Men never do evil so completely and cheerfully as when they do it from religious conviction. -Blaise Pascal, filosoof en  wiskundige (19 Jun 1623-1662)

Die vader en die Seun

Ravi Zacharias vertel die storie van ’n besoek aan Varanasi in die noorde van Indië. In ‘n klein kamertjie sit ‘n vader en sy seun. Hulle is besig om ‘’n sari vir ’n huwelik te maak. Hierdie is ‘n tradisionele kledingstuk wat elke bruid in Indië op haar troudag wil dra.

Die vader sit op ‘n klein verhogie met groot tolle gare van helder kleure binne sy bereik. Die seun sit op die vloer in die lotus-posisie. Voor die oë van die mense wat toekyk ontwikkel ‘n wonderlike ontwerp. Die vader maak gare van verskillende kleure bymekaar, knik vir die seun wat dan die weefspoel van kant tot kant skuif. Nog ‘n paar drade, nog ‘n knik en weer reageer die seun deur die weefspoel van kant tot kant te skuif. Die stilte word slegs af en toe verbreek deur die kommentaar van ‘n besoeker wat iets oor die finale ontwerp wil weet. In gebroke Engels probeer die vader die prentjie wat hy in sy gedagtes het, te verduidelik. Maar vergeleke met die finale produk is dit maar vaal.

Dwarsdeur die proses het die seun die makliker taak. Waarskynlik het hy maar soms verveeld gevoel. Miskien was sy rug seer of het hy krampe in sy bene gekry. Miskien het hy soms gehoop dat hy ‘n ander werk kon kry – iets meer stimulerend en vervullend. Hy het net een taak: hy moet die skuifspoel skuif s sy vader knik. Miskien het hy gehoop dat hy eendag by sy vader sou kon oorneem. Maar die hele tyd bly die ontwerp in die gedagte van sy vader wat die gare in sy hand hou.

So kyk ons ook na ons lewens uit ons beperkte menslike perspektief – ons sien nie die patroon of plan nie. Ons sien nie God se geregtigheid aan die werk nie en die lewe lyk maar vir ons deurmekaar en soms selfs onregverdig. God is regverdig en Hy is groter as hierdie lewe.

Ons mag dalk nie die volheid van sy plan vir ons in hierdie lewe ondervind nie. Ons mag dalk wonder waarom ons so swaarkry. Maar soos ‘n vakman is God besig om alles uit te werk.

Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is (Romeine 8:28).

“We may speak about a place where there are no tears, no death, no fear, no night; but those are just the benefits of heaven. The beauty of heaven is seeing God.” ~ Max Lucado

My gewete – vriend of vyand?

Conscience is either the greatest friend or the greatest enemy in the world – Richard Sibbes

Jou gewete is daardie stem in jou binneste wat vir ons sê dat ons God se wil behoort te doen. As ons dit doen sal dit ons vertroos en bemoedig – al is die eksterne omstandighede pynlik. Doen ons dit nie, veroorsaak dit pyn.

In Handelinge 24 is Paulus in ‘n gevaarlike situasie. Hy is in Jerusalem gevange geneem en na Sesarea gestuur om hom teen sluipmoordenaars te beskerm. Daar verskyn hy voor Feliks, die Romeinse goewerneur in Judea. ‘n Goeie advokaat, Tertullus, was die advokaat vir die vervolging. Hy kla Paulus van drie dinge aan:

• Hy is ‘n politieke rebel.
• Hy is ‘n leier van die sekte van die Nasareners.
• Hy het die tempel ontheilig.

Hy ontken die aanklagte dat hy ‘n politieke rebel is en dat hy die tempel ontheilig het. Hy erken wel dat hy God volgens die leer van Christus dien. Hy voeg by: Daarom doen ek ook my uiterste om altyd ‘n skoon gewete voor God en die mense te hê (24:16). Maak nie saak hoeveel konings en keisers hom aankla nie, vertroos sy gewete hom.

Hierdie skoon gewete was die krag van Paulus se hele lewe. Dit verander Paulus se hele wêreld en deur hom het die hele wêreld verander. Wat is die kenmerke van ‘n gewete wat die wêreld verander?

1. Dit is ‘n opgevoede gewete
2. Dit is ‘n geoefende gewete
3. Dit is ‘n gewete wat bemoedig
4. Dit is ‘n gewete om te geniet

In die volgende blogs gaan ons verder na hierdie kenmerke van ‘n skoon gewete kyk.

Public faith means going public with what’s in your heart, with humility and respect for others, as we speak of the truth of the gospel – Tim Keller

Wil jy jou bediening uitbrei? Erken jou swakhede

Rick Warren sê daar is twee groot belydenisse in die Bybel. Die eerste is Petrus se belydenis: U is die Christus! (Markus 8:29). Ons geloof is op hierdie belydenis gegrond. In Handeling 14:15 kry ons ‘n belydenis van Paulus: Ons is maar net sulke mense soos julle. Baie kerkleiers stem saam met die eerste belydenis, maar is versigtig vir Paulus se belydenis. Kerkleiers is dikwels meer geneë om hulle geestelikheid as hulle menslikheid te erken.

Maar as jy jou menslikheid ontken is jy oneerlik, maar jy bewys ook ‘n ondiens aan jouself en aan diegene wat jy dien. God hou daarvan om swakhede te gebruik en hulle in sterkpunte te verander. Ons het almal beperkings; almal van ons dra die evangelie in kleipotte. Maar die beperkinge wat God in jou lewe toelaat, kan, as ons eerlik is daaroor, in werklikheid ‘n seën wees. Hoe?

1. Jy sal meer afhanklik van God wees

Gewoonlik weerstaan ons enige beperking op ons bediening – ons vra vir God om dit te verwyder. Maar as God wys dat Hy sterk is onder hierdie omstandighede, hoekom moet Hy die beperking verwyder? God werk soms deur ons menslike swakhede, eerder as om hulle te verwyder. Lees net weer die storie van God wat vir Gideon gebruik om die Midianiete te verslaan. Hy kies die jongste kind in die armste familie in Israel. Voordat Gideon teen 135 000 Midianiete kan optrek, verminder God sy leër tot net 300 man. Hoekom doen God dit? Hy wou gehad het dat Gideon Hom alleen vir sy sukses vertrou. As ek ‘n beperking in my bediening of persoonlike lewe het, is dit ‘n geleentheid om God meer te vertrou.

2. Dit verhoed trots

Paulus het ‘n doring gehad. Ons weet nie presies wat dit was nie, maar ons weet dit het pyn veroorsaak en sy bediening beperk. Ons weet ook dat dit Paulus nederig gehou het. Daarom, sodat ek nie hoogmoedig sou wees nie, is daar vir my ‘n doring in die vlees gegee … Drie maal het ek vir die Here gebid dat dit van my af weggeneem moet word. Sy antwoord was: ‘ My genade is vir jou genoeg. My krag kom juis tot volle werking wanneer jy swak is.” (2 Korintiërs 12:7 – 9). Paulus het geweet dat hy nie trots kan wees nie, want hy het sekere beperkinge gehad.

3. Dit beteken ons is meer van ander Christene afhanklik

Een van die groot gevare van sterkpunte is dat dit tot onafhanklikheid lei. God laat swakhede toe sodat ons sal besef dat ons medegelowiges nodig het. Nie een van ons kan alleen staan nie. Ons menslikheid vereis interafhanklikheid. Snowflakes are frail, but if enough of them stick together they can stop traffic (Vance Havner).

4. Dit brei ons vermoë vir bediening uit

Mense gaan dikwels genesing uit jou wonde kry. Warren glo dat van ons grootste boodskappe uit ons diepste seerkry kom. In elke moeilikheid bemoedig Hy ons. Daarom kan ons ook ander bemoedig wat in allerlei moeilikhede verkeer. Ons kan hulle bemoedig met dieselfde bemoediging waarmee God ons bemoedig (2 Korintiërs 1:4). Pyn maak ons sensitief vir die seerkry van ander. As jy nog nooit met jou swakhede gestry het nie, is jy waarskynlik uit voeling met diegene wat jy bedien.

Jy kry hierdie voordele slegs as jy gewillig is om jou swakhede te deel. As jy jou swakhede, pyn en foute probeer wegsteek, is jy van geen voordeel vir diegene wat jy moontlik kon bedien het nie.

“Those times when you feel like quitting can be times of great opportunity, for God uses your troubles to help you grow.” ~ Warren Wiersbe

Napoleon en die moeder

Luis Palau vertel die storie van ‘n moeder wat vir Napoleon Bonaparte genader het om vir haar seun te pleit. Die keiser het na haar versoek geluister, maar antwoord dat die jong soldaat ‘n sekere oortreding begaan het – twee maal – en daarom die doodstraf verdien.

Die moeder: “Ek vra nie vir geregtigheid nie, ek pleit by u vir barmhartigheid.”

Napoleon: “U seun verdien nie barmhartigheid nie.”

Moeder: “Meneer, as hy dit verdien het, was dit nie barmhartigheid nie en barmhartigheid is al wat ek vra.”

Napoleon: “Wel, dan sal ek barmhartigheid bewys.”

Napoleon spaar die lewe van die jongman.

Barmhartigheid is God wat die oordeel wat ons as gevolg van ons sonde verdien van ons terughou.