Wat sê die Bybel oor depressie en angs

As jy met Christene oor psigiese gesondheid praat weet jy nie wat om te verwag nie. Party sal vir jou sê dat depressie en angs ‘n suiwer geestelike stryd is wat met meer geloof, meer Bybel lees en meer gebed oorwin kan word. Ander sal vir jou sê dit is ‘’n suiwer fisiese saak – sien jou geneesheer en kry meer medisyne. Ander sal met teorieë van demoniese aanvalle en die eindtye kom.

Maar wat sê die Bybel oor depressie en angs.

Die Bybel sê niks nie.

Jy gaan nie die woorde depressie of bipolêr in die Bybel kry nie, net soos jy ook nie die woord Drie-eenheid in die Bybel kry nie. Maar net omdat daardie spesifieke woorde nie in die Bybel voorkom nie, beteken nie dat die Bybel stil is oor hierdie sake nie.

Sonde het die volmaakte wêreld wat God geskep het gebreek.

Gereformeerdes praat van totale verdorwenheid. Dit beteken dat sonde ons totale wese geïnfekteer het. Ons liggame, emosies en siele is onder die onderdrukkende oorheersing van sonde. Ons wêreld is stukkend. Daarom sê Paulus in Romeine 8: 22 – 24:

Ons weet dat die hele skepping tot nou toe sug in die pyne van verwagting. En nie net die skepping nie, maar ook ons wat die Gees ontvang het as die eerste gawe van God, ons sug ook. Ons sien daarna uit dat God bekend sal mak dat Hy ons as sy kinders aangeneem het. Hy sal ons van die verganklikheid bevry. Ons is immers gered en ons het nou hierdie hoop.

Psigiese ongesteldheid moet ons nie verbaas nie. Toe sonde in die wêreld gekom het, het ook kanker, verkoue, ebola en depressie gekom. Ons liggame, brein ingesluit, sug vir die verlossing wat Jesus bring.

Maar daar is meer as net ons totale verdorwenheid. Ons sien ook geesteongesteldhede in goddelike mense. Lees net die psalms. Dit lyk of Dawid soms baie laag gesink het Natuurlik kan ons nie sê dat Dawid aan depressie gely het nie, maar hy was soms in die dieptes van wanhoop en donkerte.

Hoe lank gaan U my nog bly vergeet, Here/ vir altyd?

Hoe lank gaan U nog van my af wegkyk?

Hoe lank moet ek nog my eie planne maak en my dae met kommer deurbring? ..

Luister tog en antwoord my, Here my God!

(Psalm 13:2 – 4).

Die psalmis het nie net ‘’n slegte dag nie; hy is nie net teleurgesteld nie. Hy word neergedruk onder die gewig. Hy het hartseer in sy hart – elke dag. Dit klink nogal na die storie van mense met depressie. As ons deur die kerkgeskiedenis loop sien ons voorbeelde van goddelike mense lamgelê deur depressie. In ‘n preek “The Christian Heaviness and Rejoicing” sê Charles Spurgeon:

…my spirits were sunken so low that I could weep by the hour like a child, and yet I knew not what I wept for…a kind friend was telling me of some poor old soul living near, who was suffering very great pain, and yet she was full of joy and rejoicing. I was so distressed by the hearing of that story, and felt so ashamed of myself.

William Cowper skryf toe hy 21 jaar oud was:

 (I was struck) with such a dejection of spirits, as none but they who have felt the same, can have the least conception of. Day and night I was upon the rack, lying down in horror, and rising up in despair.

Hy het probeer selfmoord pleeg.

Wat  ons van die Bybel en geestesongesteldhede dink, bepaal hoe ons mense gaan help. Uit die Skrif weet ons dat depressie en angs die hele persoon affekteer. Daar moet dus ‘’n holistiese fisiese en geestelike benadering wees.

Dit is nie verkeerd om aan te beveel dat hulle ‘’n geneesheer moet sien nie. Ons moet hulle ook met God se woord bemoedig. Moenie sê dat hulle ‘’n gebrek aan geloof het nie. Moet ook nie sê dat hulle hul nie moet bekommer nie. Herinner hulle aan God se liefde en sy nabyheid aan diegene wat swaarkry. Hulle sal waarskynlik nie anders voel as jy dit vir hulle sê nie. Die punt is dat jy wil hê dat hulle moet weet dat jy hulle lief het – en God ook. In meeste gevalle is teenwoordigheid van meer waarde as woorde.

Moet ook nie aan hulle ‘’n boek gee om te lees nie. Hulle kom beswaarlik deur die dag, hoe gaan hulle nou nog ‘’n boek lees. ‘’n Enkele vers is genoeg. Geestelike medisyne moet stadig toegedien word. Soms neem dit weke voordat dit begin werk.

Die antwoord op die vraag: ‘wat sê die Bybel oor depressie en angs?” is belangrik, want mense is belangrik. As jy die antwoord verkeerd kry, gaan mense ly.

Die Sondaar se gebed

Hierdie is ’n gebed waarin jy jou sonde bely, jou behoefte aan Jesus erken en waarin jy sê dat jy jou lewe aan Hom sal gee. Is hierdie gebed van waarde?

