The proud person always wants to do the right thing, the great thing. But because he wants to do it in his own strength, he is fighting not with man, but with God – Soren Kierkegaard

Skape en bokke

Matteus 25:31 – 46 is deel van Jesus se profetiese rede. By die laaste oordeel sal Jesus die skape en die bokke van mekaar skei. Daar is twee dinge wat uitstaan.

1. Daar is sekere dinge wat die skape gedoen het wat die bokke nie gedoen het nie. Jesus noem ‘n paar dinge: Ek was honger, en julle het My iets gegee om te eet; Ek was dors, en julle het My iets gege om te drink; Ek was ‘n vreemdeling, en julle het My gehuisves; Ek was sonder klere en julle het My klere gegee; siek, en julle het My verpleeg; in die tronk en julle het My besoek. Wat opvallend is, is dat hierdie nie buitengeone dinge is nie, maar gewone dinge.
2. Die bokke het dit nie gedoen nie – hulle het nie die geringes raakgesien nie. Hulle sien nie hierdie klein liefdesdade raak nie. Hulle soek iets wat die wêreld ernstig sal opneem – buitengewone dinge; dinge wat almal sal raaksien. Hulle geestelike ambisie is groot. Kyk net na Jesus se reaksie: Gaan weg van My af, julle vervloektes!

Jesus Christus prys die skape vir oënskynlik klein dade, maar Hy sien die onderliggende trou raak. Een interessante aspek is dat die skape nie eers hierdie dade onthou het toe hulle daarvoor aangeprys word nie: Here, wanneer het ons U …

God creates out of nothing. Wonderful you say. Yes, to be sure, but he does what is still more wonderful: He makes saints out of sinners – Soren Kierkegaard

Opregtheid is meer as eerlik wees

As ons na die jongmense luister, is een van die belangrikste dinge wat hulle van die kerk verwag opregtheid. Maar wat is opregtheid? Baie dinge word verkeerdelik beskou as opregtheid.  Een gedeelte wat opregtheid goed opsom is Efesiërs 4:22 – 24:

Hou dan op om te lewe soos julle vroeër gelewe het; breek met die ou, sondige mens in julle wat deur sondige begeertes verteer word. Julle gees en gedagtes moet nuut word’ lewe as nuwe mense wat as die beeld van God geskep is: lewe volkome volgens die wil van God en wees heilig.

‘n Opregte persoon is een wat in die openbaar (en privaat) die ou self uittrek en, deur God se genade, ‘n nuwe self aantrek.

Hierdie opregtheid word verskillend in verskillende mense uitgedruk, maar dit verheerlik altyd vir God. Maar hoe kan ons hierdie opregtheid besit. In Lukas 9:23 kry ons ‘n paar stappe:

As iemand agter My aan wil kom, moet hy homself verloën, elke dag sy kruis opneem en My volg.

1. Wees kwesbaar

Moet hy homself verloën. Onder gelowiges bely jou verlede en ook jou huidige gebrokenheid. Erken dat jy nie 100% heel is nie – nie in jou geloof of leefwyse nie. Almal van ons het verlossing en vernuwing van ons lewens nodig – en ons moet dit aan ander kommunikeer

2. Aanvaar die spanning

Elke dag sy kruis opneem. Nadat jy kwesbaar was oor jou gebrokenheid, kry jou pad na die kruis toe. Dit is emosioneel ongemaklik. Aanvaar dat die reis ‘n pynlike proses is. Werk saam met God as Hy verandering in jou lewe inisieer. Onthou alle ander gelowiges is ook besig met hierdie reis Jou reis in opregtheid begin by jou – aanvaar die spanning en moenie vir ander wag nie. God het nie gewag om vir jou genade te bewys nie. Hy het dit inisieer en jy het net ontvang. So is dit met opregtheid: jy gee dit weg, maak nie saak hoe dit ontvang word nie. Jy moet net reg reageer teenoor ander wat opreg is. Bly met hulle in hulle spanning; bemoedig hulle. Is jy bereid om jouself aan Christus en die kerk oor te gee? Hoe sal jy reageer as ander dit doen?

3. Herstel met God se verhaal

My volg. Ontvang God se woord. Jesus se storie is joune – soos ‘n nuwe kledingstuk wat jou naaktheid bedek. Wat jy glo – die verhaal wat jy vir jouself vertel – is dit wat jou lewe sal bepaal. Wat is waar van Jesus? Wat is waar van die ander mense in die gemeente? Wat is die belang daarvan vir my lewe saam met ander. Dit is jou nuwe werklikheid.

