Die seënuitsprake van Jesus (9)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseën is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

Vandag kyk ons na die elemente van geestelike treur. Geestelike treur is ‘n treur wat jy in jou hart voel oor sekere sondes as gevolg van nederigheid deurdring met hoop wat daartoe lei dat jy van daardie sondes afsien. In hierdie definisie is daar ses elemente wat wys na die karakter, fokus, motief en uitkoms van geestelike treur. Saam beskryf hulle die proses van hoe jy die sirkel van dieselfde sonde te herhaal kan breek en groei in jou Christelike lewe,

1. Geestelik treur noem spesifieke sondes

Geestelike treur het altyd ‘n duidelike fokus. Dit verskil radikaal van ‘n algemene gevoel van onwaardigheid of mislukking. Hoe kan jy ‘n algemene gevoel van onwaardigheid en mislukking hanteer? Om oor sonde in die algemeen te treur laat jou nie vorentoe beweeg nie. Geestelike treur hou verband met spesifieke sondes. Die eerste stap is om een of twee sondes by naam te noem – sonder verskoning. Soek na spesifieke sondes wat in die donker hoeke van jou siel wegkruip.

Geestelike treur begin as jy jou sondes raaksien. Maar ons sien maar sleg. Ons instink is om alles wat ons doen te regverdig. Ons sien nie onsself soos ander ons sien nie. Wat nog te sê soos God ons sien. Daarom het ons ‘n flits nodig om in die dieptes van ons siel te sien. God skyn daardie lig deur sy woord, sy Gees en sy mense. Geestelike treur begin met God se woord oop voor ons Wanneer u woord vir mense oopgaan, bring dit lig; dit gee insig aan dié wat nog onervare is (Psalm 119:130).  God gebruik dit wat jy in die Bybel lees om jou oë te open.  Leer om spesifieke sondes raak te sien as jy jou Bybel lees. Jy begin sien wat God sien. Die Bybel leer jou watter sondes om voor te kyk en die Heilige Gees sal vir jou wys waar hulle gevind kan word. Ander Christene kan jou ook help. Eerlike verhoudings met ander Christene is ‘n gawe van God. Bely julle sondes eerlik teenoor mekaar en bid vir mekaar (Jakobus 5:16). Vra iemand wat eerlik met jou oor jou lewe kan praat en luister na hom/haar.

2. Geestelike treur behels treur wat jy in jou hart voel

Hier fokus ons op die verskil tussen ‘n sonde erken en om waarlik in die hart berou te hê. Na ‘n oorwinning in ‘n geveg het koning Saul ‘n direkte opdrag van God geïgnoreer deur van die buit vir homself en sy manskappe te neem. Die koning het gejok, mislei en gesteel en toe jok hy nog om sy oortreding te probeer verberg. Toe sê hy vir Samuel: “Ek het gesondig,’ sê Saul toe. Éer my tog net voor die leiers van die volk en voor Israel deur saam met my te kom sodat ek die Here u God kan aanbid.(15:30). Saul het erken dat hy verkeerd was, maar nie uit sy hart uit nie. Treur uit die hart uit oor ‘n spesifieke sonde groei as jy sien wat dit kos vir jou, vir ander, vir Christus.

Die koste vir jouself: Dink aan die heilige lewe waartoe God jou geroep het en dat sonde jou bruikbaarheid vir God beperk het. Dit hou jou op ‘n afstand van God. Deur spesifieke sondes te noem, fokus jou aandag op wat in jou lewe moet verander.

3. Geestelike treur se bron is nederigheid.

Dit is moeilik om te treur oor ‘n sonde wat jy geniet het. Jy moet eers arm van gees word. As hy eers die eerste ring baasgeraak het, het hy momentum vir hierdie tweede ring. As jy hierdie vooruitgang in die seënuitsspake sien, sal jy weet wat om te doen as dit voel asof jy vasgehaak het.

