Commercial television is for profits not prophets – Os Guinness

Josua, die nuwe leier

In Josua 1:6 – 9 kry ons seker die grootste motiveringspraatjie in die Bybel. Moses het pas gesterf en nou word sy opvolger geroep om Israel in die beloofde land in te lei. Hierdie was ‘n militêre optrede wat duidelik risiko’s sou inhou. Daar was ‘n sterk vyandige weermag wat Josua sou ontstel het. Daarom bemoedig God hom.

Wat sou gebeur het as Josua hierdie opdrag geïgnoreer het? Waarskynlik sou Israel lewenslank in die woestyn rondgeswerf het. Maar Josu was ‘n man van geloof en moed. Hy aanvaar God se opdrag

Soos Josua kom ons ook elke dag voor probleme, wat ons geloof tot breekpunt beproef, te staan. Dit is juis dan wanneer God ons geloof slyp. As ons weier om Hom in moeilike omstandighede te volg, kan die gevolge vir ons geestelike groei rampspoedig wees. Wat is hierdie gevolge?

• Jy sal nooit die persoon word wat God wil hê jy moet wees, word nie.
• Jy beperk jou bruikbaarheid vir God.
• Jy lewe ‘n lewe van ongehoorsaamheid.
• Jy word deur vrees eerder as geloof beheer.
• Jy kan jou beloning in die hemel en jou seëninge op aarde verloor.

Weier jy op een of ander manier God se roeping? God is betroubaar. Wat ook al sy aksieplan vir jou is, kan jy verseker weet dat Hy jou veilig daardeur sal lei.

It is from God that parents receive their children, and it is to God that they in turn ought to lead them (Dietrich Bonhoeffer)

 ‘n Tragedie het my getref

Jy kan te enige oomblik tragiese nuus wat jou hele wêreld omkeer, ontvang. Dan is ons gedagtes vol vrae en emosies. Ons vra: Waaom het God dit toegelaat? Hoekom gebeur slegte dinge met goeie mense? Hoekom is daar so baie pyn in die wêreld? Daar is geen eenvoudige woorde wat ons kan sê wat die pyn wat mense voel, sal laat verdwyn nie. Daar is egter drie beloftes van God wat hoop en sterkte kan gee.

1. Jy sal nie hier oor kom nie, maar hier deur kom.

Jy sal nooit oor die verlies van ‘n geliefde of kind kom nie. Daar is ‘n litteken wat jy sal dra tot in die ewigheid. Maar intussen sal God jou hierdeur dra en jou krag gee om te volhard deur die pyn. Die Bybel sê nêrens dat ons dit moet uitsorteer nie. Die Btybel sê wel dat ons moet glo, want God het reeds alles uitgesorteer.

2. God is nie ver van jou pyn nie

Een van die verse in die Bybel wat ons vertrros, is: en Jesus het gehuil. God is nie ‘n gevoellose God wat net oordeel nie; Hy staan nie los van ons pyn nie. Hy is ‘n liefdevolle Vader en Vriend wat saam met ons loop – ons selfs dra as dinge baie moeilik vir ons is. Hy het belowe om ons nooit te verlaat nie. God se tydsbereking is selde dieselfde as ons tydsberekening, maar sy tydsberekening is altyd volmaak. Vertrou Hom.

3. God kan iets goeds uit die tragedie laat kom

Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is (Romeine 8:28). Ons sien nie altyd hoe Hy die stukkende stukke neem en iets mooi daarvan maak nie. Ons kan wel vrede hê: op sy tyd sal Hy alles reg maak. Miskien gaan Hy jou nader aan Hom bring.

In ‘n tragedie moet jy nie hoop verloor nie. God is met jou; God is vir jou; God sal jou nooit alleen laat nie. Jy mag nou voel of jy alleen is, maar die arms wat die heelal gemaak het, omhels jou. Hy sal jou deur alles dra.

Whoever speaks evil of an absent man or woman is not welcome at this table (Op die muur van Augustinus se eetkamer).

 ‘n Verbasende aspek van Paulus se bediening

Ek verbly my oor die aankoms van Stefanas, Fortunatus en Agaïkus, want hulle het vir my die gemis aan julle vergoed. Hulle het my gees verkwik en ook julle s’n. Wees erkentlik teenoor sulke manne (1 Korintiërs 1       6:17 – 18)

Paulus – briljante teoloog, getuig met moed en oortuiging – het mense nodig. Verbaas dit jou? Paulus erken geredelik dat hy mense in sy lewe nodig gehad het en dank hulle dat hulle hom bygestaan het. Hy erken hulle opoffering en vrygewigheid vir hom.

Paulus word eensaam as daar nie vriende naby aan hom was nie. Hy het goeie geselsakp waardeer. Hy waardeer hulle bydrae tot sy bediening. Ons sou verwag dat ‘n man van sy statuur ‘n een-man-vertoning sou wees – ons sou dink hy sou niks van iemand nodig gehad het nie. In sy briewe kry ons gereeld verwysing na sy vriende.

