Die seënuitsprake van Jesus (21)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe, wat ons almal soek, te kan kry. Ek gaan ‘n hele paar blogs aan hierdie boek spandeer.

 

Ons kyk nou na ‘n aantal praktyke wat reinheid van hart bevorder.

 

1. Geloof

Jy vertrou Christus om jou te verander. Mag God, wat vrede gee, julle volkome aan Hom toegewyd maak en julle geheel en al, na gees, siel en liggaam, so bewaar dat julle onberispelik sal wees wanneer ons Here Jesus Christus weer kom. Hy sal dit ook doen, want Hy wat julle roep, is getrou (1 Tessalonisense 5:23 – 24).  Vooruitgang in die Christen se lewe begin as hy glo dat Christus hom kan reinig.  Wanneer jy glo dat jou versoekings te sterk is, jou mislukkings te veel is, jou wonde te diep is en jou vordering te stadig, kyk na die opgestane Verlosser wat in staat is om jou te reinig en vertrou op Hom. Hy kan jou heilig maak en Hy sal, maar Hy roep jou om aktief betrokke te wees.

 

2. Bely; Noem en staan besondere sondes teen

Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid (1 Johannes 1:9). Bely en reiniging staan naby aan mekaar. As jy gereinig wil word, moet jy die sondes waarvan jy gereinig wil word, identifiseer en neerskryf.

 

Eerstens moet ons ons sondes aan God bely. Die Bybel praat ook van die genesing wat kom as ons ons sondes teenoor mekaar bely. Bely julle sondes teenoor mekaar en bid vir mekaar sodat julle gesond kan word (Jakobus 5:16). Kry ‘n volwasse gelowige of ‘n klein groepie Christelike vriende met wie jy eerlik kan wees, wetende dat hulle saam met jou sal bid veral as jy sukkel om ‘n hardkoppige sonde te oorwin. Christus se proses vir die najaag van reinheid is dat ons mekaar sal help – elke Christen het iets om te gee en iets om te ontvang.

 

3. Luister: verdiep jouself in die Woord van God

God was die mense met die Woord. Die Skrif is noodsaaklik vir jou najaag van reinheid. Daarom bid Jesus vir sy dissipels: Laat hulle aan U toegewyd wees deur die waarheid. U woord is die waarheid (Johannes 17:17). Die psalmis vra hoe ‘n jongmens sy lewe skoon kan hou, en antwoord dan: Deur hom te hou aan u woord (PSALM 119:9). Mense wie se lewens betekenisvol verander is, is soos sponse. Hulle absorbeer die woord van God. Hulle bêre die Skrif in hulle harte en dit het ‘n reinigende effek op hulle lewens. Wanneer u woord vir mense oopgaan, bring dit lig (Psalm 119;130) die woord van God het ‘n reinigende effek op jou lewe. Jy moenie net lees nie, jy moet ook nadink, toepas, glo, bely en verheug jou in sy woord.

 

4. Aanbid: die praktyk om na die heerlikheid van God te staar

Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe. Dit doen die Here wat die Gees is (2 Korintiërs 3:18)

Paulus beskryf hier ‘n persoon wat verander is en Hy sê dit gebeur as ons die heerlikheid van die Here aanskou. Hy beskryf hier ‘n proses van verandering wat in die lewens van Christene gebeur as hulle aanbid. Aanbidding is meer as die bywoning van ‘n erediens op Sondae. Dit is om die grootheid en heerlikheid van God te aanskou. Kyk na die belofte in hierdie seënuitspraak: Hulle sal God sien.

 

Jesaja was ‘n profeet wat al jare die Here gedien het. Toe sien hy die Here in ‘n visioen Hy sien God se heerlikheid en word bewus waar hy in reinheid moes groei: Elke woord oor my lippe is onrein en ek woon onder ‘n volk van wie elke woord onrein is (Jesaja6:5).

