“The greatest good you can do for another is not just share your riches, but reveal to him his own.” ~Benjamin Disraeli

‘n Vrugtelose gepraat

Daar is mense wat hiervan afgedwaal het en in ‘n vrugtelose gepraat verval het (1 Timoteus 1:6).

Mense los nie sommer die waarheid oornag nie. Wat gebeur is dat hulle geleidelik afdwaal Dit gebeur as jy nie ‘n doel het nie – stadig begin jy van jou vasmeerplek wegdryf. Ons moet bedag wees op hierdie gevaar. Is daar enige tekens wat ons sou waarsku as onsself of iemand anders begin wegdryf?

Ons begin deur vier vrae te vra:

• Soek ek altyd na iets nuuts?

Hulle moet hulle nie met verdigsels em eindelose geslagsregisters besig hou nie (1 Timoteus 1:4).

Hierdie verdigsels en geslagsregisters is nuwe dinge. Mense wat diep in Christus gewortel is, het hulle tevredenheid in Hom gekry.

• Hou ek daarvan om te praat en sodoende optrede te vermy?

Daar is mense wat … in ‘n vrugtelose gepraat verval het (1 Timoteus 1:6). Hulle hou aan en aan – moet ons dit doen? Hoe moet ons dit doen? Hierdie vroom praatjies dien eintlik as masker vir niks doen nie. As ons die Bybel as ‘n boek vol idees wat bespreek moet word, sien, is jy die tipe persoon wat van die waarheid wegdwaal.

• Wil ek meer onderrig as wat ek wil leer?

Hulle wil leermeesters wees (1 Timoteus 1:7). Hulle soek ‘n amp in die kerk Hulle wil leermeesters wees, maar hulle wil nie leer nie. As jy daarvan hou om ander te leer, maar jyself is nie bereid om te leer nie, is daar ‘n gevaar dat jy van die waarheid kan wegdwaal.

• Het ek meer vertroue as kennis?

Hulle wil leermeesters van die wet wees,maar hulle verstaan nie hulle eie woorde of die dinge waaroor hulle so selfversekerd praat nie (1 Timoteus 1:7). Hierdie mense het baie vertroue – groot stemme wat baie gewig dra. Paulus sê hulle verstaan nie waarvan hulle praat nie. Iemand wie ‘n vlak wortelstelsel in die geloof het, lees ‘n boek of hoor ‘n praatjie en is baie opgewonde daaroor. Skielik voel hy dat hy met hierdie bietjie kennis meer as sy leermeesters weet. Hy weet presies wat die gemeente nodig het en wat hulle behoort te doen. Hy voel hulle moet vir hom ‘n platform gee sodat hy vir hulle kan vertel wat hy ontdek het. As mense nie hierdie “ontdekking” aanvaar nie, word hy kwaad. Hy voel hy is die enigste een wat die waarheid sien. Wat hy nie sien nie, is dat hy van die waarheid af wegdwaal.

Hoe kan ons ons wortels in die waarheid ingeplant hou? Hoe kan ons aanhou groei in liefde? Hoe groei liefde?

• Liefde kom uit ‘n rein hart. Rein beteken onverdeeld. Jakobus sê ‘n man met ‘n onrein hart onbestendig in al sy doen en late is(1:8). Paulus sê: Rig julle gedagtes op die dinge wat daarbo is, nie op die dinge wat op die aarde is nie (Kolossense 3:2). Ons moet God vra om vir ons ‘n sterker geloof in Jesus Christus en ‘n dieper liefde vir Hom te gee. Dan sal jy kan liefhê. Liefde kom uit ‘n rein hart.
• Liefde kom uit ‘n skoon gewete. ‘n Skoon gewete is een wat rustig in God is. As daar nog ‘n sonde is wat in jou lewe oorgebly het, is jou gewete nie rustig nie. Dit sal van jou ‘n veglustige persoon maak wat verdeel en altyd kla. Lê die las wat jy so lank reeds dra aan die voete van Jesus Christus. Dan sal jy weer ‘n skoon gewete hê; dan sal jy weer kan liefhê. Liefde kom deur ‘n skoon gewete.
• Liefde kom deur ‘n opregte geloof. ‘n Opregte geloof beteken dat jy waarlik vir Christus vertrou. Jy praat nie net van Hom nie … jy vertrou Hom in alles. Liefde kom deur ‘n opregte geloof.

