Is Jesus meer bekommerd oor wat ons doen of oor wat ons glo?

“It is not possible to have Christ apart from the church. We try. We would very much like to have Christ apart from the contradictions and distractionsn of the other persons who believe in him, or say they do.” –Eugene Peterson, 

 Is Jesus meer bekommerd oor wat ons doen of oor wat ons glo?

Peter Enns het ‘n baie interessante blog oor hierdie onderwerp geskryf. Hierdie is nie ‘n nuwe vraag nie, maar tog steeds ‘n belangrike vraag. Baie mense glo dat hierdie nie ‘n of die een of die ander antwoord moet wees nie – beide is belangrik. In werklikheid is hulle net die twee kante van dieselfde muntstuk. Die probleem is dat in die praktyk dit nie so werk nie.

 

 As ons uitstap in die alledaagse lewe is wat ek glo belangriker as wat ek doen? Sien ons die liefde van Christus in ons lewens? Miskien moet ons die vraag anders stel: Wat sou Jesus meer plesier verskaf;

  • Om diegene van wie ons verskil, ons vyande, vreemdelinge, ongemaklike mense wat ons lewenspad kruis lief te hê al is daar aspekte van ons geloof, die Bybel, God, die mens, ens waaroor ons onseker is, of
  • Ons fokus ons energie op suiwer leer tot so ‘n mate dat ons nie tyd het om aan liefde vir ander te dink nie.

 Hierdie is nie ‘n vals dilemma of teoretiese vraag nie. Ons staan elke dag voor hierdie keuse. Enns glo dat Jesus meer besorg is oor wat ons doen as oor wat ons dink.



Ons gemeente groei nie. Hoekom nie?

To die for an idea; it is unquestionably noble. But how much nobler it would be if men died for ideas that were true. -H.L. Mencken  (1880-1956)

Ons gemeente groei nie. Hoekom nie?

Rick Warren sê dat faktor wat ons meestal nie raaksien as ons gemeente nie groei nie, is eenvoudig: Ons moet ongelowiges liefhê soos Jesus Christus hulle liefgehad het. As ons nie ‘n passie vir ongelowiges het  nie, sal ons nie die opofferings wat nodig is om hulle te bereik, maak nie.

 

Jesus het sulke mense liefgehad. Hy het tyd met hulle spandeer; Hy het saam met hulle geëet; Hy het sy tyd saam met hulle meer geniet as sy tyd met die godsdiensleiers. Geen wonder hulle sê: Kyk daar, ‘n vraat en ‘n wynsuiper, ‘n vriend van tollenaars en sondaars (Lukas 7:34).

 Jesus het daarvan gehou om by mense te wees en hulle het dit aangevoel. Selfs klein kindertjies wou by Jesus wees. Kinders soek mense wat liefdevol is en hulle aanvaar. Dit het Jesus by uitstek gedoen.

Hoekom het baie gemeentes nie meer lidmate nie? As ons eerlik moet wees … omdat hulle nie meer wil hê nie. Ongelowiges gaan ons gemaklike roetine omverwerp. Selfsugtigheid verhoed dat baie gemeentes groei. Die opdrag om lief te hê, is die opdrag wat die meeste in die Nuwe Testament herhaal word – ten minste 55 keer. As ons nie mense liefhet nie, is niks anders belangrik nie: Wie nie liefhet nie, het geen kennis van God nie, want God is liefde (1 Johannes 4:8).

Vra vir mense wat hulle na die gemeente aangetrek het. Niemand sê ooit dit is die pragtige geboue of julle vol programme of selfs julle teologie nie. Die algemeenste antwoord is: Ek het ‘n ongelooflike liefde vir my gevoel en dit het my getrek.

Baie gemeentes is vol lidmate wat vir mekaar liefhet, maar die gemeente groei nie. In sommige klein gemeentes is dit so sterk dat ‘n buitestander net nie kan inbreek nie. ‘n Wonderlike liefde tussen lidmate , maar geen liefde vir ongelowiges nie. Die grootte van die gemeente  het niks met liefde en vriendelikheid te doen nie.

Mense gaan na waar daar liefde is; liefde trek mense soos ‘n magneet. ‘n Gebrek aan liefde dryf mense weg.

 



Die krag van gebed

– Tom Peters

Die krag van gebed

Ek is besig om na Deuteronomium in my Bybelstudie te kyk. Ek gebruik die NIV Application Commentary. In Deuteronomium 10 lees ons dat die Here weer die wet op nuwe kliptafels opgeskryf het en van die Leviete wat die ark moet dra. Ons lees egter ook hier van die krag van gebed.

 

In hierdie gedeelte lees ons van die diepte van God se genade. Net nadat Israel hulle onvoorwaardelike verbintenis met God uitgespreek het, verval hulle in openlike afgodery – die goue kalf. As gevolg van Moses se intersessie neem God sy mense terug en hernuwe die verbond met hulle. Hierdie reaksie beklemtoon die belang van gebed om die mense se behoeftes met God se genade te verbind.