4. Geestelike treur is deurdring met hoop

As jy jou sondes sien vir wat hulle is en wat hulle kos, besef jy dat jy in ‘n gevaarlike plek vir jou siel is. Wanhoop is nou maklik. Onthou as God sy lig op jou sondes skyn, is die doel daarvan om jou na Jesus te lei. Hy is die vriend van sondaars en in Hom sal jy hoop vind. Die oorsprong van hoop is geloof in Christus en dit wat Hy alles aan die kruis vermag het. Judas wat Jesus verraai het, het spyt gekry oor wat hy gedoen het, hy gooi die geld wat hy gekry het terug in die tempel, hy het weggeloop en hom gaan hang (Matteus 27:5). Judas kyk na sy optrede met spyt, maar hy kyk nie na Jesus Christus vir vergifnis nie. Sy treur lei na wanhoop. Die Heilige Gees lei nooit ‘n mens na wanhoop nie. As bedroefdes, en tog is ons altyd opgeruimd (2 Korintiërs 6:10). Ons vind dat ons dikwels sê: Ek ellendige mens (Romeine7:24), maar as ons na Christus kyk, kan ons ook sê: Aan God die dank (Romeine 7:25). Hy doen dit alles deur Jesus Christus ons Here (Romeine 7:25). As jy geestelik treur, hou jou een oog gefikseer op jou sonde en die ander oog op die kruis. For every look at yourself, take ten looks at Christ (Robert Murray M’Cheyne).

5. Geestelike treur gebeur by die kruis

Hoe kan jy ‘n proses begin waar jy haat wat jy vantevore liefgehad het. Jy begin deur spesifieke sondes te identifiseer en gaan verder deur die koste te bereken  wat deur , ander mense en deur die Here betaal word. Die proses kry momentum as jy met leë hande voor God staan. Al hierdie dinge lei na die kruis. Dit is die plek waar ons geestelik treur. Om ons sondes te bevestig en te bely lei jou na geestelike treur, maar jy weet dat die liefde van Christus jou verder sal neem. Kyk na die kruis en sien wat jou sonde aan Jesus gedoen het, maar belangriker, sien wat Jesus vir jou gedoen het aan die kruis en jy sien hoe baie Jesus jou liefgehad het. Dit versterk jou in jou stryd teen sonde meer as enigiets anders. Learn this lesson, not to trust Christ because you repent, but trust Christ to make you repent (C. H. Spurgeon).

Alles wat tot dusver gesê is, word by die kruis gedoen.

6. Geestelike treur sal maak dat jy jou sondes versaak

God has not promised to forgive one sin that you are not willing to forsake ( Alan Redpath). As ‘n sonde ‘n gewoonte geword het-selfs ‘n verslawing – sal om geestelik te treur die oplossing wees om die verslawing te breek.

Volgende keer hanteer ons die volgende seënuitspraak van Jesus.

Die seënuitsprake van Jesus (8)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseën is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

Ons kom nou by die tweede ring van ons beeld aan: Geseënd is dié mense wat treur, want hulle sal die aarde erf. Dit gaan oor die krag van Geestelike treur. Dit lyk nie baie belowend nie. Jesus praat hier van ‘n tipe treur wat ‘n seëning is. Jy moet die kuns van geestelik treur leer as jy wil vooruitgaan op die Christelike pad. Wat is hierdie treur wat Jesus sê geseënd is? Daar is drie tipes treur en ons moet tussen hulle onderskei.

1. Natuurlike treur.

Dit is treur as gevolg van die verlies aan ‘n geliefde. Hierdie tipe treur is natuurlik en reg. Jesus het by die graf van sy geliefde vriend Lasarus getreur (Johannes 11:35). Dit is nie waarvan Jesus in die seënuitsprake praat nie. Hy praat hier van eienskappe wat ons pro-aktief moet najaag. Dit is toestande van die hart wat met seën gelaai is.

2. Sondige treur

Dit is ‘n verlange na iets wat God nie vir jou gegee het nie. God het nooit bedoel dat jy dit moet hê nie. ‘n Goeie voorbeeld hiervan is koning Agab (1 Konings 21). God het aan hom ;n paleis en koninkryk gegee. Buite die grense van die paleisgronde was daar ‘n wingerd wat aan ‘n arm man, Nabot, behoort het. Agab het die wingerd begeer. Nabot wou nie sy wingerd verkoop nie dit was erfgrond wat die Here aan sy voorouers gegee het. Uiteindelik word Nabot vermoor. Dit is nie wat die Here bedoel het toe Hy gesê het dat die mense wat treur geseënd sal wees nie.