Al hierdie dinge kom van Jesus Christus: Hy kan vir jou ‘n rein hart, ‘n skoon gewete en ‘n opregte geloof gee. Dit is hoekom Hy gesterf  het en hoekom Hy leef.

Jesus Christ is not the enemy of reason, but only of the irrational arrogance of those who pride themselves on their intellect, and of the self-sufficiency of reason.* – Emil Brunner, Revelation and Reason, 

Verskonings wat my potensiaal doodmaak

“Ninety-nine percent of the failures come from people who have the habit of making excuses.”—George Washington Carver

Ons hoor gereeld verskonings wat ander mense maak en wat ons voel nie  water dra nie. Maar as dit kom by my eie verskonings is ek redelik blind. Sekere verskonings word later vir ons aanvaarbaar. Dit is dikwels hierdie “aanvaarbare” verskonings wat my persoonlike groei en potensiaal doodmaak.

Hier is drie baie algemene verskonings:

• Ek is besig

Hoe dikwels sê ons nie dat ons te besig is om ‘n nuwe taak te begin nie – ons vertel selfs vir ander hoe deurmekaar ons lewens nou is. Om besig te wees is relatief. Die vraag is: Waarmee hou jy jou so besig? As jy besig is om belangrike dinge te laat gebeur, is dit goed. As jy egter skuldig voel na jy hierdie gelees het, is jy dalk nie so besig as wat jy dink nie.

• Ek het dit nog altyd so gedoen

Almal van ons het met verloop van jare sekere “beginsels” geleer. Hierdie “beginsels” belemmer eerder as help my bediening. Net omdat ek ‘n ding nog altyd op ‘n sekere manier gedoen het, beteken nie dat dit reg is nie. Een van die voorwaardes vir groei, is dat ons sekere dinge moet “ontleer.” Ons moet ophou om die feit dat ons iets nog altyd op ‘n sekere manier gedoen het as verskoning te gebruik.

• Ek kan niks van hulle leer nie

Ons is baie geneig om onsself met mense wat net soos ons dink, te omring. Daar is sekere mense na wie ons net nie uitreik nie, want ons kan mos niks leer van mense wat anders as ons is nie. Dit is nogal dikwels waar in die kerk. Miskien verwys die persoon te veel na een of ander skrywer waarvan ons niks hou nie. Of praat hy dalk te veel oor ‘n sekere onderwerp? Of hou ons nie van die musiek waarvan hy hou nie? As jy wegskram van mense wat van jou verskil, keer jy dat jy jou volle potensiaal kan bereik en groei.

As ons wil slaag, moet ons vasstel of hierdie verskonings aanvaarbaar is.

Art is the elimination of the unnecessary. -Pablo Picasso

Sewe gevaartekens vir ‘n leier

Simon Petrus is ‘n baie gewilde figuur in die Bybel – hy is so menslik. Hy was die leier van die apostels; sy naam verskyn eerste op die lyste van apostels. Maar Hy het op ‘n dramatiese wyse geval (Lukas 22:31 – 62). Sy lewe is vol waarskuwingstekens vir vandag se leiers. Hierdie tekens gebeur nie altyd liniêr nie, maar elkeen van hulle is vir leiers ‘n rooi lig – gaan stadig en evalueer jou lewe.

1. 1.Te veel selfvertroue

Jesus waarsku vir Petrus: Die Satan het daarop aangedring om julle soos koring te sif. Vol selfvertroue sê Petrus vir Jesus dat hy bereid is om saam met U selfs gevangenskap en dood in te gaan.  Petrus het dit bedoel. Kort daarna was hy bereid om Jesus in die tuin van Getsemane te verdedig. Ure daarna verloën hy vir Jesus – hy ontken dat hy Jesus ken. Hy het, sonder dat hy dit besef het, te veel selfvertroue gehad. Die oomblik as ek glo dat “dit nie met my kan gebeur nie,” flikker die rooi ligte.

1. 2.Emosionele en fisiese uitputting

Die dissipels moes in Getsemane waghou en bid, maar hulle slaap.  Emosionele uitputting as gevolg van die toenemende teenkanting teen Jesus, eis sy tol. Uitputting maak hulle meer kwesbaar vir die vyand se pyle. Leiers het baie spanning wat tot uitputting kan lei.  Ook ons hou nie meer wag nie. Ons dra dikwels te veel laste en kry te min rus. Die gevolge kan ernstig wees.