In Nehemia 9:18 – 19 dink die Leviete terug aan Israel se optrede – die goue kalf – en die Here se deernis om hulle te spaar. Hulle sê egter niks van Moses se rol om die Here met deernis te laat optree nie. In Psalm 106:19 – 23 lees ons ook van die episode met die goue kalf. Die Here wou hulle verdelg, maar Moses, sy uitverkorene,  het by Hom vir hulle in die bres getree om sy gramskap af te keer, sodat Hy hulle nie vernietig het nie. Hier word die krag van gebed beklemtoon. Jakobus verklaar: Die gebed van ‘n gelowige het ‘n kragtige uitwerking (5:16).

Moses se geregtigheid is duidelik uit verskeie aspekte van sy optrede:

  1. Hy stoei met die Here vir genade vir sy mense ten spyte van hulle opstandigheid.
  2. Sy verwerping van die Here se aanbod om voor te begin met hom.
  3. Die argument van sy gebed wat fokus op die behoud van die Here se reputasie in die oë van die nasies.

Moses verwys na die Here se integriteit en herinner Hom aan sy verhouding met die aartsvaders. Wat veral opmerklik is, is dat Moses nie aan homself dink nie. Deur die Here se aanbod dat Hy uit Moses se nageslag ‘n groot volk sal maak, te verwerp, dien Moses as model vir alle leiers in die koninkryk van God. Die Bybelse model van leierskap plaas altyd die belange van die mense voor dié van die leier.

Ons leer hier baie belangrike lesse oor gebed. Diegene wat met volle vertroue op God bid,  is voorbereid op drie moontlike uitkomste van hulle gebed:

  • Soms is gebed die manier waarop eksterne omstandighede verander. Gebed verander dinge. Dit was sekerlik so in die geval van Petrus in die tronk in Handelinge 12:1 – 17. In antwoord op sy gebed loop Petrus uit die tronk as ‘n vry man.
  • Soms verander gebed die wil van die mens om in ooreenstemming met God se wil te kom. God antwoord nie altyd ons gebede op die manier wat ons verwag nie. Dink maar aan Moses se gebed om tog toegelaat te word om deur die Jordaan te gaan om die mooi land te gaan bekyk (Deuteronomium 3:23 – 29).
  • Soms is gebed die manier waarop God sy wil verander om aan te sluit by die wil van die mens wat bid. In Eksodus 32 lees ons dat die Here die hele volk wil vernietig na die episode met die goue kalf. En dan lees ons:Toe het die Here daarvan afgesien om die ramp waarvan Hy gepraat het, oor sy volk te bring (32:14). Dit gebeur nadat Moses ernstig vir die volk gebid het. Dit beteken nie dat gebed ‘n formule is waarmee ons God kan manipuleer en kry wat ons wil hê nie. Ons moet onthou dat Moses bereid was om sy eie selfbelang in belang van sy mense op te offer. Sy primêre belang was die wil en reputasie van God. Hierdie reputasie sou ten beste gedien word as God die mense wat teen Hom in opstand gekom het spaar. As bose mense  wegdraai van hulle sonde in berou (Jona 3) of as ‘n regverdige bidder by God ten behoewe van sondaars pleit, los God sy toorn en reik in genade uit na mense wat dit nie verdien nie.


Wat weet jy van die Bybel?

Elisabeth Kubler-Ross, psigiater en skrywer (1926-2004)

Wat weet jy van die Bybel?

Die primêre ding wat ons van die Bybel moet weet, is: Die hele Skrif is deur God geïnspireer en het groot waarde om in die waarheid te onderrig , dwaling te bestry, verkeerdhede reg te stel en ‘n regte lewenswyse te kweek (2 Timoteus 3:16). Dit is egter nie al wat ons van die Bybel moet weet nie. Hier is nog ‘n paar dinge:

  • Die woord Bybel se herkoms is die Griekse ta biblia – die boeke. Die gebruik deur Christene van die woord kan terug gevolg word tot ongeveer die jaar 223.
  • Die woord testament beteken verbond. Die Ou Testament verwys na die Here se verbond met Abraham en die volk van Israel. Die Nuwe Testament verwys dus na die verbond wat God deur Christus met gelowiges in Christus aangegaan het.
  • Stephen Langton, die Aartsbiskop van Kantelberg, het in die vroë 13de eeu die Bybel in hoofstukke verdeel. Robert Estienne, ‘n drukker uit die 16de eeu, was die eerste persoon wat die Bybel verdeel in standaard genommerde verse gedruk het.
  • Die eerste rooi letter Nuwe Testament (die woorde van Christus word in rooi gedruk) word in 1899 gepubliseer. Hierdie idee kom van Lous Klopsch, redakteur van die Christian Herald. Hy kry die idee nadat hy Jesus se woorde in Lukas 22:20 gelees het: Hierdie beker is die nuwe verbond, beseël deur my bloed, wat vir julle vergiet word.
  • Die Bybel is nie alleen die topverkoper van alle tye nie, maar is elke jaar die topverkoper. In die VSA alleen word ongeveer 25 miljoen Bybels – een vir elke 12 van die bevolking – verkoop of versprei.
  • Al die boeke van die Ou Testament met die uitsondering van Hooglied, Prediker en Ester word in die Nuwe Testament aangehaal. Jesus self haal uit Genesis, Eksodus, Levitikus, Deuteronomium, Psalms, Spreuke, 1 Konings, Jesaja, Jeremia, Esegiël, Daniël, Hosea, Amos, Jona, Miga, Sagaria en Maleagi aan.