 

5. Vra: bid vir reinheid

Was my dat ek witter as sneeu kan wees (Psalm 51:9). Psalm 51 is ‘n wonderlike gebed vir reinheid. Die psalmis voel asof sy skuld aan hom vasklou. Die sonde het die blydskap uit sy lewe geneem en daarom bid hy: Laat my weer blydskap en vreugde belewe. U het my verbrysel; laat my weer jubel (51:10). Gebed gee jou ‘n wonderlike toegang tot God op enige tyd en onder alle omstandighede. Die Psalmis word nie wanhopig nie, maar bring sy skuld na die Here en bid vir reiniging. Die psalmis bid verder: Skep vir my ‘n rein hart, o God, vernuwe my gees en maak my standvastig (51:12).

6. Volharding: Staan op as jy geval het

Moet jou nie oor my verlekker nie, my vyand. Al het ek tot ‘n val gekom, ek sal weer opstaan, al sit ek in die donker, die Here is my lig (Miga 7:8).

Niemand maak ononderbroke vooruitgang op die pad na reinheid nie. Ons  struikel en val. Die mense wat in die Christelike lewe vooruitgang maak, is die mense wat opstaan na hulle geval het.. Die stryd vir reinheid is ‘n lang een. Dit is ‘n maraton eerder as ‘n naelloop. Die mag van sonde word bietjie vir bietjie afgebreek.

As jy baie geseënd is, kom sonde terug na jou, want jy raak gerus. Moet net nooit tou opgooi nie.

7. Antisipeer: Weet wie jy is en verheug jou in wat jy sal wees

Geliefdes, ons is nou reeds kinders van God . Dit is nog nie geopenbaar wat ons sal wees nie, maar ons weet dat, wanneer Jesus kom, ons soos Hy sal wees. Ons sal Hom sien soos Hy werklik is (1 Johannes 3:2).

Christus sê vir jou wie jy is. Vergewe en versoen met die Vader, ‘n kind van God. Die liefde van die Vader is oor jou uitgestort. Jy is in die familie van God aangeneem. As jy dink aan wat jy sal wees, sal jou help as jy val. Jy moet dus nie ontmoedig word as jy val nie. Dit is nie die einde nie.

Reinheid is iets wat jy kry soos jy in die Christelike lewe groei. Dit is nie iets agter jou wat jy verloor het nie. Dit is iets voor jou wat jy moet najaag en bekom.

 

 

Die seënuitsprake van Jesus (20)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Baie mense glo dat God kan vergewe, maar sukkel om te glo dat God kan reinig. Hoekom? Hulle dra te veel bagasie uit hulle verlede saam met hulle. Ons moet sulke mense help dat hulle Christus se vermoë om hulle gedagtes en harte te kan reinig, raak te sien.  As jy dit nie aanvaar nie ken jy nog nie die Christus van die Bybel wat was, skoonmaak en reinig nie. Hierdie Christus reinig deurmekaar gedagtes en jy begin hoop as jy vertrou dat hierdie Verlosser jou hart sal reinig. Dit is Hy wat sy volk van hulle sondes sal verlos (Matteus 1:21), Wat beteken dit? Ons sondes sluit in gewoontes en patrone van denke en gedrag. Christus het gekom om ons van ons sondes te verlos en van die mag wat die sondes oor ons het. Hy het ons verlos, nie op grond van iets wat ons vir ons vryspraak gedoen het nie, maar op grond van sy eie ontferming. Dit het Hy gedoen deur die wedergeboorte wat die sonde afwas en deur die Heilige Gees wat nuwe lewe gee (Titus 3:5).  God verlos ons deur ons te was. Hy was ons gedagtes en maak ons hart nuut. Dit beteken dat Hy aan jou nuwe belangstellings, nuwe energie en nuwe neigings gee. Met verloop van tyd haat jy die sonde wat jy eens liefgehad het.                                                       Soos Christus jou hart was, gee Hy ‘n nuwe liefde in jou hart vir Hom, ‘n nuwe belangstelling in sy Woord, sy mense en sy diens.

 

Hoe beweeg ons vorentoe? Die begin van geloof is om te sê: As ek in Christus is en Hy in my, glo ek dat Hy my hart kan reinig. God het die gewelddadige en godslasterlike hart van Saulus van Tarsus verander. As Hy dit vir hom kon doen, kan Hy dit sekerlik vir jou ook doen.

