Each step of love is like a candle burning in the night. It doesn’t take the darkness away, but it guides us through the darkness – Henri Nouwen

Tevredenheid nie afhanklik van omstandighede nie (1)

Ek gaan ‘n aantal blogs aan Tim Keller se nuwe boek Making Sense of God: An Invitation to the Skeptical spandeer. Hy wys dat die Christelike geloof in alle opsigte – emosioneel, kultureel en rasioneel – meer sin maak as die siening van ons moderne wêreld.

Die Prediker beskryf ‘n lewe waartydens hy baie bereik het: Ek het groot ondernemings aangepak: ek het vir my huise gebou en wingerde geplant … Ek het vir my silwer en goud opgegaar wat ek gekry het van konings en provinsies. Ek het vir my sangers en sangeresse gewerf, talle mooi meisies met wie ek die lewe kon geniet … Alles wat ek begeer het, het ek my veroorloof; ek het my geen plesier ontsê nie (Prediker 2:4, 8, 10). Tog sê hy: Ek het die lewe gehaat … Ek het in vertwyfeling geraak oor alles waarmee ek my met soveel sorg in hierdie wêreld besig gehou het (Prediker 2:17, 20). Die Prediker stry nie net teen die vrees van sinloosheid nie, maar ook met die teleurstelling van sukses. Niks bring vir hom tevredenheid nie.

Hierdie is ‘n algemene menslike probleem. Navorsing bevind dat daar ‘n baie swak korrelasie tussen rykdom en tevredenheid is. Hoe meer voorspoedig ons samelewing word, hoe meer algemeen word depressie. Die dinge wat die mens dink vervulling sal bring, doen dit nie. Die eksterne dinge van hierdie wêreld – rykdom, mag, sukses, familie en sekerheid – lei net tot tydelike tevredenheid. Dit vervaag vinnig en laat ‘n mens leër as vantevore.

Ons moderne kultuur moedig mense aan om tevredenheid te soek deur aktiewe pogings om hulle lewe te verander – ons moenie die lewe aanvaar soos dit is nie. Geen wonder die Prediker sê: Wat is, was reeds. Wat kom, was ook alreeds. God laat weer gebeur wat vroeër gebeur het (3:15). Ons is maar weer terug waar ons vroeër was. Ons sukkel steeds met vreugde, vervulling en tevredenheid in ons lewens. Daar is altyd iets wat nie daar is nie.

Die vraag is: As ons uitvind dat daar iets skort, wat kan ons daaraan doen? Daarna gaan ons in die volgende blog kyk.

Dag 3: Op elke manier

Die Billy Graham Center for Evangelism het ‘n aantal leraars gekry om vir 25-dae stukkies te skryf vir Advent. Ons gaan oor die volgende 25 dae elke dag een van hierdie stukkies plaas.

[Advent word gewoonlik toegepas op die vier weke voor Kersfees. Latyn: ad – na + venire – kom. Dit dui dus op die naderende koms van Christus – sy eerste en tweede koms.]

Het jy al vir jouself afgevra watter maniere God gebruik om mense na Hom te trek? Kyk ons na die Skrif sien ons dat Hy feitlike elke manier gebruik. Ons lees van donkies wat praat, van vuur uit die hemel, ‘n see wat oopmaak … In Jesus se geboorteverhaal lees ons: Jesus is in Betlehem in Judea gebore tydens die regering van Herodes. Na Jesus se geboorte het daar sterrekykers uit die ooste in Jerusalem aangekom en gevra: “Waar is Hy wat as koning van die Jode gebore is? Ons het sy ster sien opkom en ons het gekom om aan Hom hulde te bewys (Matteus 2:1 – 2).

Wie was hierdie wyse manne? Was hulle Konings? Ons weet nie, maar wat ons wel weet, is dat hulle nie Jode was nie. Waarskynlik was hulle Perse. Hierdie is mense wat glad nie die Hebreeuse God geken het nie. Watter manier het God gebruik om hulle na Hom te trek? Die lees van die sterre. God trek onwaarskynlike mense op ‘n onwaarskynlike manier na Hom toe.

Met Advent baie naby is mense oor die algemeen meer oop vir gesprekke oor geloof. Ons het dus nou die geleentheid om ongelowiges op nuwe en kreatiewe maniere te bereik. Ons moet om ons kyk en vra: “Waar is my nie-Christen vriende? Wat is hulle belangstellings en passie?” Maak nie saak wat hulle passie is nie, God kan dit gebruik as ingangspunte om hulle aandag op Hom te vestig. Hy kan ook ons belangstelling en passie gebruik. Doen wat jy graag doen en doen dit saam met mense wat nog nie vir Jesus ken nie. Vra goeie vrae en vind uit waar God dalk reeds in hulle lewens aan die werk is.

