word verwys met die woorde: Waar kom Hy aan al hierdie dinge, en watter besondere gawe van wysheid het Hy dat daar sulke kragtige dade deur sy hande plaasvind? (Markus 6:2).

Ons is so selfvoldaan oor ons regte oortuigings. Ek glo graag dat ek die waarheid ken, maar al ken ek dit, weet ek nog nie hoe om dit toe te pas nie. Laat my besef dat dit noodsaaklik is dat ek in wysheid groei en herinner my dat ek dit van U ontvang het.

Ons gaan volgende na ander aspekte van wysheid soos dissipline, onderskeidingsvermoë en oordeelkundigheid kyk.

Hoe kan ek glo in ‘n God wat mense hel toe stuur?

Baie mense sukkel om te glo in ‘n God wat onskuldige mense laat doodmaak het. Hulle verwys hiermee na die inname van Kanaän. Om deur die boek Josua te lees, is soms moeilik. God roep mense op om die land skoon te maak. Ons moet onthou dat die mense wat skoongemaak is nie onskuldige mense was nie.  God verklaar hier oorlog op mense wat afgode aanbid het en gewelddadig was.

As ons probleme het met ie God van oordeel van die Ou Testament gaan ons nog meer probleme met Jesus hê. As Jesus terugkom staan die dooies op en verskyn voor sy troon. Hy skei dan die skape van die bokke. Die skape word verwelkom in die ewige lewe en die bokke word veroordeel tot ewige straf.

In Openbaring word Jesus voorgestel as die Lam op die troon; die eerste en die laaste; die Lewende; dié Een wat die sleutels van die dood en hel hou. Hy kom as die Ruiter op die wit perd om sy vyande te vernietig. Hy is die regter wat Satan en al die goddelose in die meer van vuur sal gooi. In ons huidige kultuur is dar min van God se heiligheid en geregtigheid oor. – ons sit en oordeel Hom oor wat Hy in hierdie heilige oorloë gedoen het. Daarom hoor ons mense sê: “As dit die soort God is waarin jy glo, wil ek niks met Hom te doen hê nie. Maar ek hou van Jesus.”

Meeste mense sal aanvaar as dit by God se oordeel kom dat dit opvoedkundig is – ‘n genesende soort vonnis. Onthou dat die God wat vir jou sê wat vir jou voorlê as jy nie in Jesus Christus glo en op hom vertrou nie, is dieselfde God wat sy enigste Seun gestuur het vir ons sondes Jy kan niemand behalwe jouself blameer as jy nie nou na Christus in geloof draai nie.

Spreuke: Wat is wysheid? (1)

Die spreuke is bedoel om mense wysheid te leer en hulle te onderrig sodat hulle sal weet wanneer iemand verstandig praat (1:2)

Ons kyk nou verder na Tim en Kathy Keller se boek: God’s Wisdom for Navigating Life  (2017). Vandag en die volgende aantal dae kyk ons na die vraag: Wat is wysheid.

Die Hebreeuse woord hokma (= wysheid) sluit in moreel of sedelik, maar dit gaan verder. Wysheid beteken om die regte keuses te maak al is daar geen duidelike morele lesse  wat vir jou presies sê wat om te doen nie. Sommige besluite vereis slegs kennis (watter medisyne om te kies) en ander slegs dat ek sekere reëls moet nakom. Geen Bybelvers vertel vir jou met wie jy moet trou nie, watter werk jy moet doen nie of waar jy moet bly nie. Tog kan ‘n verkeerde besluit rampspoedig wees. Daar is ook geen morele wette teen karakterfoute soos impulsiwiteit, emosionele broosheid en wanorde nie, al kan hulle baie skade aan ons lewens berokken.

As God vir ons ‘n boek van ‘n honderd volumes gegee het met reëls vir elke situasie, sou ons op die boek en ons ywer staatgemaak het. As ons egter weet wat wysheid werklik is, word ons gedryf om n Jesus te kyk. Na hom word verwys met die woorde: Waar kom Hy aan al hierdie dinge, en watter besondere gawe van wysheid het Hy dat daar sulke kragtige dade deur sy hande plaasvind? (Markus 6:2).

Ons is so selfvoldaan oor ons regte oortuigings. Ek glo graag dat ek die waarheid ken, maar al ken ek dit, weet ek nog nie hoe om dit toe te pas nie. Laat my besef dat dit noodsaaklik is dat ek in wysheid groei en herinner my dat ek dit van U ontvang het.

Ons gaan na ander aspekte van wysheid soos dissipline, onderskeidingsvermoë en oordeelkundigheid kyk.