Category: Coen Slabber se Blog
You can judge the health of a church nou by its seating capacity but by its sending capacity – Rick Warren
Die vyf vlakke van leer
Rick Warren beskryf vyf vlakke van leer. Die eerste twee vlakke het te doen met weet; vlakke 3 en 4 het te doen met wees en vlak 5 met doen.
Vlak 1 = Kennis
My volk gaan te gronde weens gebrek aan kennis; omdat jy die kennis verwerp het, sal Ek jou verwerp. (Hosea 4:6 – OAV). As ons die woord van God nie ken nie, kan dit baie maklik verdraai word. Ons moet ook die kerkgeskiedenis en sekere teologiese woorde en begrippe ken. Baie mense ken die feite, maar nie die inhoud nie. Jesus vra vir die Sadduseërs: Is die rede waarom julle dwaal, nie juis dat julle nie die Skrif ken nie en ook nie die krag van God nie (Markus 12:24). Hierdie is mense wat die Pentateug gememoriseer het en tog sê Jesus vir hulle dat hulle nie die Skrif ken nie.
The ideal of religious tolerance has morphed into religious agreement – Stephen Prothero
Die stryd vir jou verstand (1)
Daar is ‘n intense, onsigbare stryd wat in ons woed. Dit is ‘n onregverdige stryd, want Satan baklei altyd onregverdig. Hierdie stryd gaan oor ons verstand. ‘n Belangrike ding wat ons moet leer, is hoe om ons verstand te beskerm, te versterk en te vernuwe.
‘n Goeie samevatting kry ons in 2 Korintiërs 10:3 – 5. Paulus sê die stryd is teen vestings wat vernietig moet word. Met God se wapens vernietig ons die redenasies en elke hooghartige aanval wat teen die kennis van God gerig word. So ‘n vesting mag na twee dinge verwys:
- ‘n Wêreldsiening soos materialisme, ateïsme, relativisme … Dit is vestings wat mense teen die kennis van God opgestel het.
- ‘n Persoonlike gesindheid. Dit gaan oor kommer, die soeke na die goedkeuring van ander, vrees, skuldgevoelens … – enigiets waarvan ek ‘n afgod in my lewe maak.
Reading is an act of thinking – John Piper
Dink, voel, doen
‘n Tragedie is dat onder Christene die verstand nie altyd waardeer word nie. Die kerk word daarvan beskuldig dat hy anti-intellektueel is. In die verlede is Christene dikwels mense van die Boek genoem. In ‘n sekere sin beteken dit tog dat hulle denkers was. Ongelukkig vind ons dat Christene nie meer lees nie – hulle lees nie meer die Bybel of boeke van die groot Christelike denkers nie. Maar wat sê die Bybel? Jy moet die Here jou God liefhê … met jou hele verstand (Matteus 22:37); Dink na oor wat ek sê; die Here sal jou insig gee om alles te verstaan (2 Timoteus 2:7); Roep insig by, vra na gesonde begrip. Soek dit soos jy silwer sou soek, spoor dit op soos ‘n verborge skat. Dan sal jy weet hoe om die Here te dien, sal jy ontdek wat dit is om God te ken (Spreuke 2:3 – 5). God het aan ons ‘n brein gegee – gebruik dit in sy diens.
The palest ink is better than the best memory. ”- Chinese Spreekwoord
Meer liefde in die gemeente
Een van dié belangrikste faktore vir die groei van die koninkryk van God en die groei van die gemeente is liefdevolle Christene. Gemeentes moet gemeenskappe van liefde wees. Dit is liefde wat mense bereik. Jy kan nie mense in die koninkryk in argumenteer nie. Met liefde kan jy hulle in die koninkryk kry.
Hoe doen jy dit? Rick Warren sê met drie stappe:
