Die koninkryk van God in die Nuwe Testament

“Christianity teaches that, contra fatalism, suffering is overwhelming; contra Buddhism, suffering is real; contra karma, suffering is often unfair; but contra secularism, suffering is meaningful. There is a purpose to it, and if faced rightly, it can drive us like a nail deep into the love of God and into more stability and spiritual power than you can imagine.” – Tim Keller

Die koninkryk van God in die Nuwe Testament

Die koninkryk van God is ‘n baie algemene tema in die Bybel. Ek gaan ‘n hele aantal blogs gebruik om te probeer vasstel wat dit is en hoekom dit belangrik is. Ek gaan onder ander gebruik maak van The Kingdom of God: Christopher W. Morgan en Robert A. Peterson (reds) 2012.

Ons sien duidelik die spanning tussen die alreeds/nog nie struktuur. Die twee tydperke en koninkryke oorvleuel – een is besig om te vervaag en die ander groei geleidelik: Die duisternis is aan die verbygaan, en die ware lig skyn alreeds (1 Johannes 2:8); Die nag is byna verby; dit is amper dag (Romeine 13:12).

Die fondament vir God se koninkryk word in die Ou Testament gelê. Die Here het sy troon in die hemel gevestig, sy heerskappy (koninkryk) strek oor alles en almal (Psalm 103:19). God se koninkryk was en is soewerein oor alle koninkryke. Teenoor Hom is al die bewoners van die aarde soos niks; Hy doen soos Hy besluit met die hemelse magte en met die mense op aarde. Daar is niemand wat Hom daarvan kan weerhou en vir Hom kan sê: ‘Wat doen U? nie ’ (Daniël 4:35). Hy is nie ‘n plaaslik god wat oor ‘n stukkie land regeer nie – sy koninkryk geld vir elke persoon op aarde en elke vierkante sentimeter van die land. God maak sy koninklike status, karakter en heerskappy deur mense wat Hy uitgekies het, bekend. Hulle het dit neergeskryf – nie alleen vir hulle gebruik nie, maar vir die gebruik van toekomstige geslagte – ook vir ons.

Veral in die Matteus-evangelie is daar baie verwysings na die koninkryk van God. Om ‘n algemene gevoel te kry van die koninkryk van God gaan ons net na hierdie evangelie kyk. Ons gaan na verskeie aspekte van die koninkryk kyk:

Koninkrykverwysings dien as raamwerk vir die hele evangelie.
Die koninkryk is die sentrale motief in die prediking van Johannes die Doper en Jesus Christus.
die koninkryk behels onder andere beproewing in die huidige en vergoeding in die toekoms.
Dissipels van die koninkryk moet ander beïnvloed en in die openbaar getuig.
Die koninkryk staan sentraal in Jesus se bergrede.
Koninkryksetiek mag konvensionele wysheid weerspreek.
Jesus se gelykenisse oor die koninkryk.

Die koninkryk van God: Historiese perspektiewe (2)

. —C.H. Spurgeon

Die koninkryk van God: Historiese perspektiewe (2)

Die koninkryk van God is ‘n baie algemene tema in die Bybel. Ek gaan ‘n hele aantal blogs gebruik om te probeer vasstel wat dit is en hoekom dit belangrik is. Ek gaan onder ander gebruik maak van The Kingdom of God: Christopher W. Morgan en Robert A. Peterson (reds) 2012.

Ons het in die vorige blog na enkele historiese perspektiewe gekyk. Ons moet na die geskiedenis kyk om die volle implikasies van die woorde – die koninkryk van God – te verstaan. Daar is twee dinge wat Ortodokse Christene glo:

Hulle glo in die fisiese en sigbare wederkoms van Christus.

Hulle glo in een of ander vorm van ‘n toekomstige, werklike koninkryk waarin al God se beloftes ten volle deur alle gelowiges geniet sal word. Daar sal ook ‘n toekomstige oordeel wees waartydens God se toorn oor die ongelowiges uitgeoefen sal word. Daar is skape en daar is bokke. Daar is mense aan wie die koninkryk behoort en mense aan wie die koninkryk nie behoort nie.

Hierdie siening kry ons in die vroeë belydenisskrifte en die verskillende kategismusse van die Hervorming.

