The more holy a man becomes, the more he will loathe and mourn over the remains of indwelling sin. —C.H. Spurgeon

Die kerk vandag (12)

Daar het onlangs ‘n goeie boek van Jared C. Wilson – The Prodigal Church –  verskyn. [Prodigal = verkwistend, luuks, uitspattig] In hierdie boek kyk hy na die manier waarop ons vandag kerk “doen.” Ons gaan ‘n hele aantal blogs aan hierdie boek spandeer.

Cheap grace is the deadly enemy of our Church. We are fighting today for costly grace. So begin Dietrich Bonhoeffer se boek: The Cost of Discipleship. In hierdie boek bespreek hy die verantwoordelikheid om Jesus Christus te volg. Volgens hom is goedkoop genade ‘n sentimentele gevoel van God se goedkeuring wat gelowiges toelaat om nie hulle lewens te verander nie. God word net ‘n byvoeging; Jesus is ‘n geestelike ghoeroe wat ons bewonder. Ons kom na Jesus Christus vir die voordeel van ‘n ewige lewe – ‘n kaartjie na die hemel – maar as ons ons kruis moet opneem, skram ons weg.

Die kerk wat besig is met goedkoop genade, hanteer genade as ‘n konsep en nie ‘n werklikheid nie. Hulle het die lewende God vir ‘n goedkoop abstrakte idee ingeruil. Omdat ware genade nie ter sprake is nie, is daar geen ware vergifnis van sonde nie. In such a Church the world finds a cheap covering for its sins; no contrition is required, still less any real desire to be delivered from sin.

Baie gemeentes praat baie oor genade. Genade was verantwoordelik dat hulle ontslae van die tradisionele, fundamentalistiese vorige geslag ontslae geraak het. Hulle kan nou jeans dra, rock musiek speel, video’s in die kerk wys, koffie drink in die kerk. Ons het nou ‘n masjien wat mis maak en gekleurde ligte op die verhoog. Ons het nou ‘n heeltemal nuwe perspektief oor hoe mense na Jesus Christus toe kom.

In Lukas 15:17 lees ons dat die verlore seun tot inkeer kom – binne in die varkhok. Die omvang van sy mislukking, sy onvermoë en sy sonde sien hy nou duidelik voor hom. Hy weet dat hy besig is om onder te gaan. Hy kyk om hom, bekyk sy lewe en besef dat alles waarop hy vir sy geluk en sukses vertrou het, nie gewerk het nie.

Wat sal ‘n verlore gemeente sien as hy tot inkeer kom? Hoe sal hy weet hy het sy Vader se genade vermors?

• Hy sal sien dat baie mense “besluite” vir Jesus neem, maar geloofsgroei vind nie eintlik plaas nie.
• Hy sal sien dat ten spyte van al sy praat oor genade fokus sy boodskappe op “dinge om te doen” en nie op dinge wat Christus gedoen het nie – die evangelie.
• Die gemeente mag sien dat hy mense trots maak deur gedurig na hulle groot potensiaal en hulle vermoë vir grootheid te praat.
• Hulle mag sien hulle hanteer mense se afgode deur so veel as moontlik kultuur-relevante gebeurtenisse as moontlik in te bou.
• Hulle mag sien dat hulle genade goedkoop gemaak het deur liedere te sing oor hoe hulle voel in plaas daarvan om liedere oor God te sing.
• Die gemeente mag sien dat hy genade goedkoop maak deur die belang van sonde af te water.
• Hy kan genade goedkoop maak deur min van mense te verwag en aan te neem genade is al wat nodig is.

