The hunger for love is much more difficult to remove than the hunger for bread. – Moeder Teresa

Moet die man die vrou lei?

Ten opsigte van hulle vrouens maak mans veral twee foute: hulle is te passief of hulle probeer domineer en oorheers. In Efesiërs 5 hanteer Paulus beide hierdie uiterstes. Vir die passiewe mans sê hy: lei jou vrou; vir die domomerende man sê hy: jy moet jou vrou liefhê.

Man en vrou is twee gelykes as ons van verlossing praat: Dit maak nie saak of iemand Jood of Griek, slaaf of vry, man of vrou is nie: in Christus Jesus is julle almal een (Galasiërs 3:28). Mans en vrouens is essensieel gelyk, maar God het ons verskillend gemaak – nie om met mekaar te wedywer nie, maar om mekaar aan te vul. Hierdie verskille beteken geensins meerderwaardigheid of minderwaardigheid nie. In sekere opsigte is mans sterker as vrouens – byvoorbeeld fisiese sterkte; in ander gebiede is vroue sterker as mans – hulle lewe langer en hulle intuïsie is beter.

Maar nou sê Paulus die man is die hoof van die vrou. Wat beteken dit? Lei soos ‘n hoof. As ons dink aan hoofskap dink ons aan slegte ondervindings – ‘n baas wat kort van humeur en aggressief is. Maar hier dink Paulus nie aan sulke negatiewe voorbeelde nie, maar aan die hoof-liggaam beeld. Daar is ‘n baie groot verskil tussen ‘n heerser en’n hoof. Die hoof is deel van die liggaam; die hoof kan nie sonder die liggaam bestaan nie en voorsien aan die liggaam. Dit is ‘n beeld van beskerming en nie van mag nie, van verlossing nie oorheersing nie. Paulus se volgende woorde beklemtoon dit: Die man is die hoof van die vrou, soos Christus die hoof van die kerk is. Christus is ook die Verlosser van die liggaam, sy kerk.

• Lei as dienaar

Christus is die Verlosser van die liggaam. Hy het nie gekom om gedien te word nie, maar om te dien en sy liggaam as losprys vir baie te gee. Die man moet hierdie onselfsugtige hoofskap in sy verhouding met sy vrou bewys.

• Lei deur te luister

Een manier waarop ‘n man sy vrou lei, is deur na haar te luister. Hy moenie aanvaar dat hy alles weet nie – dat alle wysheid by hom begin en eindig nie. Hy moet sy vrou as ‘n wonderlike hulpbron sien – sy hoofadviseur; ‘n skatkis van insig en kennis. Hy vra haar raad … en luister daarna. Hy luister ook na haar bekommernisse, vrese, ens.

• Lei deur te besluit

Die man plaas sy vrou eerste, hy luister na haar, hy oorweeg haar sienings volledig en weeg hulle. Maar uiteindelik moet hy die besluit neem en alle verantwoordelikheid vir haar aanvaar. Hy kan nie sy verantwoordelikhede ontduik nie.

• Lei deur te delegeer

Die man moenie alles self doen nie. Delegeer op so ‘n manier dat dit die beste in ander mense uitbring – hulle moet groei. Jay Adams stel dit so:

A good manager will look at his helper and say, “She has certain abilities. If I am going to manage my household well, I must see that every last one of those gifts is developed and put to use as fully as possible.” Moenie jou vrou se unieke persoonlikheid dooddruk nie – laat dit groei en ontwikkel.

Yesterday is gone. Tomorrow has not yet come. We have only today. Let us begin – Moeder Teresa

Vier beginsels om my te help om ander te vergewe

Vergifnis is nie altyd maklik nie. Almal van ons kan getuig van ‘n tyd van bitterheid in ons lewens omdat ons nie vergewe het nie. En wie het daardeur seergekry? Net ek. Die Bybel leer vir ons baie oor vergifnis. Kom ons kyk na ‘n paar van daardie waarhede.

• Hoekom moet ons vergewe?

Ons vergewe nie iemand omdat hy vir vergifnis gevra het nie, maar omdat Jesus gesê het dat ons moet vergewe. As julle ander mense hulle oortredings vergewe, sal julle hemelse Vader julle ook vergewe. Maar as julle ander mense nie vergewe nie, sal julle Vader julle ook nie julle oortredings vergewe nie (Matteus 6:14 – 15). Vergifnis is dus gehoorsaamheid aan Christus en dit wat Hy vir ons geleer het.. Mettertyd sal ons uitvind dat wat Hy ons leer ‘n positiewe invloed op ons lewens het.

• Kies ons om te vergewe?

Vergifnis is ‘n keuse wat ons maak. Wees geduldig met mekaar en vergewe mekaar as die een iets teen die ander het. Soos die Here julle vergewe het, moet julle mekaar ook vergewe (Kolossense 3:13). Vergifnis is nie iets wat ons doen as ons so voel nie, maar dit is iets wat ons doen omdat ons Christus se voorbeeld navolg. – as ons genade ontvang het, moet ons gewillig wees om genade aan ander te betoon. Kies vergifnis.

