Amen. Wat beteken dit?

Better than a thousand days of diligent study is one day with a great teacher. -Japanese spreekwoord

Amen. Wat beteken dit?

Amen beteken nie: die gebed is nou klaar nie. Nee, dit beteken iets besonders. Amen beteken: laat dit so wees. As jy jou gebed met Amen afsluit sê jy in werklikheid: “Ja, Here, laat dit so wees. Volgens u wil, mag dit so wees.”

Vraag 129 in die Heidelbergse Kategismus vra: Wat beteken die woord Amen? Die antwoord: Amen wil sê: dit is waar en seker. Want my gebed is baie sekerder deur God verhoor as wat ek in my hart voel dat ek dit van Hom begeer.

In sy genade antwoord God ons gebede baie beter as wat ons hulle bid. Amen getuig van ons begeerte dat sy wil gedoen word en van sy belofte dat dit wel sal gebeur.

Ons bid vir Christus se wederkoms – wat van sy eerste koms?

God would never permit any evil if he could not bring good out of evil. —Thomas Watson

Ons bid vir Christus se wederkoms – wat van sy eerste koms?

In Handelinge 1:1 – 11 som Lukas vinnig sy evangelie op – verse 2 – 5. Nie minder as agt sleutelgebeure word in hierdie paar verse beskryf nie: die onderrig en optrede van Jesus; die uitverkiesing van die apostels; Jesus se lyding; Jesus se verskynings na sy opstanding; Hy eet saam met hulle; sy opdrag aan hulle om sy getuies te wees; die belofte van die gawe van die Heilige Gees; Jesus se hemelvaart.

Lukas doen moeite om hierdie gebeure met dié van Elia te koppel. Elia is in ‘n stormwind op – die hemel in (2 Konings 2:9 – 22) – terwyl sy opvolger Elisa alles aanskou. Volgens Joodse tradisie sou Elia voor die koms van die Messias kom om alles vir die Messias voor te berei. Daarom word ‘n plek vir Elia by elke Paasmaaltyd gedek.

In Handelinge 1 laat Lukas vir Jesus van die toneel verdwyn, sodat die Heilige Gees op sy volgelinge kan neerdaal. So word Jesus se volgelinge bemagtig om sy werk voort te sit. Die apostels verstaan dit nie. Daarom vra hulle: Here, is dit nou die tyd dat U die koninkryk van Israel weer gaan oprig? Jesus antwoord hulle: Dit is nie vir julle om die tyd en omstandigheid te weet wat die Vader in sy eie mag bepaal het nie.

Ja, Jesus gaan weer die koninkryk van Israel oprig, maar nie op die manier wat hulle gedink het nie. Hulle sal krag van die Heilige Gees ontvang om uitgestuur te word in Samaria en tot in die uithoeke van die wêreld. Hulle sal nie die grootheid van Israel verkondig nie, maar hulle sal verklaar dat God heers oor diegene wat Jesus as Messias aanvaar het.

Vers 9 – 11 is eintlik komies. Nadat hulle gehoor het dat Jesus sê dat hulle in Jerusalem moet bly totdat hulle die heilige Gees ontvang het, sien hulle hoe Jesus in ‘n wolk weggeneem word – hulle kyk stip na die hemel. Skielik verskyn twee mans in wit klere en vra vir hulle: Waarom staan julle so na die hemel en kyk? Hierdie Jesus wat van julle af na die hemel toe opgeneem is, sal net so terugkom soos julle Hom na die hemel toe sien opgaan het.

Gebeur dit nie met ons ook nie? Ons staan en opkyk na die hemel en wag op die wederkoms van Jesus. Ons bid vir die wederkoms, maar in die proses vergeet ons dat Jesus reeds hier was. Jesus wil hê dat ons die Heilige Gees moet ontvang en getuig van God se heerskappy.

Eenheid in die kerk – hoe skep ons dit as dit nie daar is nie?

“Kind words can be short and easy to speak, but their echoes are truly endless.” ~Moeder Teresa

Eenheid in die kerk – hoe skep ons dit as dit nie daar is nie?

Leraars en lidmate wil graag eenheid in hulle gemeente hê. Hulle praat dikwels oor die belang van eenheid. Begeerte is nie genoeg nie – daar moet ‘n plan wees om eenheid te bevorder. Om eenheid te bewerkstellig, kan soms baie moeilik wees. Van een ding kan ons seker wees: dit gebeur nie sommer vanself nie.

Uiteindelik kan net die Here eenheid in die gemeente bring, maar ons kan help om eenheid te bevorder.