Ons ken mense wat doodtevrede is, al is hulle nie noodwendig gelukkig nie, om in hulle huidige situasie te bly. Hoekom? Miskien dink hulle dit is darem nie so sleg nie; miskien voel hulle dat verandering te veel van hulle gaan eis – die pyn van verandering is net te groot. Baie gemeentes sien ook nie die probleem van hulle paradigma nie, want hulle het die voorkoms van sukses – groot getalle, groot geboue. Hulle is gewild. Ongelukkig vertel voorkoms nie die hele storie nie. Iemand wat ongelukkig voel, bly stil, want die oormag is net te groot. Dit is soos om ‘n groot skip te probeer draai. Daar is net eenvoudig te veel op die spel – nie net geld en geboue nie, maar ‘n gehegtheid aan die model self. Daarom verdedig hierdie gemeentes hulleself teen alle kritiek, want jy val hulle model aan.

Die goeie nuus van God se genade is dat ons altyd oor kan begin. God gee tweede kanse. As ons gewillig is om afstand van al hierdie dinge te doen vir sy onthalwe, sal Hy ons met oop arms ontvang.

Too many are willing to sit at God’s table, but not work in his field. —Vance Havner

Die kerk vandag (11)

Daar het onlangs ‘n goeie boek van Jared C. Wilson – The Prodigal Church –  verskyn. [Prodigal = verkwistend, luuks, uitspattig] In hierdie boek kyk hy na die manier waarop ons vandag kerk “doen.” Ons gaan ‘n hele aantal blogs aan hierdie boek spandeer.

Alle bediening is berou

Die verlore seun hardloop huis toe. Sy vader hardloop hom tegemoet. Dit is ‘n pragtige prentjie van berou en vergifnis – dit is versoening. Die hele storie het begin toe die seun vir sy vader gesê het: “Ek weet beter. Gee vir my wat myne is en ek kan dit nou gebruik soos ek wil.” Die vader was bereid om die seun toe te laat om die moeilike les van dinge op jou eie doen, te leer.

Elke dag gee God aan ons ‘n nuwe porsie genade – genoeg om dit wat oor ons pad kom te hanteer. Hy plaas hierdie genade in die oop hande van ons geloof: “Dit is vir jou.” Nou het ons ‘n keuse. Gaan ek sê: “Ek vertrou U, Vader. Gee my die wysheid om te weet hoe om dit reg te gebruik.” Of gaan ek soos hierdie seun sê: “Gee my vandag se genade. Ek sien U weer môre.” Dan gaan ons deur die dag en ons misbruik sy genade – ons gebruik dit op.

Daar is meer genade in God as wat daar sonde in ons is. Die punt is nie dat ons sy genade aan ons moet rantsoeneer nie. Ons kan God vertrou vir die genade wat Hy gee en werk asof dit kosbaar is. Of ons kan God se genade aanneem en dit verwring, omdat ons aanvaar dat sy genade ‘n lisensie vir ons is om enigiets te doen.

Ons word elke dag getaak om ons kruis op te neem. En elke dag kry ons nuwe genade. Elke dag herbesin ons. Elke dag het ons berou. Wat nodig is, is ‘n terugkeer na God en om ons om Hom te heroriënteer. Die HG roep ons gedurig terug na die Bybelse beeld van die kerk en na parameters vir bediening gesentreer op die evangelie. Ons voorgangers het sekere merkers opgerig: Moenie verder as hierdie punt gaan nie. Maar ons is arrogant; ons weet beter; ons is slimmer en meer verlig. Daarom ignoreer ons die merkers – ons wil net groei.

Neem die woorde wat jy van my gehoor het, as voorbeeld van gesonde verkondiging en volg dit na in die geloof en leifde wat ons in Christus Jesus het. Wat aan jou toevertrou is, is goed. Bewaar dit deur die Heilige Gees wat in ons woon (2 Timoteus 1:13 – 14). Laat ons na die evangelie terugkeer.