Die koninkryk van God moet ook ons denke en lewe vorm. Jesus het sy volgelinge herinner dat hulle nie van hierdie wêreld is nie. Ons word egter dikwels gekondisioneer deur agendas van die huidige kultuur. As die kerk vra wat die koninkryk van God is en hoe die koninkryk ons lewens moet beïnvloed – selfs bepaal hoe ons moet bid – vra ons die regte vrae.

‘n Soliede leer van die koninkryk van God bring vertroosting en versekering in tye van nood. Dit het versekering gebring vir die martelare tydens die periode van die kerkvaders. Daar is dinge waarvan ons seker is; daar is dinge wat ons moet glo en verkondig; daar is dinge wat meer vaag en ingewikkeld is waarvoor ons altyd na antwoorde sal soek. Daar is dinge wat ons nooit ten volle sal verstaan voor die einde nie. Dit alles lei ons om die God wie se koninkryk geen einde het nie, te aanbid.

‘n Korrekte leer van die koninkryk leer ons hoe om te bid. Op sy beurt lei dit ons hoe om te lewe. Jesus leer sy dissipels hoe om te bid: Laat u koninkryk kom; laat u wil ook op die aarde geskied, net soos in die hemel. Ons moet versigtig wees om nie die koninkryk te soek – ‘n koninkryk soos ons dit definieer en soos ons dit verkies nie. Die versoeking om dit te doen is groot. Laat ons altyd dink aan hoe Jesus ons geleer het om te bid en te lewe: Laat u koninkryk kom.

Ons gaan volgende keer na die Koninkryk van God in die Nuwe Testament kyk.

Die koninkryk van God: Historiese perspektiewe (1)

. —R.C. Sproul

Die koninkryk van God: Historiese perspektiewe (1)

Die koninkryk van God is ‘n baie algemene tema in die Bybel. Ek gaan ‘n hele aantal blogs gebruik om te probeer vasstel wat dit is en hoekom dit belangrik is. Ek gaan onder ander gebruik maak van The Kingdom of God: Christopher W. Morgan en Robert A. Peterson (reds) 2012.

Ons het reeds kortliks gekyk na wat die koninkryk van God is. Nou gaan ons na enkele historiese perspektiewe kyk.

En hierdie evangelie van die koninkryk sal in die hele wêreld verkondig word, sodat al die nasies die getuienis kan hoor. Eers dan sal die einde kom (Matteus 24:14).

For what other end do we propose to ourselves than to attain the kingdom of which there is no end (Augustinus. The City of God)

Die koninkryk van God is woorde wat mense vir eeue al vasgevang het. Baie glo dit is Jesus se sentrale boodskap. Die probleem is dat binne die Christelike tradisie daar verskille is oor die betekenis. Terselfdertyd is daar ‘n besef dat die verstaan van wat die koninkryk van God beteken, implikasies vir die res van ons teologie inhou.

Vir eeue oorheers die werk van Augustinus ons denke van die koninkryk. Dit het steeds ‘n groot invloed. Augustinus verkies die woord stad – Daar word groot dinge van jou gesê, stad van God (Psalm 87:3). Hiermee bedoel hy nie ‘n geografiese plek nie. Sy siening van die koninkryk is toekomstig – dit kom na die lewe verby is. Die stad van die mens gaan verby en net die stad van God bly bestaan.

Martin Luther praat van die twee koninkryke – die koninkryk van God en dié van die wêreld. Alle mense is burgers van een van die koninkryke. Burgers van die koninkryk van God is die ware gelowiges. Christus het juis na die wêreld gekom dat Hy God se koninkryk kon begin en vestig in die wêreld. Soos Augustinus glo Luther dat die uiteindelike verwesentliking van die koninkryk van God nie van hierdie wêreld sal wees nie.

In die tydperk 1880 – 1920 het die koninkryk van God baie aandag geniet. Uit hierdie tydperk is daar vier dinge wat ons kan aflei:

Die groot klem wat op die eindtyd geplaas word. Profesie en die koninkryk van God was onderwerpe wat die aandag van die mense vasgevang het.

Eskatologie (= die leer van die laaste dinge/eindtyd) raak ander gebiede van die teologie. My siening van eskatologie het implikasies vir hoe ek die persoon van Jesus Christus, die evangelie en die aard en roeping van die kerk sien. My siening van die koninkryk van God is nie ‘n geïsoleerde stukkie teologie nie.

Daar is breë verskille tussen die verskillende Christelike tradisies.