Preek daaroor. Dit beteken nie dat ons af en toe daarna verwys nie; dit beteken ook nie dat ons daaroor preek as ons sien daar is nie eenheid in die gemeente nie. Nee, ons moet gereeld daaroor preek en praat. Ons moet beklemtoon dat geen gemeente God se roeping sal verwesenlik sonder dat daar eenheid is nie. Wys die gemeente daarop dat eenheid vrede bevorder: Lê julle daarop toe om die eenheid wat die Gees tussen julle gesmee het, te handhaaf deur in vrede met mekaar te leef (Efesiërs 4:3). Wys vir die lidmate dat eenheid in die gemeente goed en mooi is: Hoe goed, hoe mooi is dit as broers eensgesind saam woon! (Psalm 133:1).
Praat oor hoe Jesus eenheid beklemtoon het. In Johannes 17 kry ons Jesus se langste gebed wat opgeteken is. Luister net hierna: Ek bid dat hulle almal een mag wees, net soos U, Vader, in My is en Ek in U, dat hulle ook in ons mag wees, sodat die wêreld kan glo dat U my gestuur het. Die heerlikheid wat U My gegee het, het Ek ook aan hulle gegee, sodat hulle een kan wees net soos Ons een is: Ek in hulle en U in My, sodat hulle volkome een kan wees, sodat die wêreld kan weet dat U My gestuur het, en hulle liefhet net soos U My liefhet (17:21 – 23). As eenheid dan vir Jesus so belangrik is, moet dit tog vir ons ook belangrik wees.
Modelleer dit. Jy kan nie die gemeente lei om eensgesind te wees as jy stukkende verhoudings in jou lewe het nie. Mense kyk na jou … en volg jou voorbeeld.
Kry almal op dieselfde bladsy. As die gemeente sukkel met onenigheid oorweeg ‘n enkele Bybelstudie instrument. Dit mag eenheid fasiliteer. Moenie toelaat dat kleingroepe kies wat hulle wil behandel as daar onenigheid in die gemeente is nie. Dit beteken gesprekke waaraan almal kan deelneem – almal is besig om dieselfde konsepte te bestudeer.

Dink net hoe ons gemeentes sal verander as ons almal saam met Jesus bid vir eenheid. Wat sal gebeur as die hele gemeente eendragtig daarna streef op God se roeping te vervul?

Eenheid in die kerk – hoe skep ons dit?

“Kind words can be short and easy to speak, but their echoes are truly endless.” ~Moeder Teresa

Eenheid in die kerk – hoe skep ons dit?

Uiteindelik kan net die Here eenheid in die gemeente bring, maar ons kan help om eenheid te bevorder.

Preek daaroor. Dit beteken nie dat ons af en toe daarna verwys nie; dit beteken ook nie dat ons daaroor preek as ons sien daar is nie eenheid in die gemeente nie. Nee, ons moet gereeld daaroor preek en praat. Ons moet beklemtoon dat geen gemeente God se roeping sal verwesenlik sonder dat daar eenheid is nie. Wys die gemeente daarop dat eenheid vrede bevorder: Lê julle daarop toe om die eenheid wat die Gees tussen julle gesmee het, te handhaaf deur in vrede met mekaar te leef (Efesiërs 4:3). Wys vir die lidmate dat eenheid in die gemeente goed en mooi is: Hoe goed, hoe mooi is dit as broers eensgesind saam woon! (Psalm 133:1).
Praat oor hoe Jesus eenheid beklemtoon het. In Johannes 17 kry ons Jesus se langste gebed wat opgeteken is. Luister net hierna: Ek bid dat hulle almal een mag wees, net soos U, Vader, in My is en Ek in U, dat hulle ook in ons mag wees, sodat die wêreld kan glo dat U my gestuur het. Die heerlikheid wat U My gegee het, het Ek ook aan hulle gegee, sodat hulle een kan wees net soos Ons een is: Ek in hulle en U in My, sodat hulle volkome een kan wees, sodat die wêreld kan weet dat U My gestuur het, en hulle liefhet net soos U My liefhet (17:21 – 23). As eenheid dan vir Jesus so belangrik is, moet dit tog vir ons ook belangrik wees.
Modelleer dit. Jy kan nie die gemeente lei om eensgesind te wees as jy stukkende verhoudings in jou lewe het nie. Mense kyk na jou … en volg jou voorbeeld.
Kry almal op dieselfde bladsy. As die gemeente sukkel met onenigheid oorweeg ‘n enkele Bybelstudie instrument. Dit mag eenheid fasiliteer. Moenie toelaat dat kleingroepe kies wat hulle wil behandel as daar onenigheid in die gemeente is nie. Dit beteken gesprekke waaraan almal kan deelneem – almal is besig om dieselfde konsepte te bestudeer.

Dink net hoe ons gemeentes sal verander as ons almal saam met Jesus bid vir eenheid. Wat sal gebeur as die hele gemeente eendragtig daarna streef op God se roeping te vervul?