Vir wie verkondig ons die Woord?

Those who cannot remember the past are condemned to repeat it.~George Santayana

Vir wie verkondig ons die Woord?

 

 

As ons diegene buite die kerk wil bereik, moet jy begin waar hulle begin – die ware lewe van die kerklos kultuur. Praat ons met mense in die kerk begin ons by die Bybel, ons verduidelik dit en ons pas dit toe. Hierdie mense aanvaar dat die Bybel darem gesagvol is en dat die waarhede daarin in hulle lewens toegepas kan word.

 

As ons met kerklos mense praat, begin ons deur ‘n saak/bekommernis/belangstelling van die teikengehoor te ondersoek. Bespreek dan hoe die kultuur van vandag hierdie vrae antwoord. Wys dan daarop hoe die Bybel hierdie sake hanteer – vergelyk en/of stel teenoor mekaar. Pas dan die Bybel op die lewe toe. Die aanname is dat diegene met wie jy praat min of geen positiewe ervarings van die Skrif het. Wat jy probeer doen is om te wys dat die Skrif tog wel iets vir hulle te sê het.

 

Hy eindig met twee waarnemings uit die Nuwe Testament:

  • Jesus begin by die Skrif net as Hy met mense wat die Skrif ken, praat. Andersins begin Hy met ‘n storie of ‘n saak. In werklikheid gebruik Hy selde die Skrif as Hy met hierdie mense praat.
  • Nie een keer sien ons dat ‘n Nuwe Testamentiese prediker ‘n Skrifgedeelte (=Ou Testament) uitlê nie.

 

Dit beteken nie dat ons nou hulle praktyke slaafs moet navolg nie, maar ons moet daarvan kennis neem. As ons teikengehoor nie kerkmense is nie, moet ons hulle anders benader.

 



Hoekom lees mense nie meer die Bybel nie?

You are saved because Christ  says yes to you – Michael Horton

 

Hoekom lees mense nie meer die Bybel nie?

Mense lees minder die Bybel. Biblica gee veral drie redes hiervoor:

  • eers Beslis nie hoofstukke nie.Mense lees stMense lees in isolasie. Om die Skrif te lees is ‘n taak vir die gemeenskap waar gelowiges mekaar kan help en bemoedig.

 

Read big, read real, read together.

 



Die Raad/Konsilie van Efese

Anyone can hold the helm when the sea is calm. —Publilius Syrus

Die Raad/Konsilie van Efese

Daar was sewe ekumeniese rade. Hulle het almal die Christelike teologie probeer verstaan en probeer om ‘n gesamentlike teologie daar te stel. Vandag kyk ons na die Raad van Efese. Hierdie Raad is in 431 deur Teodosius II, die keiser van die oostelike gedeelte van die Romeinse Ryk, bymekaar geroep. Hy doen dit op versoek van Nestorius wie se onderrig oor die aard van Christus spanning in die kerk veroorsaak het. Nestorius wou so probeer om sy teenstanders te oortuig en stil te maak. Teodosius self woon nie die vergadering by nie. Die raad kom in Efese in die huidige Turkye bymekaar. Tussen 200 en 250 biskoppe woon die vergadering by.

 

 Op daardie stadium was daar konflik oor gesag in die kerk. Die eerste vergadering van Konstantinopel het bepaal dat die biskop van Konstantinopel net na die biskop van Rome – bekend as die pous – in die gesagslyn gestaan het. Die biskoppe van Antiogië en Aleksandrië was ook belangrike biskoppe.

 Nestorius was nie self teenwoordig nie. Hy kom oorspronklik van Antiogië. Hy was ‘n begaafde spreker en Teodosius II het hom as biskop van Konstantinopel aangestel. Die tweede belangrike persoon was Cyrillus, die biskop van Aleksandrië. Hulle verteenwoordig die twee kante van die konflik.