Natuurlik word dit aanbeveel dat ons met sondaars oor geloofsake moet praat. Dit is immers Jesus se laaste opdrag aan sy kerk. Ons moet hulle vertel dat daar ‘’n hemel en ‘’n hel is, dat Christus die enigste Verlosser is en dat ons nie ons eie weg na verlossing kan uitwerk nie. Wat egter verkeerd is, is om te dink jy kan hierdie gebed bid en jy sal gered word.

In die laaste groot herlewing in die VSA is mense nie opgeroep om te bid nie, maar om berou te hê en te glo. Nooit is gesê dat jy gered kan word as jy hierdie gebed bid nie. Inplaas daarvan dat ons verklaar iemand is ‘n Christen is nadat hy die gebed gebid het, is dit beter dat iemand eers verder onderrig word. Om te sê iemand is verlos nadat hy oor sekere waarhede van Jesus saamgestem het, kan ‘’n kultuur van vals belydenisse skep waar mense se lewens geensins verander nadat hulle die gebed gebid het nie.

Hy het gered … hy sterf

In Rigters 3:7 – 11 het ons die ideale siklus. In vers 7 aanbid Israel afgode. In vers 8 gee die Here hulle oor in die hande van hulle vyande wat hulle onderdruk het. In vers 9 laat God ‘’n redder vir Israel na vore kom. Dan gee HY die vyandige koning oor in die hande van Otniël. Otniël verslaan die vyand. Uiteindelik het die land vrede. Hier is twee stellings wat uitstaan:

1. Hy red hulle (vers 9). Herstel en herlewing kom net na Israel as God deur sy verkose redder werk. Die vrede om God te dien in plaas van slawe van afgode te wees, kom net deur God se verlossende optrede. Ons kan nie herlewing forseer of fabriseer nie. Ons kan net na God uitroep om te red.
2. Die episode eindig nie met vrede nie, maar met die dood: toe is Otniël seun van Kenas dood. Verlossing en vrede berus by die leierskap van God se rigter. Otniël was ‘’n goeie rigter; die vrede is ‘’n werklikheid, maar dit kan nie onbeperk voortduur nie. Otniël sterf’. Siklusse van herlewing in die geskiedenis van die kerk duur ook nie vir altyd nie – dit is tydelik. Vir permanente herstel en oneindige vrede het God se mense ‘n leier nodig wat nie sterf nie. Wat ons nodig het, is die Een wat sê: Ek was dood en kyk, Ek lewe tot in alle ewigheid (Openbaring 1;18). Die 40 jaar van vrede wat Otniël gebring het voor hy gesterf het, maak dat ons Jesus moet dank vir die ewige vrede wat Hy bring – selfs na sy dood.

Hoe bring God herlewing?

Rigters 3:7 fokus op wat die Israeliete doen – hulle vergeet die Here en aanbid afgode. Vanaf vers 8 neem God oor.  Toe het die Here kwaad geword. Daar kom moeilikheid. Hy gee hulle oor in die mag van koning Kusan-Risatajim –  net soos Israel hulle reeds as die Baäls en Asjeras oorgegee het.

As die Here nie lyding en probleme gebring het nie, sou die mense nooit hulle ware posisie raakgesien het nie. Hulle sou nooit besef het hoe verslaaf hulle was nie en die oordeel wat vir hulle voorgelê het nie. Die Here laat die Israeliete swaarkry, nie om hulle terug te kry nie, maar om hulle te verlos. Hy doen dit steeds: maar nou word ons deur die Here geoordeel en getugtig sodat ons nie saam met ie wêreld veroordeel sal word nie (1 Korintiërs 11:32).

Hulle word fisies onderdruk en na agt jaar roep hulle tot die Here en hy het vir hulle ‘’n redder na vore laat (3:9) kom. Al wat die Israeliete tot hulle redding bygedra het, was dat hulle tot die Here geroep het. Dit beteken dat hulle hul na God teruggekeer het. Hulle het berou gehad. Berou is noodsaaklik vir vernuwing en herstel. Hulle reaksie op die verdrukking was korrek: hulle het gesien hoe God se hande op die agtergrond gewerk het. Dan kyk hulle eerlik na hulleself en roep tot die Here vir herlewing

God het moeilikheid gestuur, maar nou stuur Hy geestelike leierskap. Sy verkose leier is Otniël. God red sy mense deur die verkose leier. God stuur ook sy Gees: Die Gees van die Here was op hom en hy het oor Israel geregeer (3:10). Otniël maak toe oorlog teen koning Kusan- Risatajim. Let op die verskil tussen die Ou Testament en die Nuwe Testament. In die Ou Testament stuur God sy Gees na een leier. In die Nuwe Testament stuur God sy Gees na almal –die hele kerk (Handelinge 4:31).

Opsommend: God stuur moeilikheid, leierskap en sy Gees. Dit bring herstel: die Here het hom (Kusan-Risatajim) oorgegee in die mg van Otniël. Hy het vir Kusan Ritsatajim verslaan. Daarna was daar veertig jaar vrede in die land. Dit was vrede van fisiese onderdrukking, maar ook van die geestelike onderdrukking van afgode. Israel was weer gehoorsaam aan die Here.