I have come to the frightening conclusion that I am the decisive element. It is my personal approach that creates the climate. It is my daily mood that makes the weather – Goethe

God se woord lei tot gehoorsaamheid

God se woord het deur die profeet Haggai na die volk gekom. Die mense het dit gehoor en gehoorsaam gereageer. In Haggai 1:12 sien ons dat die hoëpriester en goewerneur die eerste was om te reageer. Toe reageer die hele volk. Dit alles is die gevolg van een gebeurtenis: die verkondiging van God se woord. Ons sien hier twee betekenisvolle fases:

• Hulle het ter harte geneem wat die Here hulle God gesê het. God het gepraat en hulle het gereageer. Hoe het God gepraat? Deur sy profet Haggai.
• Hulle het vir Haggai gehoorsaam, want Hy het in opdrag van die Here hulle God gepraat.

Hierdie vers vertel vir ons drie belangrike werklikhede van God se woord en ons gehoorsaamheid:

• God se woord is kragtig en doeltreffend. Die woord van God is lewend en kragtig. Dit is skerper as enige swaard met twee snykante en dring deur selfs tot die skeiding van siel en gees en van gewrigte en murg. Dit beoordeel die bedoelings en gedagtes van die hart (Hebreërs 4:12). God se woord sny deur die chaos in ons harte, sê vir ons wat sy wil is en dwing ons om te gehoorsaam. Ons moet God se woord vertrou en sy woord se gesag in ons lewens erken.
• Hierdie vers herinner ons dat God se woord dikwels na ons toe kom deur ‘n leraar of ander gelowige. God se woord is kragtig, maar sy verkose manier om dit oor te dra, is dikwels deur ’n ander gelowige.
• Leierskap is belangrik. Hier sien ons dat Serubbabel seun van Sealtiël (die goewerneur) en die hoëpriester Jesua die woorde van God ter harte geneem het. Goeie leiers lei deur hulle voorbeeld van nederigheid  en gehoorsaamheid aan God se woord.

Glo ons nog hierdie werklikhede van God se woord?

Every soul which depends not on God alone is enslaved to Satan. — Johannes Calvyn

Sisteemdenke

‘n Orkes is bymekaar om te oefen. Die bekende Michael Costa was die dirigent. Die musiek bereik ‘n crescendo – al die instrumente speel. Die piccolo was stil, want die speler het sy plek op die bladmusiek tydelik verloor. Skielik maak Costa die orkes stil en vra: “Waar is die piccolo?” Vir ‘n vaardige dirigent en leier is elke deel van die sisteem belangrik – selfs dié wat nie so belangrik lyk nie.

Dit is die punt wat Paulus in 1 Korintiërs 12:12 – 29 maak. Al bestaan Christus se liggaam uit baie dele is dit steeds een liggaam. In hierdie liggaam kry ons ‘n groot diversiteit, maar elke lid is ewe belangrik.

Paulus wil verseker dat elke volgeling van God sal besef dat hy belangrik is – dat hy besef dat sy bydrae onmisbaar is. Niemand kan optree asof hy los van die liggaam staan nie. Hulle mag ook nie op mekaar jaloers wees nie. Maar nou het God die lede, elkeen van hulle afsonderlik, in die liggaam gevoeg soos Hy dit wou hê. Hy vra elkeen om getrou volgens sy unieke roeping te dien.

Leiers moet elke lid van hulle span as ‘n onmisbare deel van die sisteem sien. Leiers moet elke lid help om te ontdek wat sy rol is. Doeltreffende leiers weet dat take ten beste vervul kan word deur sisteme te organiseer en te implementer. As ons dit doen boots ons maar net vir God na – Hy het ‘n passie vir orde en harmonie gehad

The Bible is the mouth of God –  Sinclait Ferguson

Versoeking

Hoe hanteer ons versoeking? Ons staan nie alleen teen die gety van versoeking wat teen ons aanspoel nie. Ons moet dink aan die hulpbronne wat Christus vir ons gee om versoeking te beveg.

1. Sy liefde. Ons het lief omdat God ons eerste liefgehad het (1 Johannes 4:19)
2. Sy woord. Toe Jesus deur die duiwel versoek is, het Hy die versoeking deur God se woord teengestaan. Deel van die gelowige se wapenrusting is juis die woord van God (Efesiërs 6: 17).
3. Sy voorbeeld. Hou Hom voor oë wat so ‘n vyandige optrede van die sondaars teen Hom verdra het. Dan sal julle nie geestelike moeg word en uitsak nie (Hebreërs 12:3).
4. Sy Gees. Laat julle lewe steeds deur die Gees van God beheers word, dan sal julle nooit swig voor begeertes van julle sondige natuur nie (Galasiërs 5:16).
5. Sy medelye. Die Hoëpriester wat ons het, is nie Een wat geen medelye met ons swakhede kan hê nie; Hy was immers in elke opsig net soos ons aan die versoeking onderwerp, maar Hy het nie gesondig nie (Hebreërs 4:15).
6. Sy genade. Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word (Hebreërs 4:16).
7. Sy vergifnis. Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid (1 Johannes 1:9).