• Is dit moontlik om te vergewe al voel jy nie daarna nie?

Ons moet eenvoudig vergewe en vertrou dat God in ons binneste sal doen wat gedoen moet word. Ons moet besef dat vergifnis God se werk in ons is. Daarom moet ons ‘n geloofstree neem en God vertrou om die werk af te handel. Ons weet tog dat God sy goeie werke in ons sal voltooi.

• Hoe weet ons ons het werklik vergewe?

Ons weet ons het vergewe wanneer ons die vryheid wat volg op ware vergifnis ondervind. Ons kan nie vergeet dat ons die mense is wat die swaarste kry as ons nie vergewe nie. As ons dus God se opdrag om te vergewe nakom, stel Hy ons harte vry van die seerkry wat ons vantevore gevange gehou het.

Toe het Petrus na Jesus toe gekom en gevra: “Here, hoeveel keer moet ek my broer vergewe as hy iets verkeerds teen my doen? Selfs sewe keer?” Jesus antwoord hom: “Ek sê vir jou, nie sewe keer nie, maar selfs sewentig maal sewe maal (Matteus 18:21 – 22). Vergifnis is nie maklik nie, maar ons moet die keuse maak om te vergewe – en weer en weer te vergewe todat die saak finaal in ons harte opgelos is.

I try to give to the poor people for love what the rich could get for money. No. I wouldn’t touch a leper for a thousand pounds; yet I willingly cure him for the love of God. – Moeder Teresa

Is cannabis/dagga veilig?

Dwarsoor die wêreld – ook in Suid-Afrika – pleit mense dat cannabis gewettig moet word, want dit is veilig. In van die state in die VSA is die verkoop daarvan wettig.

Prof Wayne Hall, ‘n adviseur oor dwelms by die Wêreld Gesondheidsorganisasie, het pas ‘n  studie wat 20 jaar geduur het, vrygestel. Wat was sy bevindings.

• Een uit elke ses tieners wat die dwelm gereeld gebruik, word daaraan verslaaf.
• Die dwelm verdubbel die risiko vir die ontwikkeling van allerhande psigotiese toestande – insluitend skisofrenie.
• Gebruikers van die dwelm vaar slegter op skool. Swaar gebruik deur adolessente belemmer intellektuele ontwikkeling.
• Een uit elke tien volwassenes wat die dwelm gebruik, raak daaraan verslaaf.
• Diegene wat cannabis gebruik se risiko om later sterker dwelms te gebruik, is meer waarskynlik.
• Om te bestuur na die gebruik van cannabis verdubbel die risiko vir ‘n motorongeluk. Hierdie risiko vermeerder verder as die bestuurder ook alkohol ingeneem het.
• Om die dwelm tydens swangerskap te gebruik, verminder die baba se geboortegewig.

Hierdie studie oor die langtermyn gevolge van die gebruik van cannabis (gedoen oor baie jare) vernietig die argument dat cannabis veilig is. Dit is verslawend; dit veroorsaak geestesgesondheidsprobleme en open die deur vir die gebruik van sterk dwelms.

What I can do, you cannot. What you can do, I cannot. But together we can do something beautiful for God – Moeder Teresa

Hoe oortuig ek ongelowiges?

Ongelowiges wat die evangelie hoor, word of oortuig of hulle draai hulle rug op die kerk. Wat maak die verskil? Volgens Tim Keller is dit die evangelistiese metodes waaraan ons hulle blootstel. Hy verdeel ongelowiges in drie groepe: diegene wat geen idee het nie, diegene wat vyandig is en diegene wat beïndruk is. Ongelowiges vind die evangelie verbasend of interessant of oortuigend. Daar is ‘n klein groepie wat vyandig is, maar die meeste weet nie eers waaroor dit gaan nie.

Paulus is vir ons ‘n goeie voorbeeld. Tydens sy bediening het hy ‘n wye spektrum van geloof by mense gekry. Alle mense het kennis van God se woord, maar evangeliste moet uitvind van watter deel hulle iets weet. Paulus het in mense se geloof gekom, iets gekry waarin hulle geglo het wat hy kon bevestig en het dan dit wat hulle glo teen hulle gebruik. Om mense met die evangelie te slaan en hulle te vertel dat hulle verkeerd is, daarenteen, laat hulle hulle rug op jou keer.

Hoe doen jy dit? Stem saam met ‘n individu wat ‘n gegewe feit oor God glo en brei dan uit op ander feite wat net so waar en redelik is. Om dit te kan doen, moet jy eers ‘n verhouding met ongelowiges bou. Jy moet bewus wees van hulle vrese, besware en twyfel – hulle moet besef dat jy hulle verstaan.