 

God doen die werk van reiniging en heiligmaking, maar Hy roep ons om aktief betrokke te wees in die proses. Daar is ‘n onderskeid wat ons moet verstaan. Met vergifnis kom ons met leë hande na die Here. In geloof ontvang ons ‘n geskenk wat Christus vir ons aanbied. As gelowige in God het jy nie meer leë hande nie. God se Gees leef in jou. Jy het ‘n nuwe hart. God plaas jou in ‘n posisie waar, deur sy genade en in sy krag jy in staat is om op te tree. In justification, our own works have no place at all, and simple faith in Christ is the one thing needful. In sanctifcation our own works are of vast impotance and God bid us fight, and watch, and pray, and strive, and take pains and labour (Biskop Ryle).  God roep ons op om pro-aktief te wees in ons najaag van reinheid. Nader tot God en Hy sal tot julle nader.  Was julle hande, sondaars,  en reinig julle harte, huigelaars (Jakobus 4:8). Let wel dat God tot ons nader, maar ons moet ons hande was en ons harte reinig. Paulus sê basies dieselfde in 2 Korintiërs 7:1. God gee sy belofte aan ons en deur sy belofte het ons hoop. Maar God roep ons om in sy belofte op te tree. Petrus sê: Noudat julle julle in gehoorsaamheid aan die waarheid gereinig het … (1 Petrus 1;22).  Die najaag van reinheid is  ‘n proses waar God jou oproep om aktief betrokke te wees.

 

In die volgende blog gaan ons kyk na ‘n aantal praktyke wat reinheid van hart bevorder.

 

 

 

Die seënuitsprake van Jesus (19)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en Psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Geseënd is dié wat suiwer van hart is, want hulle sal God sien.

‘n Mens wonder met reg van wie praat Jesus hier. Jesus voeg nog iets by wat vir ons onmoontlik klink: want hulle sal God sien. Moses wou ook vir God sien. God plaas hom in ‘n rotsskeur en maak hom met sy hand toe totdat Hy verby is. Dan sal God sy hand wegneem en Moses sou dan vir God van agter af sien (Eksodus 33:20). Die onmoontlikheid van hierdie twee dinge- om God te sien en rein van hart te wees- wys vir ons hoe ‘n groot Verlosser Jesus Christus is. Hy hou hierdie wonderlike belofte in sy hande.

 

Misverstande oor reinheid

Reinheid van hart beteken nie sondeloosheid nie. As dit so was, sou niemand ooit rein van hart kon wees nie, en niemand sou ooit vir God sien nie. Ons kan groei en vooruitgaan, maar niemand van ons kan ooit alles word wat God van ons vra nie. Johannes skyf aan gelowiges en sê vir hulle: As ons beweer dat ons nie sonde het nie, bedrieg ons onsself en is die waarheid nie in ons nie (1 Johannes 1:18). DIe Bybel praat van reinheid of heiligheid op verskeie maniere. Ons moet tussen hulle kan onderskei:

1. Daar is die reinheid wat aan God behoort

By God op sy hoë troon was daar serafs om Hom te dien Hulle roep mekaar telkens toe: Heilig, heilig, heilig is die Here die Almagtige (Jesaja 6:3). Hulle sê drie maal dat God heilig is, want sy reinheid is onvergelykbaar,

 

2. Daar is die reinheid wat ons s’n sal wees in die hemel

Maar ons weet dat, wanneer Jesus kom, ons soos Hy al wees (1 Johannes 3:2). Ons sal die reinheid van ons Verlosser weerspieël.

 

3. Daar is ‘n reinheid wat God wil hê dat ons nou moet najaag

Dit is die reinheid waarvan God in hierdie seënuitspraak praat. Reinheid in hierdie geval is nie volmaak nie. Waar daar ‘n verlange na reinheid en ‘n afsku van onreinheid is, dan is daar reinheid van hart.

 

Wat is reinheid van hart?

As reinheid van hart dan nie sondeloosheid beteken nie, wat beteken dit dan? Daar is twee antwoorde op hierdie vraag.