Die ster wat julle sien opkom het, het hulle gelei tot dit gaan staan het bo die plek waar die Kindjie was. Toe hulle die ster sien, was hulle baie bly. Hulle het in die huis ingegaan en die Kindjie saam met Maria, sy moeder, gesien, en hulle het gekniel en aan Hom hulde gebring (Matteus 2:9 – 11)

If you add anything to Christ, you lose Christ. Salvation is in Christ alone by grace alone through faith alone. —John Stott

Psalm 31 (4)

[Ek gaan dwarsdeur van die Nuwe Testament en Psalms. ‘n Direkte Vertaling van die Bybelgenootskap van Suid-Afrika (2014) gebruik maak.] Ek gaan ‘n paar blogs aan hierdie psalm spandeer.

Billy Graham lees elke maand al 150 psalms. Vir hom het hulle duidelik ‘n besondere betekenis. Meeste van ons, ek ingesluit, lees die psalms nie so sistematies nie – ons pik hier en pik daar. Daarom het ek besluit dat ek hierdie jaar ‘n bietjie dieper in die psalms wil delf. Ek het veral gebruik gemaak van John Goldingay se drie-volume kommentaar – Psalms.

31:10 – 14:

Die gebed begin weer met ‘n pleidooi. Dit verander gou in ‘n klaaglied. Die doel van die klaaglied is om die Here te motiveer om op sy pleidooi vir genade te reageer.

¹⁰Wees my genadig, Here, want ek is in die nood; van verdriet het my oë swak geword,

ja, alles in my.

Die psalmis het steeds die probleem al het vers 8 daarna verwys asof dit al opgelos is. Die gedeelte gaan die nood waarin hy verkeer, uitspel. Sy oë het swak geword van al die kyk of verlossing gaan plaasvind. Hierdie swak word, geld nie net vir sy oë nie, maar vir die hele mens

¹¹My lewe vergaan van kommer en my jare van swaarkry;

deur my ellende word my krag geknak en teer my liggaam uit.

Vergaan en geknak hier vul swak word in die vorige vers aan Krag verwys na die krag om voort te gaan ten spyte van die omstandighede. Wat die liggaam laat uitteer, is die verlange na verlossing … en hy sien niks nie.

¹²Ek is die spot van al my teëstanders, veral van my bure, ’n verskrikking vir al my bekendes. Dié wat my op straat sien, vlug vir my.

Hier gaan dit oor die mense se houding teenoor die psalmis. Hy is ‘n spot vir die mense. Hulle aanvaar dat hy verkeerd opgetree het. ‘n Verskrikking vir al my bekendes beklemtoon verder dat die magte teen hom saamspan.

Vanweë die erns van sy haglike toestand (vs 10 – 14), die opregtheid van sy vertroue op die Here en die erns van sy roep om hulp (vs 15 – 19), herhaal die digter alles. Wees my genadig, Here. So begin die digter hierdie gedeelte. Daarna gee hy ‘n lang lys redes vir sy noodroep. Erger as dit kan dit seker nie gaan nie.

Dag 2: Wat is in ‘n Naam?

Die Billy Graham Center for Evangelism het ‘n aantal leraars gekry om vir 25-dae stukkies te skryf vir Advent. Ons gaan oor die volgende 25 dae elke dag een van hierdie stukkies plaas.

[Advent word gewoonlik toegepas op die vier weke voor Kersfees. Latyn: ad – na + venire – kom. Dit dui dus op die naderende koms van Christus – sy eerste en tweede koms.]

Beteken jou naam iets? In hierdie Kersseisoen staan die betekenis van Jesus se Naam sentraal in ons herdenking van sy geboorte. Jesus is die vertaling van die Grieks (Iesous) wat ‘n vertaling is van sy Hebreeuse Naam – Yeshua. Dit beteken “hy sal red.” Sy ouers het nie sy Naam gekies nie. ‘n Engel van die Here het vir Josef gesê dat sy vrou ‘n seun sal hê en jy moet Hom Jesus noem, want dit is Hy wat sy volk van hulle sondes sal verlos (Matteus 1:21). Jy gaan tog nie met ‘n engel van die Here stry nie!

In die Ou Testament was Yeshua ‘n algemene eienaam. In Eksodus 15:2 sing Moses: Die Here is my Yeshua” – my redding of verlossing. Toe die engel vir Josef sê dat die kind se Naam Jesus moet wees, was dit groot nuus. Die engel sê verder vir Josef: Jy moet Hom Jesus noem, want dit is Hy was sy volk van hulle sondes sal verlos (Matteus 1:21).

Kersfeestyd is ‘n goeie tyd om te onthou dat hierdie baba ons van ons sondes sou red. Josef en Maria het dit nie alles verstaan toe hulle Hom Jesus genoem het nie. Maar ek en jy ken die hele storie – van die krip tot by die kruis tot by die graf tot by die opstanding tot by sy hemelvaart. Saam met die apostels kan ons sê: God het Hom verhoog tot Leidsman en Verlosser aan sy regterhand, sodat Hy Israel tot bekering kan bring en hulle sondes kan vergewe (Handelinge 5:31). God se Kersgeskenk is die beste van alle geskenke.

Jy moet Hom Jesus noem, want dit is Hy was sy volk van hulle sondes sal verlos (Matteus 1:21).