Woorde uit die Bybel – Heiligmaking (4)

Woorde uit die Bybel – Heiligmaking (4)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Ons het verskeie aspekte van heiligheid bespreek. Ons sluit nou af met die heiligheid van die hemel. Ons moet egter onthou dat volmaakte heiligheid op aarde nie moontlik is nie. Dit word eers volledig bereik na hierdie lewe:  Ek sien toe ook hoe God sy stad, die nuwe Jerusalem, uit die hemel laat afkom. Die stad was pragtig, soos ‘n bruid wat haar vir haar bruidegom mooigemaak het. Ek hoor toe ‘n harde stem sê: “God bly nou by en tussen sy mense; ja, Hy gaan saam met hulle bly. Hulle sal sy mense wees (Openbaring 21:2 – 3).

Hierdie sluit ons bespreking oor heiligheid en heiligmaking af. Dit is ook die laaste woord wat ons gaan bespreek.



Woorde uit die Bybel – Heiligheid (3)

Woorde uit die Bybel – Heiligheid (3)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Hierdie gawe wat God van sy kinders vereis, is ‘n gawe van God af. God en God alleen het dit vir ons moontlik gemaak om Christus Jesus te leer ken … deur Hom word ons saak met God reggemaak, word ons mense wat geheel en al net vir God leef. Ja, Hy is die Een deur wie God ons sy vriende maak (1 Korintiërs 1:30);  Maar julle lewe het verander – God het die sondes soos vuilgoed van julle afgewas; Hy het julle spesiaal net Syne gemaak. Julle saak met God is nou heeltemal reg. Daarvoor het die Here Jesus Christus self gesorg saam met die Gees van ons God (1 Korintiërs 6:11).

Hierdie gawe van heiligheid het twee aspekte:

  • ‘n Verhoudingsaspek. Die verhouding tussen God en sondaars word herstel: Deur daardie een offer van Hom het Hy alles honderd persent by God reggemaak vir elkeen wat God spesiaal Syne gemaak het (Hebreërs 10:14). Hierdie is ‘n voorreg wat die Christen na sy bekering geniet: Dit is die mense wat aan God behoort omdat hulle Jesus Christus ken. God het hulle geroep om net vir Hom te leef (1 Korintiërs 1:2).
  • Het die mens dan enige rol te speel in die proses van heiligmaking? Beslis: Toe jy ‘n gelowige geword het, was dit nie net maanskyn en rose nie, maar jy het ‘n vyand, Satan, gekry om teen te veg. Veg daardie geveg voluit deur naby aan God te bly, want dan sal jy ook vir ewig saam met Hom leef (1 Timoteus 6:12)



Woorde uit die Bybel – Heiligheid (2)

Woorde uit die Bybel – Heiligheid (2)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Die heiligheid van die mens

Wat beteken dit in die praktyk? Hierdie nuwe lewenstyl moet julle deel van julle lewe maak soos ‘n mens nuwe klere aantrek. Ons nuwe lewe moet ons al hoe meer soos God laat lyk; ons moet reg lewe soos God dit wil hê en ons heeltemal aan Hom toewy (Efesiërs 4:24); Leef soos mense wat eenkant geplaas is om God voltyds te dien (Romeine 6:19).

Ons praat hier nie van ‘n gevoel of ‘n belewenis nie, maar van ‘n lewenstyl wat verander. Die lewe sentreer nie meer op die dinge van die bose nie. Dit beteken nie dat die gelowiges hulle uit die samelewing moet onttrek nie – in kloosters gaan woon nie. Ons moet hierdie nuwe lewenstyl in die samelewing uitleef.

Ongelukkig, vir die moderne mens, het heiligheid ‘n negatiewe betekenis – ‘n soort passiewe lewe. Dit is nie wat die Bybel sê nie.

Volgende keer gaan ons na die gawe van heiligheid kyk.

Woorde uit die Bybel – Heiligmaking (1)

Woorde uit die Bybel – Heiligmaking (1)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Heiligmaking beteken letterlik afgesonder – afgesonder vir God se diens. In wese gaan dit oor die verhouding tussen God en sy skepsels. Ons gaan vier temas bespreek:

  • Die heiligheid van God.
  • Die heiligheid van die mens.
  • Heiligmaking as ‘n gawe.
  • Die heiligheid van die hemel.

Die heiligheid van God

God staan bo en apart van die mens. Dit maak van Hom ‘n voorwerp van verwondering en aanbidding – God se grootheid en mag teenoor die mens se kleinheid en swakheid; God se volmaakte reinheid en geregtigheid teenoor ons onreinheid en ongeregtigheid. Dit gee aan Hom die reg om te oordeel: So sal Ek myself aan die nasies bewys as die sterke God. Al die nasies sal My dan raaksien. Hulle sal weet dat Ek die Here is (Esegiël 38:23). Hy is die heilige God wat sy grootheid  bewys in die beslissings wat Hy gee. Hy is die heilige God wat sy heiligheid deur sy regverdige oordeel bewys (Jesaja 5:16).

Volgende keer gaan ons na die heiligheid van die mens kyk.