3. Ware geestelike treur

Dit is treur oor ons sondes teenoor God. Dit lei tot berou.  Al het ek julle ook deur my brief hartseer gemaak, is ek nou nie daaroor jammer nie. … nou is ek egter bly, nie omdat ek julle vir ‘n kort rukke hartseer gemaak het nie, maar omdat ek julle so hartseer gemaak het dat julle tot inkeer gekom het (2 Korintiërs 7:8 -9). Geestelike treur is iets wat Christene vandag moet herontdek. Dit is die sleutel om die sogenaamde gewoonte-sondes aan te pak – jy is verslaaf aan ‘n sekere soort gedrag. Berou in die Bybel gaan altyd met ‘n verandering van rigting gepaard. Jesaja beskryf ware berou soos volg:

Vra na die wil van die Here terwyl Hy nog te vinde is, roep Hom aan terwyl Hy nog naby is. Die goddelose moet sy verkeerde pad laat staan, die slegte mense sy slegte planne. Hy moet Hom tot die Here bekeer, moet hom tot ons God bekeer.. Hy vergewe altyd weer (55:6 – 7).  Om die Here te soek beteken ons doen afstand van dinge en gedagtes wat Hom nie eer aandoen nie, En jy keer na Hom terug. God roep ons op tot ‘n beslissende verandering van gedrag en rigting. Nogtans die hegte fondament, staan vas met die woorde daarop gegraveer; “Die Here ken dié wat aan Hom behoort,” en elkeen wat sê dat Hy aan die here behoort moet wegbreek van die ongeregtigheid.” (2 Timoteus 2:19). Geloof en berou is twee kante van dieselfde muntstuk en hulle hoort bymekaar. Vandag is daar baie mens wat sê dat hulle Jesus aanvaar het, sonder dat hulle die nuwe lewe in Jesus Christus ervaar het. Hulle voel nie arm van gees nie, hulle treur nie oor hulle sondes nie, hulle onderwerp hulle nie aan God nie. Hulle leef op ;n afstand van God se seëninge. Om geloof te vervang met die aanvaarding van sekere waarhede is ‘n ramp vir die Christendom in ons tyd.

Die seënuitsprake van Jesus (6)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe, wat ons almal soek, te kan kry. Ek gaan ‘n hele paar blogs aan hierdie boek spandeer.

Seëninge vir mense met leë hande

Ons is nog besig met di eerste seëning: Geseënd is dié wat geestelik arm is, want aan hulle behoort die koninkryk van die hemele. Sewe seëninge vir mense met leë hande:

1. Leë hande stel jou vry van die idee dat God jou iets skuld.

God is jou Skepper. Dit beteken dat jy aan Hom behoort en dat jy ‘n plig teenoor Hom het. In ons huidige kultuur is dit maklik om te vergeet en te dink dat God jou iets skuld. Hy moet aan ons verwagtings voldoen. Nou is jy op ‘n pad van bitterheid, teleurstelling en gegriefdheid. Die seëninge van God behoort nie aan diegene wat hulle eise stel nie, maar aan dié wat arm van gees is en hulle voor Hom nederig hou. Die persoon wat arm van gees is sê: “Ek skuld God alles en ek kan Hom niks gee nie. God skuld my niks nie en Hy het alles vir my gegee.”

2. Leë hande stel jou in staat om te vra en in gebed te ontvang

Mense wat bewus is van hulle eie behoeftes het ‘n aktiewe gebedslewe en as hulle bid vra hulle. Die Fariseër in sy gebed in Lukas 18:9 – 14 vra niks nie. Sy hele gebed gaan oor homself. Hy vra vir niks nie en hy ontvang niks nie. Die tollenaar vra van Jesus, want hy ken sy eie behoeftes. Hy is arm in gees.

3. Leë hande stel jou in staat om beproewing te verdra

Geliefdes, moenie verbaas wees oor die vuurproef waaraan julle onderwerp word nie. Dit is nie iets vreemds wat met julle gebeur nie (1 Petrus 4:12).  As ek trots is val ek onder God se dissipline. Die Here het ‘n afsku aan ‘n verwaande mens; dit staan vas: so ‘n mens sal nie ongestraf bly nie (Spreuke 16:5). Nederigheid gee aan jou krag om sterk te wees in moeilike tye.