Die konflik gaan oor Maria. Een groep noem haar Maria Theotokos (draer van God). Die ander groep verwerp die titel, want ‘n ewige wese kan nie gebore word nie. Nestorius, in ‘n poging om die konflik op te los, stel voor dat hulle haar eerder Christotokos (draer van Christus) moes noem. Hy wou hiermee  bevestig dat die volle menslike aard van Christus erken moet word.

 

Die gevolg was ‘n briewewisseling tussen Cyrillus en Nestorius. Hierdie konflik was deels teologies en deels polities – die tweede hoogste pos hoort eintlik in Antiogië en nie in Konstantinopel nie. Sinodes in Rome en Aleksandrië verwerp Nestorius se lering.

 

Cyrillus was president van die vergadering. Nestorius weier om die vergadering by te woon omdat Cyrillus die president was. Die vergadering begin sonder ‘n hele aantal biskoppe uit die Ooste wat eers later opgedaag het. Die Raad bevestig die belydenis van Nicea en die titel Teotokos.  Hulle verwerp Nestorianisme en almal wat die siening onderskryf word uit die kerk geban.

 

Die kerke wat Nestorius ondersteun het breek weg en staan as die Persiese of die Kerk van die Ooste bekend. Hulle hedendaagse verteenwoordigers is die Assiriese Kerk van die Ooste, die Siriese Kerk, die Antieke Kerk van die Ooste en die Galdeër Katolieke Kerk.

 



Die Brein van die gesonde leier

Between us and heaven or hell there is only life, which is the frailest thing in the world. —Blaise Pascal

 

Die Brein van die gesonde leier

God het aan ons ‘n wonderlike brein gegee. Neuro-wetenskaplikes bestudeer die brein soos nog nooit vantevore nie. Maar hoe kan ons hierdie wonderlike gawe van God gesond hou? David Rock en Daniel Siegal (Healthy Mind Platter) het sewe faktore geïdentifiseer wat mense help om die brein maksimaal te gebruik. Hierdie sewe aktiwiteite maak leiers meer doeltreffend.

  • Maak tyd om te fokus.

Die wetenskap bevind dat as ons diep fokus die brein diep verbindings maak. In Lukas 14:25 – 33 vra Jesus die menigte om diep na te dink oor die eise van dissipelskap.

 

  • Maak tyd vir plesier

Plesier gee aanleiding tot spontaneïteit wat die brein help om nuwe verbindings te maak. Kinders is na Jesus aangetrek. Hulle sien in Hom iemand wat hulle kan benader en vrolik mee kan verkeer.

  • Maak tyd vir familie en vriende

Neuro-wetenskaplikes bevind dat die brein ‘n sosiale orgaan is. As ons verhoudings bou, verdiep dit die bane wat met verhoudings te doen het. Een van die kenmerke van die Christelike geloof is juis om tyd saam met ander in ‘n geloofsgemeenskap deur te bring.

  • Maak tyd om te oefen

Daar is baie navorsing om te bewys dat oefening die funksionering van die brein verbeter. Die Bybel sê vir ons dat ons liggame tempels van die Heilige Gees is (1 Korintiërs 6:19). Dit beteken ons moet ons liggame versorg. Oefening is een manier om dit te doen.

  • Maak tyd vir stilte.

As ons stil word deur byvoorbeeld nadenke, kan ons ons emosies beter reguleer en kan ons helderder dink. Die Bybel sê dikwels dat ons stil moet word voor die Here As ons nadink aan Hom en sy Woord, kom ons nader aan God, maar ons hou ook ons brein gesond.

  • Maak tyd om niks te doen nie

As ek toelaat dat my brein nie fokus nie (deur byvoorbeeld lugkastele te bou) , verhoog ons kreatiwiteit. Ek is seker Jesus en sy dissipels het soms net rustig verkeer en mekaar en God se skepping geniet.

  • Maak tyd vir voldoende slaap

As ek slaap verdiep my geheue en my brein herstel van die dag se spanning. Jesus het self tydens die storm op ‘n bank gelê en slaap (Markus 4:38).

Hier is sewe eenvoudige praktyke wat ek gereeld moet beoefen.