“Insanity: Doing the same thing over and over again and expecting different results.” – Einstein

Die Ons Vader-gebed

Daar is al dik boeke oor hierdie gebed geskryf. Daar is egter twee aspekte wat ek graag wil beklemtoon.

1. Die woorde van die gebed bind ons nie aan spesifieke woorde nie. Wat wel van belang is, is dat dit vir ons sê wat die inhoud van ons gebede moet hanteer. Dit bind ons tot ‘n basiese patroon. Dit gee vir ons leiding oor die beklemtoning van sekere onderwerpe. Hierdie gebed moet ons gebede beïnvloed en vorm.
2. Die gebed word vir ons in die meervoud gegee: Gee ons vandag ons daaglikse brood … vergeef ons ons oortredings … laat ons nie in versoeking kom nie … verlos ons van die Bose. Calvyn glo dat dit hier ook gaan oor die bevordering en uitbreiding van die geloofsgemeenskap. Hy glo dat openbare gebede ‘n groot invloed op ons private gebede het. Gebed is nie net ‘n private saak nie – ons moet ook saam met ander bid. Hoekom? Ons glo dat gebed ‘n voortsetting van ‘n gesprek met God is wat Hy geïnisieer het. Die doel van gebed is om God beter te leer ken. Beide kan beter in die geloofsgemeenskap as privaat gedoen word. Deur saam met ander te bid, sien ons fasette van Jesus Christus wat ons andersins nie sou waargeneem het nie.

Om die Here te dien in kommunaal en kummulatief – ons moet saam bid, leef en dien.

“The more we share the Heavenly Bread between us, the more we shall all have” – C. S. Lewis.

God forbid that I should travel with anybody a quarter of an hour without speaking of Christ to them. – George Whitefield

Bid in die Naam van Jesus Christus

[Ek gaan onder andere van Tim Keller se boek Payer: Experiencing Awe and Intimacy with God gebruik maak.]

Jesus Christus leer sy dissipels om altyd in sy Naam te bid:

Wat julle ook al in my Naam vra, sal Ek doen, sodat die Vader deur die Seun verheerlik kan word. As julle My iets in my Naam vra, sal ek dit doen (Johannes 14:13 – 14)

Wat julle die Vader ook al in my Naam sal bid, sal Hy vir julle gee. Tot nou toe het julle nog nie in my Naam gebid nie. Bid en julle sal ontvang, sodat julle blydskap volkome kan wees (Johannes 16:23 – 24).

Die enigste weg na God is deur Jesus Christus. Omdat ons in Jesus Christus is, fokus God sy liefde en aandag op ons as ons bid.

Deur Hom het ons almal, Jode en nie-Jode deur die een Gees vrye toegng tot die Vader (Efesiërs 2:18).

Die woord toegang is ook in die antieke wêreld gebruik as die koning aan ‘n persoon ‘n oudiënsie verleen – jy kan nie sommer by die paleis se deur instap en die koning sien nie. Die gaping tussen die sondige mens en God is nog groter as dié tussen koning en onderdaan. Hoekom het ons vir Jesus Christus as Middelaar nodig?

 Vir My kan jy nie sien nie, want geen mens kan My sien en bly lewe nie (Eksodus 33:20)

Maar nou het ons toegang tot God se teenwoordigheid deur Jesus Christus en dit wat Hy gedoen het.

The care of the soul is ‘a matter of the highest importance;’ beyond anything which can be brought into comparison with it – George Whitefield

Jesus se eerste opdrag aan sy dissipels

Net nadat Jesus die Groot Opdrag aan sy dissipels gegee het, sê Hy vir hulle: Maar julle moet in die stad bly totdat julle met krag van bo toegerus is (Lukas 24:49). Jesus se eerste opdrag aan sy dissipels was … wag. Dit moes vir hulle moeilik gewees het. Die evangelie moes uitgedra word en hulle was net elf. Daar is ‘n wêreld daar buite met groot behoeftes.

Maak nie saak wat hulle gedink het nie, hulle wag soos Jesus hulle beveel het om te doen. Hulle wag vir tien dae. Hulle wag vir die Heilige Gees. Hoekom het Jesus hulle laat wag? Hoekom het Hy nie sommer onmiddellik die Heilige Gees uitgestort nie, sodat hulle met hulle werk kon voortgaan nie? Hy wou gehad het dat hulle moes besef dat die Groot Opdrag nie iets is wat hulle kan doen nie. Hy sou dit deur hulle doen. Hy is die argitek, ons is die ongeskoolde arbeiders.

Ons sal meer gedoen kry as ons besef dat die verantwoordelikheid vir die sending by Hom berus – nie op ons skouers nie.

• Hy lei; ons volg
• Hy beveel; ons gehoorsaam
• Hy voorsien; ons is rentmeesters
• Hy doen; ons aanbid.

Daarom moet Hy al die eer kry.

Blog74

We must not be concerned only with that which troubles us, but with all that troubles God. —John Owen

Die Drie-eenheid en gebed (3)

[Ek gaan onder andere van Tim Keller se boek Payer: Experiencing Awe and Intimacy with God gebruik maak.]

Wie kan ons veroordeel? Christus Jesus het gesterf, maar meer as dit: Hy is uit die dood opgewek, Hy sit aan die regterhand van God, Hy pleit vir ons (Romeine 8:34).

Jesus Christus tree vir ons by die Vader in – ons kom na die Vader deur die Seun. Jesus is die Middelaar tussen ons en God:

Daar is immers net een God, en daar is net een Middelaar tussen God en die mense, die mens Christus Jesus (1 Timoteus 2:5).

God is groot, ons is klein; God is volmaak, ons is onvolmaak. In die ou dae is tempels gebruik om die gaping tussen God en mens kleiner te maak. Offers en rituele deur middelaars (priesters) is gebruik om ‘n afgeleë God nader te bring. Al hierdie optredes kon egter nooit die gaping uitgewis het nie.

Nou het dinge verander:

Terwyl ons dan nou ‘n groot Hoëpriester het wat reeds deur die hemele gegaan het, Jesus, die Seun van God, laat ons vashou aan die geloof wat ons bely. Die Hoëpriester wat ons het, is nie Een wat geen medelye met ons swakhede kan hê nie; Hy was immers in elke opsig net soos ons aan versoeking onderwerp, maar Hy het nie gesondig nie (Hebreërs 4:14 – 15)

Jesus Christus verwyder hierdie gaping sodat ons God kan nader:

Kom ons gaan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word (Hebreërs 4:16).

Hoe kan ons God met vrymoedigheid nader? Ons kan dit doen omdat Hy soos ons geword het en onderhewig aan lyding en die dood was. Hy het dit gedoen sodat ons verlos en met Hom versoen kan word. Dit gebeur nie deur ons eie pogings en meriete nie, maar deur genade in geloof.

In Jesus Christus word God mens om hierdie gaping tussen God en mens te oorbrug. Jesus Christus is die Middelaar van die mens se nuwe verhouding met God. Dit kan nie misluk nie, want dit is op God en nie op ons trou gebou nie.