4. Leë hande sal jou liefde vir ander voed

Trots fokus op jouself. Die grootste storie ooit van versoening van ‘n gebroke verhouding is die storie van God se versoening met ons deur Jesus Christus. Hy het Homself verneder deur die gestalte van ‘n slaaf aan te neem (Filippense 2:7). Hierdie selfde gesindheid moet ook in ons wees. Liefde word versmoor deur trots soos blomme deur onkruid versmoor word. Liefde groei en floreer in ‘n nederige hart.

5. Leë hande versterk jou om versoeking te oorwin

Ons het reeds gesê dat om arm van gees te wees, is die toegang tot ander seëninge. Net so is trots die toegang tot ander sondes. Op hoogmoed volg ondergang en selfvernietiging volg die val (Spreuke 16:18). As trots tot ‘n val lei, sal nederigheid jou help om te staan. Waak en bid dat julle nie in die versoeking kom nie. Die gees is gewillig, maar die vlees is swak (Matteus 26:41).

6. Leë hande verlos jou van die tirannie van “self.”

Self maak jou ‘n slaaf op meer as een manier. Sommige mense is in selfliefde vasgevang. Ander verloën hulleself . Beide selfliefde en selfverloëning is uitdrukkings van dieselfde ding: fokus op jouself.. Boasting is evidence that we are pleased with self; belittling that we are disappointed in it (A W Tozer).  Self is in beide gevalle in beheer en self is altyd ‘n tiran. As jy nederig is oorwin jy die tiran

7. Leë hande lei jou om Jesus te aanbid

Hoe meer jy in jouself sien, hoe minder sien jy in Jesus. Christ is never precious till we are poor in spirit. We must see our own wants before we can perceive his wealth; pride blinds the eyes and sincere humility must open them, or the beautitudes of Jesus will be forever hidden from us (C H Spurgeon). Mense wat ver van God is, maak baie van hulleself; mense wat naby aan God is, maak baie van Jesus Christus.

Die seënuitsprake van Jesus (5)

In die begin van die bergrede lees ons dat Jesus teen die berg opgegaan het, gaan sit het en Hy het hulle geleer:

Geseënd is dié wat geestelik arm is, want aan hulle behoort die koninkryk van die hemele.

Geseënd is dié mense wat treur, want hulle sal die aarde erf.

Geseënd is die sagmoediges, want hulle sal die nuwe aarde ontvang.

 Geseënd is dié wat honger en dors na geregtigheid, want hulle sal versadig word.

Geseënd is die barmhartiges, want hulle sal barmhartigheid ontvang.

Geseënd is dié wat suiwer van hart is, want hulle sal God sien.

Geseënd is die vredemakers, want hulle sal kinders van God genoem word.

Geseënd is die mense wat vervolg word ter wille van geregtigheid, want aan hulle behoort die koninkryk van die hemele.

Matteus 5:3 – 10 (Nuwe Testament en Psalms , Direkte Vertaling. Bybelgenootskap van Suid-Afrika. (2014).

Colin S. Smith het ‘n baie interessante boek geskryf oor die seënuitsprake van Jesus: Momentum -Pursuing God’s Blessings Trough the Beatitudes (2016).  Die boek sê wat ons kan doen om die momentum in die Christelike lewe wat ons almal soek, te kan kry. Ek gaan ‘n hele paar blogs aan hierdie boek spandeer.

Ek bring niks nie. Die raaisel van met leë hande te kom

Geseënd is dié wat geestelik arm is, want aan hulle behoort die koninkryk van die hemele.

Ons lees die Bybel gereeld. Goed. Maar wat het ons gesien? Ons lees deur die Bybel  en beweeg verby die lewensveranderende waarhede oral om ons, sonder om beïnvloed te word. Wysheid tree anders op. Sy stop by ‘n meesterstuk. Kyk daarna totdat die skoonheid deur haar oë in haar siel gaan. Hierdie uitsprake is ‘n plek waar ons langer moet vertoef..

