Your faith will not fail while God sustains it; you are not strong enough to fall away while God is resolved to hold you. —J.I. Packer

Die voorspoedsteologie

Vroeër vanjaar was die sosiale media in rep en roer omdat die televangelis Credo Dollar fondse vir ‘n $65 miljoen private vliegtuig bymekaar gemaak het. Sy motivering? Hy wou die boodskap van Christus versprei. Hy is gekritiseer deur Christene en nie-Christene. Sy verweer is dat diegene wat hom kritiseer nie die Bybel verstaan nie.

Hierdie predikers het al die Christelike geloof vir dekades lank geïnfiltreer. Hulle het hulle persoonlike vliegtuie, hulle dra duur klere en hulle woon in duur huise. Hulle boodskap is eenvoudig: God wil hê dat sy volgelinge finasieel ryk moet wees, uitstekende gesondheid moet geniet en gemaklike lewens moet leef.

Hulle leuse is: “Noem dit en maak daarop aanspraak.” God deel dan al die goodies uit – ‘n goeie werk, ‘n bankrekening wat groei en selfs fisiese genesing. Alles hang van jou geloof af – soms bewys deur hoeveel jy vooraf bereid is om te gee. Geloof is wat God laat beweeg. Om ons hemelse voorregte te ontvang, moet ons onsself ondersoek en ontslae raak van ons ongeloof. Hierdie tipe “geloof” is problematies. Dit trek die werklikheid skeef. Dit is wensdenkery.

God belowe nooit finansiële rykdom aan sy volgelinge nie. Inderwaarheid waarsku Paulus sy lesers hierteen: Geldgierigheid is ‘n wortel van allerlei kwaad. Party het geld nagejaag en toe van die geloof afgedwaal; daardeur het hulle hulleself baie ellende op die hals gehaal (1 Timoteus 6:10).

Jesus het nie aan die kruis gesterf om vir ons aardse dinge te geen nie. Hy weet dat geld nie sleg is nie, maar te veel mag nadelig wees. Daarom beveel Hy sy volgelinge om skatte in die hemel bymekaar te maak.

Die voorspoedsteologie leer dat pyn en lyding nie deel van ‘n Christen se lewe moet wees nie. Maar die werklikheid is anders. Geliefdes gaan steeds dood. Dallas Willard definieer die werklikheid as dit what you run into when you’re wrong. Dit verpletter die voorspoedsteologie, maak nie saak hoeveel geloof jy het nie.

Om Christus te aanvaar is nie ‘n paspoort na ‘n pyn-vrye lewe nie. Enige teologie wat nie die werklikheid van pyn en lyding aanvaar nie, is skokkend. God skuld ons niks nie. Normal Christianity is pain … It’s sorrowful, yet always rejoicing (John Piper). Ons kan vertrou dat God uiteindelik alles gaan herstel – of nou of in die lewe hierna.

Die voorspoedsteologie skep swak Christene. Dit ontneem ons van God se ware seëninge, want dit skep ‘n illusie dat ek op sekere dinge geregtig is.

Ons verheug ons ook in die swaarkry, want ons weet: swaarkry kweek volharding, en volharding kweek egtheid van geloof, en egtheid van geloof kweek hoop; en die hoop beskaam nie, want God het sy liefde in ons harte uitgestort deur die Heilige Gees wat Hy aan ons gegee het (Romeine 5:3 – 5).

Nowhere in Scripture do we find doctrine studied for its own sake or in isolation from life. —Wayne Grudem

Ek kom iets kort

Die Bybel vertel die verhaal van ‘n man wat volgens ons wêreld se standaarde alles gehad het wat hom gelukkig en vervuld kon maak: mag, invloed, rykdom. Maar tog ondervind hy ‘n leegheid. Hy gaan op ‘n reis om God te soek. Hy het ‘n hoë pos aan die hof van die koningin van Etiopië beklee – hy het haar geldsake beheer. Maar hy was ongelukkig. Hy gaan na Jerusalem om te aanbid. Hy kry nie wat hy gesoek het nie. Op pad terug vind hy totaal onverwags ‘n antwoord op al sy vrae. Hy het ‘n afspraak met God gehad wat sy hele lewe verander het.

