Die belang van afgode

Find your spiritual gift, and remember it is always a key, never a lock –  Doug Jackson

Die belang van afgode

Martin Luther (Treatise on Good Works) lê vir ons die tien gebooie uit. Hy sê dat om geen afgode voor God se aangesig te hê (die eerste gebod) dieselfde beteken as vryspraak deur geloof in Jesus Christus alleen. Om te sê dat ons geen ander gode as God het nie en om te sê ons moenie probeer om verlossing sonder Jesus Christus te kry, is dieselfde ding. God sê: “Omdat Ek alleen God is moet jy jou volle geloof en vertroue in My stel – in niemand anders nie.”

Luther sê in wese dat enigiets waarna ons meer as na Christus kyk vir ons vreugde, betekenis en hoop is per definisie ‘n god. Dit is iets wat ons aanbid, dien en op vertrou met ons hele lewe en hart. Afgode kan goeie dinge wees – familie, beroep, romanse, talent, ens – wat ons verander in dié dinge wat vir ons die vreugde en betekenis gee wat ons nodig het. ‘n Duidelike teken van afgodery is die buitengewone angs en ontmoediging wat ons ondervind as ons afgode gedwarsboom word.

Luther glo ook dat ons geen een van die ander gebode verbreek tensy ons ook die eerste gebod verbreek nie. Die wortel van alle sonde is afgodery; afgodery beteken ons kyk nie na Jesus vir ons vryspraak en verlossing nie. Die grond vir elke sonde is om nie die evangelieboodskap dat Jesus, en Jesus alleen, ons vryspraak, geregtigheid en verlossing is, te glo nie.