Leadership is. It may be good or bad. It may be recognized and assented  to or not. But it always is – Hal Miller

Wat bestudeer jy?

Amptenare van die Tesourie in die VSA , wanneer hulle geleer word om vervalste geld op te spoor,  fokus feitlik uitsluitlik op die bestudering van egte, onvervalste geld. Die doel: Hulle moet so bekend met elke klein besonderheidjie wees dat hulle onmiddellik enige afwyking sal raaksien. In plaas van afwykings bestudeer hulle die ware ding sodat hulle waar en vals kan onderskei.

 Maar ons doen dit nie met Jesus nie. As ons wil weet wat vals leer is, moet ons by die primêre bron oor Jesus begin – die vier evangelies. Daar sien ons Jesus ongefiltreerd. As die evangelies al was wat ek gehad, sou ek nie dalk anders oor Jesus gedink het nie?

What life have you if you have not life together?  There is no life that is not in community, and no community not lived in praise of God – T. S. Elliot

2013 – Slegte nuus

This light from below, which I believe to be God’s light, exposes a society that seems only to know how to reward the wealthiest while ignoring the rest – David Dykes.

Godsdiens het in 2013 ‘n groot impak gemaak – die impak van dodelike stilte. Geloofsleiers was doodstil oor  die kern etiese sake van die dag. Ons word emosioneel oor die baba in die krip; ons sing graag oor die boodskap met goeie nuus wat die skaapwagter op die oop velde om Betlehem gehoor het. Maar vir baie mense in Suid-Afrika was die nuus in 2013 nie goed nie: die werkloses, vroue, armes, haweloses … Hulle bly steeds randfigure.

Daar is geen lig in 2014 vir mense wat nie ‘n werk het nie of vir vroue wat blootgestel is aan verkragting en mishandeling … Ja, daar sal goed wees in ons mandjies vir die armes. Om geld in daardie mandjies te sit, is ‘n goeie ding, maar ons moet dit nooit verwar met die doen van geregtigheid soos God vereis nie. Daar is niks verkeerd om goed te voel as jy goed vir mense gegee het nie, maar jy moet jouself afvra: Waarom het Suid-Afrika een van die ongelykste samelewings in die wêreld? Hoekom moet ons op welsyn vertrou om menslike lyding te verlig?

2014 – gaan ons probeer om dit vir ‘n paar mense ‘n beter jaar as 2013 te maak?

God made man in his image, and man returned the favour – Voltaire

Ek lees graag

My seun, wees versigtig!  Daar kom nie ‘n einde aan die skryf van baie boeke nie, te veel studie ooreis die liggaam (Prediker 12:12)

Albert Mohler het ‘n interessante blog oor lees geskryf. Ons kan nie alles lees, maar alles is ook nie werd om gelees te word nie. Natuurlik moet ons lees by die lees van die Bybel begin. Hy gee raad oor hoe/wat ons moet lees:

• Gereelde leesprojekte. Hy verdeel sy lees in ses kategorieë: Teologie, Bybelstudies, die lewe van die kerk, geskiedenis, kultuurstudies en literatuur. Hy versamel boeke in al die kategorieë en lees hulle oor ‘n bepaalde tydperk.
• Werk deur belangrike dele van die Bybel. Lees boeke oor spesifieke Bybelboeke – ook oor die uitleg van die verse.
• Lees alles wat sekere skrywers skryf. Identifiseer skrywers wie se boeke jou aandag nodig het.
• Kry ‘n paar groot stelle en lees deur hulle. Belê byvoorbeeld in die werke van Martin Luther en lees deur die hele stel.
• Lees boeke wat jy geniet. So kan jy byvoorbeeld geskiedkundige werke of biografieë kees. Moenie vergeet om gereeld fiksie te lees nie.
• Skryf in jou boeke; merk hulle; maak hulle jou boeke. Boeke moet gelees en gebruik word – nie bymekaargemaak word nie.

Lekker lees in 2014

Never confuse motion with action. -Benjamin Franklin (1706-1790)

Jou gemeente se grondgebied mag groter wees as wat jy dink

As jong predikant in die 18de eeu het John Wesley probleme met die Anglikaanse kerk  gehad. Hy het oor gemeentegrense gepreek – ‘n ander predikant se grondgebied betree. Wesley se antwoord op die aantygings: “Die wêreld is my gemeente.” Wesley het nie grense vir sy bediening getrek nie. Al wat hy sien, is ‘n wêreld vol geleenthede.

 Ons is dikwels so bekommerd oor dispute oor die grense tussen gemeentes. Moet ons nie eerder bekommerd wees oor die grense wat kerkleiers op hulle lidmate plaas nie? Die wêreld is die gemeente se grense.

Jesus sê dit self: Gaan dan na al die nasies toe en maak die mense my dissipels (Matteus 28:19). Hy sê ook: Aan My is alle mag gegee in die hemel en op die aarde (Matteus 28:18). Wat het ons hier? ‘n Opdrag + hulpbronne = die wêreld is my gemeente.

 Hoekom stel gemeeteleiers sulke lae verwagtings? Hoekom lag leiers oor die idee dat die kerk die wêreld kan verander? Miskien is dit omdat die gemeente nie groot fasiliteite of ‘n groot bankbalans het nie. Miskien glo hulle hulle het nie die leiers vir so ‘n groot taak nie. Al hierdie sogenaamde beperkings ontken die mag van God om alles te voorsien wat nodig is. Of Christus het al die mag of Hy het nie. As Hy al die mag het, kan en wil Hy voorsien wat die gemeente nodig het.

 As leiers dink die dissipels in die gemeente is vir hulle gegee om groter fasiliteite te bou, het hulle die kat aan die stert beet. God het reeds geboue in jou gemeenskap gegee – skoolsale, gemeenskapsentra en huise vir kleingroepbyeenkomste. Miskien is die mense wat die gemeente inperk die leiers. God het reeds die hulpbronne gegee vir ons bediening – openbare geboue word buiteposte vir bediening. Wesley is reg: Die wêreld is my gemeente.