Jesus is die standaard vir opregtheid Hy definieer wat dit beteken om ‘n mens te wees, om in sy gemeenskap liefde te ondervind en op ware geloof vir die wêreld aan te bied. Elke dag moet ons meer en meer van onsself laat gaan sodat Christus meer en meer in ons sigbaar kan word. As ons toelaat dat Jesus die leier van ons verhaal word en as ons Hom volg, verander Hy ons gebroke harte en lei ons na pragtige plekke.

This much is certain: The greatest thing each person can is to give himself to God utterly and unconditionally—weakness, fears, and all. For God love obedience more than good intentions or second-best offerings, which are all too often made under the guide of weakness – Soren Kierkegaard

Meet jou tyd

Ons meet tyd. Tyd is meetbaar en tyd is begrens. Ons tyd is begrens – dit het ‘n duidelike begin en einde. Ons lewe maat sewentig jaar, of, as ons baie sterk is, tagtig … Dit is gou verby, ons vlieg na ons einde toe (Psalm 90:10). Daarom sê die psalmis: Leer ons ons dae so gebruik dat ons wysheid bekom (Psalm 90:12).

Luister hoe begin hierdie psalm: Here, U was vir ons ‘n toevlug van geslag tot geslag. Voordat die berge gebore is, voordat u die wêreld voortgebring het, ja, van ewigheid tot ewigheid is U God. Wat beteken dit om die Ewige as ons God en Here te hê? God se ewigheid is bo tyd. Hy is gister, vandag en môre dieselfde.

Die Ewige God is vir ons ‘n toevlug. Dit beteken dat Hy die bron van ons sekerheid is te midde van ‘n deurmekaar wêreld. Omdat God ons skuiling is, is ons skuiling ewig en nie tydelik nie

Dit is goed om te onthou dat ons stof is (Psalm 90:3)

Skenk ons elke dag u liefde in oorvloed, dat ons ons lewe lank mag juig en bly wees (Psalm 90:14).

And this is one of the most crucial definitions for the whole of Christianity; that the opposite of sin is not virtue but faith – Søren Kierkegaard,
Tyd vir verandering

‘n Nuwe jaar vol nuwe geleenthede. Baie van ons het sekere voornemens vir 2015 gemaak – baie van hulle het ons al vergeet. Die lewe gaan oor prioriteite en perspektief – ‘n lewe van betekenis en nie doeltreffendheid nie.

 Kom nou, julle wat sê: “Vandag of môre sal ons na dié en dié stad toe gaan en ‘n jaar lank daar bly; ons sal sake doen en geld maak.” Julle wat nie eers weet hoe julle lewe môre sal wees nie! Julle is maar ‘n damp wat ‘n oomblik verskyn en sommer weer verdwyn (Jakobus 4:13 – 14). God wil hê dat ons betekenisvolle dinge moet doen, want ons mag dalk nie môre daarvoor tyd hê nie. Wat moet ons doen?

1. Soek vir Jesus geleenthede.

Maak soos Maria: Maria wat aan die voete van die Here gaan sit en na sy woorde geluister het (Lukas 10:39). Marta, daarenteen was vasgevang in die besigwees strik. Jesus sê: Maar net een ding is nodig. Maria het die beste deel gekies, en dit sal nie van haar weggeneem word nie (10:42). Om met Jesus te wees, verander ons perspektief op die lewe, maar dan moet ons hierdie geleenthede raaksien en daarop reageer. Maak elke dag tyd vir Jesus.

2. Soek geleenthede om ander lief te hê

Ons is so besig met ons te-doen lysie dat ons glad nie die geleenthede om ander lief te hê, raaksien nie. Wat was die betekenisvolste oomblikke in jou lewe? Was hulle beplan? Miskien ‘n paar, maar die oomblikke van ware betekenis is wanneer ons gaan stilstaan het en aandag aan ‘n verhouding gegee het. Wees altyd beskikbaar vir geliefdes in ‘n krisis.

3. Kyk vir wat onsigbaar is

Ons oog is nie op die sigbare dinge gerig nie, maar op die onsigbare; want die sigbare dinge is tydelik, maar die onsigbare ewig (2 Korintiërs 4:18). Wat beteken dit? Wees bewus van God se ewige plan en pas jou tydelike planne aan. Al maak die mense hoeveel planne, wat die Here besluit, staan vas (Spreuke 19:21). Maak tyd vir verandering in jou visie en kyk om ewigheidsdoelwitte te bereik.

4. Skep ryk verhoudings

Ons is so besig om geld te verdien in plaas daarvan dat ons in verhoudings belê. Verhoudings is ewig. Verhoudings vereis kommunikasie en vereis tyd om te luister. People don’t care how much you know, until they know how much you care.

Pas jou dagboek aan en doen wat werklik belangrik is – die dinge wat jou lewe sal vorm.