 

1. Reinheid van hart is ‘n onverdeelde hart.

Tor Elia God se mense op Karmel-berg  bymekaargemaak het, vra hy vir hulle: Hoe lank hou julle aan met hink op twee gedagtes. As die Here God is; volg Hom, maar as dit Baäl is, volg hom (1 Konings 18:21). Hulle wou die seëninge van God gehad het terwyl hulle voortgaan met dieselfde sondes. Dit gebeur as jy jou nooit volledig aan Christus gee nie. ‘n Rein hart is ‘n onverdeelde hart. Soren Kierkegaard het ‘n boek met die wonderlike titel Purity of Heart is to Will One Thing geskryf. Die teenoorgestelde van ‘n rein hart is huigelary. Die psalmis skryf; Leer my u pad, Here, ek wil wandel in u waarheid; leer my U met toewyding dien (Psalm 86:11). Paulus gee vir ons ‘n blik op sy najaag van ‘n rein hart: Broers, ek verbeel my nie dat ek dit alles al het nie. Maar een ding doen ek: ek maak my los van wat agter is en strek my uit na wat voor is. Ek span my in om by die wenstreep te kom, sodat ek die hemelse prys kan behaal waartoe God my geroep het in Christus Jesus (Filippense 3:13 – 14). Let op reinheid beteken nie dat Paulus reeds volmaak is nie. Hy stel dit duidelik: Ek sê nie dat ek dit alles al het nie en die doel al bereik het nie, maar ek span my in om dit alles myne te maak (3;12).

 

Reinheid van hart is nie dit wat ons bereik het nie, maar dit wat ons nastreef en hoe ons dit nastreef. Dit gaan oor ‘n enkelvoudige doel (maar een ding doen ek).

 

Reinheid van hart is ‘n hart wat vergewe is

As ek in Jesus Christus glo, word Jesus Christus myne en ek word syne. In hierdie eenheid ontvang ek twee wonderlike gawes. Die eerste een is vergifnis – God laat vaar alle aanklagte teen my en versoen my met Homself: ons het almal gedwaal soos skape, ons het elkeen sy eie pad geloop, maar die Here het ons almal se sonde op Hom laat afkom (Jesaja 53:6).  God sal nooit betaling eis vir sonde wat reeds betaal is nie. ‘n Christen se vertroue voor God in lewe en dood berus nie op sy lewe nie. Nee, dit berus op God se karakter wat getrou en regverdig is en op die werk van ons Verlosser wat ons geregtigheid beseël het deur ons skuld aan die kruis met sy bloed betaal het.

 

2,   ‘n Skoongewaste hart

Vergifnis en skoon was hoor bymekaar. Maar as ons ons sondes bely – Hy is getrou en regverdig. Hy vergewe ons ons sondes en reinig ons van alle ongeregtigheid (1 Johannes 1:9). Diegene wat God vergewe reinig Hy ook. Hierdie twee seëninge behoort aan diegene wat in Christus is. Daar is ‘n verskil tussen hulle: vergifnis en versoening gebeur eenmalig in Christus, maar reiniging het ons op ‘n voortdurende basis nodig.

 

Baie mense sukkel om te glo dat God kan reinig. Daarna kyk ons volgende keer.

 

 

 

Die seënuitsprake van Jesus (18)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

 

Geseënd is die barmhartiges, want hulle sal barmhartigheid ontvang. Ons gaan verder met ons beskrywing van vergifnis.

 

As jy ‘n persoon help met ‘n enkele stryd, kan jy nie net na die probleem kyk nie, maar jy moet na sy algemene geestelike gesondheid kyk. As jy aandag gee aan jou algemene geestelike gesondheid stel dit jou in staat om spoed op te tel om oor die hekkie te kom en om jou besondere stryd te wen. Moenie die Heilige Gees van God bedroef nie, want Hy het julle as die eiendom van God beseêl met die oog op die verlossingsdag. Moet nooit verbitterd of opvlieënd wees of woedend word nie, moenie vloek of skel nie; moet niks doen wat sleg is nie. Wees goedgesind en hartlik teenoor mekaar, en vergewe mekaar soos God julle ook in Christus vergewe het. (Efesiërs 430 – 32).