1. 3.Ons bid nie

Jesus se opdrag aan sy dissipels in Getsemane was duidelik: Bid dat julle nie in versoeking kom nie. Maar hulle raak aan die slaap. Leiers bid dikwels nie, want hulle vertrou op hulleself en nie op God nie. As ek nie bid nie, is ek kwesbaar.

1. 4.Daar is ‘n afstand tussen jou en Jesus

Petrus volg vir Jesus na Hy gevange geneem is: Petrus het op ‘n afstand agterna gekom. Ongelukkig ontwikkel daar gou ‘n afstand tussen sy hart en Jesus. Sy optrede sal gou hierdie stelling bewys. Hierdie man wat bereid was om saam met Jesus te sterf, staan nie by Hom toe hy daartoe uitgedaag word nie. As ons van God wegdryf, is van die eerste tekens dat ons minder ons Bybels lees en bid.

1. 5.Probeer in die openbaar wegkruip

Petrus gaan sit by die manne om die vuur – dieselfde manne wat Jesus gevang het. Waarskynlik het hy gehoop dat niemand hom sou herken nie – dat hulle sy teenwoordigheid daar saam met hulle sou aanvaar. As jy in die versoeking kom om iets weg te steek, beweeg jy in die verkeerde rigting.

1. 6.Vertel leuens

‘n Diensmeisie sien hom by die vuur sit, sy bekyk hom goed. Dié een was ook saam met daardie man. Petrus ontken dit – ek ken Hom nie. Jy weet dat jy as leier vinnig besig is om te val as jy ‘n leuen vertel as jy met die waarheid gekonfronteer word.

1. 7.Ontkennings vinniger op mekaar

Drie keer praat ander oor Petrus se verhouding met Jesus; drie keer ontken hy so ‘n verhouding. Om te erken dat hy ‘n volgeling van Jesus is, kon sy dood beteken het. Dit was te erg vir Petrus. Sy ontkennings word al hoe heftiger: Man ek weet nie waarvan jy praat nie. Leiers wat besig is om te val, glo dikwels dat herhaalde en heftige ontkennings alles sal regstel.

Vir Petrus het die proses om te val vinnig verloop. Meeste leiers gly geleidelik. Die proses is dikwels so stadig dat hulle nie eers agterkom wat besig is om te gebeur nie. Daarom is dit belangrik dat ons hierdie waarskuwingstekens kan herken.

Do not go where the path may lead, go instead where there is no path and leave a trail – Ralph Waldo Emerson

Hou dit eenvoudig

Iemand het eendag vir Spurgeon, die bekende Engelse prediker, gevra of hy in ‘n paar woorde sy geloof kan opsom. Sy antwoord: “Yes, I can give it to you in four words: Jesus died for me.”  Die evangelie in ‘n neutedop is dat Jesus Christus vir ons sondes gesterf het, begrawe is en op die derde dag weer opgestaan het. Dit is die hoeksteen van ons geloof. As ons dus die evangelie met ander mense deel, moet ons hulle herinner dat Jesus vir hulle gesterf het en sy bloed vir hulle gestort het.

Paulus was ‘n briljante persoon soos duidelik uit sy briewe blyk. Hy het verskillende kulture verstaan. Kyk maar net na sy optrede in Atene (Handelinge 17). Hy sou mense intellektueel kon oortuig, maar luister wat hy sê: Wat my betref, broers, toe ek na julle toe gekom het om die geheimnisvolle waarheid van God aan julle te verkondig, het ek nie met hoë woorde of groot geleerdheid gekom nie. Ek het my voorgeneem om met julle oor niks anders te praat nie as oor Jesus as die Christus, en wel oor Hom as die gekruisigde (1 Korintiërs 2:1 – 2).

Ons kan die verspreiding van die boodskap van die evangelie verhinder deur dit te ingewikkeld te maak. Onthou altyd dat dit die eenvoudige, kragtige, tog diepgaande, boodskap van die kruis van Christus is wat die krag het om lewens te verander.  As jy die evangelie verkondig, is dit goed om een woordjie wat die besigheidsmense graag gebruik, te onthou: KISS – Keep It Simple, Stupid.