“We will not let you choose between being a lover of God and his sovereignty and being a lover of lost people.” – John Piper

Wat is dissipelskap?

Dissipelskap kan baie vorme aanneem. Dit lyk asof dit eerlikheid, die soek na raad, die Skrif en iemand wat gewillig is om dit te doen, insluit. Luister wat sê die Prediker: Twee vaar beter as een. Hulle inspanning kom tot iets. As die een val, kan die ander hom ophelp. Maar as die een wat val alleen is, is daar niemand om hom op te help nie (4:9 – 10).

Twee is ook beter as een wanneer ons ons geloof in Christus uitleef. Al probeer ons dikwels alleen regkom, het ons mekaar tog nodig. Ons het teregwysing en onderrig nodig – nie dat ons dit dikwels soek nie. Dit is hoekom dissipelskap so belangrik is.

Hier is drie eenvoudige voordele van ‘n dissipelskapverhouding.

• Dissipelskap bou nederigheid

Die versoeking is dat ons kan dink dat ons weet wat die beste vir onsself is – ons ken onsself tog beter as enigiemand anders. Maar Jeremia waarsku ons: Die hart is bedriegliker as enigiets anders (17:9). Miskien is ons harte nie die beste ding om op te vertrou nie. Wyse raad van ander mag dalk net die ding wees wat God gebruik om ons te beskerm.

Die Spreuke-skrywer sê: Selfs wyse mense kan na die spreuke luister en so tot dieper insig kom (1:5). Hy gaan verder: Moenie dink jy het die wysheid in pag nie (3:7) – dit is nie so eenvoudig nie. As ons wil verstaan, moet ons eers erken dat ons nie alles weet nie. Dan moet ons na die raad van ons broers en susters – ons mede-dissipels – luister.

• Dissipelskap verenig ons met medegelowiges

Die liggaam van Christus bestaan nie net vir ons om Sondae bymekaar te kom nie – die res van die week gaan ons dan aan met ons lewens. Om raad en dissipelskap te soek, is een manier om ander gelowiges in jou lewe in te nooi. Mense ken nie die besonderhede van jou lewe nie, tensy jy bereid is om dit met hulle te deel. Om jou lewe met ander te deel is ‘n geleentheid vir gebed en wedersydse aanmoediging. Dra mekaar se laste, en gee op dié manier uitvoering aan die wet van Christus (Galasiërs 6:2). Ons is immers almal lede van Christus se liggaam.

• Dissipelskap rus ons vir getrouheid toe

Paulus sê dat die ouer vroue se gedrag as voorbeeld moet dien. Hulle kan ook goeie raad gee (Titus 2:3). Hierdie is nie ‘n voorstel nie, maar ‘n opdrag van God oor ons verhouding met mekaar. Dit is dissipelskap; dit is net nog ‘n bewys dat ons mekaar nodig het. Ek kan nie ander leer as ek nie self bereid is om te leer nie.

 “God is on the move to rescue people from misery to everlasting happiness, which can only be found in him.” – John Piper

Tegnologie: Ja of Nee?

Fokus die kerk te veel op tegnologie? Raak die kerk nie te afhanklik van tegnologie nie? As die evangelie getrou verkondig word en wanneer verhoudings gebou word, is dit tog voldoende. Die probleem: dit help nie as die evangelie verkondig word, maar daar is geen nie-Christene teenwoordig om dit te hoor nie. Sou nie-Christene besluit dat dit wat verkondig word nie relevant vir hulle lewens is nie, is die moontlikheid dat hulle weer sal terugkom maar skraal.

Gebruik die kerk die tegnologie wat beskikbaar is om doeltreffend te getuig? Of gebruik ons nog die metodes wat gebruik is deur ‘n geslag wat primêr deur te lees en te hoor geleer het? Bill Tenny-Brittian sê dit is primêr wat gebeur in gemeentes wat nie groei nie. Die leervoorkeure van mense onder 50 jaar vandag is beelde, tegnologie en deelname. Hoe jonger die gehoor hoe belangriker word hierdie tegnologie.

Tegnologie beteken nie noodwendig elektronika nie alhoewel hierdie instrumente algemeen in die bevolking gebruik word. Hulle help, maar hulle bly steeds net instrumente. Die wyer omvang van tegnologie sluit in die inhoud en aanbieding van ons leermateriaal, die keuse en aanbieding van ons musiek, die styl wat ons gaan gebruik om ons leermateriaal aan te bied vir diegene wat ons wil bereik, die plek waar ons bymekaar kom, ens. Dit is waar dat van die elektroniese tegnologie dit makliker maak om hierdie dinge te bereik. ‘n Gemeente hoef nie elke nuwe tegnologie te gebruik nie Soms kan dit selfs in die pad wees … en moet verwyder word.

Deur die nuutste tegnologie te besit en te gebruik, sal nie toelaat dat die kerk groei nie, Maar om die nuutste tegnologie nie te gebruik nie, sal verseker dat die gemeente nie volhoubaar sal groei nie. Tegnologie is nie die verlosser nie, maar dit is ook nie ‘n demoon nie.

If you don’t know God as beautiful and satisfying, you don’t know him.” – John Piper

 Ek kan God nie verstaan nie

‘n Amerikaanse student vra vir die bekende Switserse teoloog, Karl Barth, wat die diepsinnigste ding is wat hy in sy studie van die teologie nog ooit geleer het. Sy antwoord: Jesus loves me, this I know, for the Bible tells me so. Gou besef die studente dat Barth ernstig was.

Barth gee ‘n eenvoudige antwoord op ‘n baie diepsinnige vraag. Hiermee vestig hy die aandag op twee belangrike sienings:

• In die eenvoudigste Christelike waarheid skuil daar ‘n diepsinnigheid wat teoloë lewenslank kan besig hou; en
• Al is ons teologies hoe gesofistikeerd styg ons nie werklik bokant die vlak van ‘n kind se verstaan van die geheimsinnige dieptes en rykdom van God se karakter nie.

Wat nie geopenbaar is nie, is bekend aan die Here ons God, maar wat geopenbaar is, is vir altyd bekend aan ons en ons nageslag (Deuteronomium 29:29). Ons moet dus leef in die lig wat God aan ons geopenbaar het.

 “Strategy never saved anyone. Only the gospel saves anyone.” – Thabiti Anyabwile

Hoe om te dien

(Josua 24:15).