 

Hier is ‘n aantal treë wat jou by vergifnis kan uitbring:

 

1. Onthou dat die Heilige Gees in jou woon

Moenie die Heilige Gees van God bedroef nie, want Hy het julle as die eiendom van God beseêl met die oog op die verlossingsdag (Efesiërs 4:30). Jy mag dinge ondervind het wat baie moeilik is om te vergewe. Onthou altyd dat niemand nog ooit meer as God moes vergewe nie. Vergifnis mag buite jou vermoë wees, maar jy kry momentum on te vergewe as jy weet die Heilige Gees in jou aan die werk is.

2. Moenie by jou probleem stilstaan nie.

Moet nooit verbitterd of opvlieënd wees of woedend word nie, moenie vloek of skel nie; moet niks doen wat sleg is nie(Efesiërs 4:31).  Dit kom alles as jy jou seermaak vertroetel. Elke keer as jy daaroor nadink, blaas jy die vuur in jou siel aan. Met die hulp van die Heilige Gees doen dinge wat waar, eerbaar, rein, mooi en uitstekend is. Vul jou gedagtes met dinge wat prysenswaardig is. En jy vorder vinnig op die pad na vergewing (Filippense 4;8).

3. Moenie baklei en stry nie

Moenie vloek of skel nie; moet niks doen wat sleg is nie. (Efesiërs 4:31). As ‘n verhouding probleme ondervind sal ‘n bakleiery oor wie wat gedoen sake net alles vererger. ‘n Dienaar van die Here moenie rusie maak nie, inteendeel., hy moet vriendelik wees teenoor almal (2 Timoteus 2:24). Om rusie te maak, neem jou verder van die vergifnis wat jy soek. As jy iemand wil vergewe, moet jy verbitterdheid, rusie, vloek en skel uit die pad kry.

4. Jy moet deernis hê met die persoon wat jou seergemaak het

Wees goedgesind en hartlik teenoor mekaar (Efesiërs 4:32). Deernis is veral belangrik as die persoon wat jou seergemaak het geen idee het van wat hy gedoen het nie. Hy het dus geen berou nie. En geen sin van verantwoordelikheid nie. Hy is totaal onbewus van die pyn wat hy veroorsaak.  Toe Hy die menigtes sien, het Hy hulle innig jammer gekry, want hulle was moeg en hulpeloos soos skape wat nie ‘n wagter het nie (Matteud 9:36). Jesus het deernis met die menigtes gehad, want hulle het nie eers geweet dat hulle verlore is nie. Die persoon wat teen jou gesondig het, mag net soos hulle wees. Lyding maak dikwels ons harte hard. Dit is nie noodsaaklik nie. God kan jou wonde gebruik om jou deernis te vermeerder. Dit bring jou nog nader aan vergifnis.

5. Besef dat jy die vergifnis van ander nodig sal hê

Vergewe mekaar soos God julle ook in Christus vergewe het (Efesiërs 4:32). God sê nie: “Vergeef die persoon wat jou seergemaak het,” nie. Hy sê dat ons mekaar moet vergeef. Vergifnis gaan in beide rigtings. Daar is sekerlik dinge waarvoor jy ander om vergewing moet vra, maar die teenoorgestelde is ook waar. Maak nie saak hoe ver jy op die Christelike pad gevorder het nie, sal jy altyd in die posisie wees om te sê: Here wees my sondaar genadig. Ons het voortdurende vergifnis nodig.

6. Waardeer jou vergifnis in Christus.

Vergewe mekaar soos God julle ook in Christus vergewe het (Efesiërs 4:32). God se vergifnis is die model en die motief vir ons vergifnis. Daarom beklemtoon Paulus hoe hy deur Christus vergewe is. Dink hoe God jou in Christus vergewe het – met vreugde, vryelik en volledig.. Dit was onverdiend, onomkeerbaar en ewig. Mag die kosbare geskenk wat jy by God ontvang het jou hart lei na aanbidding, wonder, liefde en lof. Dan is jou hart gereed om ander te vergewe, soos God jou in Christus vergewe het.