Woorde uit die Bybel – Die duiwel (1)

Talmoed

Woorde uit die Bybel – Die duiwel (1)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Daar is baie mense wat nie aan die bestaan van die duiwel glo nie. Daar is selfs boeke geskryf deur Christene wat die bestaan van die duiwel bevraagteken. Maar wat sê die Bybel? Trek die klere aan wat God vir julle gegee het om mee te veg sodat die duiwel julle nie sommer om die eerste hoek en draai met al sy slim planne oorrompel nie (Efesiërs 6:11). Die Bybel maak dit duidelik dat daar wel iets soos die duiwel is.

Die Christen se lewe word beskryf as ‘n slagveld. Die goue reël in oorlogvoering is dat jy jou vyand moet ken. Eers as ons hom ken, kan ons hom doeltreffend beveg. Die waarheid van die duiwel sal ons slegs ken as ons hom in die lig van die waarheid van God sien.

As ons praat oor die duiwel is daar twee probleme waarvoor ons baie versigtig moet wees:

  • Ons gee te veel aandag aan die duiwel. Die duiwel is nou die belangrikste tema in ons hele godsdiens. Dit skep ‘n baie negatiewe beeld van die Christelike lewe. Net so min as wat Ek my wil ophou met die dinge van die sondige mense, sal hulle dit wil doen (Johannes 17:15). Wat ons moet besef, is dat die duiwel op Golgota oorwin is.
  • Ons gee te min aandag aan die duiwel. As ons die duiwel nie ernstig genoeg opneem nie, kan twee dinge gebeur:

Ons is nie meer bewus van die gevare van die duiwel se aanslae nie.

Ons water die belang en betekenis van die kruisdood van Jesus Christus af.

Moenie behep wees met die duiwel nie, maar moet hom nie onderskat nie. In die geestelike stryd moet julle op en wakker wees. Julle het ‘n gevaarlike vyand, die duiwel. Hy loop rond soos ‘n honger leeu wat iemand soek om te verskeur. As hy julle aanval, moet julle met julle geloof in die Here terugveg (1 Petrus 5:8).

Volgende keer kyk ons na hoe ons teen die duiwel moet veg.

Woorde uit die Bybel – Sonde (3)

Yehoshua ben Perachia

Woorde uit die Bybel – Sonde (3)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Die stand van sonde

Sonde is universeel: Ons almal is sondaars. Nie een van ons leef tot God se eer nie (Romeine 3:23).

  • Sonde plaas ons in ‘n staat van veroordeling. Mense wat reg doen, sal die loon daarvoor kry. En mense wat sleg optree, sal gestraf word daarvoor (Esegiël 18:20) Hierdie verwys na die verhouding tussen mens en God, die Regter.
  • (Johannes8:44). Wat in werklikheid gebeur as ons, as God se beelddraers, sonde doen, is dat ons die beeld van God skeeftrek.
  • Sonde plaas ons in ‘n staat van onvermoë. As sondaars kan ons nie deel van God se familie of burgers van sy koninkryk word nie. Julle moet dus nie die idee kry dat julle op julle eie sonder my Vader deel sal word van God se familie nie (Johannes 6:44).
  • Sonde plaas ons in ‘n staat van toorn. Ons verhouding met God as Vader en Regter is versteur. Uit sy hemelse woonplek wys God dat hy baie kwaad is oor al die dinge wat die mense hier op aarde aanvang. Hulle verruil die waarheid vir leuens (Romeine 1:18).
  • Sonde plaas ons in ‘n staat van dood. As die Bybel praat van lewe en dood verwys dit dikwels na ‘n geestelike konsep. Ek sê weer: as ‘n mens jou hele lewe lank vir die sonde werk, is die dood jou beloning (Romeine 6:23)

Ons as moderne mense glo nie meer dat sonde ernstig is nie – dat sonde ernstige gevolge het nie. Miskien is dit weer tyd om oor die erns van sonde te besin.

Ons volgende bespreking gaan oor die duiwel.



Woorde uit die Bybel – Sonde (2)

– Rabbi Zev Wolf

Woorde uit die Bybel – Sonde (2)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Wat is die essensie van sonde? Om soos God te wil wees. Jy leef vir jouself en nie vir God nie; jy probeer so ver as moontlik onafhanklik van Hom te wees. Augustinus sê die kern van sonde is trots. Daarom weier ons om God te verheerlik en te aanbid. Ons is daarop ingestel om onsself teenoor God en ons medegelowiges te handhaaf.

Sonde is versteurde verhoudings – ons vertikale verhouding met God en ons horisontale verhouding  met ons medemense.

Volgende keer kyk ons na die stand van sonde.

Woorde uit die Bybel – Sonde (1)

– Baal Sem Tov

Woorde uit die Bybel – Sonde (1)

Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Sonde

Na Genesis 1 en 2 is die onderwerp van feitlik elke hoofstuk in die Bybel God se bemoeienis met die sonde van die mens. Maar dit is nou nie ‘n onderwerp waaroor ons graag praat nie. Hoekom nie?

  • Die leer van die sonde is nie juis vleiend teenoor die mens nie. Ons hou nie daarvan nie en daarom maak ons allerlei verskonings. Dit begin reeds by Adam en Eva (Genesis 3:12 ev). Daar is ‘n versoeking om die leer van die sonde af te water. Om oor die sonde te praat, maak ons nederig.
  • Die leer van die sonde spruit voort uit die Bybelse beskrywing van God se heiligheid. Ons sien ons sonde duidelik as ons voor God se heiligheid te staan kom. Luister na Jesaja se reaksie toe God hom as profeet roep: Toe sê ek: “ Dit is verby met my, want ek is skuldig! Ek doen gedurig sonde deur wat ek sê, en nie net ek nie, maar ook die volk by wie ek bly. En nou het ek met my eie oë die Koning gesien, die Here die Almagtige (6:3). Vandag beklemtoon ons God se liefde en deernis, maar skram weg van sy heiligheid en reinheid.
  • Die leer van die sonde word gesekulariseer. Ons praat nog oor die sonde, maar dink nie teologies daaroor nie. Sonde is ‘n oortreding teenoor God, maar ons sien dit as ‘n verbreking van die standaarde van betaamlikheid. In die Bybel is sonde egter ‘n misstap teen God. Ons moet dus aan sonde as ‘n probleem van ons verhouding met God dink.

Dit is duidelik dat sonde ‘n belangrike onderwerp in die Bybel is. Is dit nie tyd dat dit ook vir ons ‘n belangrike onderwerp word nie?

Volgende keer gaan ons na die aard van sonde kyk.