Probeer so gou moontlik na my toe kom, want Demas het die teenswoordige wêreld liefgekry en my verlaat en na Tessalonika vertek. … Net Lukas is by my. Gaan haal vir Markus en bring hom saam met jou, want hy kan my tot groot diens wees … Toe ek my die eerste keer voor die hof moes verdedig, het niemand my bygestaan nie; almal het my in die steek gelaat. Mag God hulle dit nie toereken nie … Doen jou bes om nog voor die winter te kom (2 Timoteus 4:9ev). Ons sien dat Paulus eensaam was en vriende nodig gehad het, veral in moeilike tye.  Hy waardeer sy vriende op wie hy kan vertrou.

Bediening is nooit die taak van een persoon nie. Hoekom glo ons dat ‘n doeltreffende kerkleier ‘n alleenloper is. Christene moet mekaar versorg – hulle het mekaar nodig. Jy het die geloofsgemeenskap nodig; jy het vriende wat vir jou bid nodig; jy het mense wat jou bemoedig nodig.

That what one now calls Christianity is precisely what Christ came to abolish – Soren Kierkegaard

Die krag van die geartikuleerde evangelie

Neem die woorde wat jy van my gehoor het, as voorbeeld van gesonde verkondiging en volg dit na in die geloof en liefde wat ons in Christus Jesus het (2 Timoteus 1:13)

Die vraag wat vandag gevra word, is of ons waarlik die hele evangelie verkondig en gehoorsaam. Vir party mense het ons hier met ‘n transaksie wat tot die ewige lewe lei, te doen. Dit gebeur sonder enige verwysing na Jesus Christus.

Romeine 10:5 – 17 sê vir ons dat die evangelie gehoor moet word, maar om gehoor te word, moet dit verkondig word. Paulus se groot bekommernis hier is sy mense wat weier om in Jesus Christus te glo en so gered te word. Hy verkondig:

• Die universaliteit van die evangelie; en
• Die universaliteit van die mens se behoefte aan die evangelie. Almal het gesondig, en het nie deel aan die heerlikheid van God nie (Romeine 3:23).

Paulus leer ons dat deur Jesus Christus se versoening God se toorn en geregtigheid bevredig is. Daarom kan hy sê: Daar is dus nou geen veroordeling vir dié wat in JC is nie (Romeine 8:1).

Wat sê Paulus in hierdie gedeelte:

1. Die woord moet naby gebring word

“Naby jou is die woord, in jou mond en in jou hart. En hierdie woord is die boodskap van die geloof, en dit is wat ons verkondig (10:8). God het die woord naby aan ons gebring deur sy Seun na die aarde toe te stuur. Dit is nou ons verantwoordelikheid om die woord naby aan ander mense te bring. Paulus se hele apostoliese sending was juis om God se woord naby aan ander te bring. Dit is die taak van alle gelowiges.

2. Die evangelie is ‘n krag om te verlos

Die woord moet aan almal verkondig word, en as hulle glo en bely sal hulle verlos word. As jy met jou mond bely dat Jesus die Here is, en met jou hart glo dat God Hom uit die dood opgewek het, sal jy gered word (10:9). Let wel: hier is geen voetnota’s of voorwaardes aan gekoppel nie. Hierdie is nie ‘n hipotetiese stelling nie, maar ‘n onfeilbare belofte. Niemand wat in Hom glo, sal teleurgestel word nie (10:11). Jesus Christus gee aan ons die bemoediging en vertroue om die woord te saai, maar God laat die oes groei.

3. Die noodsaaklikheid om die evangelie te artikuleer

Die bediening is multidimensioneel. Ons kan die evangelie aanvaar of verwerp, maar ons moet dit eers hoor. Baie mense glo dat ons die evangelie naby aan mense kan bring deur naby hulle te wees, deur vriendelik en liefdevol op te tree, ens. Natuurlik is hierdie dinge belangrik, maar die evangelie vereis ook woorde. Woorde sonder dat ons soos mense van die evangelie lyk, sal ook nie werk nie. Maar God is ‘n God wat praat en ons is mense wat praat.

Ons kan gewone menswoorde gebruik. Dit is die woord van God wat mense net oordra. God werk in die gelowiges wat sy woord verkondig. Hoor vereis ‘n verhouding; ‘n verhouding vereis woorde; geloof kom deur te hoor. Maar wie moet die woord verkondig? Predikante? Nee, alle gelowiges. [Ons moenie die belang van die Heilige Gees in hierdie hele proses vergeet nie.]

Die geloof kom dus deur die prediking wat ‘n mens hoor, en die prediking wat ons hoor, is die verkondiging van Christus (10:17).