Laat sy liefde jou lei: “Ek kan nie bid nie!”

Laat sy liefde jou lei: “Ek kan nie bid nie!” – Milanie Vosloo

Die Gees van God help ons ook nog boonop met ons onbeholpenheid. Ons weet immers nie mooi wat en hoe ons moet bid nie. Maar die Gees self neem ons gebedsbehoeftes voor God op met versugting wat nie in menslike taal verwoord kan word nie. Romeine 8:26

 

Daar’s tye wat ons eenvoudig nie kan bid nie. Dis asof daar ‘n groot muur tussen ons en God is en ons wil uitroep: “Here, ek kan nie met U praat nie! Woorde wil nie vorm uit my seer nie. My gedagtes spring soos popcorn in ‘n mikro rond. Miskien … wíl ek nie bid nie? … O Gees, bid asseblief vir my …”*

Die oomblik as jy so jou afhanklikheid verklaar, kan jy weet: Dié God wat die dieptes van elke hart deurgrond, weet wat die Gees in die oog het – dat Hy in harmonie met God se wil vir die gelowiges intree. (Rom 8:27) Hoor jy dit? En besef jy dat die liefdevolle Gees van God jou hart verstaan en dat Hy in sulke tye vir jou bid? Jy hoef dus nooit te wanhoop wanneer jy nie kan bid nie. Jy kan in sulke tye maar net stil word in die teenwoordigheid van God, jou gedagtes vrylik laat vloei en toelaat dat die Gees jou gedagtes vir jou vorm.

Heilige Gees, ek kan nie bid nie. Sal U dit asseblief vandag vir my doen?

*Uit: In Gesprek met God, Milanie Vosloo Uitgegee deur Lux Verbi BM

 

Bybelkennis gaan gereeld gedeeltes uit Milanie Vosloo se boek: Laat sy Liefde jou Lei, publiseer. Ons dank aan Milanie Vosloo en CUM vir hierdie vergunning.

 

Vir meer inligting oor CUM, besoek gerus hulle webblad by www.cumuitgewers.co.za 

 

milanie_boeke_advertensie

 

  Skrywer: Milanie Vosloo

DIE VERHAAL VAN JESUS DEUR DIE OË VAN MARKUS (3)

DIE VERHAAL VAN JESUS DEUR DIE OË VAN MARKUS (3) – Jan van der Watt

Deel 2 – die inhoud van Markus 1:1-8:21

Ons gaan nou sistematies deur die Evangelie beweeg – ons gaan kyk watter klein vertellings daar is en hoe dit saamhang om die boodskap van die groter episode te vorm. Laat ons begin.

 

NOTA: omdat ons tyd min is, is hierdie net ‘n oorsig. Net van die hoofpunte word genoem. As jy meer tyd het, lees die Evangelie in meer detail (met ander woorde, lees die dele in die Bybel deur, merk wat jou tref, ens.).

Markus 1

a) Veral twee dinge is belangrik om op te let:

  • Jesus word gedoop “gesalf” om met sy werk te begin (1:9-11)
  • Jesus ontmoet sy vyand (1:12-13)
  • Jesus kry sy groep mense (dissipels) bymekaar (1:16-20).

  • Dan doen Jesus wat Hy gekom het om te doen – Hy preek (1:14-15, 32-39) en Hy genees (1:21-45).

b) Maar daar is ‘n verhaal agter die verhaal: kyk wat sê almal:

  •  

    Moet vir niemand sê nie… hierdie opdrag kom ‘n paar maal in Markus voor. Ons noem dit die “Messiasgeheim”. Die rede daarvoor hang saam met ons “wipplank” styl waarin Markus geskryf is. In die eerste deel word Jesus as buitengewoon suksesvol geteken. Hy doen wonders en behaal sukses. As jy nou oor Jesus praat, sal jy net ‘n boodskap van wonders en sukses hê: “Jesus die wonderwerker” wat alles net altyd goed laat gaan. MAAR in die tweede deel kry ons ‘n ander prentjie. Jesus word gevang en hang magteloos aan die kruis. Hy ly en word deur sy eie mens in die steek gelaat. Dit is ‘n ander lydende Jesus hierdie. As jy nou moet vertel wie Jesus is, is Hy nie die wonderwerker nie, maar die Een wat ly. Wat is die ware prentjie: beide dele – Jesus is die Seun van God wat wonders doen, maar ook die mens wat vir ons ly. Die twee fasette vorm saam die boodskap oor wie Jesus is. Hy is Seun van God wat as mens vir ons kom ly. Daarom moet jy nie te gou praat nie… wag tot jy die hele boodskap het, anders verkondig jy dalk net die helfte van die boodskap. Bly stil tot jy die “hele” Jesus ontdek het. Dan kan jy praat, soveel jy wil.