Jesus said, ‘Say it – say our Father,’ and you will suddenly discover He is – Oswald Chambers

Versoekings

Mense het ‘n wonderlike vermoë om hulle slegte gedrag te regverdig. Een voorbeeld hiervan is: “Die duiwel het my dit laat doen.” Volgens Ben Witherington stem die Bybel, veral ten opsigte van gelowiges, nie saam met hierdie teologie nie. Die Bybel stem nie saam dat jy jou sonde kan regverdig deur jou huis, ouers, gemeenskap, skool, ens te blameer nie. Jakobus stel dit duidelik: Maar ‘n mens word verlei deur sy eie begeertes wat hom aanlok en saamsleep. Daarna, as die begeertes bevrug geraak het, bring dit die sonde voort, en as die sonde ryp geword het, loop dit uit op die dood (1:14 – 15).

Dit is altyd sleg om te ontdek dat jy die bron van jou eie probleme en versoekings is. Ons sal eerder iemand of iets anders blameer. In sy bergrede sê Jesus: Julle het gehoor dat daar gesê is: ‘Jy mag nie egbreuk pleeg nie.’ Maar Ek sê vir julle: Elkeen wat na ‘n vrou kyk en haar begeer, het reeds in sy hart met haar egbreuk gepleeg (Matteus 5:27 – 28). Let net op wat Jesus as die kern van die probleem sien: ons eie begeertes. Jesus sê dat mooi vrouens die kern van die probleem is nie, maar ons begeertes.

Versoekings is nie sonde nie; om toe te gee aan versoekings is sonde.

It is in the heart that God is preceived and not by reason. So that is what faith is: God perceived by the heart, not by the reason. Blaise Pascal

Infiltrasie deur die evangelie

Ons kan baie leer by die spesiale magte van die verskillende weermagte. Die Navy SEALS van die VSA kry hulle naam omdat hulle op drie maniere infiltreer (Sea, Air, Land). Die kerk het ook drie maniere van infiltrasie met die evangelie. Die manier wat gebruik word, word deur die situasie bepaal.

• Gebed

Dit is waarskynlik die direkste metode om God in ‘n bepaalde situasie in te bring. Ons bid vir God se hulp; ons bid vir wysheid. Daar is egter meer aan gebed as net bid vir waar ons tekortskiet. “The goal of prayer is not to see who can spend the longest time in prayer … not to pray with greater feelings of certainty, or greater eloquence, or even greater frequency. The goal of prayer is to live all my life and to do all my ministry in the joyful awareness that God is present, right here, right now.” (John Ortberg) Gebed is om van hierdie groot waarheid bewus te wees: God is hier.

• Teenwoordigheid

Hierdie is nog ‘n manier waarop die evangelie infiltreer. Ons praat van God se teenwoordigheid wat altyd daar is alhoewel ons geneig is om dit te vergeet. Maar teenwoordigheid het nog ‘n element: persoonlike teenwoordigheid. Net soos Jesus mens geword het en tussen die mense rondgeloop het, het ons ook die geleentheid om by ander teenwoordig te wees. Ons verteenwoordig Christus; ons is sy arms en bene en hande en voete vir mense wat nog nie van God se teenwoordigheid bewus is nie. Die probleem is dat ons dikwels fisies teenwoordig is, maar emosioneel afwesig. Teenwoordigheid in bediening beteken volledig teenwoordig – ten volle bewus van God se teenwoordigheid en ten volle bewus van wat in mense se lewens aangaan.

• Die Skrif

Die Skrif infiltreer as ons God se woord betrek by die situasies waarin ons is. Ongelukkig kan ons die Skrif oppervlakkig of voortydig gebruik. Ons kan maklik vir iemand wat sukkel met pornografie sê dat die Bybel sê dat as jou oog jou pla jy dit moet uitruk. Dit help niks. Wat ons moet doen, is om die onderliggende oorsaak hiervoor vas te stel – afstand van God, eensaamheid, ens. Dan moet ons die Skrif gebruik om hierdie dieperliggende oorsake te hanteer. Gebruik die Skif, maar moenie dit as ‘n haelgeweer– trek die sneller en hoop jy tref iets – gebruik nie

Gebed, teenwoordigheid en die Skrif is drie maniere waarop ons die lewens van mense vir wie God ons geroep het om te bereik, kan infiltreer.