Geseënd is dié wat geestelik arm is. Wat beteken dit? As om arm te wees, sou beteken dat ons geseën word, sou dit maklik wees: sien af van jou rykdom. Die probleem is dat rykdom en armoede elk sy eie versoekings het: moet my nie arm maak of ryk maak nie, gee my net die kos wat ek nodig het, sodat ek nie te te veel het en U verloën en sê: “Wie is die Here?” nie, en sodat ek nie arm word en steel en my God se Naam oneer aandoen nie (Spreuke 30:8 – 9). Geld is ‘n gawe van God, maar meer of minder gaan nie maak dat God jou seën nie. Die Evangelie volgens Lukas het ‘n verkorte weergawe van hierdie uitsprake. Hy sluit net vier uitsprake in van dié in Matteus maar voeg dan vier ellende-uitsprake” by

. Lukas sê: gelukkig is julle wat arm is, want aan julle behoort die koninkryk van God (6:20). Hoe lyk arm van gees in die ware lewe? Dit het niks te doen met vals nederigheid wat jou God-gegewe gawes ontken nie. Dit beteken jy erken jou armoede voor God; dat jy nie die lewe geleef het waartoe God jou geroep het nie en sonder Hom kan jy dit ook nie doen nie. Dit is ‘n houding waarin jy erken dat sonder Hom is jy tot niks in staat nie.

Om arm in gees te wees, is die eerste teken van ‘n persoon wat met God loop. Jy mag wonderlike talente hê, maar jy weet jy het nie wat Hy van jou vereis nie.

‘n Profeet

Jesaja was ‘n begaafde prediker. In sy bediening het hy ‘n ondervinding gehad waar hy God op ‘n hoë troon sien sit het. Die onderste van sy kleed het die tempel gevul. Serafs was om Hom en het mekaar telkens toegeroep: Heilig, heilig, heilig is die Here die Almagtige. Die hele aarde is vol van sy magtige teenwoordigheid. As die serafs geroep het, het die deure en kosyne gerammel. Jesaja die profeet roep uit: dit is klaar met my! Ek is verlore! Elke woord oor my lippe is onrein … En nou het ek die Koning gesien, die Here die Almagtige. As Jesaja sê dat hy in die teenwoordigheid van God verlore is, waar laat dit ons. Die wêreld het Jesaja se gawes en talente gesien, maar in die teenwoordigheid van God sien Jesaja net sy eie nood. In die teenwoordigheid van God word hy arm van gees. As God naby kom, moet trots wyk.

Om nederig te wees is ‘n selfbevestigende kultuur. Om arm van gees te wees, gaan teen die grein van ons kultuur in. Wat is vandag se kultuur? Express youtself, beliefve in yourself, realize the powers that are innate in yourslef and let the world see and hear them (Martyn Lloyd-Jones). Vandag span almal saam om vir ons te sê hoe goed ons is. Maar die Bybel sê: Vertrou volkome op die Here en moenie op jou eie insigte staat maak nie (Spreuke 3:5). Jesus sê nie vertrou in jouself nie, maar: Glo in God; glo ook in My (Johannes 14;1). Die persoon wat ver van God is, sê: “Ek kan dit doen. Ek kan elke uitdaging die hoof bied.”  Die persoon wat met God loop, sê: Ek het die Here altyd by my: omdat Hy by my is, sal ek nie struikel nie (Psalm 16:8).  Hierdie twee stellings verskil hemelsbreed.

Om arm van gees te wees, is die hek na al die ander seëninge. Watter seën word aan dié wat arm van gees is belowe? Aan hulle behoort die koninkryk van die hemele. Let op hierdie is in die teenwoordige tyd geskryf – nie eendag nie, maar nou. Al die ander seëninge word vir die toekoms beskryf. Ons huige lewe is ver verwyder van die hemel. Watter smaak kry diegene wat arm van gees is van die hemel. Hulle ondervind die grootste seën – die teenwoordigheid van GOD: Ja,al is die Here hoog verhewe, hy gee om vir die nederige, maar hy sien van ver af deur die hoogmoedige (Psalm 138:6). Hierdie belofte van God se teenwoordigheid by dié wat arm van gees is open die deur van hoop.

 It is worthy of  …mention this first blessing is given rather to the absence than the presence of paiseworhty qualities…. Not what I have but what I have not, is the first point of contact between my soul and God (Charles  Spurgeon).  Solank as wat ons hande vol is, kan ons nie ontvang nie. Leë hande is waar die seën van God begin.