A man was meant to be doubtful about himself, but undoubting about the truth; this has been exactly reversed. Nowadays the part of a man that a man does assert is exactly the part he ought not to assert—himself. The part he doubts is exactly the part he ought not to doubt—the Divine Reason. — G.K. Chesterton
Dissipline
John Maxwell sê dat talent vir jou ‘n posisie kan kry, maar dat dissipline jou daar sal hou … en jou selfs verder sal dra. Wat is jou droom? Wat wil jy graag word? Om jou potensiaal te bereik, moet jy ‘n lewe van dissipline aankweek.
Daar is ‘n paar waarhede aangaande dissipline waaraan ons aandag moet gee:
- Dissipline kos iets
Dissipline vereis ‘n voortdurende belegging van tyd, energie en toewyding – dikwels ten koste van tydelike plesier. Dissipline beteken ek doen afstand van die korttermyn voordele. My hoop is op die toekoms. Jy is nie tevrede met die gemiddelde nie.
- Dissipline verander talent in grootheid
Ons sien dikwels dat te veel talent teen ‘n persoon kan werk Super talentvolle mense verwaarloos dikwels daardie daaglikse gewoontes wat nodig is vir volgehoue sukses. Die digter Henry Wadsworth Longfellow help ons baie:
The heights by great men reached and kept
Were not attained by sudden flight,
But they, while their companions slept,
Were toiling upward in the night.
As jy jou volle potensiaal wil bereik, moet jy ‘n sterk werketiek by jou talente voeg.
- Dissipline fokus op jou keuses en nie op jou omstandighede nie
Sommige mense fokus op die eksterne – hulle laat toe dat omstandighede bepaal of hulle gedissiplineerd is of nie. Omdat omstandighede tydelik is en gereeld verander, verander hulle vlakke van dissipline voortdurend. Mense met interne dissipline, daarenteen, fokus op keuses. Hulle weet hulle kan nie die omstandighede beheer nie. Deur op keuses te fokus en deur gereeld die regte keuses te maak, bly jy gedissiplineerd.
- Dissipline buig nie voor gevoelens nie
“Nothing is easier than saying words. Nothing is harder than living them, day after day. What you promise today must be renewed and redecided tomorrow and each day that stretches out before you.” (Arthur Gordon)
As jy doen wat jy beoort te doen net as jy so voel, gaan jy nie gedissiplineerde gewoontes bou nie. Soms moet jy teenstrydig tot jou emosies optree. As jy weier om toe te gee aan jou impulse, al laat hulle jou tydelik goed voel, gaan jy slaag.
Dissipline beteken dat ek verantwoordelikheid vir my toekoms aanvaar. Ek gaan verder as my natuurlike talent; ek maak gereeld wyse besluite. Kies dissipline as die pad na jou potensiaal.