Versoeking is ‘n wesenlike probleem. Alleen kan ons nie staande bly nie, maar dink altyd aan al hierdie hulpbronne wat Jesus Christus vir ons gee.

“Science is like a compass. It can tell us where north is, but it can’t tell us if we want to go north. That’s where our morality comes in.” – Nathaniel P Hitt.

Teleurstellings

‘n Plek waar ons nie graag wil wees nie, is 1 Konings 19. Ons wil graag in 1 Konings 18 wees. In 1 Konings 18 is Elia die instrument in God se hande om sy heerlikheid te openbaar. Daar op Berg Karmel gebruik God vir Elia om die Baälpriesters te vernietig. Die probleem is dat ons onsself dikwels in Hoofstuk 19 bevind. Elia beweeg van ‘n hoogtepunt – ‘n oorwinning – na sy diepste teleurstelling. Almal van ons het al teleurstellings ondervind. Wat doen ons dan? Vra ons vir God “Hoekom?”

Tot op hierdie stadium in die Ou Testament het niemand behalwe Moses hierdie soort bediening gehad nie. Elia het na goeie en groot dinge verlang. Hy dien God met moed. Maar hy weet ook hoe dit voel as sy hoop vernietig word. Hy weet hoe dit voel om elke droom te verloor. Maar Elia kan ook van die deernis en genade van God wat hom agtervolg het getuig. Wat leer ons in 1 Konings 19?

Elia het pas op Berg Karmel God se mag gesien werk. Hy hardloop selfs voor die koning se wa. Maar toe kom daar ‘n boodskapper by hom aan. Hierdie boodskapper bring ‘n boodskap van die vrou wat die profete van die Here doodgemaak het – Isebel. Haar boodskap sê dat sy die volgende dag met hom gaan doen wat hy met haar priesters gedoen het. Wat doen Elia? Vertel hy vir haar sy moet weer dink oor wat die vorige dag gebeur het? Nee. Elia het bang geword en ter wille van sy lewe gevlug. Het Elia vergeet dat hy die enigste ware God aanbid en dien? Hy is ‘n teleurgestelde man, want sy lewe het in duie gestort. Sy droom sal nooit vervul word nie.

Wat wil Elia gehad het? Ons sien dit in vers 10: Ek het my met hart en siel gewy aan u saak, Here,Almagtige God. Die Israeliete het die verbond met U verbreek. Hulle het u altare afgebreek en u profete doodgemaak. Net ek alleen het oorgebly, en hulle soek my om my ook om die lewe te bring. Hy sê dit weer in vers 14. Elia verlang ‘n herlewing waarin die Baäls uitgegooi sal word. Dit is waarvoor hy geleef het. Elia besef dat dit nie gaan gebeur soos hy daaroor gedroom het nie.

Ook getroue kinders van God ondervind teleurstellings. Dan leer jy wat jy liefhe en wat jy glo. Jy leer waar jou tevredenheid is – waar jou skat is. Dit is wat met Elia gebeur het. Hy vlug tot binne in die woestyn,

Elia vlug, want hy het sy boodskap vergeet. Hy het skoon van God vergeet. Elia se naam beteken “My God is die Here.” Eh hy het dit vergeet. Wat wil Elia hê? Hy sit op Horeb. Eers kom daar ‘n sterk wind – maar die Here was nie in die wind nie. Toe kom daar ‘n aardbewing – maar die Here was nie in die aardbewing nie. Toe kom daar ‘n vuur – maar die Here was nie in die vuur nie. Die Here kom in ‘n windstilte. Elia kry opdrag om na die Damaskus-woestyn te gaan, moet hy vir Gasael as koning van Aram salf

Elia se boodskap aan die volk was om afstand te doen van afgodery en die een, lewende en ware God te aanbid. God weier dat Elia daardie boodskap verkondig voorfat hy dit self glo. God gaan ons nie toelaat om ‘n boodskap te verkondig wat ons nie self glo nie.

Ons lees weer van Elia in 2 Konings 2. Al lyk dit soms of God hard met sy dienaars werk, kan ons seker wees dat sy voorsiening liefdevol is. Hy sal jou met deernis en in genade volg sodat jy vreugde kan ondervind. So gebeur dit ook met Elia: hy word in die hemel opgeneem.

Dit is die God wat ons dien. Hy sal jou nie as dienaar gebruik en dan vir jou alleen laat met jou teleurstellings nie.