    Ons gaan nou na mekaar die verskillende episodes hanteer.

     

    Skrywer: Prof Jan van der Watt

     



DIE VERHAAL VAN JESUS DEUR DIE OË VAN MARKUS (2)

DIE VERHAAL VAN JESUS DEUR DIE OË VAN MARKUS (2) – Jan van der Watt

ii) Hoe lyk die Markusevangelie op die oog af?

 

a) Wat is die doel?

  • Daar is geen geboorteverhaal van Jesus nie, wat beteken dat die evangelie sonder ‘n geboorteverhaal van Jesus en sonder verhale van sy kinderdae vertel kan word. Die “evangelie” begin hier met Johannes die Doper.
  • .
  • en kyk wat het Hy gesê). Dit sluit sy preke, sy wonders en ook sy dood en opstanding in.

    • b) Hoe lyk die indeling van Markus?

    As mens sommer net deur Markus blaai, lyk dit effens deurmekaar, want dit is preke, wonders, gelykenisse, wat mekaar so afwissel. Maar ‘n mens moet jou nie laat bluf nie. Daar is ‘n baie sistematiese patroon in die Evangelie.

    Markus het ‘n “wipplank” struktuur.

    • begin dinge anders lyk. Jesus begin in die rigting van Jerusalem gaan en die skaduwee van die kruis begin oor Hom val. Die opposisie word al hoe groter tot dit Hom aan die kruis laat vasspyker. Die “wipplank” gaan af en af.

    Die twee sye van Jesus – die op en af – vertel vir ons wie die Seun van God (Mk 1:1) presies is. Die een sy kan nie sonder die ander sy nie, anders het ‘n mens nie ‘n volledige prentjie van die Seun van God nie.

    c) Markus is ‘n “periodiese vertelling”

    Daar is baie maniere om ‘n storie te vertel. Markus het gekies om dit in sulke blokke (periodes) te vertel. Hy sit ‘n klomp klein stories en gebeure saam om een sentrale boodskap te beklemtoon. Jy moet dus die klein stories en gebeure saam lees en in verhouding met mekaar verstaan om die groter boodskap te snap. So is daar paar sulke “blokke” of periodes wat elkeen ‘n sentrale boodskap het. Uiteindelik moet ons weer die boodskap van die afsonderlike “blokke” saam lees om die hele boodskap van Markus te snap. Ons gaan dit in die volgende twee dele so doen.

     

    Dus:

     

     

     

     

    volgende keer begin ons na die inhoud van die Markusevangelie kyk.

     

    Skrywer: Prof Jan van der Watt

     



    Laat sy liefde jou lei: Nuwe mens. Genademens.

    Laat sy liefde jou lei: Nuwe mens. Genademens. – Milanie Vosloo

    Van een ding is ek seker: dit is God wat al hierdie dinge met julle laat gebeur. Hy sal dit vir julle bly doen tot op die dag wanneer Christus Jesus weer kom. Jy sal julle nooit in die steek laat nie, daarvan kan julle seker wees. Filippense 1:6

     

    Dis darem maar ‘n groot stuk genade dat ons Vader nie net die gate van ons lewens toestop nie! Hoe wonderlik dat Hy kies om ons eerder keer op keer óór te maak! Ons God neem élke dag ons vuil lap-lewens sodat Hy dit kan weggooi en ons weer met ‘n splinternuwe genadedag kan bederf!

    Die Ontwerper-van-harte het jou innig lief. Só lief dat Hy, ten spyte van énige iets, daagliks wéér vir jou die geleentheid gee om binne sy perfekte patroonafmetings vir jou lewe te leef. Hy weet immers dat, wanneer jy binne sy wil vir jou lewe leef, jy elke dag sal groei in jou geloof, jou liefde, jou menswees en jou geluk. Ongeag al die gisters van jou lewe, is daar geen rede waarom jy ooit ‘n uitgetorringde en ongelukkige mens hoef te bly nie. God kan en wil elke nuwe môre weer jou hart nuut maak in sy volmaakte liefde..

     

     

    Bybelkennis gaan gereeld gedeeltes uit Milanie Vosloo se boek: Laat sy Liefde jou Lei, publiseer. Ons dank aan Milanie Vosloo en CUM vir hierdie vergunning.

     

    Vir meer inligting oor CUM, besoek gerus hulle webblad by www.cumuitgewers.co.za 

     

    milanie_boeke_advertensie

     

      Skrywer: Milanie Vosloo