Eskatologie is breed en raak aan alle aspekte van my interpretasie van die Bybel en my siening van die eindtyd.

George Eldon Ladd kom met die alreeds/nog nie konstruk na vore – die koninkryk is beide huidig (alreeds) en toekomstig (nog nie). Ons moenie kies tussen kommer vir die samelewing en kommer vir die koninkryk nie. In ons kommer oor die samelewing is ons bekommerd oor sy einde en bestemming – die koninkryk van God. Dissipelskap is om te leer in die “alreeds” in die lig van en beheer deur die “nog nie.”

Mense verskil egter steeds oor wat alreeds en wat nog nie is nie. Mense soos Brian McLaren verloor die “nog nie” in hulle ywer om die alreeds raak te sien. In die volgende blog gaan ons na enkele aspekte van God se koninkryk in vandag se lewe kyk

Die koninkryk van God: Wat is dit? (2)

. —Sinclair Ferguson

Die koninkryk van God: Wat is dit? (2)

Die koninkryk van God is ‘n baie algemene tema in die Bybel. Ek gaan ‘n hele aantal blogs gebruik om te probeer vasstel wat dit is en hoekom dit belangrik is. Ek gaan onder ander gebruik maak van The Kingdom of God: Christopher W. Morgan en Robert A. Peterson (reds) 2012.

In die vorige blog het ons gesien dat Jesus tydens sy bediening op aarde baie aandag aan die koninkryk van God gegee het. Ons het ook gesien dat daar verskillende sienings is van wat die koninkryk van God beteken. ‘n Goeie begrip van die koninkryk is onontbeerlik vir die korrekte verstaan van Christus en die verlossing wat Hy bewerk het. Dit is nie so maklik nie, want Jesus se stellings oor die koninkryk is oënskynlik teenstrydig.

Is die koninkryk huidig of toekomstig?

Aangesien Ek deur die Gees van God die bose geeste uitdryf, het die koninkryk van God inderdaad tot by julle gekom (Matteus 12:28) – huidig.

Ek sê vir julle: Van nou af sal Ek nie weer van hierdie wyn drink nie tot op die dag wanneer Ek saam met julle die nuwe wyn in die koninkryk van my Vader sal drink (Matteus 26:29) – toekomstig.

Gaan die koninkryk oor verlossing of oordeel?

Dan sal die koning vir dié aan sy regterkant sê: ‘Kom, julle wat deur my Vader geseën is! Die koninkryk is van die skepping van die wêreld af vir julle voorberei. Neem dit as erfenis in besit (Matteus 25:34) – verlossing.

Verder gaan dit met die koninkryk van die hemel soos met ‘n treknet wat in die see gegooi is en allerhande soorte vis vang. As dit vol geword het, sleep hulle dit op die strand uit en gaan sit om die goeie vis in mandjies bymekaar te maak, maar die onbruikbares gooi hulle weg. So sal dit by die voleinding van die wêreld wees. Die engele sal uitgaan en die slegtes skei van die goeie en hulle in die brandende oond gooi. Daar sal hulle huil en op hulle tande kners (Matteus 13:47 – 50) – oordeel

Beteken die koninkryk dat God heers of is dit ‘n plek waar Hy heers?

Jy sal swanger word en ‘n seun in die wêreld bring, en jy moet Hom die naam Jesus gee. Hy sal groot wees en die Seun van die Allerhoogste genoem word. Die Here God sal hom die troon van sy voorvader Dawid gee, en Hy sal as koning oor die nageslag van Jakob heers tot in ewigheid Aan sy koningskap sal daar geen einde wees nie (Lukas 1:31 – 33) God heers

Julle is die mense wat in my beproewings altyddeur by My gebly het. Net soos my Vader ‘n koninkryk aan My bemaak het, so bemaak Ek ‘n koninkryk aan julle, sodat julle in my koninkryk aan my tafel kan eet en drink en op trone kan sit om oor die twaalf stamme van Israel te regeer (Lukas 22:28 – 30) – ‘n plek.

Hierdie is vals keuses. Jesus sien dat daar baie fasette aan die koninkryk is: dit is huidig en toekomstig; dit sluit beide verlossing en oordeel in; die sluit beide heerskappy en ‘n plek in.

Volgende keer kyk ons na enkele historiese perspektiewe van die koninkryk.