Hierdie man se storie vertel vir ons wat gebeur as jy ‘n Christen word. As iemand waarlik in Jesus Christus glo, verander sy lewe dramaties. Sy lewe gaan van leegheid na oorvloedige vreugde. Sy storie eindig met ‘n stelling: die amptenaar het sy reis met blydskap voortgesit (Handelinge 8:39). Dit is nie ‘n oordrywing as die Bybel sê dat ons van die duisternis na die lig oorgaan as ons in Jesus Christus glo nie. Dit beskryf wat in ons lewens besig is om plaas te vind. Alle gevalle is nie identies nie – mense kom op verskillende maniere tot geloof. Die Christelike geloof is om in geloof te wandel en nie ‘n gevoel nie.

God het ons nou vrygespreek deurdat ons glo. Daarom is daar nou vrede tussen ons en God deur ons Here Jesus Christus (Romeine 5:1).

G. K. Chesterton stel dit so: “The most extraordinary thing in the world is an ordinary man and his ordinary wife and their ordinary children.”

Alles kom tot niks (2)

The Gospel Coalition is besig met ‘n reeks oor verwarrende gedeeltes uit die Bybel. Kundiges verduidelik hierdie gedeeltes. Vandag kyk ons na die tweede blog oor Tremper Longman se hantering van Prediker 1:2.

Wat is die boodskap van die tweede wyse man?

Daar is ‘n rede waarom hy sy seun aan die Prediker se denke blootgestel het: Hy (die Prediker) het daarna gestrewe om hom raak uit te druk en die waarheid getrou op te teken (12:10). Hy waarsku egter sy seun dat hierdie onderrig ook pynlik kan wees: Die woorde van mense met wysheid is soos skerp stokke, versamelde spreuke is soos spykers wat ingeslaan word. Daarom moet die seun nie ‘n obsessie met hierdie mense hê nie: My seun, wees versigtig! Daar kom nie ‘n einde aan die skryf van baie boeke nie, te veel studie ooreis die liggaam (12:11 – 12).

Die tweede wyse man sê dat die Prediker ‘n voorbeeld van eerlike denke oor ons huidige lewe is: “Die lewe is moeilik en dan gaan jy dood!” Maar hy gaan verder en moedig sy seun aan om verder as die huidige lewe te dink: Dien God en gehoorsaam sy gebooie. Dit is wat van die mens gevra word. God sal rekenskap eis oor alles wat gedoen word, ook oor wat in die geheim gedoen word, of dit goed is of kwaad (12:13 – 14).

Die boodskap van Prediker is duidelik. Die tweede wyse man sê vir sy seun om die regte verhouding met God te ontwikkel en deur daardie verhouding in stand te hou deur God se opdragte te gehoorsaam en te leef in die lig van die toekomstige oordeel. Hy sê dat seun net betekenis in God kan kry – plaas God eerste en al die ander dinge val in plek.

Prediker in die lig van Jesus Christus

Daar word in net een plek in die Nuwe Testament na Prediker se boodskap verwys: Ek is daarvan oortuig dat die lyding wat ons nou moet verduur, nie opweeg teen die heerlikheid wat God vir ons toekoms sal laat aanbreek nie. Die skepping sien met gespanne verwagting daarna uit dat God bekend maak wie sy kinders is. die skepping is immers nog aan verydeling onderworpe, nie uit eie keuse nie, maar omdat God dit daaraan onderwerp het (Romeine 8:18 – 20). God het die skepping aan verydeling onderwerp. As die Prediker dus vir betekenis “onder die son” – in die gevalle wêreld – soek, sal hy dit nie kry nie.

Paulus hou egter nie hier op nie: Daarby het Hy die belofte van hoop gegee: die skepping sal self ook bevry word van sy verslawing aan die verganklikheid, om so tot die vryheid te kom van die heerlikheid waaraan die kinders van God deel sal hê (Romeine 8:20 – 21). Christus het in ons plek ‘n vervloekte geword om ons van die vloek van die sondeval te bevry (Galasiërs 3:13). Hy sterf – juis die ding wat die Prediker se lewe betekenisloos gemaak het – om ons van die angel van die dood te bevry. Deur die Prediker-boek in die lig van die Nuwe Testament te lees, rig ons op Jesus in wie ons lewens ware betekenis kry.

If there is a God, of course he would know things that I can’t know about what’s best for me – Tim Keller

Alles kom tot niks (1)

The Gospel Coalition is besig met ‘n reeks oor verwarrende gedeeltes uit die Bybel. Kundiges verduidelik hierdie gedeeltes. Vandag kyk ons na Tremper Longman se hantering van Prediker 1:2.

Alles kom tot niks, sê die Prediker, tot niks.

Om die boek te verstaan, moet ons verstaan dat ons hier twee sprekers met verskillende boodskappe het. In die grootste deel van die boek praat die persoon in die eerste persoon – Ek, die Prediker (1:12 – 12:7). Maar daar is ook ‘n tweede spreker wat van die Prediker praat (1:1 – 11 en 12:8 – 14).

Die boodskap van Prediker

Eenvoudig gestel is die boodskap: “Die lewe is moeilik en dan sterf jy.” Hy het probeer betekenis van die lewe kry in wysheid, plesier, werk, rykdom, status en verhoudings – sonder sukses. Daar is drie faktore wat die lewe sonder betekenis maak:

• Die dood – jy word oud en jy sterf. Die Prediker het geen vertroue in ‘n lewe na die dood nie. die tyd wanneer die stof na die aarde toe terugkeer soos dit was, en die gees na God terugkeer wat dit gegee het (12:7).
• Ongeregtigheid – as daar dan geen lewe na die dood is nie, mag betekenis dalk gekry word uit belonings in hierdie lewe vir die regverdige en wyse persoon. Dit werk nie so nie: ‘n Regverdige gaan onder al doen hy reg, ‘n goddelose geniet ‘n lang lewe al doen hy verkeerd (7:15).
• Die mense se onvermoë om die regte tyd te onderskei. Dit word goed beskryf in die bekende gedig wat in 3:1 begin: Elke ding het sy vaste tyd, elke ding in hierdie wêreld het sy tyd. Wysheid in die Bybel word bepaal deur die wysgeer se vermoë om die regte woord en die regte tyd vir die regte optrede te onderskei. Volgens die Prediker het God alles vir ‘n bepaalde tyd gemaak, maar: Tog kan die mens die werk van God van begin tot einde nie begryp nie (3:11).

Daarom is daar geen betekenis in die lewe nie Die beste wat die mens kan doen onder hierdie omstandighede is om in die lewe te gryp wat jy kan (2:24 – 26; 3:12 – 14, 22; 5:18 – 20; 8:15; 9:7 – 10). [Carpe diem =  gryp die lewe.] Diegene wat die lewe aangryp kan hulle ten minste tydelik onttrek uit die harde werklikheid van die lewe.

Is die Prediker Salomo?

Prediker is nie die skrywer se regte naam nie. Dit assosieer hom met Salomo. Dit is egter onwaarskynlik dat die Prediker Salomo is. As die Prediker dan Salomo is hoekom gebruik hy ‘n skuilnaam? Daar is ook baie gedeeltes waar die Prediker van die koning as ‘n derde party praat (1:16a; 4:1 – 3; 5:8 – 9; 10:20). Die boodskap van die boek is ‘n waarskuwing dat ons nie met die illusie as ek net meer geld/rykdom/wysheid gehad het, sou ek tevrede met my lewe gewees het, kan leef nie.

Volgende keer kyk ons verder na Prediker.